Scandal.mn

Америкийн Нэгдсэн Улсын Хар тамхитай тэмцэх албатай хамтран сургалт явууллаа

2019/04/15

Америкийн Нэгдсэн Улсын Хар тамхитай тэмцэх албатай хамтран сургалт явууллаа

Author: batdorj on 15-04-2019, 17:38

Монгол Улсын цагдаагийн байгууллагын хар тамхитай тэмцэх чиг үүрэг бүхий алба хаагчдын мэдлэг чадварыг дээшлүүлэх зорилгоор Цагдаагийн ерөнхий газар, Америкийн Нэгдсэн Улсын Хар тамхитай тэмцэх албатай хамтран сургалт зохион байгуулж өндөрлөлөө.

Энэхүү сургалтыг анх удаа зохион байгуулж байгаа бөгөөд цаашид Монгол Улсын цагдаагийн байгууллагын хар тамхитай тэмцэх чиг үүрэг бүхий алба хаагчдын мэдлэг чадварыг дээшлүүлэх хамтын ажиллагааны эхлэл юм. Сүүлийн жилүүдэд манай улсад хар тамхитай холбоотой гэмт хэрэг өсч, хэрэглэгчийн хүрээ улам бүр нэмэгдэж байгаа тул алба хаагчдыг мэргэшүүлэх зайлшгүй хэрэгцээ шаардлага дээр тулгуурлан энэхүү сургалтыг зохион байгуулжээ.

Сургалтад хамрагдсан алба хаагч нарт сертификат гардуулах ёслолын үйл ажиллагаанд Цагдаагийн ерөнхий газрын Захиргааны удирдлагын газрын дарга, цагдаагийн хурандаа Б.Бат-Өлзий, Хар тамхитай тэмцэх газрын дарга, цагдаагийн хурандаа Ж.Эрдэнэболд Америкийн Нэгдсэн Улсын Хар тамхитай тэмцэх албаны алба хаагчид оролцлоо.

More 204 0

Category: Мэдээ мэдээлэл

Багануурын лицензийг хууль зөрчиж олгосон гол буруутан Лу.Болд уснаас хуурай үлдэх үү?

2019/04/15

Багануурын лицензийг хууль зөрчиж олгосон гол буруутан Лу.Болд уснаас хуурай үлдэх үү?

Author: batdorj on 15-04-2019, 16:22

“Алтайн гянт” компани төрийн өмчит "Багануур" компанийн ашиглалтын лицэнзийг эзэмшихээр 2008 хойш үүсээд байсан маргааныг ѳнгѳрѳгч Даваа гарагт Улсын дээд шүүхээр эцэслэн шийдэж “Багануур” ХК лицэнзээ авч үлдлээ. “Алтайн гянт” компанийн нэхэмжлэлтэй Ашигт малтмал, газрын тосны газарт холбогдох захиргааны хэргийг хянан хэлэлцээд нэхэмжлэлийг бүхэлд нь хэрэгсэхгүй болгож анхан шатны шүүхийн шийдвэрийг хэвээр үлдээсэн юм.

Харин уг асуудлыг шийдэж, стратегийн хувьд чухал ач холбогдолтой уурхайгаа төрийн мэдэлд буцаан авахад Засгийн газрын оролцоо байсангүй. Шаварт унасан шарын эзэн хүчтэй гэгчээр уурхайн ажилчид Улсын дээд шүүхийн гадаа хууль бус лицэнз олгосныг эсэргүүцэн жагссан. “Мужик” хурандаа У.Хүрэлсүхийн хэвлэлийн төлөөлөгч “Багануурын уурхайн орд газрын 13 жилийн өмнөх хууль бус шийдвэр дээр Засгийн газар шүүхэд яллаа” хэмээн “хүний юмаар хүүдэгнэн” ялагчын нэрийг У.Хүрэлсүхэд наахыг oролдоод авав.

Ерөнхий сайд та жинхэнэ ардын баатарын байр сууриндаа байхыг хүсвэл энэ асуудлыг цаашид анхаарч Лу.Болдод хариуцлага тооцох хэрэгтэй бус уу. Шударга бус үйлдлийг сэлэм эргүүлээд л хариуцлага тооцно хэмээн ярьдаг Ерөнхий сайд хууль бусаар лицэнз эзэмшүүлсэн тухайн үеийн албан тушаалтанд хариуцлага тооцох тухай дурсаачгүй нь харамсалтай.

Төрд хариуцлагын тогтолцоо үгүйлэгдэж байна

Залгамж халаагүй өнөөдрөөрөө шийдвэр гаргадаг жишиг манай улс төрд хэдийнээ тогтсон гэдгийг монголчууд мэднэ. Тухайн үеийн буруу шийдвэр гаргасан даргын үйлдэл ирээдүйд ямар том асуудал үүсгэдгийг Багануурын уурхайн маргаан харууллаа. Анхнаасаа тухайн үеийн Ашигт малтмал, газрын тосны газрын дарга Лу.Болд мэдсээр aтлаа “Алтайн гоулд” компанид ашиглалтын тусгай зөвшөөрөл олгоогүй бол ѳнѳѳдрийн Багануурын ордын маргаан үүсэхгүй байлаа.

Ашигт малтмалын тухайн хуулийн 60.4-т “Улсын төсвийн хөрөнгөөр хайгуул хийж, нөөцийг нь тогтоон улсын нэгдсэн бүртгэлд бүртгэсэн ордод хайгуулын тусгай зөвшөөрөл олгохгүй” хэмээн заасан байдаг. Гэтэл 2006 онд “Алтайн гоулд” гэх компани хайгуул хийх нэрийдлээр Багануурын ордны 53 хувийг авсан бөгөөд дараагаар нь үүнийгээ “Алтайн гянт” компанид заржээ. Тухайн үеийн АМГТГ-ын дарга Лу.Болд хуулийг үл хайхран лицэнз олгосон нь ойлгомжгүй.

2016 онд УИХ-ын гишүүн Д.Дамба-очир өөрийн эзэмшлийн “Алтан гянт” компаниа зарсан байдаг. Тус компанийн одоогийн удирдлагууд АМГТГ-ын дарга асан Лу.Болдын буруу шийдвэрээс болж хохирсон хэмээн хууль, шүүхийн байгууллагаар явхаар болжээ. “Алтайн гянт” компанийн удирдлагууд төрийн өмчийг өөртөө авах гэсэн санаа нь мэдээж буруу. Үүнийхээ горыг амсах нь ч зөв. Гэхдээ ганцаараа буруутан болж үлдэх ёсгүй. Эс бөгөөс одооны эрх баригчдын бөөрөнд наалдсан нэг нь амь гардаг тогтоцоо бий болно.

Түүнчлэн Ерөнхий сайд У.Хүрэлсүх Багануурын асуудал бүрэн шийдэгдлээ гэж баярлах нь зөв үү? Тэнд тоног төхөөрөмж нь хуучирсан, техникийн хангамж тааруу, санхүүгийн хувьд олон тэрбум төгрөгийн алдагдалтай зэрэг шийдэх асуудал хүлээгдсээр. Тэгэхээр “ардын баатар” мэт шоу хийх цагаа хараахан олсонгүй ээ, Эрхэм Ерөнхий сайд аа!

