Scandal.mn

БНХАУ-ын археологчид нийслэл Бээжин хотын захын дүүргүүд орших бүс нутгаас эртний Хань гүрний үед буюу манай тооллын өмнөх 25-220 оны үед холбогдох 1000 гаруй булш болон эртний хотын хана байж болох эд өлгийн зүйлсийг олжээ. Ханын өндрийн хэмжээ ойролцоогоор 600 метр орчим байгаа юм. Зарим эд өлгийн зүйлс нь археологчдын тодорхойлж байгаа үеэс ч эртний буюу манай эриний өмнөх 221 онд холбогдож байж болох таамгийг дэвшүүлж байна.

Археологичид булшнаас керамик шаазан, малын шороон баримал, зэс багаж хэрэгсэл болон толь зэрэг бараг 10 мянгаад төрлийн эд өлгийн зүйлсийг археологийн олборлолтын үеэр олж илрүүлжээ. Энэхүү эртний эд өлгийн зүйлс олдсон газар нь нийслэл Бээжин хотын шинээр байгуулагдаад байгаа Тонгжу хэмээх захын хорооллын дүүрэг бөгөөд, төвөөс 24 км орчим зайтай оршдог. Бээжин хотын удирдлагын зүгээс бид энэ долоо хоногт эд өлгийн зүйлсийг нарийвчилж шалган, эргэн тодорхой мэдээллийг өгнө гэдгийг хэлж байгаа юм.

Монголын мэдээ
Б.Даваахүү

More 589 0

Category: Дэлхий дахинд

Хан-Уул дүүрэг “цайны цаг”-гүйгээр иргэддээ шуурхай үйлчилдэг боллоо

2016/12/15

Хан-Уул дүүрэг “цайны цаг”-гүйгээр иргэддээ шуурхай үйлчилдэг боллоо

Author: saikhnaa on 15-12-2016, 15:21

Төрийн үйлчилгээ хүнд суртал, явдал чирэгдэлтэй байх ёсгүй. Гэвч тийм байх ёстой юм шиг байсаар дасал болчихсон байна. Тэгвэл Хан-Уул дүүрэг ийм дасал болсон хэвшлийг эвдэж, төрийн үйлчилгээг иргэдэд хөнгөн, шуурхай, чирэгдэлгүй хүргэх үе шаттай ажлуудыг хэрэгжүүлсээр байна.

Тэд төр захиргааны төв байрын өмнөх авто зогсоолыг үйлчилгээ авахаар ирсэн иргэдэд нээлттэй болгож өгсөн. Тэгвэл өнөөдрөөс эхлэн Хан-Уул дүүргийн байранд үйл ажиллагаа явуулж буй төр захиргааны хэлтэс албад цайны цаг харгалзахгүйгээр иргэддээ үйлчлэхээр болсон байна.

Ер нь эд ачаалалтай ажлын оргил цагт төрийн байгууллагууд цайны цаг гэж бүтэн цагаар хаалгаа барих нь бий. Тэгвэл Хан-Уул дүүрэг энэ хэвшлийг халж, иргэддээ төрийн үйлчилгээг шуурхай, тасралтгүйгээр хүргэж эхэллээ. Хан-Уул дүүргийн удирдлагуудын гаргасан уг шийдвэрийг иргэд талархан хүлээн авч байна.

More 888 1

Category:

Хөгжлийн банк 28.5 тэрбум төгрөгөөр оффис худалдаж авав

2016/12/15

Хөгжлийн банк 28.5 тэрбум төгрөгөөр оффис худалдаж авав

Author: saikhnaa on 15-12-2016, 14:07

Монгол Улсын Хөгжлийн банкны төлөөлөн удирдах зөвлөл хуралдаж, ажлын байраа шинэчлэх тогтоол гаргажээ. Тодруулбал, Макс таурт оффисоо өөрчилж, Нэгдүгээр эмнэлгийн хажууд байрлах Худалдаа хөгжлийн банкны барилгаас 3294 м.кв талбайтай үл хөдлөх хөрөнгийг 25.8 тэрбум төгрөгөөр худалдан авсан байна. Өөрөөр хэлбэл нэг м.кв-ийг 8652095 төгрөгөөр худалдан авчээ.

Хотын төв, зэрэглэл өндөр, стандарт шаардлага хангасан энэ тэр гээд ярих байх л даа. Гэхдээ л нэг м.кв-ийг арай л өндөр үнээр үнэлчихсэн юм биш биз. Хөгжлийн банк уг мөнгийг өөрийн халааснаас гаргаж байгаа бол гоншгохон зүйл алга. Даанч энэ мөнгө иргэдийн халааснаас гардаг учраас л хайран санагдав. Төрийн өмчийн маш олон барилгууд байдаг. Заримыг нь хувийн компаниуд түрээслэх нь бий. Эдгээр барилгуудаас төрийн өмчийн гэгдэх Хөгжлийн банкандаа авч өгөөд иргэдийн халааснаас 28 тэрбум төгрөг хэмнэх боломжтой байж дээ.

Гэвч тийм хүсэл манай түшээдэд, банкны ТУЗ-ийнхөнд байсангүй. Стандарт, шаардлага ярьж байгаад л дэлхийд ч ахадмаар үнээр талбай худалдаад авчихсан байна шүү дээ.

