Scandal.mn

“Эрүүл мэндийн салбараа авраач ээ”

2017/09/28

“Эрүүл мэндийн салбараа авраач ээ”

Author: zulaa on 28-09-2017, 19:43

Ийм утгатай захидлыг энэ салбарын төлөөлөл болох Эрүүл мэндийн хөгжлийн төвийн ажлаасаа халагдах гэж байгаа 30 орчим ажилтан ирүүллээ. А.Цогцэцэг Эрүүл мэндийн сайдын ажлаа аваад удалгүй шинэ томилгоо хийж олон хүнийг ажилгүй болгосныг гэрчлэх хүн олон бий. Түүний нэг томилгоо бол Далай аварга Г.Өсөхбаярын эрх эхнэр аж.

More 222 0

Category: Онцлох / Нийтлэл

Улаанбаатарт шөнөдөө 5 хэм хүйтэн

2017/09/28

Улаанбаатарт шөнөдөө 5 хэм хүйтэн

Author: munkhbat on 28-09-2017, 17:41

Малчид, ард иргэдийн анхааралд: 29-нд баруун аймгуудын нутгаар, 30-нд нутгийн хойд хэсгээр хур тунадас, нойтон цас орж, ихэнх нутгаар салхи шуургатай байхыг анхааруулж байна.

2017 оны 09 дугаар сарын 28-ны 16 цагаас 22 цаг хүртэл: Багавтар үүлтэй. Хур тунадас орохгүй. Салхи баруун хойноос 5-10 м/с. 17 цагт 6 хэм, 20 цагт 2 хэм дулаан байна.

2017 оны 09 дүгээр сарын 28-ны 20 цагаас 09 дүгээр сарын 29-ний 20 цаг
хүртэлх цаг агаарын урьдчилсан мэдээ

БАРУУН АЙМГУУДЫН НУТГААР: Үүлшинэ. Шөнөдөө нутгийн баруун хэсгээр, өдөртөө ихэнх нутгаар хур тунадас, нойтон цас орно. Салхи баруун өмнөөс баруун хойш эргэж секундэд 7-12 метр, өдөртөө зарим газраар секундэд түр зуур 18-20 метр хүрч ширүүснэ. Алтай, Хангайн уулархаг нутгаар шөнөдөө 1-6 хэм хүйтэн, өдөртөө 4-9 хэм, Эхийн голын Баянбүрд орчмоор шөнөдөө 3-8 хэм, өдөртөө 17-22 хэм дулаан, бусад нутгаар шөнөдөө 3 хэм дулаанаас 2 хэм хүйтэн, өдөртөө 11-16 хэм дулаан байна.

ТӨВИЙН АЙМГУУДЫН НУТГААР: Үүлшинэ. Шөнөдөө хур тунадас орохгүй, өдөртөө Хөвсгөлийн уулсаар хур тунадас орно. Салхи баруун өмнөөс секундэд 4-9 метр, өдөртөө зарим газраар секундэд 12-14 метр хүрч ширүүснэ. Хангай, Хөвсгөл, Хэнтэйн уулархаг нутгаар шөнөдөө 3-8 хэм хүйтэн, өдөртөө 6-11 хэм дулаан, бусад нутгаар шөнөдөө 0-5 хэм хүйтэн, өдөртөө 11-16 хэм дулаан байна.

ЗҮҮН АЙМГУУДЫН НУТГААР: Солигдмол үүлтэй. Хур тунадас орохгүй. Салхи баруунаас секундэд 7-12 метр. Шөнөдөө 5-10 хэм хүйтэн, өдөртөө 9-14 хэм дулаан байна.

ОТРЫН НУТАГ ХЭРЛЭНБАЯН-УЛААН ОРЧМООР: Багавтар үүлтэй. Хур тунадас орохгүй. Салхи баруун өмнөөс секундэд 5-10 метр, өдөртөө зарим үед секундэд 12-14 метр хүрч ширүүснэ. Шөнөдөө 5-7 хэм хүйтэн, өдөртөө 10-12 хэм дулаан байна.

ГОВИЙН АЙМГУУДЫН НУТГААР: Багавтар үүлтэй. Хур тунадас орохгүй. Салхи баруун өмнөөс секундэд 6-11 метр, өдөртөө Арц Богдын өвөр хоолойгоор секундэд 14-16 метр хүрч шороон шуурга шуурна. Өмнөговийн нутгаар шөнөдөө 1-6 хэм, өдөртөө 17-22 хэм дулаан, бусад нутгаар шөнөдөө 2 хэм дулаанаас 3 хэм хүйтэн, өдөртөө 12-17 хэм дулаан байна.

