Scandal.mn

Трампын засгийн газар төсвийн хөтөлбөрийг нийтлэв

2017/03/17

Трампын засгийн газар төсвийн хөтөлбөрийг нийтлэв

Author: saikhnaa on 17-03-2017, 15:17

Америкийн Цагаан ордны 16-нд нийтэлсэн 2018 оны санхүүгийн жилийн Холбооны засгийн газрын төсвийн тайланд, Батлан хамгаалахын төсвийн зардлыг 54 тэрбум ам.доллар нэмэгдүүлэхийн зэрэгцээ Төрийн зөвлөл, Байгаль орчныг хамгаалах газар, Хөдөө аж ахуйн яам зэрэг батлан хамгаалахын бус зардлыг адилхан хорогдуулахыг онцлоод, санхүүгийн алдагдлыг өргөтгөхгүй нөхцөлд Америкийн Батлан хамгаалахын аюулгүй байдал болон эрч хүчээ дээшлүүлэхийг хүссэн байна.

Энэ бол Трампын засгийн газар албан тушаалдаа гарсны дараа нийтэлж буй анхны санхүүгийн жилийн шинэ төсвийн хөтөлбөр болно. Трампын "Америк тэргүүлэх: Америкийн дахин нэг удаагийн аугаа их төсвийн хөтөлбөр" хэмээн нэрлэсэн энэхүү тайланд, "Америк тэргүүлэх" төсөв нь америкчуудийн аюулгүй байдлыг заавал тэргүүн чухал зорилт болгоно, амар төвшин биш бол ямар ч хөгжил байж чадахгүй гэж тэмдэглэжээ.

Энэхүү төсвийн хөтөлбөрийн дагуу, 2018 оны санхүүгийн жилд Холбооны засгийн газрын чөлөөт зардлын нийт хэмжээг 1 их наяд 65 тэрбум ам.доллар байлгана. Үүнд Батлан хамгаалахын зардлыг 603 тэрбум ам.долларт хүргэнэ. Энэ нь одоогийн хуулийн заалтуудад тогтоосон хэмжээнээс 54 тэрбум ам.доллараар нэмэгдэх юм байна. Харин Батлан хамгаалахын бус зардлыг 462 тэрбум ам.доллар байлгаж, 54 тэрбум ам.доллар хорогдуулах юм байна.

ХОУР

More 319 0

Category: Дэлхий дахинд

АНУ-ын Төрийн нарийн бичгийн дарга Теллерсон БНХАУ-д айлчилна

2017/03/16

АНУ-ын Төрийн нарийн бичгийн дарга Теллерсон БНХАУ-д айлчилна

Author: munkhbat on 16-03-2017, 15:44

Хятадын ГХЯ-ны сайд Ван И-гийн урилгаар, АНУ-ын Төрийн нарийн бичгийн дарга Рекс Тиллерсон энэ сарын 18, 19-нд БНХАУ-д айлчлах гэж байна.

Түүний айлчлалын үеэр Хятад, Америк улсууд хоёр орны харилцаа, харилцан сонирхож буй олон улсын болон бүс нутгийн асуудлаар санал бодлоо солилцоно гэж Хятадын ГХЯ-ны хэвлэлийн төлөөлөгч Хуа Чүнь-ин өчигдөр хэвлэлийн бага хурал дээр мэдэгдсэн.

Мөн гадаад хэргийн сайд нар ирэх сарын 7-8-нд АНУ-д БНХАУ-ын дарга Си Зиньпиний хийх айлчлалын хүрээнд ярилцах асуудлуудыг тохирох бололтой.