Үндэстэн агентлаг

More 350 0

Category: Гол мэдээ /

Галзуу хурд -8 киноны трэйлэр хамгийн их хандалттай трэйлэр болжээ

2016/12/15

Галзуу хурд -8 киноны трэйлэр хамгийн их хандалттай трэйлэр болжээ

Author: zulaa on 15-12-2016, 13:15

More 612 0

Category: Видео

УУЛ УУРХАЙН САЛБАРЫГ “САЙДГҮЙ” БОЛГОСОН САЙД

2016/12/15

УУЛ УУРХАЙН САЛБАРЫГ “САЙДГҮЙ” БОЛГОСОН САЙД

Author: saikhnaa on 15-12-2016, 12:30

Дэлхийд нүүрлэсэн эдийн засгийн хямралыг Монгол Улс хохирол багатайгаар давж гарахын тулд байгалийн баялгаа эдийн засгийн эргэлтэд оруулах явдал хэмээн тодорхойлсон нь бий. Мэдээж хэрэг энэ нь ачааны хүндийг уул уурхайн салбарынхан тэр дундаа шинэчлэгдэж, бодлого үйл ажиллагаа нь өргөжин тэлсэн Уул уурхай, хүнд үйлдвэрийн яам үүрч таарна. Харамсалтай нь уул уурхайн салбар юун ачаа үүрч зүтгэх, агуйнхаа мухарт дугжиртал хурхирах баавгай адил ичиж орхисон гэлтэй. Сайд нь томилогдоод дөрвөн сар илүү хугацаа өнгөрчихөөд байгаад сайдгүй юм шиг л сураггүй байх юм. Батлан хамгаалах яам лугаа адил мэргэжлийн бус сайдыг орой дээрээ залчихаад өнөөх нь салбартайгаа танилцах гэж цаг барж байгаа бол өөр хэрэг.

Ц.Дашдорж уг нь мэргэжлийн тодруулбал өрөмдлөгийн технологич инженер хүн. Улстөрчийн хувьд ч, хашиж байсан албан тушаалуудыг нь ч аваад үзсэн эдүгээ сайдаар ажиллаж байгаа эрхмүүдээс тохой илүү явахаар туршлага хуримтлуулсан нэгэн билээ. Үүнийг намтар нь бэлхэнээ гэрчлээд өгөх аж. Засгийн газрын вэб хуудаснаа Цэдэвийн Дашдорж нь 1985 онд Нийслэлийн 10 жилийн 12 дугаар сургууль, 1990 онд Политехникийн дээд сургуулийг төгссөн. Өрөмдлөгийн технологич инженер мэргэжилтэй.

Тэрбээр 1990-1993 онд "Газрын тос" ХХК-д Өрөмдлөгийн инженер, 1995-2000 онд "Их тэмүүлэл” ХХК-ий Ерөнхий захирлаар ажиллаж байсан. 2000-2004 онд Монгол Улсын Их Хурлын гишүүнээр сонгогдож, 2004-2008 онд Барилга, хот байгуулалтын дэд сайдын албыг хашиж байгаад 2008-2012 онд Монгол Улсын Их Хурлын гишүүнээр дахин сонгогдож, 2012 оноос Монгол Улсын Засгийн газрын гишүүн, Зам, тээвэр, барилга, хот байгуулалтын сайдаар ажилласан хэмээн танилцуулжээ.

Цаст Алтайн "казиночин”

Цаст Алтай бол түүний өвөг дээдсийн нутаг. Өвөг дээдсийнхээ нутгаас хоёронтоо УИХ-д нэр дэвшин төр түшилцэнэ гэдэг хэн хүний үрд тохиох аз завшаан биш. Харамсалтай нь түүнд нутаг усныхан нь гурав дахь удаагаа итгэл үзүүлэхээс татгалзсан. Харин Монголын төр түүнд татгалзаж чадаагүйгээр үл барам хамгийн хариуцлагатай салбараа гарт нь атгуулж орхисон. Алтайчуудтай уулзан Цэдэвийн Дашдорж гэж хэн бэ хэмээн хэрэг дурлах аваас "х ц сс” гээд толгой сэгсрэх юм билээ.

УИХ-д хоёр удаа сонгогдож, Барилга, хот байгуулалтын дэд сайд, Зам, тээвэр, барилга, хот байгуулалтын сайдаар ажиллахдаа нутаг усныхаа төлөө хуруугаа ч хөдөлгөөгүй гэнэ. Улсын хэмжээнд гэрэл цахилгаанд холбогдоогүй, дизель мотор асахыг хүлээн дэнгийн гэрэлд бөвтнөдөг сумтай ганц аймаг бол Говь-Алтай юм байна. Автозамын хувьд ч зам нь там болсон байсныг нь Н.Алтанхуягийн Засгийн газар шинэчилсэн аж. Түүний УИХ-ын сонгуулийн өмнө сэтгүүлчид өгсөн ярилцлага сайтад тавигджээ. Эрхэм сайд маань "Айл бүрээс гэрэл гэгээ цацарч, үүрэн холбоо эрс сайжирч, дэд бүтэц зам харилцаа хөгжих үндэс суурь тавигдлаа.

Иргэд нь хөдөлмөрлөх, хөгжих хүсэл тэмүүлэлтэй, хүн бүр ажил орлоготой, дардан замаар аймаг хотуудтай холбогдсон, залуус нь мөрөөдөлтэй, түүндээ хүрэх итгэл зүтгэлтэй XXI зууны шинэ Монголыг, шинэ Алтайг бий болгох хүмүүс нь бид өөрсдөө. Үүний төлөө хамтдаа төсөөлөх биш, харин зүтгэх учиртай” гэсэн байх юм. Улстөрд хөл тавьсан цагаасаа хойш ингэж худал амлан баруун таван аймаг дотроо хүн ам цөөнтэй Говь-Алтайг хөгжүүлж чадаагүй нөхөр Монгол Улсыг эдийн засгийн хямралаас аврах торгон зангилаан дээр суугаад дарцаглах нь юу л бол.

Түүний оронд тамхины үйлдвэрлэх яам гэж байгуулаад сайдаар нь Ц.Дашдоржийг томилсон бол ядаж сорт энэ тэрийг мэдэхгүй юу. Эсвэл эдүгээ төрийн хэмжээнд яриад байгаа казино байгуулах асуудлыг түүнд даатгасан бол санаа амар байж болох юм. Учир нь тэрбээр казиночин гэдгээрээ алдартай шүү дээ. Үүнийг нотлох баримтыг " 24 ЦАГ” сайт түмэнд хүргэснийг олж уншлаа.

