Судлаачид хүмүүний амьдралд хамгийн тааламжтай улс чухам аль нь вэ гэсэн асуултыг олон жил тавьжээ. Ингээд тэд амьдран суухад хамгийн тааламжтай уур амьсгалтай улсыг тогтоохоор судалгааны ажил явуулсан байна. Тэгтэл хүмүүст хамгийн таатай цаг ууртай улс бол Коста-Рика гэдэг нь тогтоогдов. Туршилтын явцад судлаачид асуулга бий болгоод янз бүрийн улс, орны 14 мянга орчим хүнийг оролцуулсан судалгаа явуулжээ. Тэдгээр хүмүүсийн дийлэнх нь өөрийн саналыг Коста-Рика Улсад өгсөн гэнэ. Ийнхүү тус улс жагсаалтын тэргүүн байрыг эзэлсэн аж. Түүнчлэн судлаачид тухайн улс орны ард иргэдийн эрүүл мэндийн үзүүүлэлт болон цаг уурын нөхцөл байдлын хооронд ямар харилцаа холбоо байдгийг үнэлж дүгнэв.
Грек
Жагсаалтын дэд байрт Грек Улс, гуравт Кипр бичигджээ. Эхний аравт Кени, Португал, Испани, Мексик улсууд багтсан гэнэ. Цаг уурын хувьд амьдрахад тийм ч тааламжтай бус улс, орноор Швед, Финланд, ОХУ тодорчээ. Хамгийн адагт буюу 64 дүгээр байрт Бельги Улс бичигдсэн аж.
Сэтгэгдэл