М.Баяр

More 413 0

Category: Дэлхий дахинд

Саудын Араб таван сая цагаачаа яагаад гаргахаар болов

2017/03/15

Саудын Араб таван сая цагаачаа яагаад гаргахаар болов

Author: zulaa on 15-03-2017, 14:42

More 356 1

Category: Дэлхий дахинд

Хойд Солонгосчуудыг албадан гаргаж байна

2017/03/15

Хойд Солонгосчуудыг албадан гаргаж байна

Author: munkhbat on 15-03-2017, 12:53

Малайзын эрх баригчид нутагт нь байгаа 50 Хойд Солонгос иргэнийг албадан гаргах шийдвэрт хүрчээ. БНАСАУ-ын дарангуйлагч Ким Чен Уны эцэг нэгт ах Ким Жон Нам Малайзад өөд болсноос хойш хоёр улсын харилцаа туйлын хурцадмал болсон. Үүнээс болж Хойд Солонгост буй Малайзын элчин сайд, төлөөлөгчдийг Пхеньян гаргахгүй байхаар шийдсэн нь хүн барьцаалж буйтай адил нөхцөл байдал үүсгэжээ.

Өдийг хүртэл Ким Жон Намын үхлийг Хойд Солонгосын талаас санаатайгаар зохион байгуулж, Малайз улсын нэр хүндийг олон улсын тавцанд унагаж байгаад бухимдлаа илэрхийлсээр буй Куала Лумпур ойрын өдрүүдэд нутагт нь байгаа 50 хойд солонгос иргэнийг хөөн гаргахаа мэдэгдээд байна.

Малайзын Борнео мужийн Саравак аралд буй Хойд Солонгос иргэд 48 цагийн дотор тус улсаас явах ёстой ажээ.

Т.Бат

More 410 0

Category: Дэлхий дахинд

Эзнийхээ амийг аварсан нохой шуугиан тарьлаа

2017/03/14

Эзнийхээ амийг аварсан нохой шуугиан тарьлаа

Author: tonshuul on 14-03-2017, 15:03

Өчигдөр шөнө гэртээ дотуур цус алдаж үхлийн ирмэг дээр байсан эзнийхээ амийг аварсан нохой шуугиан тарьлаа

Энэхүү цочирдом үйл явдал нь маш олон хүмүүст хүрчээ. Нохой гэдэг хүний сайн найз юм даа. Тэрээр Мэган гэгч нохой эзнийхээ амийг аварсан баатарлаг үйл явдал болжээ. Түүний эзнийг Грегорий гэдэг тэрээр гэнэт бие нь муудаж газарт унан дотуур цус алдаж эхэлжээ. Хамгийн аймшигтай нь гэрт нь зөвхөн түүний сайн анд нохой нь байжээ. Залуу амжиж түргэн тусламж дуудсан бөгөөд харамсалтайн хаалгаруугаа явж чадахгүй газар хэвтээд цус алдаж байжээ. Түргэн тусламж маш хүчтэй хаалгыг онгойлгох гэж оролдсонч дийлсэнгүй, харин хөршө айлийн хүн нохойг дуудан үүдний бариулыг доож дарахыг байн байн хэлсэн байна, эцэст нь нохой хаалгыг нээж чаджээ. Түргэн тусламж тэр даруйдаа анхны тусламж үзүүлж түүний амийг аварчээ.

More 557 0

Category: Дэлхий дахинд

Нидерланд, Туркийн харилцаа огцом “хүйтэрлээ”

2017/03/13

Нидерланд, Туркийн харилцаа огцом “хүйтэрлээ”

Author: zulaa on 13-03-2017, 13:59

More 409 0

Category: Дэлхий дахинд

Их Британи 2019 оны гуравдугаар сард Европын холбоог орхино

2017/03/13

Их Британи 2019 оны гуравдугаар сард Европын холбоог орхино

Author: munkhbat on 13-03-2017, 12:01

Их Британи улс Европын холбооноос 2019 оны гуравдугаар сард бүрэн гарна гэж тус улсын Brexit хариуцсан сайд Дэвид Дэвис Би-би –си телевизээр мэдэгдсэн байна. "Энэ үйл явдал 2019 оны гуравдугаар сард болно” гэж Их Британи Европын холбооноос хэзээ гарах вэ гэсэн асуултад тэрээр хариулжээ.

