Хэвлэл мэдээллийн салбарт ажиллаж байгаа хүмүүсийг нийгмийн "хоточ нохой” гэж зүгээр ч нэг тодотгодоггүй юм. Албан ёсоор дүрэмт хувцас өмсөж, тангараг өргөөгүй ч гэлээ, нийгмийн нийтлэг эрх ашгийн төлөө бичиж, нийтлэх, нэвтрүүлэх, дуу хоолойгоо илэрхийлэх үүргийг нийгмээс хүлээж авсан хүмүүс бол хэвлэлийнхэн байдаг. Харамсалтай нь зарим нэг хүмүүс энэхүү хүндтэй үүрэг хариуцлагаа уландаа гишгэж, эрх мэдлээ алдсандаа шаралхсан хүмүүсийн дуу хоолой, туг дарцаг болж яваа талаарх таагүй мэдээлэл байна. Тодруулбал, Өмнөговь аймгийн Иргэдийн төлөөлөгчдийн хурлын үйл ажиллагааг харлуулах гэсэн сэдэл зорилгоор нэгэн сэтгүүлч бодит үнэнд нийцэхгүй мэдээллийг бичиж, нийтлүүлсэн байх юм. Тухайн сэтгүүлч мэдээллийн бодит үнэнийг биш, харин улстөрд суурилсан шоу дэгдээх сэдэл агуулж аймгийн шинэ удирдлагууд руугаа дайрчээ. Юу гэхээр аймгийнх нь удирдлагууд "Пибоди”компанид орон нутаг нь өртэй тул Балгасны улаан нуурыг орон нутгийн хэрэгцээнээс гаргаж "Пибоди” болон Энержи ресурс компанид өгөхөөс өөр аргагүй боллоо гэцгээж, лиценз эзэмшигчдийн эрх ашгийг хамгаалж байна.Аймгийн ИТХ-ын удирдлагууд солигдоход тус компанид ямар нэгэн өр төлбөрийн асуудал байхгүй байсан хэмээн бичжээ. Гэтэл бодит байдал дээрээ аймгийн ИТХ тус компанид өртэй гэдгийг батлан харуулсан шүүхийн шийдвэр гүйцэтгэх албаны албан бичиг байж байх юм. Гэтэл үндэслэлгүй мэдээллээр сонгогчдын тархийг хордуулж байгаа сэтгүүлч өөрийн бичвэртээ өмнөх удирдлагууд нь ямар ч өргүй байсан мэт худлаа зүйлийг өгүүлж, одоогийн удирдлагууд нь Балгасны улаан нуурыг худлаа ярьж гадны компанид ашиглуулах гэж байгаа мэтээр гүтгэсэн нь харамсалтай хэрэг юм.

 У.Сайхан