Ерөнхийлөгчийн зөвлөх Сэтгүүлч Мөнхбаясгаланг заналхийлж эхлэв үү?


Ц.Элбэгдорж Ц.Мөнхбаярыг гүтгэсэн нь нэвтрүүлгээр илэрсэн талаар хэвлэл мэдээллээр шуугиж байна. Харин сэтгүүлч бүсгүйг Гал үндэстэн холбооны тэргүүн Ц.Мөнхбаяртай нэвтрүүлэг хийсний төлөө сэтгүүлч Мөхнбаясгаланг өнөөдөр дарамталж заналхийлсэн гэнэ.

Сэтгүүлч Мөнхбаясгалан их айдастайгаар өөрийн цахим хуудсандаа ийм зүйл бичиж үлдээснийхээ дараа устгажээ:

"За ёстой жинхэнээсээ айлаа... Юун хэвлэлийн эрх чөлөө мөлөө ... би одоо яах ёстой вэ. Ерөнхийлөгчийнхөө өмнө сөгдөн мөргөж хадаг бариад очих уу. Энэ ярилцлага захиалгатай биш ээ. Ерөнхий сайд Сайханбилэг өчигдөр нэвтрүүлэгт орох ёстой байснаа эмийн чөлөөтэй гээд ирээгүй. Тэгэхээр нь Мөнхбаярыг оруулчихсан юм. Гэтэл Ерөнхийлөгчийн уурыг хүргэчихнэ чинээ санасангүй. Хэвлэлийн эрх чөлөө байгаа гэдэгт итгээд л ийм юм боллоо. Ноён Ц.Элбэгдорж ТЕГ, АТГ аараа шалгуулна биз дээ...Харин жирийн сэтгүүлч би айж байна. Ц.Элбэгдорж гуайг сэтгүүлчдийнхээ эрхийг ямар ч үед хамгаална гэж бодож явсан эндүүрчээ... Үнэнээсээ ихээр айж байгааг минь хүлээн авна уу. Үзэгнээс өөр зэвсэггүй надад өөр хэлэх юм алга. Миний мэдэлд хэдэн асуулт л байдаг... Харин Ерөнхийлөгчийн мэдэлд ТЕГ нь Зэвсэгт хүчинтэйгээ байж байдаг. Тийм болохоор дотор жихүүцэм айдсыг би мэдэрч байна. Харин үнэн юм ярьсан Мөнхбаярыг битгий дахиад шоронд хийчихээрэй л гэж гуйя... " гэжээ.

Харин Монгол Улсын Ерөнхийлөгчийн Хүний эрх, хуулийн бодлогын зөвлөх Ч.Өнөрбаяр дараах тайлбарыг хийжээ.

Монгол Улсын Ерөнхийлөгчийн талаар гүтгэлгийн шинжтэй, худал мэдээллийг захиалгат нэвтрүүлгээр дамжуулан олон нийтэд хүргэж байгааг Ерөнхийлөгчийн Хуулийн бодлогын зөвлөхийн хувьд та хэрхэн харж байна вэ?

Монгол Улсын Ерөнхийлөгчийн Хүний эрх, хуулийн бодлогын зөвлөх Ч.Өнөрбаяр:

-Иймэрхүү захиалгат нэвтрүүлэг, гүтгэлэг нь Монгол Улсын Ерөнхийлөгчийн хэрэгжүүлж байгаа бодлого үйл ажиллагааг харлуулах гэсэн явуургүй бодлого. Үүний ард цөөн хэдэн хүний жижиг явцуу ашиг сонирхол бий. Монгол Улсын Ерөнхийлөгч төрийн тэргүүний хувьд Монгол Улсын нийтлэг, том эрх ашгийг нэн тэргүүнд тавьж хүнд хэцүү шийдвэр гаргах нь бий. Тийм ч учраас Монгол Улсын Ерөнхийлөгч рүү чиглэсэн гүтгэлэг, дайралт ирэх нь олон байдаг. Энэ бүхнийг манай Үндсэн хууль тогтоогчид холч ухаанаар угтан харж Монгол Улсын Үндсэн хуулийн гучин зургадугаар зүйлийн 2-т Ерөнхийлөгчийн нэр төр, халдашгүй байдлыг хуулиар хамгаалахаар заасан нь санамсаргүй хэрэг биш гэж би ойлгодог.

Эх сурвалж: Sharsonin.com


Сэтгэгдэл

АНХААРУУЛГА: Уншигчдын бичсэн сэтгэгдэлд www.Scandal.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
Зочин | 2015/11/28 01:49
Ерөнхийлагч худал хэлснийг Өнөрбаяр өөрөө илчилсэн Элбэгдорж өрөгдөл ирээгүй гэхэд Мөнхбаяр би өрөгдөл өгсөн гэж маргалдсан хэн нь үнэн хэн нь худлаа яриад байгааг нийгэм мэдэхгүй байтал Өнөрбаяр Мөнхбаяр өрөгдөл ирүүлсэн тэр нь хуулийн шаардлага хангаагүй гэсэн ярилцлага өгч ерөнхийлөнчийн худалаа ярьсныг батлаж нийгмийн эргэлзээг арилгаж өгсөн биздээ уул ньхуулиар бол Өнөрбаяр ерөнхийлөгчийн зөвлөхийн хувьд ерөнхийлөгчийн нэр төрийг хамгаалах ёстой байтал нэр хүндэд нь харш ярилцлага өгсөн тул сэтгүүлчийг дарамтлах биш өөрөө хариуцлага хүлээх ёстой юм биш үү