Scandal.mn

Заавал уншаарай...Тал шиг ээ уужим хүмүүс гэдгээ битгий мартаарай Монголчууд минь

2016/10/20

Заавал уншаарай...Тал шиг ээ уужим хүмүүс гэдгээ битгий мартаарай Монголчууд минь

Author: saikhnaa on 20-10-2016, 15:54

Өчигдөр шөнө байрны гадаа сул зогсоол алга болохоор нь маргааш амралтын өдөр юм чинь гээд яалт ч үгүй нэг машиныг таглаад, "Уучлаарай" гээд дугаараа бичээд орхичихсон юм. Тэгсэн шөнө мартаад утасныхаа дууг хаагаад унтчихаж. Гэтэл өглөө 11 цаг өнгөрч байхад хаалга эвдэх нь гэлтэй балбаж байнаа. Утсаа харсан нэг дугаараас 13 удаа дуудлага ирсэн байна. Буцаагаад залгатал үг хэлэхийн зуургүй нэг хүүхэн "Малаа утсаа авахад яадаг юм. Хурдан гарч ирэхгүй бол машиныг чинь ачууллаа шүү ..... бла бла". Тэгэхээр нь эмэгтэй хүмүүс учраа олог гээд эхнэрээ "Машинаа холдуулчих" гээд гаргав. Тэгсэн жаахан байж байснаа эхнэр, нэг хүүхэн дагуулцан орж ирж байна. Хоорондоо "бла бла бла хараалын үг, бас дахиад хараалын үг" эмэгтэйчүүд ийм хараалын үг хэлдэг юм уу гэж гайхтал авч байнаа. Тэгсэн нөгөө эмэгтэй "Машин хааж түгжсэний төлбөр гээд 5000 төгрөг өг" гэж байна. Эхнэр "Өгөхгүй" гэсэн чинь нөгөөх нь "Гэрээс чинь орж юм авна" гэнээ. Ядаж байтал 5000 байдаггүй 10000 төгрөг өгөөд хаалгаа хаалаа. Эхнэр араас нь "Хараалын үг". "Яагаад ингээд байгаа юм бэ гээд эхнэрээсээ асуутал "Зогсоол дээр намайг баахан доромжлоод хэлэх хэлэхгүй хараалын үг хэлээд. Чи цуг гарахгүй гээд над руу дайраад. Уг нь би өнөөдөр амралтын өдөр сайхан амрая гээд төлөвлөчихсөн байтал энэ явдлаас болоод өдөржингөө бөөн стресс. Гэтэл сая хонх дугарахаар нь очоод дурангаар харсан өглөөний эмэгтэй. Ёоо сда бас яах гэж байгаан бол гээд нээтэл нээх хөөрхөн сүү барьчихсан зогсож байна. Тэгснээ намайг эхнэрээ дуудчих гэв. Манай эхнэр ч үүд рүү очоод бөөн бие биенээсээ уулчлал гуйсан хоёр. Төрсөн эгч дүү хоёр шиг л. Тэр эмэгтэй "Өглөө би харин ажлаасаа хоцорчихоод ууртай байсан юмаа. Хэлэх, хэлэхгүй үг хэлсэнд уучлаарай гээд сүү, нөгөө 10000 төгрөгтэй аваад ирж. Хүн болгон л уурлаж, уцаарладаг бас алдаа гаргадаг. Гэхдээ бидэнд бие биенийгээ ойлгох хүлээцтэй байх ухаан дутдаг юм шиг ээ. Бас бусдын оронд өөрийгөө тавьж үзэх, уучлах, буруугаа хүлээхээс зайлс хийдэг. Яг л цагын зүү шиг зогсолтгүй урагшлах их хотын хэмнэл хүмүүсийг ийм болгожбайна. Монголчууд бид машины зогсоол, замын түгжрэл, элдэв оочёр дараалал бүр тэрнээс жижигхэн зүйлээс болж хоорондоо хэрэлдэж муудалцдаг. Нэг нэгэндээ мөчөөгөө өгөхгүй зан нь эхэндээ тэмцэл, сүүлдээ гомдол, хонзон болж дуусдаг. Уг нь Монголчууд нэг нэгнийдээ сүү барьж ордог, барьсан сүү шиг ээ цагаан сэтгэлтэй улс. Харин бид яагаад ингэж өөрчлөгдөв. Биднийг бид л өөрсдөө "эвдэж" байгаа. Тал шиг ээ сэтгэлтэй, уул шиг хүмүүсийн тасархай нь гэдгээ битгий мартаарай Монголчууд минь. Яг энэ бичвэрийг бичиж дуусах мөчид эхнэр "Чи гараад энэ 10000 төгрөгний 5000-р нь нөгөө эгчийн утас руу нэгж явуулчих" гэнээ. Дэлгүүр гарлаа бичвэрээ дуусгая даа.

Нууцлаг Давхраа

https://www.facebook.com/nuutslagdavhraa/posts/1132108766838483

More 626 1

Category: Мэдээ мэдээлэл

Нүүдлийн соёл судлалын төв байгуулагдлаа

2016/10/20

Нүүдлийн соёл судлалын төв байгуулагдлаа

Author: saikhnaa on 20-10-2016, 14:19

ХААИС-ийн ХААШУЗ-ийн харьяанд үндэсний болон бүс нутаг, олон улсын хэмжээнд нүүдлийн соёл иргэншил, уламжлалыг судлан сурталчлах зорилготой Нүүдлийн соёл судлалын төв байгуулагдлаа.

Тус төвийн зорилго нь дэлхийн Монгол судлалыг дэмжиж, гадаад болон дотоодын хэл, соёлын байгууллагуудтай хамтран ажиллаж, Монголын нүүдлийн соёлыг хүртээмжтэй, үр өгөөжтэй, ашигтай бүтээл болгоход чиглэгдэж буй аж.

Нүүдлийн Соёл Судлалын төв нь мал аж ахуй, газар тариалангийн соёл, байгаль хамгаалах, газар орноо танин мэдэх уламжлалт мэдлэг, ардын сурган хүмүүжүүлэх зүй, ардын билиг судлал, шилжилтийн үеийн Монголын нийгэм, эдийн засаг зэрэг уламжлалт болон орчин үеийн шинэ чиг хандлага бүхий сэдвээр олон улсын хамтарсан болон үндэсний хэмжээний онол практикийн ач холбогдолтой төсөл, хөтөлбөрийг хэрэгжүүлэх, олон улсын, бүс нутгийн, үндэсний хэмжээний эрдэм шинжилгээний хурал зохион байгуулах, англи, монгол хэлээр сэтгүүл эрхлэн гаргах, судалгааны ажлын үр дүнгээр ном, бүтээл хэвлүүлэх зэрэг үйл ажиллагаа явуулах юм байна.

More 462 0

Category: Мэдээ мэдээлэл

Улсын хэмжээнд 10 аймаг, нэг дүүргийн сонгуулийн ИРЦ БҮРДЖЭЭ

2016/10/20

Улсын хэмжээнд 10 аймаг, нэг дүүргийн сонгуулийн ИРЦ БҮРДЖЭЭ

Author: saikhnaa on 20-10-2016, 14:00

Монгол Улсын Сонгуулийн Ерөнхий Хорооноос

сум, дүүргийн ИТХ-ын 2016 оны ээлжит сонгуулийн санал хураалтын ирцийн талаар мэдээлэл хийлээ.

17:00 цагийн байдлаар сонгуулийн ирц орон нутгийн хэмжээнд 49,1, дүүргийн хэмжээнд 30,9, улсын хэмжээнд 40,9 хувьтай байгаа бөгөөд 10 аймаг, нэг дүүргийн сонгуулийн ирц бүрдсэн байна.

