Цахим орчноо идэвхтэй байдаг Сүнээ буюу Сүндэръяа нэр бүхий УИХ-ын гишүүний талаарх ноцтой баримтыг дэлгэсэн. Уг баримтад түүнийг нэр бүхий УИХ-ын гишүүн олон жилийн турш дарамталж, заналхийлж байгаа талаар дурдаж, хууль шүүхийн байгууллагад удаа дараа хандаж байсан талаараа ч хэлсэн байдаг. Хэдийгээр Сүнээ дээрх УИХ-ын гишүүнийг нэрийг хэлээгүй ч, цахим орчинд сүрдүүлэгч, бэлгийн гаж донтой этгээдийг одоогийн УИХ-ын гишүүн Ц.Анандбазар гэдгийг нэрлэсэн хүн цөөнгүй байв. 

 

Харин дуучин Нара цахим орчинд #metoomovement аяныг уриалж УИХ-ын гишүүн Ц.Анандбазарын хохирогч хэмээгдэх охид, эмэгтэйчүүд  сэтгэгдлээ илэрхийлжээ. 

Дээрх сэтгэгдлүүдэд Ц.Анандбазарыг хөдөлмөрийн гэрээ зөрчдөг, гэрээнд дурдаагүй ажил албан шаардлагаар хийлгэдэг, охид эмэгтэйчүүдийг хоргоож, бэлгийн дарамт үзүүлдэг. Мөн хүчингийн хэрэг хүртэл үйлдэж байсан хэмээсэн байгаа юм. 

Түүнчлэн сонгуульд будлиан тарьж Булган аймгаас нэр дэвшсэн зэрэг маш ноцтой зүйлсийг дурдсан байв. 

Ямартай ч Булган аймгийн МАН-аас 2020 оны сонгуульд нэр дэвшиж сонгогдсон Ц.Анандбазарын талаар цахим хуудаснаа өрнөж буй ноцтой баримтуудыг хүргэлээ. Хэрэв УИХ-ын гишүүн, Төрд ард түмнийхээ дуу хоолой болон ажиллаж буй эрхэм гишүүн энэ мэт увайгүй, улс төрч хүнд байж боломгүй маш ноцтой хэрэг үйлдэж, охид эмэгтэйчүүдэд бэлгийн хүчирхийлэл үзүүлсэн бол холбогдох байгууллагаас хяналт шалгалт хийж, хатуу арга хэмжээ авахыг шаардаж байна.

 

,