Уг мэдээлэлд дурдсаныг засваргүйгээр хүргэе. "Манай хойд хөршийн "АРД” цахим сайтад "Монголын парламентын гишүүн Ц.Дашдорж Сөүлийн казиногоос 100 мянган ам.доллар /200 гаруй сая төгрөг/ хожсон” тухай мэдээлэл гарч байхав дээ. Тус мэдээлэл дотор УИХ-ын гишүүн Цэдэвийн Дашдорж Өмнөд Солонгосын Ганнам дүүрэг дэх "InterContinental Seoul COEX” зочид буудлын "Seven Luck” казиногийн покерын тэмцээнд түрүүлж, шагналын мөнгө болох 100 мянган ам.долларыг хожсон хэмээжээ” хэмээн өгүүлжээ.

Сайдтай бил үү, манай яам

Уул уурхайн салбарынхан ингэж ярихад хүрээд байгаа бололтой. Сайд нь ажлаа авснаас хойш сонин хэвлэлд ганц ч ярилцлага өгөөгүй аж. Хааяа, өдрийн од шиг телевизийн дэлгэцнээ гарч таарвал хэлгүй кролле шиг ээрч муураад унах нь салбараа, ажлаа мэддэггүйн шинж гэлтэй. Эдийн засаг хямарчихаад, төр нь мөнгөгүйдэж, төсөв нь улайчихаад тэвдэж байгаа энэ хүнд үед түшиж тулах салбар гэвэл яахын аргагүй уул уурхай.

Гэтэл таг. Засгийн газар Таван толгойн орд газрыг хөдөлгөнө л гэсэн яриатай байгаагаас цаашгүй. Хэзээ, ямар байдлаар хөдлөх нь өнөө хэр тодорхойгүй байгаа. Уул шугамдаа бодлогыг нь бариад сууж байгаа яам Засгийн газраа дэмжээд хөдлөх арга зам нь энэ гээд сэтгүүлчдээрээ дамжуулаад олон түмэнд таниулж байх байлаа, сайн сайдтай байсансан бол. Монгол Улсын Ерөнхий сайд өмнийн говьд томилолтоор явж ажиллахад сайд нь бараа болох нь бүү хэл зүсээ ч харуулаагүй. Оюутолгой, Таван толгойн асуудалд болж байгаа, болохгүй байгаа зүйлүүдийг Дашдорж л ярьж танилцуулж, Ерөнхий сайд өөрийн биеэр уурхайнуудын үйл ажиллагааг газар дээр танилцаж яваа алтан боломжийг чухам тэр үед л ашиглах байсан юм , уг нь. Гэтэл юу хариуцдаг нь мэдэгдэхгүй газрын даргаа явуулчихаад сууж байх жишээний.

Дэлхийн зах зээлд алт, нүүрс, зэсийн ханш ашиглаж чадвал боломжийн хэмжээнд хүрч байгаа дуулдах юм. Гэтэл манайх алтаа ч олборлож чадахгүй байгаа сурагтай. Байгаа алтаа сандайлж суучихаад, эх оронч дүр эсгээд гаднаас ам.долларын зээл царайчлаад бадар барьж суух нь хэнд ашигтай юм бол. Хөдөлгөж, эдийн засгийн эргэлтэд оруулж чадвал гуравхан сая хүн амтай улсаа дэлхий шогширтол хөгжүүлэх төсөл хөтөлбөрүүд бий. Гагцхүү төрийн мэргэн бодлого, сайдад нь гүйлгээ ухаан, төрийн хүний овсгоо самбаа, туршлага байхгүйн улмаас гацчихаад байгаа болохоос биш.

Гацууртын ордыг эдийн засгийн эргэлтэд оруулах асуудал бараг л бэлэн болоод байсан санагдана. Гэтэл яав, таг чиг дүлий дүмбэ оргисоор өнөөдөртэй золгов. Бас олны чихийг дэлдийлгээд байсан Арева хөдлөх болсон тухай, Монгол Улсын зүгээс тавьсан шаардлагыг хүлээн зөвшөөрч , Эрсдлийн санд байршуулах мөнгөнийхөө эхнийг хэсгийг шилжүүлэх болсон тухай сонсогдож байсан авч мөн л яасан ийсэн нь мэдэгдэхгүй таг чиг болох нь тэр.

Газрын тосоо боловсруулах юм болоод л тууз хайчлаад байсан. Гэтэл яав, бодлогын хувьд Ашигт малтмалын газартай нийлүүлэх нь зөв гээд л нэгтгэж орхисон. Өөр өөр бодлого чиглэлээр явж байсан хоёр агентлаг нэгдэж нийлэх, ойлголцох гэж явсаар дөрвөн сарыг барж байгаа. Азаар Баатарцогт гэж уул уурхайн салбарын ихэнх хууль, эрх зүйн төсөлтэй ноцолдсон нөхөр учир эвийг нь олоод эхэлсэн гэж дуулдсан. Өөр нэг сайдын чадал, мэдлэг дутаад байгаа салбар доторхи салбар нь хүнд үйлдвэр.

Алт, зэс, нүүрс гурвыг ялгахаа больтол мартаж, тамхи улс төр хоёроор хөөцөлдсөн инженер хүнд үйлдвэрийн салбарын хөгжлийг тодорхойлж барах уу. Үгүй л бололтой. Ийм нэг эрхмийг Монголын төр уул уурхайн салбарын оройд сайд хэмээгээд залчихаад байж байна даа.

Унах унаагүй сайд

Засгийн газрын 14 сайдаас Б.Чойжилсүрэн, Ц.Дашдорж нарт нэр дээр нь ямар ч унаа үгүй аж. Дашдоржийн хувьд цалингаасаа өөр орлогогүй юм шиг харагдуулсан ч компаний хувьцаа эзэмшиж, өөр бусад хэлбэрээр орлогоо бүрдүүлдэг юм байна. Тэрбээр энэ байдлаа улстөрчийн карьераа өсгөж буй хэлбэр гэж ойлгодог байж мэднэ.