"Европын холбооноос гарах шийдвэрийг британийн ард түмэн өнгөрсөн жил болсон бүх нийтийн санал асуулгаар гаргасан. Энэ үйл явдал заавал болох ёстой” гэж Дэвис хариулсан байна.
Тэр бас парламентаа даваа гарагт болох хуралдаанаараа Brexit-ийн тухай хуулийг дэмжихийг уриалжээ. "Бид энэ хуулийг гаргах ёстой. Үүнийг Ерөнхий сайдтай бүү холбож ойлго” гэсэн байна.

Их Британи улс Европын холбооноос гарах эсэх асуудлаар өнгөрсөн оны зургадугаар сарын 23-нд бүх нийтийн санал асуулга болж нийт хүн амын 51,9 хувь нь евроинтеграцаас гарах нь зөв гэсэн хариу өгсөн юм.

Эх сурвалж: www.assa.mn

More 432 0

Category: Дэлхий дахинд

Оросууд ПУТИН Ерөнхийлөгчийнхөө 16 жилийн ажлыг ингэж дүгнэжээ!!!

2017/03/12

Оросууд ПУТИН Ерөнхийлөгчийнхөө 16 жилийн ажлыг ингэж дүгнэжээ!!!

Author: tonshuul on 12-03-2017, 12:37

16 жилд улсын төсвийг 22 дахин, батлан хамгаалахын зардлыг 30 дахин, ДНБ-г 12 дахин нэмэгдүүлж 36-р байрнаас 6-р байрлуу дэвшсэн.
• Цалингийн дундажийг 18,5 дахин, тэтгэвэрийн дундажийг 14 дахин нэмэгдүүлсэн.
• Нас баралтын дундаж 1999 онд 1,5 сая байсныг 2011 онд 21000 болгож 71,5 дахин буурсан.
• Төрийн өндөр албан тушаалтанг гадаадад данстай байх, гадаадад эмчлүүлэхийг бүрмөсөн хориглосон.
• Газар тариалангийн салбарыг үсрэнгүй хөгжүүлснээр дотоодын хэрэгцээг хангаад зогсохгүй улаан буудайн экспортын хэмжээгээр Дэлхийд 5 жил дараалан 2-3-р байранд жагссан.(Америкийг гүйцэж түрүүлсэн)
• Алтны нөөц 48 дахин нэмэгдсэн.
• Ашигт малтмалын 256 ордыг улсын мэдэлд хурааж авсан, одоо 3 үлдсэн.
• Үндэстэн дамнасан корпорациудын лоббигоор бий болсон "Бүтээгдэхүүн хуваах гэрээ"-г хүчингүй болгосон.
• Нефтийн ордын 65%-ийг, Байгалийн хийн ордын 95%-ийг нийгэмчилсэн.
• 400 тэрбум долларын гадаад өрийг дарж дуусгасан.
• Генийн өөрчлөлттэй хүнс борлуулдаг үндэстэн дамнасан корпорациудын үйл ажиллагааг зогсоож, үндэстнээ эрүүл хүнсээр хангасан байна.
• ОХУ түүхэндээ анх удаа өвлийн Олимпийг зохион байгуулж багийн дүнгээр тэргүүлсэн.
• Казань хотод Оюутны Универсиад наадмыг хүлээн авч 156 алт, 74 мөнгө, 62 хүрэл, нийт 292 медаль авсан нь энэ спортын наадмын түүхэнд дээд амжилт тогтоосон.

More 401 1

Category: Дэлхий дахинд

Афганистаны бүс нутгийн хөгжилд үр ашигтай нэгдсэн ороход туслахыг уриалжээ

2017/03/11

Афганистаны бүс нутгийн хөгжилд үр ашигтай нэгдсэн ороход туслахыг уриалжээ

Author: saikhnaa on 11-03-2017, 13:26

Афганистаны улс төр, эдийн засаг, аюулгүйн салбарын сорилтыг даван туулахын төлөө эрс шуурхайгаар дэмжлэг үзүүлэн Афганистаны бүс нутгийн хөгжилд үр ашигтай нэгдсэн ороход туслахыг Хятадаас НҮБ-д суугаа төлөөлөгчийн орлогч Ү Хайтао 10-нд олон улсын хамтын нийгэмлэгт уриалсан байна.

