Нуурын ус 70 жилийн дараа дахин оргилжээ


Сүхбаатар аймгийн Мөнххаан сумын нутагт байх Рашаант гэдэг нуурын ус оргилжээ. Өчигдөр буюу 06 дугаар сарын 03-ны өдөр 16 цагийн орчимд нуурын ус гэнэт оргилж эхэлсэн байна. Уг үйл явдал нь 1950-иад оны үед мөн болж байсан бөгөөд 70 жилийн дараа ийнхүү дахин оргилжээ.

1950-иад онд ингэж ус оргилоход Рашаант хөндий битүү усанд автаж байсан гэж нутгийн буурлууд ярьсан байна. Харин энэ удаагийн явдлыг нутгийн иргэд хэлэхдээ “Нэг хүн-Нэг мод” аянд Мөнххаанчууд идэвхтэй оролцож, олон мянган мод тарьсанд байгаль дэлхий баясаж буйгаа илэрхийлсэн байх хэмээн тайлбарлаж байгаа юм. Тиймээс уг нуурыг хашиж хамгаалах санаачилгыг нутгийн иргэд гаргаад байгаа гэнэ. Хэдхэн сарын өмнө Төв аймгийн Эрдэнэ суманд үүнтэй адил явдал болж, газрын гүнээс их хэмжээний ус оргилсон билээ.

Т.Одончимэг


Сэтгэгдэл

АНХААРУУЛГА: Уншигчдын бичсэн сэтгэгдэлд www.Scandal.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.