Ингээд түүний хөрөнгө орлогын мэдүүлгээр хамтдаа аялая. Бэл бэчингээр нь жагсаавал дээгүүрт орох, ашиг сонирхлын зөрчилтэй Ц.Дашдорж Уул уурхай, хүнд үйлдвэрийн хөгжлийн сайдаар ажиллаж буй. Гэхдээ хөрөнгө орлогын мэдүүлэгтээ тэрээр 27 сая 724 мянга 920 төгрөг, гэр бүлийнхнээ 156 сая төгрөг олсон гэж бичүүлжээ.

Нэг тэрбум 750 сая төгрөгийн үнэлэмж бүхий гурван ширхэг орон сууц, үйлдвэрлэл үйлчилгээний зориулалттай нэг байгууламж, бусад төрлийн гурван ч барилгатай. 70 адуу нь 36 сая 200 мянган төгрөгөөр үнэлэгдэх бол Монгол Улсын иргэн бүр эзэмших эрхтэй 0.07 га газрынхаа үнэлгээг бичээгүй байв.

Өр, зээлгүй ч хадгаламжиндаа 720 мянга 380 төгрөгтэй. Найман компанийн хувьцаатайгаас дөрвийг нь 100 хувь, нэгийг нь 50 хувь, бусдаас нь 8-20 хүртэл хувь эзэмшдэг аж. Тухайлбал, "УБ палас” ХХК, "Наранцолмон Трейд” ХХК, "Харанцолмон холдинг” ХХК, "Наранцолмон Майнинг” ХХК-ийг тус бүр 100 хувь эзэмшдэг хүн бол Уул уурхай, хүнд үйлдвэрийн сайд Ц.Дашдорж. Харин сонирхолтой нь түүний нэр дээр нэг ч автомашин байдаггүй юм байна.

Эх сурвалж: Монголын мэдээ

More 465 0

Category: Гол мэдээ / Шар мэдээ

Оюутны 70 мянгыг энэ сардаа багтааж олгоно

2016/12/15

Оюутны 70 мянгыг энэ сардаа багтааж олгоно

Author: saikhnaa on 15-12-2016, 11:42

Хичээл эхэлсэнээс хойшхи 9,10,11,12 дугаар сарын оюутнуудын тэтгэлэг болох 70.200 төгрөгийг энэ сард багтаан олгоно гэдгийг албаныхан мэдээлсэн. Тэгвэл чухам яг хэзээнээс эхэлж өгөх нь одоогоор тодорхойгүй байгаа юм.

Тэтгэлэгийг олгохдоо өнгөрсөн хаврын сурлагын дүн хамаарах бөгөөд 3.0 ба түүнээс дээш голчтой оюутануудад энэ тэтгэлэгийг олгох юм байна. Харин ирэх оноос оюутны 70 мянган төгрөг олгохгүй.

More 227 0

Category: Мэдээ мэдээлэл

Тавантолгойн 49 хувь дээр “таанц гишгэх” ажиллагаа эхэллээ

2016/12/15

Тавантолгойн 49 хувь дээр “таанц гишгэх” ажиллагаа эхэллээ

Author: saikhnaa on 15-12-2016, 11:17

-10-аад жил үүцэлсэн Тавантолгойн 49 хувь 485 сая доллараар дарагдах нь-

Хэдхэн хоногийн өмнө, өнгөрсөн баасан гаригт Уул уурхай, хүнд үйлдвэрийн сайд Ц.Дашдоржоор ахлуулсан Засгийн газрын ажлын хэсгийнхэн Хятадын "Шинхуа” группийнхэнтэй уулзав. Монголчууд ямар их баярлав аа. Төрийн түшээд ч, жирийн иргэд ч "...Ээ ашгүй, Тавантолгой урагшлах нь, хөдлөх нь” гэж ирээд л хөөрцгөөсөн. Энэ төслийг хөдөлгөх ажил өнгөрсөн жилээс эхлээд нам гүм болж, сүүлдээ огт яригдахаа больсон. Дээрээс нь нүүрсний үнэ уналаа, хятадууд нүүрсний импортоо хязгаарлалаа гэх шил дарсан таагүй мэдээллийн дүнд Тавантолгойгоо сандайлаад л сууж байхаас өөр аргагүй гэсэн ойлголтыг бид нийтээрээ аваад байсан юм. Тэгж байтал ийн гэнэтийн уулзалтыг Ц.Дашдорж тэргүүтэй Засгийн газрын ажлын хэсэг эхлүүлж, олны сэтгэлийг сэргээж орхив.

Тийм ээ, хэлэлцээ ингэж дахин эхэлсэн. Эхлэх байтугай тун удахгүй гэрээг эцэслэхээр болсон байна. Гэхдээ энэ бол муу мэдээ. Шуудхан хэлэхэд, монголчууд нийтээрээ хувьцааг нь эзэмшдэг Тавантолгойг хятадуудад ердөө 400 сая ам.доллараар худалдах ажиллагаа эхэлсэн байна. Түүний эхлэл нь дээрх уулзалт ажээ.

Жаахан тодруулъя л даа. Уулзалтад уригдсан "Шинхуа” групп бол өмнө нь Тавантолгойн тендерт шалгарсан түншлэлийн гишүүн юм. Тэгэхээр Хятадын тал тус группийг түшиж Тавантолгойд оролцож байна гэсэн үг. Уулзалтын үеэр Ц.Дашдорж сайдын хэлснийг сайн анзаараарай. Яамных нь сайт хийгээд бүхий л хэвлэлүүд дээр байгаа. Тэрээр "...Засгийн газраас Тавантолгойн төслийн хэлэлцээг үргэлжлүүлэхдээ ордын олборлолт, борлуулалт, төмөр зам төдийгүй Өмнийн бүс нутгийн бүтээн байгуулалттай хамт цогцоор шийдэх бодлого барьж байна” гэсэн. Хариуд нь "Шинхуа” группийн төлөөлөгч "...Монгол Улсад болсон сонгуулийн дараа байгуулагдсан танай Засгийн газраас Тавантолгойн өмнөх хэлэлцээг үргэлжлүүлэх, "Шинхуа” групптэй хамтран ажиллах сонирхолтой байгаад бид баяртай байна. Бид ч танай ажлын хэсэгтэй хэлэлцээг үргэлжлүүлж, Тавантолгойн төсөлд оролцох сонирхолтой байгаагаа илэрхийлж байна” гэлээ. Энэ юу гэсэн үг вэ.

