Монголын хөгжмийн урлагт шинэ өнгө төрх, дуулалт болж хүчтэй гарч ирсэн "Андууд” хамтлаг энэ сарын 20-нд өөрсдийн бие даасан тоглолтоо үзэгч, сонсогчиддоо толилуулахаар болсон байна. Тэдний хувьд 2014 оны 9-р сарын 9-ний өдөр албан ёсоор байгуулагдаж байсан бөгөөд өнгөрсөн онд "АНДУУД” нэртэй цомгоо гаргасан нь сонсогчдыг байлдан дагуулж чадсан юм. Андууд хамтлаг софт рок чиглэлээр уран бүтээлээ тууривдаг бөгөөд 2014 онд анхны тоглолтоо хийж, 2015 онд Хятад Монголын экспо фестивал, Швецарын Давост болсон соёлын өдөрлөг зэрэг томоохон тоглолтуутад оролцож байсан байна. Тус хамтлагт Дуучин Б.Мөнхзаяа, Гоцлол гитарчин Э.Үүрийнцолмон, Аргил гитарчин Б.Батхүү, Бөмбөрчин Г.Одбаяр нар багтдаг. МУГЖ Д.Жаргалсайхан, МУГЖ Дуучин Т.Ариунаа, МУСТА Дуучин С.Наран, МУСТА Б.Чинбат гээд Монголын урлаг соёлын "Акул”-уудтай хамтран ажилладаг тус хамтлагийн тоглолтонд Ган-Эрдэнэ (Камертон), Агиймаа, Баярцэнгэл, Маралжингоо, 3 охин зэрэг хамтлаг дуучид оролцох ажээ.