Г.Тэмүүлэн

Эх сурвалж: Өнөөдөр сонин

More 212 0

Category: Уул уурхай

Амралтад дургүй Япончууд ''үхтлээ'' ажиллаж байна

2019/04/15

Амралтад дургүй Япончууд ''үхтлээ'' ажиллаж байна

Author: munkhbat on 15-04-2019, 16:09

Япон улсад 7 хоногт 60 цаг ажиллах нь хэвийн л явдал. Энэхүү хэтрүүлэн ажиллах ''зуршил'' нь дэлхийн хоёрдугаар дайны дараагаас буюу тухайн үеийн Японы ерөнхий сайд асан Шигэрү Ёошидагийн бодлогоос эхлэлтэй. Тэрбээр улс орныхоо эдийн засгийг богино хугацаанд сайжруулах зорилгоор илүү цагийн ажлын хөлсийг нэмэгдүүлжээ. Гэтэл уг явдлаас хэдэн арван жилийн дараа Япончууд хэтрүүлэн ажиллах ''зуршил''-аа орхиж чадахгүй байна.

Image result for Japanese Workers sleeping street

Image result for Japanese Workers sleeping street

Ажилтнуудын дунд явуулсан судалгаагаар тэдний дунд зүрхний шигдээс, амиа хорлолтын тоо эрс нэмэгдсэн үзүүлэлттэй байна. Япончууд жилд нийтдээ 17 өдөр амрах ёстой боловч зөвхөн 6 өдөр байхад л хангалттай хэмээн хариулжээ.

Image result for Japanese Workers sleeping street

Тэдний амралтад дургүйн шалтгаан:

- ''Миний ажлыг надаас өөр хүн хийж чадахгүй. Бүгд ажиллаж байхад ганцаараа амарч чадахгүй.''

- ''Хүн бүрийн хийдэг ажил, үүрэг даалгавар өөр учир надгүйгээр ажил урагшлахгүй байгааг мэдэрч байна.''

- ''Амралтын уур амьсгал таалагдахгүй байна.''

- Амралтын үеэр хийх ззүйл байхгүй.''

- Миний хийж байсан ажлыг өөр хэн нэгэн дуусгана гэдэг гутамшиг. гэх мэт.

Ажлын байран дээрх аз жаргалын индексийн судалгаа явуулж үзэхэд Япончууд хамгийн аз жаргалгүй ажилчдаар тодорчээ.

Related image

NLI судалгааны агентлагийн тэргүүн Сайто Тарогийн өгүүлж буйгаар ''Амралтад дургүй, уртасгасан цагаар ажилладаг ажилчдаа шагнаж урамшуулдаг системийн оронд эцэг эхээ асарч, хувийн амьдрал, ажил хоёроо зааглаж, амарч чаддаг ажилчдыг урамшуулах цаг болсон хэмээн ажээ.

Image result for Japanese Workers sleeping street

Ажил ч тэр, амралт ч тэр хүний амьдралд тэнцүү чухал. Ажлаасаа хол байж алжаалаа тайлсан цаг ч ажилласан цагаас дутахааргүй үнэтэй. Гэсэн хэдий ч амралтыг ажлаас холдох байх гайт шалтгаан, саад гэж хардаг Япончууд амралтын үнэ цэнийг ойлгохгүй байна.

С.Тэргэл

More 216 0

Category: Дэлхий дахинд

СОНИРХОЛТОЙ ЯЗГУУРТАН МОНГОЛ ГЭР БҮЛ

2019/04/15

СОНИРХОЛТОЙ ЯЗГУУРТАН МОНГОЛ ГЭР БҮЛ

Author: saikhnaa on 15-04-2019, 16:03

Балт ван: Хятадын сенатын гишүүн байсан.
Минжүүр: Ууган хүү, Тайваны парламентын гишүүн байсан.
Цэдэндорж: Удаах хүү, Германд суралцсан, Бээжинд герман хэл зааж байсан.
Сэрцоо: Ууган охин, Францад хүн эмнэлгээр суралцсан.
Ниржидмаа: Отгон охин, Хятад, Францад боловсрол эзэмшсэн. Англи, франц, хятад, орос, араб, перс хэлтэй.
Даваанямбуу: Минжүүрийн хүү, ренбүчи цолтой, одоо Малайзад амьдардаг.

XX зууны эхэнд монголчуудын дунд “дани хүн” хэмээн нэрлэгдсэн аялагч, эрдэмтэн судлаач Х.Хасслунд одоогийн Хөвсгөл аймгийн Эрдэнэбулган суманд багагүй хугацаагаар сууж байх зуурт торгуудууд Ниржидмаа гэх бүсгүйн тухай үлгэр мэт зүйл ярьдаг байжээ. Хасслунд “тийм хүн үнэхээр байдаг л юм байх даа” гэж боддог байв. Дараа нь Хятад, Монголоор аялсан барууны хүмүүсээс Ниржидмаа гэх нэрийг хэдэнтээ сонссон гэдэг.

Х.Хаслунд нутаг буцах гээд Монголын баруун хилийн боомт Чугучакт (монголчууд Тарвагатай гэдэг) ирэхэд нөгөө алдарт Ниржидмаа Монголдоо харьж ирж байгаатай таарчээ. “Өнгө жавхааг нүүрэндээ тодруулсан, гоолиг биетэй, яриа хөөрөөтэй, донж маяг нь европ шинжтэй байсан нь аргагүй сэтгэл татаж байсан” хэмээн хожим Х.Хасслунд бичсэн байдаг. Боомтын дэн буудалд Хасслунд, Ниржидмаа хоёр бүтэн 14 цаг ярилцсан бөгөөд Ниржидмаагийн хэлний мэдлэг, ухаалаг яриа, хурц ухаан, чөлөөтэй өргөн сэтгэлгээг биширчээ. Ийнхүү уулзсанаас хойш 10 гаруй жилийн дараа 1935 онд Х.Хасслунд “Монгол: Хүмүүн ба бурхадын орон” номоо хэвлүүлэхдээ Ниржидмаагаар өмнөх үгийг нь бичүүлсэн аж.

Сонсоход сонин гайхам түүхтэй Ниржидмаа гэж хэн бэ? 1771 онд Ижил мөрнөөс буцаж нүүсэн торгуудын голлох ноёдын нэг Бамбарын хойч, Шинжааны захирагч, торгуудын Балт вангийн охин ажээ. Балт ван 1911 оны Үндэсний эрх чөлөөний хөдөлгөөнд идэвхтэй оролцож байсан, Манжийн үед, түүний дараа төрд ч Хятадын төрийн хэрэгт нөлөөтэй оролцдог монгол ноёдын нэг байсан гэх мэтээр тэмдэглэгдсэн байдаг. Балт ван Бээжинд хүмүүнлэгийн, Токиод цэргийн боловсрол (1906-1908) эзэмшиж, 1917 онд Шинжаанаас Бээжинд шилжиж, Хятадын сенатын гишүүн байгаад 1920 онд Токиод нас барсан гэдэг. Хятад хэл соёлыг нэвтэрхий мэддэг, япон, англи хэл эзэмшсэн Балт ван хүүхдүүддээ өрнийн боловсрол олгосон бөгөөд ууган хүү Минжүүрийг Николай II хааны тэтгэлгээр Санкт-Петербургт, удаах хүү Цэдэндоржоо Германд, хоёр охиноо Францын сургуульд сургажээ. Ууган охин Сэрцоо нь хүн эмнэлгийн чиглэлээр суралцсан боловч залуугаараа өөд болсон. Харин отгон охин Ниржидмаа нь багаасаа Бээжингийн Франц сургуульд суралцаж хожим Францад хэл соёлын мэргэжил эзэмшжээ.