Ганц үгээр хэлэхэд, далд уулзалтуудаар бүх тохироогоо хийчихээд одоо гэрээгээ байгуулж, наймаагаа хийе гэж нийтэд зарлалаа гэсэн үг.

Тэгвэл баттай эх сурвалжийн мэдээллээр Тавантолгойн тохироо ингэж хийгдсэн байна. 2011 онд Сү.Батболдыг Ерөнхий сайд байхад Монгол Улсын Засгийн газар Хятадын "Чалко” компаниас 350 сая ам.доллар зээлсэн. Тавантолгойн нүүрсийг барьцаалан авсан энэхүү 350 сая ам.долларыг МАН сонгуулийн амлалтаа биелүүлэхэд, санал авахад зарцуулсан хэмээн сөрөг хүчин, олон нийтийн зүгээс буруутгадаг. Энэ ч яахав. Үнэний хувь маш өндөр.

Ингээд 2012 оноос өрөө төлж, нүүрсээ тонн тутмыг нь гэрээнд зааснаар 70 ам.доллараар зөөгөөд эхэлсэн байдаг. Энэ хүртэлх хугацаанд гэрээнд үнийн өөрчлөлт хийх зэргээр Тавантолгойн нүүрсийг тойрсон маргаан тасраагүй. Гэхдээ энэ оны арваннэгдүгээр сарын 1-ний байдлаар 350 сая ам.долларын өрийг 85 сая ам.доллар болтол төлж чадсан байна. Энэ эрчээрээ нүүрсээ зөөгөөд, төлөөд байвал 2017 оны хоёрдугаар сард "Чалко” компанийн өрнөөс бүрэн чөлөөлөгдөнө гэдгийг албаныхан тооцоолжээ. Гэтэл эрх баригчид үүнийг хүлээлгүйгээр санаанд буумгүй шийдлийг гаргасан байна. Тэр нь одоо шийдвэр болж гарна. Хятадын тал энэхүү үлдэгдэл 85 сая ам.долларын өрийг тэглээд, 400 сая ам.доллар өгөөд Тавантолгойн 49 хувийг авахаар болж байгаа юм байна. Дээрээс нь тэнд төмөр зам барина. Түүнийхээ 49 хувийг бас авна. Уг нь бидэнд төмөр замаа өөрсдөө тавьчих боломж бий. Яаж ийгээд өөрсдөө тавьчихвал үүнээс орох орлого нь улсын төсвийн 10-15 хувийг 300 жилийн турш даагаад явчих бололцоотой гэдгийг судлаачид хэлж байгаа юм.

Үүнээс гадна маш ноцтой нэг зүйл бол Тавантолгойн 49 хувийг наймаалцах энэ ажиллагаа бол манай талд үндсэндээ ашиггүй. Сүүлийн үед гарч буй Хятад, Монголын харилцааны "таагүй” байдлын үр нөлөөгөөр манай Тавантолгойн үнэлгээ ингэтлээ дор орж буйг эх сурвалжууд хэлж байгаа юм. Шуудхан хэлэхэд, сүүлийн сар гаруйн хугацаанд өрнөсөн үйл явдлуудад өөр дүгнэлт хийж болохоор байгаа юм. Бодит уу, эсвэл... гэж.

Түүнчлэн Тавантолгойн орд гэж юу билээ гэдгийг бид мартах учиргүй. Энэ чулуун нүүрсний орд нь Өмнөговь аймгийн Цогтцэций сумын нутагт, сумын төвөөс баруун урагш 18км-т оршдог. Улаанбаатар хотоос 560 км-т буюу газар зүйн уртрагийн 105025I-105032I хойд өргөрөгийн 43035I-43039I солбилцолд далайн төвшнөөс дээш 1500-1830 м-ийн өндөрлөгт Их шанхайн массивийн төв Улааннуурын хөндийд байрладаг.

Ордын геологийн судалгааг эрэл үнэлгээний ажлаар ордын бүх талбайн хэмжээнд баганат өрөмдлөгөөр нүүрсний давхаргын хамгийн гүн хэсэгт 635 м хүртэл судалсан. Урьдчилсан хайгуулыг Тавантолгой синколиналийн хойд жигүүр буюу Баруун өмнөд ба цанхийн ордын хэмжээнд 40 мкв талбайд 320-340м-ийн гүнтэй судалсан. Тавантолгойн нүүрсний ордын нүүрст давхаргыг агуулагч Тавантолгой зузаалаг нь 1-74.9м зузаантай нүүрсний 16 давхаргаас бүрдэнэ. Энэхүү 16 давхаргаас ач холбогдол бүхий давхарга нь 0, III, IVабв ба IX абвг гэсэн давхарга юм.

Тавантолгойн коксждог нүүрс нь дэлхийн хэмжээнд нөөцийн хэмжээгээр эхний 10-т багтдаг. Үүнээс IV давхаргын коксжих нүүрсний баяжмалын гарц нь 66.9 хувьтай байгаа нь Канад, Австралийн дэлхийн зах зээлд нийлүүлдэг нүүрснээс коксжих чанараараа давуу юм.

Тус хэсгийн ашиглалтын уул-геологийн нөхцөл энгийн, нүүрсний давхарга нь бага гүнд тогтсон, унал бага учир хөрс хуулалтын ажил бусад уурхайнуудтай харьцуулахад 2-3 дахин бага.