Орон нутагт:

№	Аймаг	Хувь
1	Архангай	55,3
2	Баян-Өлгий	56,9
3	Баянхонгор	54,5
4	Булган	48
5	Говь-Алтай	56,2
6	Говьсүмбэр	46,6
7	Дорноговь	45,3
8	Дорнод	44
9	Дундговь	46,3
10	Завхан	62,3
11	Өвөрхангай	50,9
12	Өмнөговь	48,7
13	Сүхбаатар	61,4
14	Сэлэнгэ	45,5
15	Төв	50,4
16	Увс	56,6
17	Ховд	57,1
18	Хөвсгөл	44,2
19	Хэнтий	49,9
20	Дархан-Уул	32,8
21	Орхон	31,6

Нийслэлийн хэмжээнд:

№	Дүүрэг	Хувь
1	Багануур	34,6
2	Багахангай	54,5
3	Баянгол	32,9
4	Баянзүрх	29
5	Налайх	38,2
6	Сонгинохайрхан	27,9
7	Сүхбаатар	34,4
8	Хан-Уул	34,2
9	Чингэлтэй	28,6

Орон нутгийн хэмжээнд Архангай, Баянхонгор, Завхан, Өвөрхангай, Сүхбаатар, Төв, Увс, Ховд, Говь-Алтай, Баян-Өлгий аймгийн ирц 50-иас дээш хувьтай буюу сонгуулийн ирц бүрдсэн байна.Монгол Улсын хэмжээнд 17:00 цагийн байдлаар сонгуулийн ирц 40,9 хувьд хүрсэн байна.

Сум, дүүргийн ИТХ-ын 2016 оны ээлжит сонгуулийн санал хураалт 22:00 цаг хүртэл ургэлжлэх тул сонгуульдаа идэвхтэй оролцохыг уриаллаа.

Г.ЦЭНД-АЮУШ, IKON.MN

More 660 1

Category: Мэдээ мэдээлэл

Бие хамгаалагч: Жоли, Брэдийн 6 хүүхдийг бараг би л хүмүүжүүлдэг байсан

2016/10/20

Бие хамгаалагч: Жоли, Брэдийн 6 хүүхдийг бараг би л хүмүүжүүлдэг байсан

Author: saikhnaa on 20-10-2016, 13:48

Холливудын од Анжелина Джоли, Брэд Питт нарын хамгаалалтын албаны дарга Марк Билингем сонирхолтой мэдэгдэл хийлээ. Тэр бол 27 жил Английн Зэвсэгт хүчний тусгай ангид (SAS) алба хашсан, Иракийн дайнд оролцож явсан ахмад дайчин юм. Марк харин тэтгэвэрт гармагцаа оддын хамгийн хүслэнт бие хамгаалагч болжээ.

Алдартай гэр бүлийн хамгаалалтын албыг тэргүүлдэг Маркийн яриаг сонирхуулъя. Үнэндээ хоёр одын 6 хүүхэд юу дуртайгаа хийж, ёстой дунд чөмгөөрөө жиргэж байдаг гэнэ. Бараг л бие хамгаалагчид л тэдний хүүхдүүдийг асардаг юм байх. Марк Билингем бараг л асрагч эхийн үүрэг гүйцэтгэж байснаа дурджээ. Өмнө нь Кейт Мосс, Рассел Кроу, Том Круз, Шон Пенн нарын хамгаалагчаар ажиллаж байсан Марк дараа нь Брэдийн гэр бүлийг 17 сарын турш хамгаалж байна. Тэр өөрөө олон хүүхдийн эцэг ч Брэдийнд ажиллаж байхдаа төрсөн 6 хүүхдийнхээ барааг бараг хардаггүй байсан аж.

"Надад хувийн амьдрал гэж байгаагүй. Би гэр бүл, эхнэр хүүхдүүдээ бараг хараагүй. Жил гаруйн хугацаанд би гэртээ зөвхөн 3 долоо хоног л байсан. Жоли, Питт нарын төлөө ядартлаа ажилласан гэхэд болно. Иймээс тэдний хүүхдүүдтэй илүү ойр дотно болсон доо" гэж Марк ярилаа.

Тэр хамгаалалтын албаны тэргүүнээс гадна хүүхдүүдийн бие хамгаалагч байсан гэхэд болно. Муу санаат этгээдүүд мөнгө нэхэх зорилгоор үр хүүхдүүдийг нь хулгайлахаас Анджелина, Брэд нар маш их айдаг гэнэ. "Би бараг л тэднийд амьдардаг байв. Тэд надад 100% итгэдэг байсан. Ганцхан би л хүүхдүүдийг хаа нэг тийшээ авч явдаг. Бусад бие хамгаалагч тэр бүү хэл энэ оддын хүүхдэд дөхөж очих ч эрхгүй, зөвшөөрдөггүй байлаа. Тэд алсаас л харах эрхтэй. Энэ арай дэндүү. Би уг нь илүү олон хүн хөлслөх хэрэгтэй гэж шийдсэн ч одод зөвшөөрөөгүй. Заримдаа би тэдний хүүхдүүдийг үрчилж авсан мэт санагдаж байсан. Би тэднийг зугаалуулахаар авч гаран, усанд сэлэлт болон бусад хичээлд хүргэж өгдөг. Хоногийн 24 цаг тэдэнтэй хамт байдаг байлаа. Анджелина, Брэдийн хүүхдүүд нийгэмшээгүй тул хөндлөнгийн бүх хүнээс айдаг болох магадлалтай. Харин одоо тэд салсны дараа хүүхдүүдээ хэт хязгаарлахаа больж арай амьдралд ойр болох байх" гэж Марк дурсав.

Түүний яриа үнэн байх магадлалтай. Ээж, аав нь хэдэн сарын турш кино зураг авалтад оролцдог үед хэн тэдний үр хүүхдүүдийг халамжилж байсан бэ гэдэг асуулт гарч ирэх нь аргагүй. Тэгээд ч Америкийн киноны багийнхан тун өвөрмөцөөр ажилладаг, Манайхан шиг өглөө гэрээсээ гараад кино зураг авалтад оролцоод орой харина гэсэн ойлголт тэнд байхгүй. Хэдэн сарын турш гэр бүлээсээ тусдаа трейлерт амьдарч тэндээ кинондоо бүрэн уусан байж киногоо бүтээдэг улс.