Оросын иргэний дайнаас дайжиж Францад суусан халимаг монголчуудын эрхлэн гаргадаг “Ковыльные волны” (Хаг халиурсан тал) сэтгүүлийн эхний дугаарт буюу 1930 онд Ниржидмааг Парист хэрхэн хүлээж авч уулзсан тухай томоохон өгүүлэл нийтэлжээ. Оюунлаг, золбоолог төрхөөрөө хэнийг ч эзэмдэн татах ер бусын увидастай монгол бүсгүйн тухай мэдээ Парисаар эгшин зуур тархаж, түүнд бичсэн захидал, зориулсан дуу шүлэг нь сэтгүүлийн редакцыг дарж байсан гэдэг.

Сэтгүүл 6 жил хэвлэгдэн гарахдаа Ниржидмаагийн тухай мэдээг байнга дурддаг байв. 1936 онд лам Нимбушов, ноён Н.Тундутов нарын зохиосон буян номын ажилд оролцсон мэдээ, 1933 онд Белград дахь Буддын сүмд болсон шашны ёслолд оролцсон тухай, мөн 1933 онд “Халимаг Тангчин туг” нийгэмлэгээс Ниржидмаад зориулан Парист ёслолын хүлээн авалт хийсэн тухай гэх мэтээр нийтэлжээ. Парисын хүлээн авалтанд Ниржидмаа монгол үндэсний бүрэн хувцас, зүүсгэлтэй байсан зургийг И.Билибин гэх хүн тусгайлан авчээ. Зургийн баруун дээд өнцөгт худам монгол үсгээр бичсэн гурван мөр байх бөгөөд эрдэмтэн Владимир Санчировын уншсанаар бол “Эрээн хавиргын хуучин торгуудын хошууны бүгдийн дарга, ван ноёны охин Ниржидмаа” гэсэн утга аж.

Ниржидмаа Францад байхдаа 1937 онд “монгол уртын дууны ном” гаргаж 18 дууны үгийг латин үсгээр, монгол хэлээр, мөн тод монгол үсгээр буулгасан нь ойрад монголчуудын хэл соёлыг Баруун Европт танилцуулсан хамгийн анхны бүтээл ч байж мэдэх аж. Ниржидмааг 1937 онд нутагтаа буцаж ирсний дараа жил нь нөхөр болох сурвалжит ноён нас баржээ. Удалгүй Бээжинд сууж байсан Францын ерөнхий консул Мишель Браэльтай гэрлэсэн бөгөөд дипломат нөхрөө даган Азийн олон оронд суужээ. Хожим нь түүнтэй байнгын захидал харилцаатай байсан Х.Хасслунд өөрийн тэмдэглэлдээ “Ниржидмаа Афганистан, Лаос, Тайланд зэрэг олон оронд байхдаа араб, перс хэлийг идэвхийлэн судалсан, түүхийн мэдлэгээ улам зузаалсан, цэцэрлэг байгуулж арчилсан, хөгжим тоглож сурсан” гэх зэргээр дурдсан байна. Монгол хүний, монгол бүсгүйн нэрийг очсон газар болгондоо бахдуулж, бишрүүлж явсан торгууд бүсгүй Ниржидмаа Парист 1983 онд 76 настайдаа бие баржээ.

Монгол нөхрөөс нь гарсан түүний хоёр хүү Шарль дө Торгут, Бонни дө Торгут нар эдүгээ Францад амьдардаг. Ниржидмаа тэдний торгууд монгол ястайг үеийн үед мартуулахгүйн тулд de Torgout хэмээх овог авахуулсан бөгөөд дө хэмээх угтварыг Францад эртний сурвалжит угсааныхан овгийнхоо өмнө заавал хэлж, бичиж хэрэглэдэг ажээ. Ниржидмаагийн ач охин Натали дө Торгут нь хэдэн жилийн өмнө Халимагт очиж байжээ.

Ниржидмаагийн ах дүү, тэдний үр хойчсийн түүх намтар ч сонирхолтой юм. Ах Минжүүр ван нь (эцгээсээ хэргэм залгамжилсан) Санкт-Петербургт орос, слав судлалаар мэргэшсэн бөгөөд 1949 онд халимаг, орос хоёр эхнэрийн хамтаар Түвд, Энэтхэгээр дамжин АНУ-д гарсан бөгөөд хожим нь Тайваний иргэн болж парламентын гишүүнээр сонгогдож байв. Түүний халимаг эхнэрээс гарсан охин Даваанямбуу хоёр хүү төрүүлсний нэг нь Түвдийн томоохон хувилгаан ламын хойд дүрээр тодорч одоо ренбүчи цолтойгоор Малайзад буян номын ажил эрхэлж буй. Ниржидмаагийн удаах ах Цэрэндорж 1920-иод онд Германд сургууль төгсөж ирээд Бээжингийн католик их сургуульд герман хэл зааж байснаас өөр мэдээ олдоогүй байна.
ДӨ ТОРГУТ нар Монголд ирж байсан болов уу?

Эх сурвалж - Buyan Choi

Дэлхийн Монголчууд групп Бат-Амгалан Хөх Морит

More 281 0

Category: Танин мэдэхүй

Ц.НЯМДОРЖ, Ж.БАТЗАНДАН, ЛУ.БОЛД НАР Б.ХУРЦАД ХОНЗОГНОХЫН УЧИР

2019/04/15

Ц.НЯМДОРЖ, Ж.БАТЗАНДАН, ЛУ.БОЛД НАР Б.ХУРЦАД ХОНЗОГНОХЫН УЧИР

Author: saikhnaa on 15-04-2019, 15:30

Индрийн ард чанга хашгирч, иргэдийн хамгийн их хүсэмжилдэг шударга ёс, хүний эрхийн төлөө тэмцэгчийн дүрд тоглож, үнэн хэрэгтээ энэ бүхнийг өс хонзонгийн хэрэгсэл болгож яваа хүмүүс бол УИХ-ын гишүүн, Хууль зүй, дотоод хэргийн сайд Ц.Нямдорж, УИХ-ын гишүүн Ж.Батзандан, Лу.Болд нар юм. Тэдний ярьдаг сэдэв нь “Эрдэнэт”-ийн 49 хувь, С.Зоригийн амийг хөнөөсөн хэрэг, харин популизмийнх нь гол бай ТЕГ-ын дарга асан Б.Хурц болчихоод байгаа. Яагаад вэ?! Улс төрд өрнөж буй үйл явдлуудыг өчигдөр, өнөөдөр буюу он дарааллаар нь нэгтгэн харвал энэ бүхний хариулт гарч ирнэ. “Давхар дээл”-т сайд Ц.Нямдорж, УИХ-ын гишүүн Ж.Батзандан, Лу.Болд нар жирийн иргэн Б.Хурцад өсөрхөх болсон нь ийм учиртай. Гэхдээ энэ бол тэдэнтэй холбоотой утасны нэгээхэн үзүүр нь. Харин шударга үнэний дүрд тоглогч энэ гурван гишүүний баг бүрмөсөн тайлагдахын цагт үнэн нүүр царай нь ямар аймшигтайгаар гарч ирэхийг таашгүй.