Тавантолгойн орд нь дэд бүтцээс нилээд алслагдсан хэдий ч 6.5 тэрбум гаруй нөөцтэй. Үүнээс IV хэсгийн пласт нь ордын төвд, нөхцөл нь хамгийн сайн, нөөцийн хувьд 100-аас дээш жил vргэлжлэх боломжтой. Энэ бол Тавантолгойн ордын ерөнхий танилцуулга. Гэвч эндээс ямархан хэмжээний баялаг вэ гэдгийг тодорхой уншиж болно.

Гэтэл хятадууд өнөөдөр энэ наймааг хийхдээ хэд хэдэн тулган шаардалтыг хийсэн байгаа юм. Жишээ нь "Чалко”-ийн өрийг төлөх талаар "...Танай урьдчилсан тооцоогоор 2016 оны сүүлч гэхэд "Чалко”-д төлөх өр 80 сая ам.долларт хүрнэ. Хойшлуулсан хүчин зүйлийн улмаас 2017 оны эхний улиралд "Чалко”-гийн үнийн индекс 60 ам.доллар болно. "Эрдэнэс Тавантолгой” сар бүр 300 мянган тонн нүүрс "Чалко”-д нийлүүлнэ гэж үзвэл 2017 оны эхний улирлын сүүлчээр ойролцоогоор нэг сая тонн нүүрс нийлүүлсэн байх ба өр төлбөр 60 сая ам.доллараар буурна, 500 мянган тонныг 60 ам.доллараар нийлүүлнэ гэж бодоход, сар бүр "Эрдэнэс Тавантолгой”-д ойролцоогоор 15 сая ам.долларын (TTJV нэхэмжлэхийг хасаж тооцсоны дараа) өглөгтэй болно. 2017 оны эхний улирлын эхний хоёр сард TTJV нь "Эрдэнэс Тавантолгой”-д 30 сая ам.доллар төлөх ба үүнийг Чалкогийн үлдэгдэл 20 сая ам.долларын өрийг төлөхөд ашиглаж болно. Хэрэв бидний ажил амжилттай болбол, "Эрдэнэс Тавантолгой”-н "Чалко”-д төлөх өрийг 2017 оны эхний улирлын сүүлчээр тэглэх боломжтой. Нүүрсний үнийн индекс дор хаяж 50 ам.доллар байна гэж тооцвол II улирлаас 2017 оны эцэс хүртэл "Эрдэнэс Тавантолгой” сар бүр 25 сая ам.доллар (50 ам.доллар х 800 мянга) -15 сая ам.доллар (TTJV зардлууд)], 2017 онд нийт 225 сая ам.долларын орлого олно. Энэхүү орлогын түвшинг сард 800 мянган тонн (ойролцоогоор жил бүр 10 сая тонн) олборлолтод үндэслэн гаргасан юм. Хэрэв олборлолт 15 сая тоннд хүрвэл бүтээгдэхүүн борлуулсан татвар, НӨАТ болон төрийн байгууллагад төлөх бусад татварыг төлсний дараа "Эрдэнэс Тавантолгой”-н орлого 300 сая ам.доллар хүрэхээр байна. Дээрх тооцоолол нь аливаа саад, сул зогсолтыг оруулалгүйгээр нэмэгдүүлсэн олборлолтод (600.000-800.000) үндэслэн хийгдсэн. "Эрдэнэс Тавантолгой” болон TTJV-ийн үйл ажиллагаанд аливаа саад бэрхшээл учирсан тохиолдолд энэхүү үр дүн ихээр өөрчлөгдөж болох юм” гэх жишээтэй.

Хэдхэн хоногийн дараа он солигдоно. Өнөөдөр шинэ жилийн баярын уур амьсгал орчихсон хаа сайгүй баяр тэмдэглэсэн хүмүүс байна. Үргэлжлүүлээд он солигдох үеэр тав хоног амарна гэж байгаа. Соёлын гавьяат зүтгэлтэн, сэтгүүлч Г.Жамьян гуайн саяхны нэгэн нийтлэлд "...Архидалт, баяр наадмыг хэмжээ хязгааргүй нэмж, монголчуудыг мансууруулж байгаагийн цаана, хэний ямар бодлого явж байгааг та нар мэддэг үү. Энэ бол төр засгийн эрхийг ээлжлэн барьж байгаа цөөн хэдэн хүн, Монголыг том гүрний колони, хараат болгох гэсэн бодлого л яваад байгаа юм” гэсэн мөрүүд байна. Айхтар үг.

Ийн Та биднийг олон хоног амраад ирэхэд Тавантолгойн 49 хувь дээр хэдийнэ "таанц гишгээд” дууссан байх вий.

Б.ДАМДИН-ОЧИР

More 411 0

Category: Онцлох /

АН-ыг “шавар”-наас татаж гаргах зангарагтай дарга хэрэгтэй байна

2016/12/15

АН-ыг “шавар”-наас татаж гаргах зангарагтай дарга хэрэгтэй байна

Author: saikhnaa on 15-12-2016, 11:04

2000 онд цөм ялагдсанаасаа хойш өдийг хүртэл МАН-тэй эн тэнцүү "үзэж” байсан АН энэ жил далаараа цэвэр тавиулсан. Өнгөрсөн дөрвөн жилд засаг барихдаа муугүй ажиллаж, улс оронд бүтээн байгуулалт өрнүүлж, "нүүрийг нь угаасан” ачтай. Тиймдээ ч өнөө жилийн сонгуулиар ялна гэдэгтээ итгэлтэй байсан байх. Харамсалтай нь ард түмэн арай өөр сонголт хийсэн. Ингэж ялагдсаны шалтгаан нь намын дотоод эв нэгдэл гэж дүгнэх хүмүүс их байгаа.