www.mnews.mn

More 555 1

Category: Дэлхий дахинд / Сонин хачин

Гадаадын гаж донтон эрчүүдтэй ханилсан монгол хүүхнүүдийн тэмдэглэл

2016/10/20

Гадаадын гаж донтон эрчүүдтэй ханилсан монгол хүүхнүүдийн тэмдэглэл

Author: saikhnaa on 20-10-2016, 13:37

Солонгос савангийн дуурь үзэж тархиа угаалгасан монгол хүүхнүүд япон, солонгос эрчүүдтэй интернэтээр харилцаж суудаг болжээ. Зөвхөн 2011 оны байдлаар 4200 орчим монгол бүсгүйчүүдийг Солонгос эрчүүдтэй гэрлүүлсэн гэдэг баримт байдаг аж. Хангуг эртэй гэрлэхийн тулд ийм нэгэн байгууллагад өөрийн дүрс бичлэг, ярилцлагын хамт үлдээсэн маш олон залуу бүсгүйчүүдийн материалыг уншигч таньдаа эхнээс нь хүргэе. Солонгос эрчүүдтэй гэрлэхэд зуучилдаг хүмүүс чамгүй мөнгө халаасалдаг тул тэнд хангуг хүнтэй гэрлээд, солонгост очиж хэрхэн амьдарч, "аз жаргалдаа умбаж” байгаа баримтыг манай сонин дэлгэе.
Үүнийг уншаад гэнэн томоогүй охид хүүхнүүд хүний наймааны золиос болохгүй байх гэдэгт найдаж байна. Монгол болон хятадын солонгос үндэстэнтэй гэр бүл болох хүсэлтэй солонгос эрчүүдийн ихэнх нь нутаг орондоо нэр нүүрээ барчихсан хүмүүс байдаг. Зарим нь орон шоронгийн хаалга татсан, нөгөө хэсэг нь өрөнд баригдсан, гурав дахь нь гаж донтон, бэлгийн дур хүслээ ёс бус аргаар хангагчид байдаг гэдгийг манайхан бодох хэрэгтэй. Ингээд баримт руугаа оръё.
Мөнгөнзул гэх бүсгүй 38 настай, нөхөр нь архи хэтрүүлэн хэрэглэсний улмаас хэдэн жилийн өмнө хорвоог орхижээ. Амьдрахын эрхэнд Мөнгөнзул эхлээд айлын халаас өрөө сэлгэн амьдарч явсаар сүүлдээ арга тасран орцны жижүүр хийх болсон байна. Хүү охин хоёроо ганц бие бүсгүй тэжээнэ гэдэг нь зах зээлийн ороо бусгаа нийгэмд үнэхээр хэцүү байсан нь ойлгомжтой. Мөнгөгүй болохоор хоолгүй, мэргэжилгүй болохоор ажилгүй. Сарнай гэх найз бүсгүй нь тэднийд нэг удаа ирээд "Зулаа чи чинь намайг бодвол царайлаг ш дээ. Ингэж орцонд амьдарч явахаар баян солонгос эртэй суугаач. Манай эгч гадаад иргэдийг монгол хүүхнүүдтэй суулгадаг зуучлалын компанид ажилладаг юм” гэсэн байна. Арван жил хамт нэг ширээнд шахуу сууж байсан Сарнайгийн үгэнд хууртсан Мөнгөнзул шууд л зөвшөөрөв. Ингээд интернэтээр харьцаж байгаад өөрөөсөө 8 ах халзан толгойтой Чой гэх эртэй суухаар тохирчээ. Нөхөр Чой нь нэгэн тосгонд эцэг эх, ганц бие төрсөн ахтайгаа, газар тариалан эрхэлж амь зууна. Эцэг эхийн нас дээр гарсан тул, зуучлах албанд 5000 $ төлж, шинэ "зарц” эхнэртэй болжээ. Өглөө болгон 5 цагт босч, будааны усан талбайд борви бохисхийлгүй ажиллана. Эхний үед байнга усан дотор ажиллахаар дасахгүй, биеэр нь усан хаван гүйж, нуруугаа ч тэнийлгэж чадахгүй хэвтэхэд, тэд зодож байгаад талбайд гаргана. Шөнө дөлөөр ажлаасаа мөлхөх нь холгүй ядарсан бүсгүй гуйвж дайвсаар ирэхэд Чой түүний аманд бэлэг эрхтнээ чихэн гаж секс хийдэг байв. Чой бол бэлгийн сулралд орсон сэтгэл мэдрэлийн өвчтэй нэгэн байсныг Мөнгөнзул хожуу мэджээ. Нөхөр нь тосгоныхоо хэн нэг залууг авчран монгол эхнэртэйгээ секс хийлгүүлдэг. Эр эм хоёр секс хийхийг харахаар хангуг эрийн бэлэг эрхтэн хөвчрөн босож дур ханадаг байжээ.
Өдөр болгон Ягсу тосгоны 16-25 насны тариачин эрчүүдтэй секс хийх ёстой. Эс зөвшөөрвөл Чой болон тэдний гэрийнхэн аймшигтай зодож, хоол битгий хэл хар ус өгөхгүй тарчлаана. Нэг удаа эр эмийн ажил үйлдэхэд Чойгийн халаасанд 50-80 мянган вон ордог байжээ. Нэг үгээр Чой өөрийн эхнэрээ бусдад зарж мөнгө олохоос гадна үнэ төлбөргүй зарцтай болж нэг сумаар хоёр туулай буудаж байсан байх юм. Бүсгүй нулимсаа ширгээж, зовлонгоо тэвчиж амьдарсны хүчинд 4 жилийн дараа хүү охин хоёроо дэргэдээ авчээ.
Дарханы Бямбацэцэг охин дөнгөж 19 настай. Бас л амьдрахын эрхээр, аав ээж, олон нялх дүү нартаа нэмэр болох гэж "баян” солонгос эртэй суужээ. Сар болгон гэрт нь 500 $ өгнө, сайн сургуульд сургана гэж амлалт өгсөн нөхөр нь, хөгжлийн бэрхшээлтэй хүний тэргэнцэр дээр суусан, 52 настай өвгөн, Инчеон дээр тосож авчээ. Гэрт нь дагаж очвол бүр аймшиг. 94 настай хэвтэрт байдаг хөгшин эцгийнхээ хамт амьдардаг аж. Ингээд Бямбацэцэг бүсгүй, өтгөн шингэнээ өөрийн мэдэлгүй цувуулах эцэг хүү 2-ыг "асрагч эхнэр” болжээ. Нөхөр нь секс хийх тоолондоо удаан дур тавиулдаг эм уудаг болохоор 1-2 цаг тавь гарсан эрийн дор хэвтэх ямар сайхан байх билээ. Бямбацэцэг анх бодохдоо солонгос киноны од Ким Ин Ха, Ким Ду Хан, Хан Хэ Тэй шиг царайлаг залуугийн өвөрт орно гэж бодсон нь том эндүүрэл байжээ.

Цоожцэцэг гэх бүсгүй 21 настай. Бас л том эндүүрч гэнэн царайлж яваад Ин Со Жү гэх 46 настай солонгос эртэй ханилжээ. Амьдрал нь яг аймшгийн кино. Архи уусан үедээ арслан бар шиг загнана. Гадагшаа явах үедээ үргэлж гаднаас нь цоожилж явна. Хэл сурчихна гэж болгоомжлоод, гэрт нь зурагт, радио, хөгжим, утас аль нь ч байхгүй. Байдаг нь нөхрийнх нь гар утас, компьютер 2 нь нууц кодтой болохоор асааж унтраахаас хэтэртлээ хэрэглэгдэхгүй. Нөхрийгөө ямар ажил хийдгийг ч мэдэхгүй 3 жил хамт амьдарсан аж. Цоожцэцэгийг гадаад ертөнцтэй холбож өгдөг цорын ганц зүйл нь "цонх”. Орой болгон согтуу ирэх нөхөр нь элдвээр тамлан зовооно. Хамгийн аймшигтай нь компьютер дээрээ сатомазохистуудад зориулсан "+18″ порно кино тавиад дуурайж хийхийг шаардана. Хийснийг нь хийхгүй бол зодуулж элдвээр тамлуулна. Гар хөлийг нь хүлж байгаад сексдэнэ.
Ганц солонгос ч биш соёлтой боловсролтой барууны оронд сайхан амьдрах мөрөөдөл тээж очдог манай хүүхнүүд бас л аймшигтай зовлон амссаар байна. АНУ-д мастер хамгаалж, ногоон карттай болсон монгол бүсгүй, америк эртэй хууль ёсоор гэрлэж хүүхэдтэй болжээ. Тэнд ч энд ч гэр бүл салалтын тоо буурахгүй байгаа нь үнэн болохоор, амьдрал төдийлөн санаснаар нь болохгүйн улмаас тэр шүүхэд салах өргөдлөө өгчээ. Хэдийгээр монгол бүсгүй, америк нөхрөөсөө өндөр цалинтай, хүүхдээ өөрөө өсгөх боломжтой гэдгээ шүүхэд нотолсон ч, шүүгчид өөрийнхөө иргэн эрд хүүхдийг өгөх шийдвэр гаргаж, эх үрсийг амьдын хагацалд унагаажээ. Нөхөр нь Европд ажиллахаар явсан тул бүсгүй 3 настай хүүхэдтэйгээ жилд ганцхан удаа уулзах эрхтэйгээр үлдсэн байна.