Б.Хурц Ц.Нямдорж сайдын багийг хуулав

2017.10.26. Хууль зүй, дотоод хэргийн сайд Ц.Нямдоржийн зуултад орчихоод буй Б.Хурц ТЕГ-ын даргын хувиар энэ өдөр хэвлэлийн бага хурал хийв. Тэрбээр сэтгүүлчдийн асуултад хариулахдаа “Шударга сайд, парламентын брэнд” гэгддэг Ц.Нямдорж сайдын талаар хэд хэдэн ноцтой мэдээллийг өгсөн юм. Үүнийг тоймловол:

-С.Зоригийг хөнөөсөн ажлын хэсэг анх 1998 онд С.Батчулуун агсныг Хууль зүй, дотоод хэргийн сайд байхад байгуулагдсан. ЦЕГ энэ хэргийг 2001 онд татаж авсан. Д.Одбаярыг Хууль зүй, дотоод хэргийн сайд байхад буюу 2006 онд ЦЕГ, ТЕГ-ын хамтарсан ажлын хэсэг байгуулагдсан. Дараа нь Ц.Мөнх-Оргил сайдын үед 2007 оны нэгдүгээр сарын 22-нд ЦЕГ-ын мэдэлд өгсөн. Ц.Мөнх-Оргил Ц.Нямдорж сайдтай нэг нам, их ойр харилцаатай, дэд сайдаар нь ажиллаж байсан, улс төрд удаан хугацаагаар хамт яваа хүн. С.Зоригийн амийг хөнөөсөн хэргийг мөрдөн шалгах ажлын хэсгийг ЦЕГ-ын мэдэлд өгч явсаар байгаад хамгийн сүүлд 2015 онд УЕПГ, АТГ, ТЕГ, ЦЕГ-ын хамтарсан ажлын хэсэг байгуулагдсан. Сонирхолтой нь Ц.Нямдорж ажлын хэсгийг тагнуулаас ямагт салгасан байдаг. Ажлын хэсгийг үймүүлэх, энэ ажлыг явуулахгүй байх ямар зорилго сайд Ц.Нямдоржид байдгийг мэдэхгүй.

-Өнөөдөр бид С.Зоригийн амийг хөнөөлгөсөн захиалагчийн асуудлыг ярьж байгаа. Гэтэл яг энэ цаг мөчид улс төрийн болон бусад зорилгоор Ц.Нямдорж сайд нөлөөлж байна.

-Ц.Нямдорж гэдэг хүн сайд болохдоо С.Зоригийг хөнөөсөн хэрэг дээр ажиллаж байгаа ажлын хэсгийг дөрвөн удаа тарааж, энэ ажлын хэсгийн 32 албан хаагчийг сольсон. Энэ хүн сайд болохоороо тагнуулын байгууллагыг оролддог. Өөрөө хууль зөрчдөг.

-“Ц.Нямдорж Хятадын тусгай албадтай холбоотой юу” гэх 42 хуудас материалын тухай асуудал байдаг. Энэ талаар Ж.Баатар генерал гомдол гаргасан. ТЕГ-ын тэргүүн дэд дарга Б.Доньжчимбуугаар ахлуулсан ажлын хэсэг энэ хэргийг дахин шалгасан. Ц.Нямдорж Хятадын тусгай албадтай холбоотой юу, үгүй юү гэдэг хэргийг нууцлалын зэргээс гаргах боломжтой болсон.

-Ц.Нямдорж Д.Дорлигжав, Н.Алтанхуяг гэдэг бүлэглэлтэй. Энэ бүлэглэл хүчтэй, санхүүтэй, хэвлэлтэй, телевизтэй, сайттай, “Эрдэнэт”-д шахааны бизнестэй. “Эрдэнэт” үйлдвэрийн Ерөнхий захирлыг “Хаан жимс” амралтын газарт дуудаад “Энэ гэрээг үргэлжлүүл” гэж байсан юм билээ.

-Ц.Нямдорж сайдын хуурай дүү, ДЦС-4 ТӨХК-ийн гүйцэтгэх захирал С.Анхбаяр оффшорын асуудалтай. Үүнийг шалгах болно. С.Анхбаяраар дамжуулан “Эрдэнэт” үйлдвэрт 42 сая ам.долларын шахаа хийсэн.

-Ц.Нямдоржийн хуурай дүү С.Анхбаяр болон хүү Н.Анхбаярыг шалгах цаг болсон.

-Д.Дорлигжав “Эрдэнэт” үйлдвэрийн Ерөнхий захирлаар ажиллаж байхдаа 800 мянган ам.долларын асуудалд орсныг Ц.Нямдорж хуулийн байгууллагад нөлөөлж замхруулсан.

-Хууль зүй, дотоод хэргийн сайд Ц.Нямдоржийн ярьдаг сэдэв нь “Эрдэнэт”, С.Зоригийг хөнөөсөн хэрэг…

-Г.Алтан ба САПУ-ийн хэрэг байна. Бүхэл бүтэн байгууллагын материалыг аваачаад шатаачихсан. Эзэн нь тогтоогдоогүй, олддоггүй нэг ийм хэрэг байдаг. Тухайн үед Ө.Энхтөр хурандаа ярьж байсан. “Сайд өрөөндөө дуудаад “Энэ хэргийг хаа” гээд байх юм” гэж.

Б.Хурц дээрх мэдээллийг хийснийхээ дараа ТЕГ-ын даргын албан тушаалаас чөлөөлөгдсөн. Харин Ц.Нямдорж сайд яг тэр өдөр Төрийн ордонд сэтгүүлчдийн асуултад хариулахдаа ТЕГ-ын дарга асан Б.Хурцын мэдээллийг бүрэн үгүйсгэж чадаагүйгээр барахгүй “С.Анхбаяр бол миний багшийн хүүхэд” хэмээн хээвнэг хэлж байв. Тэрбээр үүнээс өмнө хүү Н.Анхбаяр нь “Эрдэнэт” үйлдвэрт 2.5 тэрбум төгрөгийн шахаа хийсэн баримт хэвлэлүүдэд ил болоход “Хүний ёсоор хүүдээ тусалсан” гэж байсан юм. Ц.Нямдоржийн хуурай дүү С.Анхбаярыг АТГ авлигын хэргээр шалгаж, шүүхээс хоёр жилийн ял оноосон ч саяхан торгох ял болгон өөрчилсөн. Б.Хурцын хэлсэнчлэн Ц.Нямдоржийг Хууль зүй, дотоод хэргийн сайд болоод удаагүй байхад С.Зоригийг хөнөөсөн хэргийг мөрдөн шалгах ажлын хэсгийг дахиад л тараасан. “Энэ ажилд ЦЕГ-ын дарга С.Баатаржав гол үүрэг гүйцэтгэсэн” гэх мэдээлэл бий.

