Иракийн нийслэл Багдад хотын коронавирусын өвчтнүүдийг эмчилж буй эмнэлэгт гал гарсны улмаас 82 хүн амиа алджээ. Бямба гарагийн орой Ибн Хатибын эмнэлэгт гарсан энэ ослын улмаас мөн 100 гаруй хүн шархаджээ. Эх сурвалжуудын өгсөн мэдээллээр хүчилтөрөгчийн сав дэлбэрсэн байна.

Иракийн Ерөнхий сайд Мустафа аль-Кадими ням гарагт Эрүүл мэндийн сайдыг албан тушаалаас нь түдгэлзүүлж, энэхүү эмгэнэлт явдлыг мөрдөн шалгах ажиллагааг явуулах үүрэг өгчээ.