Ерөнхийдөө энэ дүгнэлт байгаа оносон байх. Харин сонгуулийн дараагаас энэ намыг шинэчилнэ гэж амтай болгон ярьсан. Улмаар АН-ынхан сүүлийн үед хуралдаагүй Их хурлаа хийж, дүрмийн шинэчлэлээ ярилаа. Намын даргаа бүх гишүүдийнхээ дундаас сонгохоор болов. Бүр намын даргын сонгуулийн хороогоо байгуулж, 30 хүний бүрэлдэхүүнтэйгээр ажлаа эхэлсэн.

Одоогоор намын даргын сонгуульд өрсөлдөх хүмүүсийг бүртгэж байгаа. Энэ сарын 17-ны өдөр даргын сонгуульд өрсөлдөхөөр болсон хүмүүсийн нэр тодрох учиртай. Одоогоор бол чухам хэн хэн өрсөлдөх нь таамаг төдий л байгаа. Гэхдээ намын даргад өрсөлдөнө гэдгээ Л.Гантөмөр, Л.Болд, Г.Батхүү, С.Эрдэнэ, Ж.Батзандан, М.Чимэддорж, П.Цагаан гэх мэт хүмүүс ямар нэг байдлаар илэрхийлсэн.

Түүний хажуугаар Я.Санжмятав, Э.Бат-Үүл, Н.Алтанхуяг, Д.Эрдэнэбат зэрэг намын лидерүүд, зангарагтай улстөрчид өрсөлдөх болов уу гэж харж байна. Гэхдээ яг эцсийн дүндээ хэн хэн албан ёсоор өрсөлдөхөөр болж, хэдэн хүний дунд марафон өрнөхийг ирэх долоо хоногт бид мэднэ. Сүүлд авсан мэдээгээр Л.Болд, Л.Гантөмөр, С.Эрдэнэ, Ж.Батзандан нар нэрээ албан ёсоор бүртгүүлжээ.

Хамгийн гол нь Монголын улс төрийн хамгийн том намын дарга болох хүн нэр хүндтэй, нийгэмд, улс төрд танигдсан, намдаа хүлээн зөвшөөрөгдсөн, зангарагтай нэгэн байх ёстой. За дээрээс нь шаардлагатай тохиолдолд хэдэн төгрөг халааснаасаа гаргачихдаг байх ёстой шүү дээ. Өнөөдөр АН үнэндээ шороотойгоо хутгалдаад, шавар намагтаа шигдчихсэн байгаа. МАН сонгуулиар ялж гарч ирсэн ч одоо болтол дорвитой ажил хийж чадаагүй нь тэдний нэр хүндийг газар дор булагдахаас аварч байгаа. Тэр нь ч орон нутгийн сонгуулиар харагдсан.

Түүнээс өөрөөр АН-д гялтайх юм юу байна аа. Харин ч бие биенээ янз бүрээр муулж, хэвлэлээр дайтаж, шалгаж шүүж, баривчилж, хорьж байна. Шуудайд хийсэн үхрийн эвэр шиг хэдэн хүн л цөөн лидерүүдээ бараадаж, хэсэг бусаг болж яваа. Ийм байхад яаж ард түмэн АН-ыг өнгөтэй өөдтэйгээр ойлгох юм бэ. Ядаж өөрсдөө ярдаг нохой шиг уралцахгүй байж гэмээнэ дараа нь улс орон хөгжүүлнэ.

Цувж явсан барнаас цуглаж суусан шаазгай дээр гэдэг үг бий. Тийм болохоор ядаж л дотроо эвтэй байх хэрэгтэй. Эвтэй байж чаддаггүй юмаа гэхэд тийм харагдах ёстой шүү дээ. Тэгвэл намын дарга зангарагтай хүн байж гэмээнэ үүнийг хийж чадах байх. Түүнээс биш туршлага муутай, хүлээн зөвшөөрөгдөөгүй хүн намын дарга болбол өнөө яриад байгаа шинэчлэлээ хийж чадах уу гэдэг нь эргэлзээтэй шүү дээ.

Одоо бол намын даргад өрсөлдөх болов уу гэсэн таамагт багтсан болоод мэдэгдсэн хүмүүсийн дунд нийгэмд, улс төрд, намдаа хүлээн зөвшөөрөгдсөн, туршлагатай, зангарагтай хүн хэд байгаа билээ. Ядаж л намын даргын сонгуулийг явуулахад шаардагдах мөнгөний 10 хувь буюу 250 сая төгрөгийн асуудал босч ирэхэд л намбагүйтэж, хурал хуй хийж давхиж байгаа хүмүүс шалгуурт тэнцэх үү. Ер нь бол энэ мөнгийг яг ч авна гэж хэлсэн юм уу.

Зүгээр л намын даргын сонгууль хийхэд шаардагдах, хөдөө орон нутгаар нэр дэвшигчид өөрсдийгөө сурталчлахад зарцуулагдах мөнгө болох 2.5 тэрбум төгрөгийг л ямар аргаар шийдэх вэ гэдгээ яриад байгаа бололтой. Гэтэл зарим нэг нь баахан дүрэм, журам ярьж давхиад, шударга ёсоор дулдуйдаж, намынхаа нэр хүндийг одооноос унагаж эхэллээ. Энэ бүхнийг болиулах цаг болсон. Тэгэхгүй бол АН-ын дотоод хэрүүл дуусахгүй нь тодорхой.

Хэн АН-ыг өөд нь татаж чадах вэ

Одоо ийм л асуулт нийгэмд байна. Мэдээж АН бол Монгол Улсын иргэдийн 40 гаруй хувийнх нь итгэлийг хүлээсэн том хүчин. Тиймдээ ч бүх жирийн гишүүд, дэмжигчид нь энэ намыг шинэчлэгдэж, өөдөлж дэвжээсэй гэж хүсч буй нь тодорхой. Гол нь хэн дарга болж, тэр ажлыг хийж чадах вэ. Хэн олон мянган жирийн гишүүдийн хүсээд байгаа жинхэнэ шинэчлэлийг хийж, фракцийн дайнаас салгаж, өөд нь татаж, намаг балчигаас нь гаргаж чадах бол. Шуудхан хэлэхэд, М.Чимэддорж, Ж.Батзандан, Л.Гантөмөр, Я.Санжмятав гэх мэт хүмүүсийг намын дарга болоход арай л "түүхий” гэж дүгнэх гээд байна.

