Нийслэлийн Засаг даргын захирамжаар замын хөдөлгөөнд оролцогчийн аюулгүй байдлыг хангах, хүүхдийг гэмт хэрэг, зөрчилд өртөхөөс урьдчилан сэргийлэх, замын хөдөлгөөний аюулгүй байдлын хууль, дүрмийг сурталчлах, зөв дадал хэвшлийг бий болгох зорилгоор "Шар дарцаг” аяныг нийслэлийн хэмжээнд нэг сарын хугацаатайгаар өрнүүлж байна.
Аяны хүрээнд Хан-Уул дүүргийн Засаг даргын Тамгын газар, дүүрэг дэх Цагдаагийн газар болон Засаг даргын дэргэдэх мэргэжлийн чиг үүргийн байгууллагуудтай хамтран ерөнхий боловсролын сургууль, цэцэрлэгүүдийг тус аянд нэгдэхийг уриалж, 34, 41, 52, 60, 114, 115 дугаар сургуулиудын ойролцоох гэрлэн дохиогүй уулзваруудад "Шар дарцаг”-ийг байрлуулж, аяны үйл ажиллагааг иргэд, олон нийт, аж ахуйн нэгж, байгууллагуудад сурталчлан ажиллаж байна.
Хан-Уул дүүргийн Засаг даргын Тамгын газар
Сэтгэгдэл