Төмөрхүү гэх бүсгүй Монголд жуулчилж явсан Швейцарийн иргэнтэй танилцаж, улмаар хамт амьдрахаар, дэлхийн хамгийн баян, төвийг сахисан улс руу хүлгийн жолоог залжээ. Урьд нь монгол хүнтэй сууж байгаад салсан Төмөрхүү бүсгүйд Швейцарь жуулчин сайхан амьдрал амалсан нь мэдээж. Очиж байгаа орноо нэг их "гоё газар” гэдгээс өөр төсөөлөлгүй, тэндхийн албан ёсны 3 хэлний алийг ч гадарлахгүй атал, охиноо дагуулан явсан бүсгүй очсоныхоо дараахнаас л нөхрийнхөө алганы амтыг үзэх болов. Нөхөр нь ижил хүйстэнтэйгээ хавьтдаг, бэлгийн замбараагүй явдалтай. Хүн тарчилгаж таашаал авдаг гаж донтонтой бүсгүй хамт амьдарч эхэлсэн байна. Мэдээж зовохын дээдээр зовжээ. Нөхөр нь түүнийг зодохдоо, хөрш айлынхандаа мэдэгдэхгүй гэж, Моцартын бадрангуй ая эгшиглүүлж байгаад "тамлана”. Ил харагдах шарх сорви үлдээхгүй. Бүсгүй цагдаад мэдэгдэн эрхээ хамгаалья гэхээр хэл мэдэхгүй, хууль бүр ч гадарлахгүй болохоор дуугүй л зодуулж, тарчилж суух. Эцэст нь тэвчээр барагдаж, Монгол руугаа оргожээ. Төмөрхүү нутагтаа ирсэн хойноо мэджээ. Өнөөх тамлагч нөхөр нь түүний хойноос Монголд ирээд "Одоо би чамайг хайрлана. Хүүхдээ бодоод сайхан амьдарья” гэхчилэн түмэн сайхан амлалт өгч байж дагуулан буцжээ. Швейцарьт ирсэн хойноо "Чи надтай хууль ёсоор гэрлэхгүй бол, наад хүүхдээ гудамжинд гаргаарай” гэж дарамталсан тул Төмөрхүү арга буюу гэрлэлтээ батлуулсан нь хожим асар том алдаа болсон юм. Хүүхэд төрсний дараа, нөхрийнх нь хүчирхийлэл бүр гаарсан гэнэ. Нөхөр нь нярай хүүхдийнхээ хөлнөөс нь барьж байгаад, усанд дүрж эх хүү 2-ыг зэрэг тамлан зугаацдаг болжээ. Бүсгүй хүүхэд рүүгээ ухасхийвэл цохиж унагаана. Нэг удаа хүүхдээ өмөөрөх гээд цохиулан ухаан алдан унасан байна. Охин нь ч хойд эцгийнхээ хүчирхийлэлд өртжээ. Бүсгүй тэсэхээ болиод хүүхдүүдээ аваад Монгол руу дахин оргов. Тамлагч эр түүнийг зүгээр нэг тавиад явуулсангүй. Швейцарийн иргэнийг аваад оргосон хэмээн эхнэрээ цагдаад мэдэгдсэн байна. Хүүхэд нь Швейцарийн иргэн тул, бүсгүй хүүхэд хулгайлсан хэрэгт унах нь тэр. Мөн Төмөрхүүг зодчихоод, өөрийн биеийг өнгөц шархдуулаад, цагдаагийн хэсэгт очин "миний эхнэр сэтгэцийн гажигтай монгол бүсгүй, намайг байнга зодож дарамтлаад байна” хэмээн тэмдэглүүлээд байдаг байж. Швейцарийн иргэнд халддаг, гэр бүлийн хүчирхийлэл үйлддэг монгол бүсгүй, Швейцарийн иргэнийг аваад оргосон хэрэг босов. Одоо бүсгүйг Монголын хууль хяналтын байгууллагаар дамжуулан, Швейцарийн шүүх эрэн сурвалжлуулж байгаа бөгөөд, уг бүсгүйд өмгөөлөгчөөс нь өөр тус болох хүнгүй байгаа аж.

More 417 1

Category: Гол мэдээ / Нийтлэл

Маркетеруудын чуулганаар шинэлэг шийдлүүдийг танилцуулна

2016/10/20

Маркетеруудын чуулганаар шинэлэг шийдлүүдийг танилцуулна

Author: saikhnaa on 20-10-2016, 11:52

Монголын Үндэсний Маркетингийн Холбоо 2013 онд анхны Маркетеруудын өдрийг санаачлан, нэгдсэн чуулган зохион байгуулж байсан бөгөөд жил бүрийн 10 дугаар сарын 20-нд "Монголын Маркетеруудын нэгдлийн өдөр”-ийг тэмдэглэн өнгөрүүлдэг уламжлал тогтоод байгаа билээ.

Монголын Үндэсний Маркетингийн Холбооноос энэ өдрийн хүрээнд "Маркетеруудын чуулган”-ыг зохион байгуулдаг бөгөөд өдгөө дөрөв дэх удаагийнхаа чуулганыг өнөөдөр эхлүүлэхэд бэлэн болжээ.

Монголын маркетеруудаа нэгтгэх, олон улсын чиг хандлага хаана явж байна, бид хаана нь байна гэдгээ тодорхойлох, нийгмийн хөгжилд хэрхэн хувь нэмрээ оруулах, оюуны том хүч бүхий энэ залуусыг нэгтгэснээр Монгол улсын хөгжилд хэрхэн нөлөөлөх вэ гэдгээ ярилцах, үндэсний брэндээ хэрхэн гаргаж ирэх вэ, маркетеруудаа хэрхэн мэргэшүүлэх, олон улсын тавцанд хэрхэн бэлтгэн гаргах вэ гэх мэтчилэн томоохон зорилгын хүрээнд энэхүү тэмдэглэлт өдрийн арга хэмжээнүүд чиглэгдэх юм байна.

Энэ удаагийн чуулган "Бүтээлч Монгол” уриан дор зохион байгуулагдаж байгаа бөгөөд 2016 онд бүтээлчээр манлайлж, олон улсын зах зээлд бүтээгдэхүүн үйлчилгээгээ амжилттай гаргасан компаниудаа танилцуулж, ямар маркетингийн бодлого барьсан, хэрхэн амжилтанд хүрсэн, амжилтанд хүргэсэн гол зүйл нь юу байсан гэх зэрэг өргөн хүрээний мэдээллийг өгч, маркетингийн шинэлэг шийдлүүдийг танилцуулж байгаагаараа онцлогтой болох юм.

Маркетеруудын чуулган өнөөдөр өдрийн 12 цагт "Корпорэйт Конвэншн центр”-т болно. Хамрах хүрээний хувьд бизнес эрхлэгчид, төрийн болон төрийн бус байгууллагууд, хэвлэл мэдээллийн салбарынхан, судалгааны байгууллагууд, эрдэмтэн судлаач, багш нар, маркетерын чиглэлээр суралцаж буй оюутан залуус гээд бүхий л хүрээг хамарч байна.

Бүртгэлийн үйл ажиллагаанд хараахан хамрагдаж амжаагүй хүмүүст ч боломж байгааг сонордуулъя. Та бүхэн event.mnma.mn сайтаар цахим бүртгэлд хамрагдах буюу тодруулж, дэлгэрүүлж мэдээлэл авах бол 88086030 дугаарт холбогдоорой.

More 315 0

Category: Мэдээ мэдээлэл

Орон нутагт МАН ялжээ

2016/10/20

Орон нутагт МАН ялжээ

Author: saikhnaa on 20-10-2016, 11:32

Нийслэлийн хэмжээнд ирэх ням гарагт нөхөн сонгууль явуулахаар болсон ч, орон нутгийн сонгуульд МАН илүү санал аваад байна. Сонгуулийн Ерөнхий Хорооноос албан ёсны мэдээллийг нийтэд өгөөгүй байгаа ч, орон нутгаас ирж байгаа мэдээллээс харахад МАН 200 гаруй суман ялалт байгуулжээ. За харин Ардчилсан нам 100 гаруй суманд илүү санал авсан гэх мэдээлэл байгаа юм.

