Эрүүл мэндийн яамны мэдээллийн үеэр ГХЯ-ны Консулын газрын захирал Л.Мөнхтүшиг мэдээлэл өглөө.

Тэрбээр “Засгийн газар гадаадад гацсан иргэдээ зохион байгуулалттайгаар татаж байна. Өнөөдрийг хүртэл нийт 27729 иргэнийг эх оронд нь авч ирлээ. 

Тодруулбал, гадаадын 93 орноос тусгай үүргийн 111 нислэгээр 21 мянга гаруй иргэн, автозамаар нийт 6637 иргэн эх орондоо иржээ. Хоёр хоногийн өмнө Япон улсаас 156 иргэн эх орондоо ирснээр энэ онд үйлдэгдэх тусгай үүргийн нислэг зогсож байна. Одоогоор гадаадын 30 орноос хоёр мянга гаруй иргэн яаралтай нутаг буцах хүсэлт тавьсан байна. Үүнээс 1500 гаруй нь БНСУ-д байгаа иргэд байна” гэв.