Ү Хайтао мөн өдөр Аюулгүйн зөвлөлийн Афганистаны асуудлаарх ил шүүмжлэл дээр үг хэлэх үед хэлэхдээ, олон улсын хамтын нийгэмлэг Афганистанд туслах гэсэн амлалтаа идэвхтэй биелүүлж, Афганистаны эдийн засгаа хөгжүүлэхийг дэмжих хэрэгтэй. Афганистанд эх баялаг, байршлын давуу тал, бүс нутгийн эдийн засгийн хамтын ажиллагаанд оролцох хэтийн төлөвтэй юм. НҮБ-ын ерөнхий ассамблей тэрчлэн Аюулгүйн зөвлөлийн холбогдох хурал "нэг бүс нэг зам"-ын байгуулалтаар Афганистаны эдийн засгийн хөгжил, бүс нутгийн хамтын ажиллагааны чухал ач холбогдлыг идэвхтэй нотолсон юм. Холбогдох талууд "нэг бүс нэг зам"-ын байгуулалтыг идэвхтэй ахиулж, бүс нутгийн эдийн засгийн хамтын ажиллагаа тэрчлэн дэд бүтцээр түншлэхээ эрчимжүүлж, Афганистаны эдийн засаг нийгмийн хөгжлийг биелүүлэхэд туслахыг хүсэж байна гэжээ.

ХОУР

More 433 0

Category: Дэлхий дахинд

Европын холбоо АСЕАН-тай чөлөөт худалдааны хэлэлцээрээ дахин эхлүүлэхээр бэлтгэж байна

2017/03/11

Европын холбоо АСЕАН-тай чөлөөт худалдааны хэлэлцээрээ дахин эхлүүлэхээр бэлтгэж байна

Author: saikhnaa on 11-03-2017, 13:20

Европын холбоо АСЕАН-тай чөлөөт худалдааны хэлэлцээрээ дахин эхлүүлж нийтлэг ойлголтод хүрэхийн төлөө хоёр талаараа холбогдох бэлтгэл ажлыг хийж эхлэх болно гэж Европын холбооны комисс 10-нд Брюссельд мэдэгджээ.

Европын холбооны комисс мэдэгдэл нийтэлж тэмдэглэхдээ, Европын холбооны комиссын худалдаа хариуцсан гишүүн Кэкилиа Малмстром мөн өдөр АСЕАН-ны 10 орны эдийн засгийн сайд нартай Филиппиний Манилд хэлэлцээ хийсэн байна. Бүс нутгийн хоорондын худалдаа болон дэлхийн худалдаанд тус дөхөм үзүүлэхээр чармайж, чөлөөт худалдааны хэлэлцээрийг эхлүүлэх ажлыг түргэтгэнэ гэж Европын холбоо АСЕАН санал нэгтэй зөвшөөрсөн байна.

Европын холбооны нийтэлсэн Европын холбоо-АСЕАН-ны хамтарсан мэдэгдэлд, хоёр талаараа зөвшилцлөө үргэлжлүүлж, чөлөөт худалдааны хэлэлцээрийг дахин эхлүүлэх бүдүүвч бичиг материал боловсруулах болно гэж тэмдэглэжээ.

Европын холбоо болон АСЕАН 2007 оноос чөлөөт худалдааны хэлэлцээр хийж эхэлсэн боловч 2009 онд хэлэлцээрээ зогсоож, Европын холбоо АСЕАН-ын гишүүн орнуудтай тус тустай нь хоёр талын чөлөөт худалдааны хэлэлцээр хийх болсон юм.

Европын холбооны тоо баримтаас үзвэл, АСЕАН нь Европын холбооны 3-р том худалдааны түнш болж АНУ, БНХАУ-ыг удаалсан байна. 2016 онд Европын холбоо болон АСЕАН-ын худалдааны хэмжээ 208 тэрбум еврод хүрсэн байна.

Эх сурвалж: ХОУР

More 457 0

Category: Дэлхий дахинд