Дашрамд өгүүлэхэд, 2012 оны орон нутгийн сонгуульд 170 гаруй суманд Ардчилсан нам, 160-аад суманд МАН ялалт байгуулж байсан. Харьцангуй ойр саналыг хоёр нам авч байсан. Тэгвэл энэ удаагийн сонгуулиар орон нутагт МАН илүүрхсэн санал авч байна.

За харин нийслэлийн тухайд нөхөн сонгуулийн дараа албан ёсны мэдээлэл нь ил болох биз ээ.

Эх сурвалж: Шуурхай.мн

More 492 0

Category: Мэдээ мэдээлэл

Холбоо айлчлал ба Тавантолгой

2016/10/20

Холбоо айлчлал ба Тавантолгой

Author: saikhnaa on 20-10-2016, 11:20

Хоёр сарын дараа буюу 60 хоногийн дараа 560 сая ам.доллар төлөх гэж байгаа төрийн тэргүүнүүд маань, мөнгөний авдрын эзэд бүгд хөдөлж Ази, Америк тивээр явж байгаад ирлээ. Ерөнхий сайд Японд явах зуурт Сангийн сайд,Монголбанкны удирдлагууд АНУ-д айлчилжээ. Лондон, Сингапур дахь санхүүгийн байгууллагуудтай мөнгө татах талаар яриа хэлэлцээр мөн хийж. Их хурлын дарга намын шугамаар Хятадыг зорих зууртаа төрийн тэргүүнтэй нь дээд хэмжээнд тулж уулзалт хийгээд ирлээ. Гол анхааралд байсан Хятад, Япон хоёр оронд зэрэг хийгдсэн төрийн тэргүүнүүдийн холбоо айлчлалын тайлан болоод цаашид гарах үр дүнгийн талаар таамаг яригдаж эхэллээ.

АН-ын үед хэрүүлийн алим болоод байсан ТТ ба нүүрсний зам МУ-ын сайд асан М.Энхсайхан нарын зүтгүүлж байсан Мега төслийн зургаар хөдлөж магадгүй болсон дүр зураг тодорсоор байна. Тавантолгойг урд хөршийн компанитай хамтрах хувилбарыг дэмжигсэд болоод эсэргүүцэгч нарын байр суурь тодорхой байдаг. Хятадын талтай хамтрахыг эрс няцааж гацааж ирсэн талд өмөөрөн харах зүйл их байсан ч эдийн засаг талдаа үүнээс илүү гэх хувилбар гаргаж тавиагүй байдаг. Нэг компанийг зуусан мэт гацаасаар ирсэн болж харагдсан.

Далайн боомт хүрч тэндээс цааш Япон Солонгост коксжсон нүүрс гаргах ойрхон зай км-ийн яриа манай улстөрчдийн дунд хэндээ ч хазуулалгүй шидэлцсэн хэрүүлийн алим болсоор үндсэндээ 6 жилийг барсан. Дундаа наймаалцах, тулгах шахах, улс төржүүлэх бүх арга хэлбэрээр Тавантолгой ба Төмөр зам гэсэн алим дээр халз үзсээр. Үндсэндээ хоёр сонгууль дамнаж ирсэн. Үр дүнд нь нүүрснээс олсон ашиг гэж Монголын хувьд байхгүй. Чалко гэх нүүрсний ченж компанид хар алтныхаа үнийн бодлогоо атгуулчихсан суугаа улс. Чалкотой дахин шинэчилсэн гэрээгээр тогтоосон доод үнийг өр барагдтал юу ч болж байсан хөдөлгөх эрхгүй. Харин Чалко цааш хил давуулангуутаа тухайн өсч буй ханшаар зараад байх эрхтэй. Ийм гэрээг эх орондоо авч үлдэж Хятадын нэг компанид өрнийхөө дээр нөхөөс болгож хатуу доод үнийн хязгаар олгосноор тухайн үеийн шийдвэр гаргагч нар юу хүртэж үлдсэн бол. Яг ийм гэрээг тоох ч үгүй үзэглээд иргэдийн тархийг медиа ажиллагаагаар угааж чаддаг, хоёр нүүртэй болсон мэт улстөрчид байхад цаашид уул уурхайгаар хөгжих дэвжих тухай яриа үнэндээ байхгүй . Урьд урьдын засгийн иймэрхүү олхиогүй хандлагыг МАН өөрчилж чадах уу гэдэгт л Тавантолгойн гол хүлээлт байна.

Алдарт бэлэн мөнгөний амлалтын хоёр саяас хойшх хугацаанд Монголын нүүрс бол "Түй” болж үнэгүйдлээ. Эрдэнэс Тавантолгой гэж төрийн өмчит компани Чалкогийн өр дарагч л компани болжээ гэмээр. Тэгсэн хэрнээ өөрсдөө ч олборлолтоо хийхгүй уурхайдаа Хятадын компани оруулж өндөр өртөгтэйгээр нүүрсээ нь гаргуулж байгаа тухай ч сонсогддог. Ийм үед л Тавантолгойн 4 тэрбум тонн нүүрсээ дахиад хүний хоол болгоод тавиад туучихгүйн тулд яаж хөдлөх нь олны анхааралд байх ёстой.

Тавантолгойг таван цул болгож булаалдах бизнес улс төрийн бүлэглэл эрх баригч хоёр том намын эвийг ч зангидаж, эвдрэлийг ч үүдэж ирсэн нь одоо нууц биш болсон. Хэн нэг нь шууд бярдаад хөдөлгөчих илт давуу байдлыг аль ч тал нь олж авч чадалгүй хоёр сонгууль дамжсан. Үүний ачаар гэх үү, эзээр гэх үү одоо болтол Тавантолгой хэвлий дэх нүүрстэйгээ Монголынхоо өмч хэвээр байгаа. Улстөрчдийн том тулааны галыг хөөргөдөгч нь Тавантолгой байсаар ирсэн талаар экс Ерөнхийлөгч Н.Энхбаяр 100 эрхэм нэвтрүүлэгт уригдахдаа хүүрнэн ярьсан удаатай. 2012-2106 оны парламентын нэг засгийн аминд хүрсэн ба дахин хүрэх шахсан савлагааны ард мөн л Тавантолгой байсан гэсэн жиг жуг яриа улс төрийн хүрээнд ч байдаг.

Тавантолгойг хөдөлгөхөөс аргагүй байдлыг хэлэх эрх баригчдын нэг учирлал мөнхийн тойргоор үргэлжилсээр байгаа нь нийгэмд хардлага төрүүлдэг. Эдийн засаг тойрог хямрал, өрийн дарамт нэмэгдэх, энэ нь явсаар иргэн бидний амьдралын уналт болж ноён болсон долларын дарамттай хавсрах тусам "Тавантолгойг л хөдөлгөчихвөл” гэсэн мессеж идэвхжээд эхэлдэг.

Одоогийн парламент ирэх жилээс Тавантолгойн хөдөлгөх гурав дахь давалгааг эхлүүлэх байх. Харин оршил нь яг л адилхан найман жилийн өмнөх хэвээр. Томоохон орд төслөө хөдөлгөхгүй бол цалин тэтгэврийн ч мөнгө алга. Өрөө дармаар, дараа нь өөдөлж дэвшмээр. Ингэхийн тулд гэсэн арга мухардсан арчаагүй учирлал урьдынхаараа...

Тавантолгой хөдлөх юм байна. Яаж гэдэг нь Хятад, Японд өрнөсөн төрийн хоёр томын холбоо айлчлалын дараах өрнөлөөс харагдах бололтой.