Ж.Батзандангийн ах нар АТГ-т шалгагдаж байсан нь Б.Хурцад өсөрхөх шалтгаан уу

Ж.Батзандан 2008 оны долдугаар сарын 1-ний хэргийг зохион байгуулсан хүмүүсийн нэгээр тодорсон ч уснаас хуурай гарч, харин амин найз О.Магнай нь Ганцхудагаас эмнэлэгт тэргэнцэртэй хүргэгдэн ирж байсан дүр зураг гэрэл зургийн хальснаа үлдсэн. Харин одоо УИХ-ын гишүүн Ж.Батзандан АН-аас хөөгдөж, О.Магнай нь АН-ын гишүүн хэвээр байгаа. “Долдугаар сарын 1”-тэй холбоотой хэрэг явдал өөрийнх нь эсрэг өрнөхийг мэдэрсэн Ж.Батзандангийн “хоргодох байр” нь АН болж, мань эр “Ц.Элбэгдоржийн фракцийнх” гэгдэж явсан удаа ч бий. Тэгвэл өнөөдөр тэрбээр Ц.Нямдорж сайдын сайн дүүгийн дүрд тоглож, “Ц.Элбэгдорж хийгээд МАНАН мафийн эсрэг тэмцэнэ” хэмээн чуулганы танхимд чанга хашгирч суугаа. Мэргэжил нэгт О.Баасанхүү гишүүнийг нэр усаар нь доромжилж, өдгөө жирийн иргэн болсон Б.Хурцын нэрийг хуруугаа чичлэн хэлсээр байгаагийн учир юу вэ. Энэ асуултын хариултыг олоход тун амархан. Б.Хурц нэгэн үе АТГ-ын дэд даргаар ажиллаж байсан. Түүнийг энэ албаа өгсний дараахан Ж.Батзандангийн ах нарт холбогдох хэргийг АТГ шалгаж байв. Ж.Батзандан бас яаж зүгээр байх вэ. Тухайн үеийн ТӨХ-ны дарга Д.Цогтбаатарт “… Миний ах Ж.Батсүрэнтэй холбоотой асуудлыг шалгаж, үүрэгт ажлаас нь чөлөөлж, нэн даруй хариуцлага тооцож өгөхийг хүсье” гэж УИХ-ын гишүүний хувиар албан бичгээр хандаж байв. Өөрөөр хэлбэл, ахынхаа асуудлыг өөртөө нэмэх оноо авах тоглолт болгон хувиргах гэж оролдож байсан нь энэ. Ж.Батзандангийн төрсөн ах Ж.Бат-Эрдэнэ, Ж.Батсүрэн нар ямар хэргээр АТГ-т шалгагдаж байсныг дурдвал:

-Ж.Батзандангийн ах Ж.Бат-Эрдэнэ 2011-2012 онд Мэдээллийн технологи, шуудан харилцаа, холбооны газар (МТШХХГ)-ын даргаар ажиллаж байсан. Харин АН УИХ-ын 2012 оны сонгуульд ялахад “Монголын цахилгаан холбоо” ХК-ийн гүйцэтгэх захирлаар томилогдож байв. Гэвч энэ албаа өгснөөс хойш Ж.Бат-Эрдэнэ Төрийн нарийн бичгийн дарга хэмээх яамныхаа “Гал тогоо”-г хариуцдаг чухал албыг тасралтгүй хашиж яваа. Аль ч намд нүүртэй, нэг албан тушаалаас нөгөө албан тушаал руу сэлгэж нүүдэг Ж.Бат-Эрдэнэ тэргүүтэй зарим албан тушаалтанд АТГ-ынхан 2015 оны наймдугаар сарын 16-нд Эрүүгийн хуулийн 263.2-т зааснаар эрүүгийн хэрэг үүсгэн шалгаж байжээ. Тодруулбал, Мэдээллийн технологи, шуудан харилцаа, холбооны газраас 2012 онд шалгаруулсан нэг тэрбум төгрөгийн өртөг бүхий Багуудад хүргэх шуудангийн үйлчилгээг сайжруулах тендерийн Үнэлгээний хорооны дарга, гишүүд нь “Монгол дизель” ХХК-д давуу байдал олгон нийлүүлэгдэх автомашины техникийн тодорхойлолтод өөрчлөлт оруулан тус компаниас нийлүүлсэн БНХАУ-д үйлдвэрлэсэн 34 ширхэг автомашиныг зах зээлийн үнээс өндөр үнээр авсан гэх асуудлаар тэдэнд эрүүгийн хэрэг үүсгэсэн юм. АТГ-ынхан 34 автомашинтай холбоотой хэргийг шалгахад үнийн дүнгийн зөрүү нь 693.051.816 төгрөг байжээ.

-УИХ-ын гишүүн Ж.Батзандангийн ах Ж.Батсүрэн “Мон сам” ТӨХК-ийн захирлаар ажиллаж байхдаа нэгэн дуулианд нэр холбогдсон нь 2013 он. Тухайн үед mongolcom.mn вэбсайтад бичсэнээр, Ж.Батсүрэн нь АНУ-аас эх орондоо ирэхдээ долоон ширхэг иж бүрэн компьютер оруулж ирсэн бөгөөд гаалийн татварыг нь төлөлгүй нууж оруулахыг завджээ. Үүнийг нь “Чингис хаан” олон улсын нисэх буудал дахь Гаалийн газрын улсын байцаагчид илрүүлж барааг нь хураахад Ж.Батсүрэн албан тушаалаараа далайлгаж, гаалийн байцаагчдыг элдвээр харааж “Би Ж.Батзандан гишүүний ах байна. Та нар хэн болоод Төрийн тусгай хамгаалалтын газрын компьютерийг хурааж байгаа юм. Маргааш бүгдийг чинь ажилгүй болгоно, хараарай” гэх мэтээр давшилж байжээ. Ж.Батсүрэн нь 2012-2014 онд “Мон сам” ТӨХК-ийн захирлаар ажиллаж байжээ. Тэрбээр эл албыг хашиж байхдаа ТӨХ-ны зөвшөөрөлгүйгээр Чингэлтэй дүүргийн IV хороо Бага тойруугийн 18 дугаар байрны 11 тоотод байрлах тус газрын хөрөнгөд бүртгэлтэй 18 м.кв орон сууцыг бусдад худалдан борлуулсан. ТӨХ-ны 2013 оны тавдугаар сарын 30-ны өдрийн 347 тоот тогтоолоор Төрийн банкны үндсэн хөрөнгөд бүртгэлтэй “Ниссан мурано” маркийн УБЗ 6691 улсын дугаартай 25.195.2 мянган төгрөгийн үлдэгдэл өртөгтэй автомашиныг балансаас баланст шилжүүлэхээр шийдвэрлэсэн байхад тухайн байгууллагын үндсэн хөрөнгөд бүртгүүлэлгүйгээр эзэмшиж байгаад цаашид ашиглах боломжгүйгээр техникийн гэмтэл (осол)-д оруулж байгууллагын өмч хөрөнгийг завшин үрэгдүүлсэн гэх хэрэгт 2014 оны есдүгээр сарын 22-нд эрүүгийн хэрэг үүсгүүлэн шалгуулж байсан аж.

