Эдүгээ тус газарт дахин олон тооны адууг хил гаргахаар хорьж эхэлсэн тухай орон нутгийн эх сурвалж мэдээлэв. Хятадууд худалдан авсан адуугаа амьдаар нь хил гаргах сонирхолтойгоос 130-аад адуу тус боомтын дэргэд хашаатай байгаа аж.
Адууг худалдан авсан тэд боомтын ойролцоо хашаа түрээслэн ийн хашиж буй бол цалин мөнгөө өгөөгүйн улмаас маллаж байсан залуу нь хаяад явжээ. Орон нутгийн иргэд "Хятад эзэд нь адуугаа бэлчээж чадахгүй удаан хашсанаас болж морьд улдаж, туурай нь элэгдэн, гишгэж явахад хүндрэлтэй болоод байна" хэмээн санаа зовж буйгаа илэрхийлэв.
Э.ЭНХ-ЭРДЭНЭ