"Оюуны Ундраа" группын ерөнхийлөгч С.Отгонбаярын хүү буюу Шадар сайд С.Амарсайханы ач дүү О.Тэнүүн гэгч "Шарк Танк" нэвтрүүлгийн шинэхэн Шарк гэдгийг уншигч, үзэгчид мэдэх билээ. Мөн тэрээр Монгол Улсын Ерөнхийлөгч асан Х.Баттулгын том охин Намууны нөхөр. 

Тэгвэл О.Тэнүүн саяхан өөрийн фэйсбүүк хуудаснаа "Албадлагаар улс төрд орохоор боллоо, би хүсээгүй шүү!" хэмээжээ. Энэ бол Монголын улс төрд "үе загамжлах" бичигдээгүй хууль үйлчилж буйгийн тод илрэл болж байна. 

Түүний хадам аав, авга ах гээд олон хүн улс төрч учир хүссэн хүсээгүй түүнийг улс төрд оруулж, өөрсдийн хийж чадаагүйг үргэлжлүүлэн хийх, үе уламжуулан авч явах сонирхол байна гэсэн үг. 

Түүний нэгэн адил улс төрд өөрийн хүү, охин, хүргэн, бэр, найз нөхдөө үе залгамжлуулан үлдээх улс төрчдийн жагсаалт хэдэн зуугаар хөвөрнө. Өөрөөр хэлбэл,  Монголын улс төрд "Хөгшчүүл нь зайлсан ч хүүхдүүд нь улс төрд орж ирнэ" гэх дүрэм үйлчилж эхэллээ.