ТАВАНТОЛГОЙГ ХӨНДӨӨГҮЙ АЙЛЧЛАЛ

Монгол Улсын Ерөнхийлөгч энэ сарын 9-11-нд БНХАУ-д төрийн айлчлал хийсэн нь Ц.Элбэгдорж, Си Зиньпин нарын хувьд сүүлийн зургаан сард нүүр тулсан дөрөв дэх уулзалт болсноороо онцгой байлаа. Тэд өмнө нь тавдугаар сард Москвад, долдугаар сард Уфад, есдүгээр сард Бээжинд уулзсан билээ.

Энэ удаагийн төрийн айлчлал нь БНХАУ-ын дарга Си Зиньпиний манай улсад хийсэн төрийн айлчлалын нэг жилийн дараах хариу, мөн Монгол, Орос, Хятадын гурван талт хоёр дахь уулзалтын дараахан болсноороо онцлогтойг тэмдэглэх ёстой.

Түүнчлэн Ц.Элбэгдорж Си Зиньпиний төрсөн нутагт хөл тавьж төрийн айлчлалаа албан бусаар эхэлсэн нь ч уламжлалыг эвдсэн, өвөрмөц ёслол болов.

Си Зиньпинийг Монгол Улсад айлчлах үеэр Монгол Улс, БНХАУ иж бүрэн стратегийн түншлэлийг хөгжүүлэхээ албан ёсоор зарласан бөгөөд "иж бүрэн стратегийн түнш” Ц.Элбэгдоржийн айлчлалыг Монгол, Хятадын хэвлэлийнхнээс гадна Орос, Япон зэрэг Бээжинд салбартай дэлхийн мэдээллийн агентлагууд гойд анхаарч, өөрсдийн төв рүү шуурхай мэдээлж байлаа.

"Өнөөдөр” сонины хувьд Монгол Улсын Ерөнхийлөгч айлчлан ирэхээс хэдхэн хоногийн өмнө баталсан БНХАУ-ыг хөгжүүлэх XIII таван жилийн төлөвлөгөө хоёр орны ойрын ирээдүйн хамтын ажиллагаа, ялангуяа эдийн засгийн харилцаанд хэрхэн тусах талаар Хятадын талын байр суурийг хамгийн түрүүнд сонирхсон.

Нийтлэлийн үргэлжлэлийг ЭНДЭЭС уншина уу.