Австралийн уурхайгаас ховор алмаз олборложээ


Австралийн уурхайгаас ховор алмаз олборложээ

 

Австралийн баруун нутгийн Кимберли бүс нутгийн “Аргайл” алмазын уурхайгаас тус уурхайн түүхэн дэх хамгийн том хэмжээтэй алмазуудын нэгийг мягмар гарагт олборлосон байна.

28.84 карат, найман талт уг эрдэнийн чулууг “Аргайл Октавия” хэмээн нэрлэжээ. Ирэх 2020 онд үйл ажиллагаагаа зогсоох гэж буй “Аргайл” алмазын уурхайгаас Австралийн нийт алмазын 90 гаруй хувийг олборложээ.

36 жилийн түүхтэй энэхүү уурхайгаас 20-оос дээш карат жинтэй алмазыг 20 орчим удаа олборлож байжээ. Түүнчлэн “Аргайл” уурхайгаас олборлосон хамгийн сүүлийн том хэмжээтэй эрдэнийн чулуу энэ байж магадгүй хэмээн таамаглаж байна.

“Бид ийм хэлбэр, өнгө, тунгалаг байдалтай эрдэнийн чулууг маш цөөн удаа харж байсан” гэж уурхайн үйл ажиллагаа хариуцсан ерөнхий менежер Эндрю Уилсон Австралийн төв телевизэд мэдээлжээ. 


Сэтгэгдэл

АНХААРУУЛГА: Уншигчдын бичсэн сэтгэгдэлд www.Scandal.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.