Пүрэвжавын Баярхүү /тоймч/

Эх сурвалж: Shuud.mn

Линк: http://www.shuud.mn/content/read/474824.htm

More 368 0

Category: Гол мэдээ /

Хөгжлийн банкны хэргийг шалгахад Японы тал оролцох уу

2016/10/20

Хөгжлийн банкны хэргийг шалгахад Японы тал оролцох уу

Author: saikhnaa on 20-10-2016, 11:04

Хөгжлийн банкнаас асар их хэмжээний хөрөнгө мөнгө буруу зарцуулагдсан, "алга болсон” зэргийг МАН-ын Засгийн газраас томилсон ажлын хэсгийнхэн илрүүлээд байна. Шалгалтын материалыг тэр чигээр нь дэлгээгүй ч эх сурвалжууд зарим мэдээллийг нийтэд ил болгоод байна.

Тэгвэл өчигдрөөс Хөгжлийн банкны хариуцан зарцуулсан "Самурай” бондыг тойрсон асуудлыг Японы тал хамтарч шалгахаар болсон гэх мэдээллийг албан бус эх сурвалж хэллээ.

Тэр нь "Самурай” бондоос ихээхэн хэмжээний мөнгө шимтгэл, бас зуучлалын хөлс нэрээр Японд үлдсэнтэй холбоотой гэнэ. Уг мөнгийг Японы талын албан тушаалтанд авлигад өгсөн байж болзошгүй гэх ноцтой мэдээлэл яригдаад эхэллээ.

Дээрх "шимтгэл”-ийн талаар өмнө нь манайхан ярьж, тайлбарлаж байсан байдаг. 2015 оны арваннэгдүгээр сард УИХ-ын гишүүн Л.Энх-Амгалан, Ч.Хүрэлбаатар, Б.Чойжилсүрэн нар Хөгжлийн банкинд хийсэн шалгалтын дүнгийн талаар сэтгүүлчдэд мэдээлэл хийж байжээ. Гишүүд хэд, хэдэн ноцтой зөрчил илэрсэн талаар хэлээд "...Мөн Самурай бондын баталгаа гаргах төлбөр, бонд гаргахтай холбоотой зардалд авсан зээлийн 19,2 хувьтай тэнцэх 5,7 тэрбум доллар 55,7 сая долларыг суутгуулсан. Үндсэндээ 290 сая долларын зээл авсан мөртлөө 55,7 сая долларыг нь зээлийнхээ зардалд суутгуулчихсан байж байна. Үүнийг тусгайлан аудит гаргаж шалгах шаардлагатай” гэсэн байна. Энэ талаар тухай үеийн Хөгжлийн банкны гүйцэтгэх захирал Н.Мөнхбат 2014 оны хоёрдугаар сард хэвлэлд өгсөн ярилцлагадаа "...Японы олон улсын хамтын ажиллагааны банк "Самурай” бондын эрсдлийг дааж байгаа гэдгийг дахин тодотгох хэрэгтэй байх. Бараг 95 хувийн эрсдлийг өөр дээрээ үүрч байгаа. Тиймээс эрсдлийн үнэлгээний зардлаа авсан хэрэг. Албан ёсны хэллэгээр баталгааны шимтгэлд хоёр хувийг төлсөн. Тэгэхээр "Самурай” бонд буюу үйлдвэржилтийн бондын нийт хүү нь 3.52 болж байгаа юм. Манай дансанд одоогоор 24.3 тэрбум иен орж ирсэн. Үлдсэн 5.7 тэрбум иенийг Японы олон улсын хамтын ажиллагааны банк шимтгэлдээ авсан байгаа. Японы олон улсын хамтын ажиллагааны банк баталгааныхаа шимтгэлээ нэг дор авчихдаг юм байна лээ” гэж байв.

2013 оны есдүгээр сард Ерөнхий сайд Н.Алтанхуягийг Японд айлчлах үеэр тус улс "Самурай” бондод баталгаа гаргах боломжтойгоо илэрхийлэн хамтын ажиллагааны санамж бичгийг үйлдэж, хоёр тал гарын үсэг зурж байв. Өөрөөр хэлбэл, Н.Алтанхуягийн босгосон хоёр дахь бонд нь энэ юм. Өөрөөр хэлбэл, өнөөдөр хэл ам татлаад эхэлсэн "Самурай” бондын хөрөнгийн зарцуулалтын хэрэгт зөвхөн Хөгжлийн банкны гүйцэтгэх захирал асан Н.Мөнхбатыг бус Ерөнхий сайд асан Н.Алтанхуяг, Эдийн засгийн хөгжлийн сайд асан Н.Батбаяр нарыг хамаатуулан шалгаж эхэлсэн тухай эх сурвалжууд мэдээлж байгаа.

Тэгвэл "Самурай” бондын асуудалд сайд асангуудаас гадна Японы алба хариуцсан хүмүүс ч татагдаж магадгүй нь бололтой. Япон ч яахав, ил тодорхой болоод эхэлмэгц "хэргийн эзэн” шууд гарч ирж уучлал хүсээд хариуцлагаа хүлээдэг ёс журамтай. Харин манайхан яах бол?

Учир мэдэх хүмүүсийн ярьж байгаагаар бүх гүйлгээнд гарын үсэг зурсан Хөгжлийн банкны гүйцэтгэх захирал асан Н.Мөнхбат л буруутаад үлдэх вий гэж байна. Хууль, журмаар гарын үсэг зурсан нь буруутаж болох. Гэвч тэр их хөрөнгийг дарга нараасаа асуулгүй шийдэх зүрх зориг Н.Мөнхбатад байсан эсэх нь хамгийн эргэлзээтэй юм.

Улс дамнан шалгаж магадгүй болоод байгаа энэ хэргийн буруутан хэн нь болж үлдэхийг харж л байя.

Эх сурвалж: "Зууны мэдээ” сонин

More 413 0

Category: Гол мэдээ /

Түүхэнд байгаагүй муу ирцтэй сонгууль боллоо

2016/10/20

Түүхэнд байгаагүй муу ирцтэй сонгууль боллоо

Author: saikhnaa on 20-10-2016, 10:44

Сум, дүүргийн ИТХ-ын 2016 оны ээлжит сонгууль боллоо. Санал хураалт 07:00-22:00 цагийн хооронд явагдсан юм. Энэ удаагийн сонгуулиар 21 аймгийн 1613 баг, нийслэлийн есөн дүүргийн 152 хорооноос нийт 7282 төлөөлөгч сонгогдох учиртай. Эдгээр 7282 мандатын төлөө өрсөлдөхөөр 15212 нэр дэвшигч бүртгүүлснээс улс төрийн нам, эвслээс 14489, харин бие даан 723 нэр дэвшигч бүртгүүлжээ. Үүнээс 4530 нь эмэгтэй нэр дэвшигч байв.

Энэ удаад сум, дүүргийн ИТХ-ын сонгуульд МАН, АН, ИЗНН, Монголын Ногоон нам, Бүгд найрамдах нам, МАХН, Ардчилсан нам-Монгол Ардын Хувьсгалт намын "ТӨВ НУТАГ” эвсэл, Эх Орон Нам, Монгол Үндэсний Ардчилсан нам, Хөдөлмөрийн Үндэсний нам оролцлоо. Мөн сонгууль зохион байгуулахаар 1765 тойргийн, 2082 хэсгийн хороо ажиллав. Орон нутгийн сонгуульд зориулж нийт 1765 төрлийн хоёр сая гаруй саналын хуудас хэвлүүлж хэсгүүдэд хүргүүлсэн бөгөөд сонгуулийг нийтдээ 13.9 тэрбум төгрөгөөр зохион байгуулсан байна.

