Нийслэл хот байгуулагдсаны 379 жилийн ой, Нийслэлийн өдрийг угтан ‘’Их хотын хямдрал-Бизнес фестиваль-2018’’ арга хэмжээг Нийслэлийн Засаг даргын Тамгын газар, Улаанбаатар хотын Захирагчийн ажлын алба болон Монголын Үндэсний худалдаа аж үйлдвэрийн танхимаас өнгөрсөн амралтын өдрүүдэд амжилттай зохион байгууллаа.

Тус фестивальд дүүргийн Эдийн засаг, хөгжлийн асуудал хариуцсан-Засаг даргын орлогч Д.Уламбаяр, Хүнс худалдаа үйлчилгээний хэлтсийн дарга О.Ариунболд, Нийгмийн хөгжлийн хэлтсийн дарга С.Сувд-Эрдэнэ болон албаны бусад хүмүүс, дүүргийн нутаг дэвсгэрт үйл ажиллагаа явуулж буй томоохон аж ахуй нэгж байгууллагын төлөөллүүд оролцлоо.