Б.Хурц Лу.Болдыг онгоцны моторын хэргээр улалзуулсан нь

АН эрх барьж байхад буюу 2013 онд тухайн үеийн БХЯ-ны удирдлагуудтай холбоотой хэрэг ихээхэн дуулиан тарьсан юм. Тэгэхэд УИХ-ын гишүүн Лу.Болд энэ яамны сайдаар ажиллаж байв. Хэвлэлүүдэд “Хойд Солонгосоос “МИГ-21” онгоцны моторыг худалдан авахаар 1.8 сая ам.долларыг Монгол Улс руу шилжүүлэхдээ иргэн Ж.Бямбаноров, бизнес эрхлэгч н.Нацагдорж нарын дансанд хийсэн” гэх мэдээлэл гарч байлаа. Хууль хяналтынхан ч энэ хэргийн мөрөөр орж, генерал Т.Дашдэлэг тэргүүтэй зарим хүнийг цагдан хорьж, хойд солонгосчууд Монголын талаас 300 мянган ам.доллар нэхэмжилсэн талаар өдөр тутмын зарим сонин мэдээлж байсан юм. Тэгэхээр ТЕГ-ын дарга асан Б.Хурц байнгын хорооны хуралдаан дээр Лу.Болд хийгээд онгоцны мотор, хойд солонгосчуудын нэхэмжилсэн 300 мянган ам.долларын тухай анх удаа хэлсэн биш, хэвлэлүүд бүр өмнө нь мэдээлчихсэн хэрэг. Өдгөө шударга ёс, хүний эрхийн төлөө тэмцэгчийн дүрд хувирчихаад яваа Лу.Болд энэ хэргээс “аврагдаж”, Т.Дашдэлэг генерал хорих ял сонссон ч 2015 онд өршөөлөөр суллагдсан. Улс төрийн хүрээнд “Хойд Солонгосын талаас нэхэмжилсэн 300 мянган ам.доллар хийгээд онгоцны мотортой холбоотой хэргийг АТГ-ынхан хав дарсан уу. Ц.Нямдорж сайд Лу.Болдыг энэ асуудлаар нь барьцаалсан байхвий” гэх яриа бий.

Эх сурвалж: analiz.mn

More 248 0

Category: Онцлох / Улс төр

В.Путин: "Нөхөр чоно хэнийг идэхээ мэднэ, идэхдээ бас яарахгүй”

2019/04/15

В.Путин: "Нөхөр чоно хэнийг идэхээ мэднэ, идэхдээ бас яарахгүй”

Author: batdorj on 15-04-2019, 15:16

Хойд хөршийн төрийн тэргүүн В.Путин удахгүй манай улсад айлчлан ирэх гэж байгаа билээ. Түүний айлчлалд Монгол улс өндөр ач холбогдол өгөхөөс өөр арга үгүй. Энэ удаад бид Оросын төрийн тэргүүний намтрын талаар та бүхэнд цухас толилуулхыг зорьлоо.

Ерөөс ингэхэд Путин гэж хэн бэ гэдэг өөрөө их сонин асуулт. Ямартай ч барууны сэтгүүлчид түүнийг Оросын түүхэнд байсан удирдагчдаас хамгийн боловсролтой нь хэмээн онцолдог. Гэхдээ Путин, Сталины дэргэд тийм ч баялаг намтартай, гавьяа зүтгэл болоод нүгэл хилэнцтэй хүн биш. Энд түүний улс төрийн удирдагч ерөнхийлөгчийн хувьд бус харин хэрхэн улс төрч болсон түүхээс сонирхуулъя. Тэрээр Ленинград хотын жирийн ажилчны гэр бүлд төрж нийтийн байранд өсөж торнижээ. В.Путин бол Ельцинээс тэс ондоо хүн. Хүйтэн, эрс шулуун зантай, дүрэм журмыг баримтлах дуртай нягт нямбай эр. Өөрөөр хэлбэл шоу түүний байх орчин биш. Түүнийг сайн таньж мэдэх нэг нь тэр их сахилга баттай бас хэзээ ч архи уудаггүй гэж тодорхойлдог. 1998 онд Холбооны Аюулгүй байдлын албаны даргаар томилогдохдоо тэрээр “Эцгийнхээ гэрт ирсэн юм шиг сайхан санагдлаа” хэмээж байв. Тэрээр хуульч мэргэжилтэй боловч тагнуулын албанд зүтгэж, амьдралынхаа ихэнх он жилүүдийг Зөвлөлтийн КГБ-ийн /УАХХ/ Гадаад тагнуулын албанд ажиллаж өнгөрүүлсэн юм. Орост бүү хэл дэлхийд зартай КГБ-д хамгийн бага албан тушаалаас эхлээд гадаад тагнуулын алба хүртэл бүх шат давхаргыг туулсан хашир “чоно”. Бүхэл бүтэн 15 жил Зүүн Германы Эрфурт, Дрезден зэрэг хотод олон улсын тагнуулын ажил хийж байлаа. Герман хэлийг мэдээж гаргууд эзэмшсэн нэгэн.

Зөвлөлт Холбоот Улс задран унахад Путин КГБ-ээс гарч Санкт-Петербургийн захирагч Анатолий Собчакийн ажлын албанд ажиллах болов. Энэ үедээ Собчакийг хотын төсвөөс хэдэн сая ам доллар дутаасан хэргээс нь аргалж тусалсан хэмээн ярих нь бий. Үүгээрээ Путин Кремль болон дээдсийнхний анхаарлыг татаж чадсан гэдэг. Москвагийн Карнеги төвийн улс төр судлаач Николай Петров түүний талаар хэлэхдээ “Путин хязгаар мужийн удирдагчдыг дарамт шахалтаар эрхэндээ оруулдаг байсан. Түүний хүссэн зүйлийг хийгээгүй үед тэр тэднийг янз бүрийн аргаар дарамталж, дуугүй болгодог байсан” гэжээ.

Мань эр нэгэнтээ “Хүнд нөлөөлөх гурван арга байдаг: дарамтлах, ална гэж заналхийлэх, архидуулах” хэмээн хошигносон удаатай. Тэр бүү хэл Москва хотын дарга Лужковын эхнэр Елена Батурины эсрэг хэрэг болон Ерөнхий прокурор Юрий Скуратовын секс бичлэг зэргийн ард Путиныг байсан гэж ажиглагчид үздэг. Хэдийгээр түүнийг зарим нь коммунист гэдэг ч Чечений асуудлыг шийдвэрлэж чадсан гэдгээрээ олон түмний дунд нэр хүндтэй байдаг. Түүний талаар Зүүн Германы тагнуулын албаны дарга Маркус Вольф хэлэхдээ “Магадгүй Путин гадаад тагнуулд ажилласанаараа өөрийгөө илүү нээж, боловсорсон байх” гэдэг. Ямар ч байсан түүнийг 1998 онд Штазигийн дарга Эрих Милке хүндэт медалиар шагнасан нь ховор тохиолдол байсан гэж тагнуулч нөхөд нь дурсацгаадаг.

