"Найрсаг Улаанбаатар” хөтөлбөрийн хүрээнд "Улаанбаатар Марафон 2016" олон улсын гүйлт энэ сарын 4-нд буюу маргааш төв талбайд болно. Энэ өдрийг "Автомашингүй өдөр” болгож, автомашины хөдөлгөөнийг хязгаарласан зам талбайд спортын талбай байгуулж олон нийтийг хамарсан уралдаан тэмцээн, урлаг соёлын арга хэмжээ, худалдаа үйлчилгээ зохион байгуулах бөгөөд томоохон зах худалдааны төвүүд амарах юм байна. Уламжлал ёсоор "Автомашингүй өдөр”-өөр 08.00-18.00 цагийн хооронд Зүүн дөрвөн замаас Баруун дөрвөн зам хүртэлх замыг хааж, эрүүл хэвшилд уриалсан спортын арга хэмжээ зохион байгуулна. Харин хойшоо Хүүхдийн урлан бүтээх төв, МУИС, Сансарын тунель хүртэл, урагшаа Элчингийн болон Сөүлийн гудамжуудыг тус тус хаахаар болжээ. Энэхүү хаасан замд "Улаанбаатар марафон-2016” тэмцээнийг зохион байгуулах юм.
Марафоны 5000 метрийн гүйлт нь төв талбай-Төв шуудан-Энх тайвны өргөн чөлөө-Цэцэг төв-Зоос гоёл-МУИС-Бээжингийн гудамж-Чингис зочид буудал-Бөхийн өргөө-Энхтайвны өргөн чөлөө-СЭЗИС-МУБИС-Дуурь бүжгийн эрдмийн театр-төв талбай гэсэн маршурттай. Харин 10000 метрийн гүйлт нь төв талбай-Төв шуудан- Сөүлийн гудамж-"Hope" шүдний эмнэлэг-Бишрэлт дэлгүүр-Зоос гоёл-5 дугаар сургууль-Хүүхдийн урлан бүтээх төв-МУИС-ШУТИС-ийн уулзвар-Чингис зочид буудал-Сансарын аюулгүйн тойрог-Баянцээл дэлгүүр-Зүүн дөрвөн замын уулзвар-Бөхийн өргөө-СЭЗДС-МУБИС-ДБЭТ-төв талбай гэсэн машрутаар зохион байгуулагдана. Түүнчлэн "Нарантуул” ОУХТ, Дүнжингарав худалдааны төв , "Өгөөмөр” техникийн зах, "Сандэй” худалдааны төв, Шөнийн зах, Баянзүрх худалдааны төв, Баянзүрх зах, 100 айл орчмын барилгын материалын бүх дэлгүүр, Бөмбөгөр-1, Бөмбөгөр-2, Алтжин бөмбөгөр амарна.
Сэтгэгдэл