Хурдан морины 6 насны болон эрлийз 3 насны уралдаанд нийт 30 хүүхэд мориноосоо унасан нь өмнөх оноос 48 хувиар багассан байна. Үүнээс 4 хүүхэд зөөлөн эдийн гэмтэл авчээ. Хүүхдүүд хугарал, мултрал шархны гэмтэл гараагүй учраас эмнэлэгт хүргээгүй, эцэг, эх харгалзан хамгаалагчдад хүлээлгэн өгсөн байна.
Тухайн өдрүүдэд нийт 85 дуудлагад үйлчилсэн бөгөөд энэ нь өмнөх оноос 23.2 хувиар нэмэгджээ. Баяр наадмын өдрүүдэд олныг хамарсан осол, өвчлөл гараагүй гэдгийг Нийслэлийн Түргэн тусламжийн төвийн захирал Ц.Пүрэвдаш мэдээллээ.
Ц.Тэнгисболд http://www.shuud.mn/content/read/471207.htm
Category: Ноцтой мэдээ
Хятад иргэнээс их хэмжээний хахууль авч, улмаар газар эзэмших эрхийн гэрчилгээ олгож байгаад үйлдэл дээрээ баригджээ. Тодруулбал, долоодугаар сарын 10-ны өдөр Баянзүрх дүүргийн өмч, газрын харилцааны албаны дарга Б БНХАУ-ын иргэн Л-ээс 200 гаруй сая төгрөгийн хээл хахууль авч байхад нь Эрүүгийн цагдаагийн газрын Эдийн Засгийн гэмт хэрэгтэй тэмцэх хэлтсийн алба хаагчид үйлдэл дээр нь саатуулсан байна.
Тэрээр уг хэргийг үйлдэхдээ өөрийн удирдлага дор ажилладаг иргэн Б,Ч, П нартай үгсэн тохиролцож, иргэдийн цахим үнэмлэхийг ашигласан аж. Ингээд тэрээр БНХАУ-ын иргэн Л-д Баянзүрх дүүргийн Их цуурайтын аманд газар эзэмших эрхийн гэрчилгээ олгожээ.
Цагдаагийн алба хаагчид сэжигтнээс бэлэн мөнгө болон бусад нотлох баримтыг хураан авч АТГ-тай хамтран эрүүгийн хэрэг үүсгэн шалгаж эхэлсэн байна.
П.Мөнхжаргал http://eagle.mn/r/14186
Category: Гол мэдээ / Ноцтой мэдээ
Category: Онцлох / Ноцтой мэдээ
Монгол Улсын анхны Ерөнхийлөгч асан П.Очирбатыг хөрөнгө орлогын мэдүүлгээ буруу мэдүүлсэн хэмээн АТГ-аас шалгаж эхлэсэн байна.
Түүнтэй холбоотой цалингийн асуудал олны анхаарлыг татаад байгаа юм. П.Очирбатаас гадна Хөгжлийн банкны Гүйцэтгэх захирал Н.Мөнхбатыг АТГ-аас шалгаж байгаа бөгөөд түүнийг "Чингис", "Самурай" зэрэг бондын хөрөнгийн зарцуулалтыг завшуулсан , байрын сарын түрээс өндөр, цалин нь хэт өндөр гэх мэт асуудлуудад холбон шалгаж байсан юм.
Тэгвэл уг асуудалтай холбоотойгоор Хөгжлийн банкны гүйцэтгэх захирал Н.Мөнхбатын ХОМ-ыг шалгаж эхэлсэн байна. Тэрбээр энэ оны хоёрдугаар сарын 15-нд ХОМ-ээ АТГ-т мэдүүлсэн.
Улмаар түүний ХОМ-ийг үнэн зөв мэдүүлсэн, хөрөнгийн эх үүсвэр зэргийг АТГ-аас шалгаж эхэлжээ.