Судлаачид барууныхан Путинтэй тохиролцоход их хэцүү, тэр бараг хуучин коммунист арга барилаар хандана гэж үздэг. Ямартай ч Путин олон улсын дэвжээнд гол тоглогчоор тоглож байгаа нь үнэн. Тэрээр нэгэнтээ Америкт хандаж “нөхөр чоно хэнийг идэхээ мэднэ, идэхдээ бас яарахгүй” гэж занаж байсныг энд дурдахгүй өнгөрч болохгүй. Энэ утгаараа барууны ертөнцийн Орос улстай харилцах харьцаа төвөгтэй байсаар байх төлөвтэй. Ийн их гүрнүүдийн сонирхлын зөрчил цаашдаа ч үргэлжлэх нь ойлгомжтой болж байна. Путин загас барих дуртай. Хэрвээ түүнийг хэн нэгэн үмхэхгүй бол тэр дэгээгээ хаядаг байна.

Ноён Путин гэр бүлийнхээ талаар олон түмэнд нэг их зарлаад байдаггүй. Тэрээр гэргий Людмилатайгаа анх онгоцны үйлчлэгч байхад нь танилцаж гэрлэсэн ба экс тэргүүн хатагтай ч мөн Германд боловсрол эзэмшсэн нэгэн. Мөн тэднийх 2 охинтой бөгөөд охидууд нь ч гэсэн аавтайгаа адил герман хэлийг төгс эзэмшсэн аж. Үүнээс үзэхэд Путиныхныг герман маягийн эмх цэгцтэй, дэг журамтай гэр бүл гэж ойлгож болох юм. Аргагүй ясны тагнуулч хүний зангаар В.Путин 1958 онд төрсөн Мария, 1986 онд төрсөн Екатрина хоёроо олны нүднээс чадварлаг нуудаг бөгөөд өдгөө тэд нар нь бизнесийн янз бүрийн салбарт ажил төрөл хийж байгаа юм байна.

Ж.Батдорж

Эх сурвалж: Guren.mn

More 285 0

Category: Нийтлэл

Алдарт Алла Борисовна Пугачевагийн 70 насны төрсөн өдөр тохиож байна

2019/04/15

Алдарт Алла Борисовна Пугачевагийн 70 насны төрсөн өдөр тохиож байна

Author: saikhnaa on 15-04-2019, 15:02

АМЬДРАЛ, УРАН БҮТЭЭЛ:
Алла Пугачёвагийн аав Борис Михайлович Пугачёв, ээж Зинаида Архиповна Одегова нар Дэлхийн 2-р дайнд оролцож байсан бөгөөд 1946 онд танилцан гэр бүл болжээ. Анхны хүүхэд нь төрснийхөө дараахан өвчний улмаас нас барсан байна.1949 онд хоёр дахь хүүхэд нь төрж Алла хэмээх нэрийг хайрлажээ. Зөвлөлтийн үеийн алдарт жүжигчин Алла Тарасоваг бодож охиндоо ийм нэр хайрласан гэдэг.
Аллаг таван нас хүрэхэд нь хөгжмийн сургуульд оруулж тэр жилдээ бяцхан охин томоохон хэмжээний концертод оролцож, анх удаа тайзан дээр гарчээ. Ангийнх нь хүүхдүүдийн ярьснаар Алла сурагч байхдаа нэлээд хөдөлгөөнтэй, ихэд өвөрмөц ааштай байсан гэдэг. Өөрийнхөө үзэл бодлыг тууштай хамгаалдаг, бодсоноо шууд хэлдэг гээд л... 14 настайгаасаа тамхи татаж эхэлсэн байна.8-р ангиа төгсөөд М.М.Ипполитова- Ивановагийн нэрэмжит хөгжмийн сургуулийн найрал дууны удирдаачийн ангид элсэн орж төгссөн.

More 217 0

Category: Урлаг

Санхүүгийн эрх чөлөө VS Аз жаргал

2019/04/15

Санхүүгийн эрх чөлөө VS Аз жаргал

Author: zulaa on 15-04-2019, 14:56

2015 онд эдийн засгийн салбарын Нобелийн шагналын эзэн болсон Ангус Дийтон 2010 онд хийсэн судалгаагаараа хүний жилийн орлого 75 000 ам.доллараас давахаар тухайн хүн мөнгөнөөс "таашаал авах”- аа больж эхэлдэг гэдгийг батлахыг хичээсэн байдаг.

More 235 0

Category: Мэдээ мэдээлэл / Нийтлэл

Л.Пүрэвбаатар: Би УБТЗ-аас гэрээний дагуу байр авсан, одоо чөлөөлж өгөх гээд хүлээж байна

2019/04/15

Л.Пүрэвбаатар: Би УБТЗ-аас гэрээний дагуу байр авсан, одоо чөлөөлж өгөх гээд хүлээж байна

Author: saikhnaa on 15-04-2019, 14:23

“УБТЗ” ХНН-ээс өнөөдөр зарласан хэвлэлийн бага хурлын үеэр “УБТЗ” ХНН-ийн дарга асан Л.Пүрэвбаатар орж ирсэн юм. Тэрээр 2014-2016 онд УБТЗ” ХНН-ийн даргаар ажиллаж байсан бөгөөд түүний амьдарч байсан 1.4 тэрбум төгрөгийн өртөг бүхий таун хаусыг чөлөөлүүлж авах шийдвэр гаргасан байдаг. Үүнтэй холбогдуулан Улаанбаатар төмөр замын дарга асан Л.Пүрэвбаатартай ярилцлаа.

"Баянгол болон Хан-Уул дүүргийн Иргэний хэргийн шүүхэд ямар үндэслэлээр хандсан талаар асуухад:

-УБТЗ” ХНН-ийн даргаар ажиллаж даргаар ажиллаж байхад Төмөр замын даргыг албаны орон сууцаар хангах гэрээтэй байсан юм. Үүний дагуу надад Оросын талаас орон сууц авч өгсөн. Намайг сайн ажиллавал энэ орон сууцаа өөрийн өмчлөлд үлдээхийг зөвшөөрсөн ТУЗ-ийн даргын шийдвэр надад байгаа. УБТЗ төрийн өмчит байгууллага учраас Төрийн өмчийн хорооны даргын үүргийг түр орлон гүйцэтгэгч Д.Цогтбаатартай хийсэн контракт гэрээ байгуулсан. Тус гэрээг прокурор шалгаад үнэн зөв байна гэсэн акт гаргасан.

Шүүхийн шийдвэр "Та энэ орон сууцыг өгчих. Харин УБТЗ танд үр дүнгийн шагналд байр авч өгөх ёстой юм байна. Энэ нь нотлох баримтад үндэслэгдсэн" гээд гарсан. Би тэр байрыг аваад одоогийн байраа чөлөөлж өгөх гээд хүлээгээд байна.

