Хөдөлмөрийн баатар, Төрийн шагналт, Ардын уран зохиолч, Соёлын гавъяат зүтгэлтэн Бавуугийн Лхагвасүрэн гуайн бие чилээрхсэн тухай мэдээлэл ӨМӨЗО-д гарсан даруй сайхан сэтгэлт хэсэг хүмүүс хандивын аян зохион байгуулжээ. 

Энэ талаар "Байгаль эх дэлхийгээ аврах тэнгэрлэг аян"-ы  тэргүүн Д.Наранцогт "Өвгөн найрагчийн бие чилээрхэж Солонгос Улсад яаралтай хагалгаа хийлгэх гэж буйг сонссон элэг нэгт Өвөрмонголчууд маань 6 хоногийн дотор 150520 юань буюу Монгол мөнгөөр 55 орчим сая төгрөгийн хандив цуглуулжээ. Монголчууд биднээ гэсэн сайхан сэтгэлтэй Өвөрмонголчууддаа баярлаад баршгүй нь..." хэмээн цахим хуудсандаа бичсэн байна.