12:00 цагийн байдлаар сонгогчдын ирц 16.8 хувьтай байв

Энэ удаагийн сонгууль нэлээд ирц муутай эхэлсэн юм. Тухайлбал, 12:00 цагийн байдлаар нийслэлийн 110404 сонгогч саналаа өгч, ирц 12.84 хувьтай байсан. Орхон, Баян-Өлгий, Увс зэрэг аймгуудад 10 гаруйхан хувьтай байсан бол улсын хэмжээнд сонгогчдын ирц нийт 16.8 хувьтай байсан юм. Энэ талаар Сонгуулийн ерөнхий хорооны дарга Ч.Содномцэрэн "Улсын хэмжээнд сонгогчийн ирц тааруу байна. Зарим газар цастай, даваа гүвээ хаагдсан гэх зэрэг санал өгөхөд бэрхшээлтэй байгаа тухай мэдээ ирж байна.

Бидний зүгээс иргэдийн сонгох эрхийг хангахын тулд Онцгой байдлынхантай хамтран ажиллаж байгаа. Мөн сонгууль өгөх өдрийг төрөөс бүх нийтийн амралтын өдөр байна гэж заасан байгаа. Гэтэл зарим байгууллагуудаас ажилчдаа амраахгүй байна гэсэн гомдол ирсэн. Тиймээс бид тухайн байгууллага, салбарын удирдлагатай холбогдож, зохицуулах арга хэмжээ авч байна” гэдгийг дуулгасан юм.

Харин сум, дүүргийн сонгуулийн ирц 17:00 цагийн байдлаар аймгийн дундаж 49.1, улсын хэмжээнд 40.9 хувьтай байлаа. Энэ үеэр сонгуулийн ирц нь бүрдсэн 10 аймаг байв. Тухайлбал, Архангай 55.3, Баян-Өлгий 56.9, Баянхонгор 54.5, Говь-Алтай 56.2, Завхан 62.3, Сүхбаатар 61.4, Төв 50.4, Увс 56.6, Ховд аймаг 57.1 хувийн ирцтэй байсан юм. Нийслэлийн сонгогчид сонгуульдаа тун идэвхгүй оролцлоо. 12:00 цагийн байдлаар ирц 12.84 хувьтай байсан бол 17:00 цагийн байдлаар 30.9 болж нэмэгдсэн юм. Дүүргүүдээс Багахангай дүүрэг хамгийн өндөр ирцтэй буюу 52.7 хувьтай байлаа. Харин хамгийн бага нь Сонгинохайрхан дүүрэг 27.9 хувийн ирцтэй байсан юм.

Дүүргүүдийн хувьд ирц хангалтгүй байлаа

Сонгогчдын идэвх муу, ирц сул байгаа учир хэсгийн хороодын ажилчид иргэдийг саналаа өгөхийг уриалах, дуудах ажлыг хийж эхлүүлсэн. Уг нь орон нутгийн хувьд ирц харьцангуй өндөр, хангалттай байгаа ч нийслэлд ирц бага байлаа. Улмаар санал хураалтын үйл ажиллагаа журмын дагуу 22:00 цагт өндөрлөв. Ингээд дүүргийн ИТХ-ын 2016 оны ээлжит сонгуулийн ирцийн нэгдсэн дүнг Нийслэлийн сонгуулийн хороо 00.30 цагт мэдээлэл өгөх байсан. Гэвч зарим хэсгийн хорооноос ирцийн мэдээллийг эцсийн байдлаар өгөөгүй байгаа тул дүнг хараахан нэгтгэж амжаагүй байна гэх шалтгаанаар дугаар шилжих мөчид буюу 00:50 цагт мэдээлэл өгөөгүй л байлаа. Ирцийн тухайд нийслэлийн Хан-Уул, Сонгинохайрхан, Чингэлтэй дүүрэгт ирц хангалтгүй байгааг эх сурвалжууд мэдээлж байна.

Тухайлбал Чингэлтэй дүүрэг 19 хороотойгоос 4-5 хорооных нь бүрдсэн, бусад хорооны ирц бүрдээгүй гэв. Тэгэхээр ирц бүрдээгүй хэсэгт дахин санал хураалт явуулна. Дахин санал хураалт энэ сарын 29-нд болох юм. Харин сонгуулийн ирцийн талаар Сонгуулийн Ерөнхий хорооноос 22:30 цагт мэдээлэл хийх тов гарсан байсан. Гэсэн хэдий ч ирцийн мэдээллийг орон нутгаас нэгтгэж байгаа учир мэдээлэл хийх боломжгүй сонгуулийн урьдчилсан дүнг өнөөдөр танилцуулахаар болсон гэдгийг дуулгасан.

Завханд АН, Баян-Өлгийд МАН үнэмлэхүй ялалт байгуулжээ

Нийслэл, аймгийн сонгуулийн хороод дүнг тав хоногт багтан хэлэлцэж, орон нутгийн хурлын төлөөлөгчөөр сонгогдсон нэр дэвшигчдийн нэрсийн жагсаалт болон тэдний бүрэн эрхийг нь хүлээн зөвшөөрөх учиртай. Өөрөөр хэлбэл, сонгуулийн дүн мэдээ аравдугаар сарын 26-ны лхагва гарагт эцсийн байдлаар тодорхой болох юм.

Улмаар шинээр сонгогдсон төлөөлөгчдөө аймаг, нийслэл, сум, дүүргийн хуралд өргөн мэдүүлж, энэ тухайгаа СЕХ болон нийтэд долоо хоногийн дотор мэдээлэх ёстой юм. Эх сурвалжуудын мэдээлж буйгаар урьдчилсан байдлаар Хөвсгөлийн 23 сумын зургаад нь АН, 17-д МАН ялсан бол Завханы 24 сумаас 19-д АН, хоёр суманд МАН, гурван сумын дүн гараагүй, Баянхонгор аймгийн 20 сумын тавд нь АН, 14-д нь МАН ялсан бол нэг сум нь асуудалтай байгаа гэнэ. Түүнчлэн Увсын Зүүнговьд АН 19, МАН хоёр суудал авсан бол бусад сумдад нь МАН ялсан байна.

Ховдын Буянт зэрэг суманд АН ялсан бол Дундговийн 15 сумаас тавд нь АН, 10 суманд МАН, Сэлэнгийн 17 сумаас долоод нь АН, 10 суманд МАН, Говьсүмбэрийн гурван сумаас нэгд нь АН, хоёрт нь МАН, Дорноговийн 14 сумаас гуравт АН, 10 суманд МАН ялсан гэсэн мэдээ ирлээ. Харин Архангай цэцэрлэгт, Төв аймгийн Зуунмод зэрэг 16 суманд МАН ялсан бол 27 сумаас Архуст, Эрдэнэсант, Батсүмбэр, Өндөрширээт, Баянцагаан, Заамар, Баяндэлгэр зэрэг 10 суманд АН ялж, Сэргэлэн суманд тэнцсэн байна. Дундговь аймгийн Цагаандэлгэр, Баянжаргалан, Гурвансайхан, Өлзийт, Эрдэнэдалай суманд АН ялж, үлдсэн сумдад МАН ялалт байгуулж чаджээ. Баян-Өлгий аймгийн хувьд бүх суманд нь МАН ялсан бол Дорноговийн 14 сумаас гуравт нь АН, 10 суманд МАН ялсан байна.

Өвөрхангай аймгийн Хархорин, Баян-Өндөр, Баруун баянулаан, Тарагт, Уянга, Төгрөг сумдад АН үнэмлэхгүй ялалт байгуулсан гэсэн мэдээлэл байгаа юм. Баянхонгор 20 сумаас долоон суманд АН, бусад нь сумдад МАН, Хэнтий аймгийн 22 сумын 17 сумаас мэдээ ирсэн бөгөөд 17 сумын зургаад нь АН, есөн суманд МАН, Өмнөговийн 15 сумаас гурван суманд АН, 12 суманд МАН, Булганы 16 сумын гуравт нь АН, 13 суманд МАН ялалт байгуулжээ. Нийслэлийн хувьд Сонгинохайрхан, Багануурт дүүрэгт МАН ялсан байна. Харин Хан-Уул 16 тойргоос тав нь ирц хүрээгүй, 11 хорооноос тавд нь АН, зургаад нь МАН ялсан, Налайх дүүрэгт АН дөрөв, МАН 21 суудал авсан байна. Түүнчлэн Хан-уул дүүргийн хэмжээнд АН найм, МАН ес, бие даагч хоёр суудал авсан гэх мэдээлэл байна.