Тиймээс би Дээд шүүхийн шийдвэрийг үндэслээд Баянгол болон Хан-Уул дүүргийн Иргэний хэргийн шүүхэд өгсөн чинь шүүхийн шийдвэр гүйцэтгэх ажиллагааг зогсоосон. Шүүх бол яг номоороо ажиллаж байна. Би контракт гэрээнийхээ үүргийг биелүүлээд байраа аваад өгчих л гэж хандсан.

Байрыг бол би чөлөөлөөд өгчихье. Харин энэ байрыг зараад төмөр замчдын урьдчилгаа төлбөрт өгнө гэж худал хуурмаг мэдээлэл хийж, төмөр замчин залуучуудыг хууран мэхэлж байна" хэмээн мэдэгдлээ.

More 242 0

Category: Мэдээ мэдээлэл / Хүмүүс

Дараах гурван гишүүнээр "туг тахиж", ЖДҮ-ийн хэргийг хаахаар болжээ

2019/04/15

Дараах гурван гишүүнээр "туг тахиж", ЖДҮ-ийн хэргийг хаахаар болжээ

Author: batdorj on 15-04-2019, 13:46

Жижиг дунд үйлдвэрлэлийг хөгжүүлэх сангаас гурван хувийн хүүтэй зээл авч, эргүүлээд ард түмэндээ 10 хувийн хүүтэй зээлүүлж мөнгө угаасан гэх "хэрэг" өнгөрсөн оны наймдугаар сараас эхлэн анхлан хэвлэл мэдээллийн хэрэгслээр дэлгэгдэж нийгмийг тэр чигээр нь бухимдалд автуулсан. Ялангуяа улс төрчдийн дийлэнх нь энэ хэрэгт нэр холбогдож албан тушаалын давуу байдлаа урвуулан ашиглаж зээл авахад нөлөөлсөн гэх үндэслэлээр ард түмэндээ үзэн ядагдаж эхэлсэн

Гэвч энэ хэргийг эрх баригчид "улс төрийн зорилгоор зориуд зохиосон гэмт хэрэг" хэмээн тайлбарлаж, харин эсрэг талаас "Ж.Эрдэнэбатын Засгийн газрыг огцруулахын тулд УИХ-ын гишүүн бүрт У.Хүрэлсүх кнопны оронд 950 сая төгрөгийн ЖДҮ амласан нь өнөөдөр хэрэгжиж байна" хэмээн тайлбарласан.

Ямартай ч нэгэн жилийн туршид улс төрчид-ард түмэн хоёрыг талцуулан "зодолдуулсан" хэрэг "хаагдаж" буй бололтой. Өнөөдөр ЖДҮ-ийн хэргийг шалгах ажлын хэсгийн ахлагч, Авлигатай тэмцэх газрын Мөрдөн байцаах албаны дарга, ахлах комиссар Ц.Энхбаярынхэвлэлд өгсөн ярилцлагаар нотлогдож буй юм.

Хаагдаж буй гэх ихэнх хэрэг "Тойрогтоо жижиг, дунд үйлдвэрийг хөгжүүлэх, зээл авахад нь дэмжлэг үзүүлсэн, тойргийн сонгогч, зээлдэгч нь авсан санхүүжилтээ зориулалтын дагуу зарцуулж буй эсэхийг шалгаж, тэдгээрийг дэмжсэн УИХ-ын гишүүдтэй хамааралгүй болох нь тогтоогдсон" гэсэн шалтгаантай.

Харин улс төрийн өндөр албан тушаалтан 9 этгээдэд эрүүгийн хэрэг үүсгэж яллагдагчаар татсан ажээ. Үүнээс мөрдөн шалгах ажиллагааны явцад гэмт хэргийн шинжтэй үйлдэл нь нотлох баримтаар хангалттай тогтоогдсон гэж үзсэн улс төрийн өндөр албан тушаалтан 3 яллагдагчид холбогдох хэргийг Ажлын хэсгээс тусгаарлаж шийдвэрлэх саналаа прокурорын байгууллагад гаргасан.

Одоогоор дээрх яллагдагч нарын хэргийг шүүхэд шилжүүлээгүй байгаа гэж ЖДҮ-г шалгах ажлын хэсгийн ахлагч, АТГ-ын Мөрдөн байцаах албаны дарга, ахлах комиссар Ц.Энхбаяр хэлжээ.

Тэдгээр гурван улс төрийн өндөр албан тушаалтан хэн бэ?

Улсын Ерөнхий Прокуророос УИХ-ын гишүүний бүрэн эрхээс нь түдгэлзүүлж, шалгах хүсэлтийг хүргүүлсэн ч намын нөхөд нь хамгаалж үлдсэн УИХ-ын гишүүн Д.Дамба-Очир, Г.Солтан, Л.Энхболд нар аж.

Нэгдүгээрт, УИХ-ын гишүүн Д.Дамба-Очир нь “Сафир стоун” гэх компанид 1.2 тэрбум төгрөгийн зээлийг ЖДҮ-ийг хөгжүүлэх сангаас авч өгөхдөө албан тушаалын байдлаа урвуулан ашигласан нь хамгийн түрүүнд тогтоогдсон хүн. Хамгийн ноцтой нь ЖДҮ-ийн бүх зээл барьцаатай гарсан байхад ганцхан Д.Дамба-Очир гишүүний зээл барьцаагүй гарчээ. Дээрээс нь Д.Дамба-Очир гишүүн өөрийн компаниа дүүгийнхээ нэр дээр шилжүүлж, дүү М гэгч иргэнтэй нийлээд уул уурхайн хайгуул хийх зориулалтаар зээл авсан ч тал мөнгийг нь уурхайн ажил руу хийж, талыг нь зээл авсан хүмүүс хуваагаад авчихсан нь мөрдөн байцаалтын явцад нотлогдоод буй.

Хоёрдугаарт, УИХ-ын гишүүн Г.Солтан. Тэрбээр малын тэжээлийн үйлдвэрлэл эрхлэхээр төсөл бичиж, өөрийн хамаарал бүхий “Монгол шаазан” ХК-д 950 сая төгрөгийн санхүүжилт авсан байдаг.

Гуравдугаарт, УИХ-ын гишүүн Л.Энхболд. Тэрбээр бусдад төлөх өрөө барагдуулах зорилгоор “Х” тайлантай компанийн нэр дээр төсөл бичиж, “Хасговь транс” хувьцаат компанидаа 950 сая төгрөгийн зээл авсан нь тогтоогдсон.

Эдгээр гурван гишүүний хэргийг мөрдөн шалгах ажиллагааны явцад Эрүүгийн хуулийн 22.1 дугаар зүйлийн 22.1.4 дэх хэсэгт заасан "гэмт хэргийн шинжтэй үйлдэл нь нотлох баримтаар хангалттай тогтоогдсон" гэж үзсэн тул яллагдагчаар татаж, холбогдох хэргийг АТГ-ын дэргэдэх ЖДҮ-г шалгах ажлын хэсгээс тусгаарлаж, шийдвэрлэх саналаа прокурорын байгууллагад гаргасан байгаа аж.

Ш.Лхагва

More 261 0

Category: Ноцтой мэдээ