Mindreflection ОУ форумын анхны айлчлал бурханы орон гэх Дарамсалад болж байгаа билээ. Уг айлчлалд жүжигчин Б.Цэцэг тэргүүтэй олны танил хүмүүс Дээрхийн гэгээнтэн 14-р Далай ламд бараалгахаар очоод байгаа юм.
Сошиал орчинд идэвхтэй байдаг жүжигчин Б.Цэцэг өөрийн сошиал хуудсандаа сүүлийн үед хэл амны бай болоод буй жүжигчин М.Баярмагнайгийн талаар бичжээ.
Тэрээр: Бурханы орон Дарамсалад ирсэн өдрөө бид үүрээр Далай багшийн хийдрүү бясалгал хийж гороолоод бүгд хийморийн дарцаг өлгөж Эх болсон зургаан зүйл хамаг амьтаны тусын тулд залбирсан юм. Та бүхний харж буй дарцаг Магнай ахын энд ирсэн даруйдаа хийсэн хамгийн эхний зүйл юм шүү.
Бусдын төлөө гэх агуу их сэтгэлийн хүчтэй байхад хэн ч юу ч гэж үгүйсгэсэн түүний хийсэн буян, нинж сэтгэл тусгалаа олох нь дамжиггүй юм.
Өөрийнхөө төлөө залбирдаг нь олон байхад Монголын 3,3 сая иргэдийн төлөө дарцаг монголоос авчираад элэг нэгт монголчуудаа даатгаж байгааг хараад хайр ундарсаан… мөн Дэлгэрсайхан ахын охины төлөө очсон хийд, уулзсан хувилгаад болгондоо даатгаж явааг та бүхэндээ дамжуулан хүргэе гэж хүслээ.
Хүн юу хийнэ түүнийхээ үр жимсийг хураадаг юм. Магнай ахдаа баярлалаа. Та бүхэн найзынхаа төлөө ийм үйлдэл хийж зовлонг нь хуваалцаж бүх зүйлээр нь дэмжиж туслаад хамт байж чадах уу гээд өөрөөсөө асуугаад нэг үзээрэй. Юмс бүхэн харагдаж байгаа шигээ биш юм.
Сэтгэгдэл