Дашрамд дуулгахад, Сүхбаатар аймаг өнгөрсөн сонгуулиар ИТХ-н 33-н суудлаас АН 16, МАН 16, болон тэнцэж Дарьганга сумын гуравдугаар тойрогт дахин сонгууль зарлагдсан билээ. Өчигдөр болсон орон нутгийн сонгуулийг улс даяараа чих тавин хүлээж байлаа. Учир нь Ардчиллын түүхэнд 2004, 2008, 2012 оны сонгуулиудад дараалсан ялалтуудыг авч ажиллахдаа Монгол Улсын шилдэг аймгаар дөрвөн удаа шалгарч байсан түүхтэй юм.

Орон нутгийг яаж бие даан хөгжүүлж болдгийг аль ч намын засгийн газартай хамтарч ажиллаж чаддагаа Монголын ард түмэнд харуулсан баг бүрэлдэхүүнд дахин итгэл өгөх эсэх нь сонирхол татаж байлаа. Тэгвэл өчигдрийн сонгуульд дахин ялалт байгуулж, дөрвөн сонгууль дараалсан ялалтын эзэд боллоо.

Энэ удаагийн сонгуулийг Аймгийн АН-н дарга Монгол Улсын шилдэг менежер Сүхбаатар аймгийн 16 дахь засаг дарга Ж.Батсуурь гардан удирдаж, АН-аас ИТХ-н Дарга Паламын Мөнхжаргал өрсөлдөж, үнэмлэхүй хувиар ялж, МАН-аас хууль зөрчин Засаг даргын үүргийг гүйцэтгэж байгаа гэх Занын Энхтөр өвдөг шороодлоо. Сүхбаатарчуудын анхаарлыг удтал татсан сонгууль эцэс болж Ардчилсан нам бодлогоо хэрэгжүүлэх бүтээн байгуулалтаа үргэлжлүүлж, ард түмнийхээ сайн сайхан амьдралын төлөө ажиллах боломж бүрджээ. Сүхбаатар аймгийн хувьд 13 сумын долоод нь АН, зургаан суманд МАН ялалт байгуулсан гэсэн урьдчилсан мэдээ ирээд байна.

Төрийн гурван өндөрлөг иргэний үүргээ биелүүллээ

Төрийн гурван өндөрлөгийн хувьд Ерөнхийлөгч Ц.Элбэгдорж Сүхбаатар дүүргийн гуравдугаар хороо, Монгол-Оросын хамтарсан гуравдугаар сургуульд байрлах сонгуулийн хэсгийн хороонд саналаа өгсөн юм. Харин УИХ-ын дарга М.Энхболд өчигдөр Чингэлтэй дүүргийн сонгуулийн нэг дүгээр тойрог, 2036 дугаар хэсгийн санал авах байранд буюу нийслэлийн 23 дугаар дунд сургууль дээр саналаа өглөө. Ерөнхий сайд Ж.Эрдэнэбат 12:30 цагт Баянзүрх дүүргийн ИТХ-ын сонгуулийн 1834 дүгээр хэсгийн хороонд очиж саналаа өгөв.

Ц.Элбэгдорж: Хамгийн их зүйл хийх хүмүүсээ сонгох сонгууль болж байна

Монгол Улсын Ерөнхийлөгч Ц.Элбэгдорж гэргий Х.Болормаагийн хамт Монгол-Оросын хамтарсан III сургууль дээр байрлаж буй хэсгийн хороонд очиж саналаа өгөв. Саналаа өгснийхөө дараа тэрбээр хэлэхдээ "Та бүхний энэ өдрийн түмэн амгаланг айлтгая. Энэ удаагийн сонгууль иргэд, хүмүүст хамгийн ойрхон ажиллах төлөөлөгчдөө сонгож байгаа сонгууль юм. Иргэдэд хамгийн ойрхон ажиллаж, хамгийн их зүйл хийх хүмүүсээ сонгох сонгууль болж байна. Нийт иргэддээ сонгуульдаа идэвхтэй оролцохыг хүсч байна. Бүгдэд нь амжилт хүсье. Баярлалаа” гэлээ.

Ж.Эрдэнэбат: Монголын иргэд мэргэн сонголт хийж, МАН-д итгэл үзүүлнэ

Ерөнхий сайд Ж.Эрдэнэбат Баянзүрх дүүргийн 25 дугаар хорооны 1834 дүгээр хэсгийн хороонд орон нутгийн ИТХ-ын сонгуульд санал өглөө. Тэрбээр, "Иргэний үүргээ биелүүлж, ИТХ-ын сонгуульд саналаа өглөө. Засгийн газраас иргэдийн амьдралыг дээшлүүлэх, хүн бүрийг ажилтай, орлоготой байлгахын төлөө ажиллаж байна. Монголын эдийн засгийн нөхцөл байдал маш хүнд байгаа энэ үед бид 1000 цэцэрлэг барих мөнгийг зээлийн хүүнд төлж байгаа. Энэ нөхцөл байдлыг давж гарахын тулд бид орон нутгийн сонгуульд амжилт үзүүлэх шаардлагатай. Тиймээс Монголын иргэд мэргэн сонголт хийж, МАН-д итгэл үзүүлнэ гэдэгт эргэлзэхгүй байна. Иргэдийг бас улс орныхоо цаашдын ирээдүй, хөгжлийн төлөө сонгуульд идэвхтэй оролцох хэрэгтэй” гэлээ.

М.Энхболд: Сонгуулийн ирц хүрэхгүй байж болохуйц байдалтай байна

УИХ-ын дарга М.Энхболд өчигдөр Нийслэлийн 23 дугаар дунд сургуульд байрлах Чингэлтэй дүүргийн сонгуулийн нэг дүгээр тойрог, 2036 дугаар хэсгийн санал авах байранд очиж саналаа өглөө. Тэрбээр саналаа өгсний дараа "Өнөөдөр аравдугаар сарын 19-ний өдөр. УИХ-ын гаргасан шийдвэрийн дагуу орон нутгийн сонгууль явагдах ёстой өдөр. Би Чингэлтэй дүүргийн нэгдүгээр хороонд амьдардаг. Тиймээс хорооныхоо нутаг дэвсгэр дэх санал авах байранд ирж саналаа өглөө. Улсын хэмжээнд сонгуульд оролцох насны нийт иргэддээ хандаж хэлэхэд, өмнөх орон нутгийн сонгуулийн ирцийг өнөөдрийн сонгуулийн ирцтэй харьцуулвал ирц хүрэхгүй байж болохуйц байдал ажиглагдаж байна. Иймээс иргэд, олон түмэн сонгуульдаа идэвхтэй оролцохыг уриалж байна. Орон нутгийн өөрөө удирдах ёсны байгууллага бол дөрвөн жилийн хугацаанд тухайн орон нутгийн хөгжлийн болоод хүндрэл бэрхшээлтэй асуудлыг дээд шатны байгууллагадаа хүргэдэг. Дээд шатны байгууллагаас гаргасан шийдвэрийг орон нутагт хэрэгжилтийг нь хангадаг чухал байгууллага юм. Өөрөө удирдах ёсны энэхүү байгууллагаа байгуулахад иргэд бүрэн эрхийнхээ дагуу идэвхтэй оролцох нь зүйтэй юм” гэв.

Эх сурвалж: Монголын мэдээ сонин

More 482 0

Category: Мэдээ мэдээлэл