М.Чимэддорж гэдэг залууг Монголын ард түмэн таних уу. Танихаасаа танихгүй нь их. Ж.Батзандангийн хувьд хангалттай танигдсан, хоёр дахь удаагаа УИХ-д сууж байгаа гишүүн. Гэхдээ хувь зан чанарынхаа хувьд тэр яавч эвдэрсэн намыг эвлүүлээд босгоод ирэх хүн биш. Сайд асан Л.Гантөмөр ч гэсэн улс төрд цөөнгүй алба хашсан нэгэн. Гэхдээ л түүний туршлага, нас, зангараг арай л болоогүй байна. Я.Санжмятав гишүүний хувьд ч гэсэн ялгаагүй. Томчууд өрөөнд нь яваад ороход арай л зангараг дутаад байгаа юм.

Нийгэмд ч тэгтлээ хүлээн зөвшөөрөгдөж чадаагүй гэж дүгнээд байна л даа. Харин С.Эрдэнэ бол Монголын улс төрд цөөнгүй жил хутгалдсан, намын бүхий л шатанд ажиллаж байсан хүн. Нийгмийн даатгалын даргаар ажиллаж, сайн, муугаар хэлүүлсээр өнөөдрийн төвшинд авчирсан. Баянголын АН-ын даргаар ажиллаж байсан. Өнөөдөр ч гэсэн дүүрэгтээ олны итгэлийг хүлээж, зангарагтай улстөрч гэдгээ харуулсаар яваа хүн. Ядаж л шаардлагатай үед халаасаа уудлаад, ганц хурлын зардал гаргачих чадалтай. Намын дарга болоод суучихад болохгүй юмгүй.

Гэхдээ АН дотор түүнээс харшилтай хүн цөөнгүй байгаа нь нэг том "чөдөр” болчихоод байна. Л.Болдын хувьд нэр төртэй, зангарагтай, чадвартай улстөрч. Түүнд бүх зүйл бий. Гэхдээ тэр намын дотоод ажилд нэг их оролцоод байдаггүй хүн. "АПУ” тодотголтой Г.Батхүүгийн хувьд юм юмтай л улстөрч. УИХ-д хэд хэдэн удаа суугаад авсан, нийгэм, улс төрд хүлээн зөвшөөрөгдсөн эрхэм гэж хэлж болно.

Гэхдээ яг намын дарга болоход тэнцэх үү, хагаралдсан гишүүдээ эвлүүлж чадах уу. Цаашлаад намын нэр хүндээ өргөх хэмжээний хүн үү гээд асуулт их байна. Харин П.Цагаан, Э.Бат-Үүл, Н.Алтанхуяг, Д.Эрдэнэбат гэсэн улстөрчдийн хувьд нэр хүнд, чадвар чансаа, зангараг, нийгэм, улс төрд хүлээн зөвшөөрөгдсөн байдлаараа хэн хэнийхээ дор орохооргүй хүмүүс. Н.Алтанхуяг нэг хэсэгтээ намын дарга, Ерөнхий сайдын албыг хашиж байсан. Түүний тэргүүлсэн Засгийн газар хамгийн сайн ажилласан. П.Цагаан гуайн хувьд төрийн бүх шатны байгууллагад туршлагатай хүн.

Гэхдээ намын хүрээнд бол ажил төрөлд нь нэг их оролцож байгаагүй байх. Яах вэ, сонгуулийн штаб энэ тэр удирдаж байсан. Э.Бат-Үүл даргын хувьд нийслэлийг өнгөрсөн дөрвөн жилд маш сайн удирдаж ажилласан. Харин Д.Эрдэнэбат гишүүний хувьд 2012 оны сонгуулийн өмнө намын генсекээр ажиллаж, сонгуульд АН-ыг ялалт байгуулахад том үүрэг гүйцэтгэсэн нэгэн.

Намын Ерөнхий нарийн бичгийн даргаас авахуулаад УИХ-ын гишүүн, салбарын сайд гээд шат шатанд ажилласан хүн. Энэ дөрвөн хүн л бусдаасаа илүү боломжтой гэж харагдаад байгаа юм. Дээрээс нь одоо УИХ-д сууж байгаа гишүүдээс нэг нь намын дарга болох ёстой гэж үзвэл С.Эрдэнэ, Л.Болд, Д.Эрдэнэбат гурвын хооронд л өрсөлдөөн өрнөх нь. Ер нь бол АН-ыг "шавар”-аас татаж гаргах, өөд нь татах, хагарал хугарлаа арилгах л хүн хэрэгтэй байна даа.

Н.Пунцагболд

Эх сурвалж: Mонголын мэдээ сонин

More 371 0

Category: Улс төр

БОАЖЯ-ныхан ажлын байрандаа эко сурагчдаар үнэлгээ хийлгэв

2016/12/15

БОАЖЯ-ныхан ажлын байрандаа эко сурагчдаар үнэлгээ хийлгэв

Author: zulaa on 15-12-2016, 10:58

More 316 0

Category: Мэдээ мэдээлэл

Үндэсний бөхийн холбооныхон минь ээ, наад холбоогоо A.Cүхбат мэтийн увайгүй улстөрчдөд алдчихав даа

2016/12/15

Үндэсний бөхийн холбооныхон минь ээ, наад холбоогоо A.Cүхбат мэтийн увайгүй улстөрчдөд алдчихав даа

Author: zulaa on 15-12-2016, 10:23

More 391 0

Category: Гол мэдээ / Спорт