Дэлхий даяар "COVID-19” халдварын улмаас нас барсан тохиолдлын тоо мягмар гарагт 6 004 421-д хүрсэн бол халдварын тохиолдол, нас барсан тохиолдлын тоогоороо дэлхийд нэгдүгээрт жагсаж байгаа АНУ-д халдварын 78 сая гаруй тохиолдол илэрч, 951 348 хүн нас баржээ.

Тус улсын араас 42 сая тохиолдол, 515 210 хүний нас баралттайгаар Энэтхэг, 29 сая тохиолдол, 652 143 хүн нас баралттай Бразил бичигдээд байгааг ДЭМБ-аас мэдээллээ. 

Хэдийгээр хүмүүс амны хаалт зүүхээ больж, аяллын цаг дахин эхэлж буй боловч цар тахал үргэлжилсэн хэвээр байна.