УЛААНБААТАР ХОТ: Үүлшинэ. Хур тунадас орохгүй. Салхи баруун өмнөөс секундэд 6-11 метр. Шөнөдөө 3-5 хэм хүйтэн, өдөртөө 12-14 хэм дулаан байна.

2017 оны 09 дүгээр сарын 30-наас 10 дугаар сарын 04-нийг хүртэлх
цаг агаарын урьдчилсан төлөв

30-нд нутгийн хойд хэсгээр, 10 дугаар сарын 1-нд баруун болон төвийн аймгуудын нутгийн зарим газраар хур тунадас, 2-нд төв болон зүүн аймгуудын нутгийн зарим газраар бага зэргийн хур тунадас, цас орно. Салхи 30-нд ихэнх нутгаар, 1-нд говь, талын нутгаар, 3-нд Алтай салбар уулсаар түр зуур секундэд 18-20 метр хүрч шороон шуурга шуурна. Алтай, Хангай, Хөвсгөл, Хэнтийн уулархаг нутгаар шөнөдөө 9-14 хэм хүйтэн, өдөртөө 3 хэм хүйтнээс 2 хэм дулаан, говийн бүс нутгийн өмнөд хэсгээр шөнөдөө 2 хэм хүйтнээс 3 хэм дулаан, өдөртөө 10-15 хэм дулаан, бусад нутгаар шөнөдөө 4-9 хэм хүйтэн, өдөртөө 3-8 хэм дулаан байна. 30-нд нутгийн зүүн өмнөд хэсгээр дулаан байна.

Нийтэлсэн: Цаг Уур Орчны Шинжилгээний Газар

More 251 0

Category: Мэдээ мэдээлэл

Төмрийн оёдолчин

2017/09/28

Төмрийн оёдолчин

Author: saikhnaa on 28-09-2017, 17:15

Эрдэнэт үйлдвэртэй ажил амьдралаа холбосон тэр л цагаас өөрийгөө эмэгтэй хүн гэдгийг мэдэрсэн гэж ярих энэ бүсгүйтэй хэдэн хором ярилцаж суухад энэ үгний учгийг тайлсан юм.

Сүрэнжавын Түмэннаст арван хүүхэдтэй айлын найм дахь нь болж хорвоод хүн байхын утга учрыг бусдад түгээх нандин, эрхэм чанарыг өвөлсөн эгэл жирийн үйлдвэрийн ажилчин. Дорнод аймгийн Эрээний тэрэгний үйлдвэр буюу Эрээн хороонд төрж эршүүд зантай ч эрх танхил айлын охин жүжигчин болохыг ихээр мөрөөдөж эгэлгүй амьдралыг хөглөжээ. 1988 онд арван жилийн сургуулиа төгсөж, эршүүд зандаа дийлдэн геологич болохоор шийдэн Түлш эрчим хүч геологийн Техник мэргэжлийн сургуульд орж, гагнуурчин мэргэжлээр гурван жил сурчээ. Багануурын нэгдсэн уурхайн засварт жил гаран ажиллаад 1993 онд сургуулийн андаа даган Эрдэнэт гэдэг их айлд зочилжээ. 2005 онд Эрдэнэт үйлдвэрт сонгон шалгаруулатаар гагнуурчин болох хориод залуусаас хоёрт орсон тэр цагаас өнөөг хүртэл Зууны манлай үйлдвэрийн ажилчидтай мөр зэрэгцэн ажилласаар байна. Хортой, шартай дээр нь мэргэжилдээ дуртай болохоор амжилт ар араасаа хөвөрсөөр.

Мэргэжилдээ дурлаж, хайртай байх нь амьдралыг хөдөлгөгч гол хүч гэдгийг ухааран, мэргэжилдээ тун чиг хайртай бүсгүй. Тэрээр Эрдэнэт үйлдвэрийн Засвар механикийн заводын Засвар угсралтын хэсэгт есөн жил гагнуурчнаар ажиллаж, элэгдэж цоорсонг нөхөх биш, төмрийн нарийн оёдолд суралцахаар Металл хийцийн хэсэгт өөрийн хүсэлтээр орж ажиллажээ. Хөнгөн ажлаас илүү чаддаг зүйлээ хийх сайхан. Нарийн ур ухаан шаардсан, хийц ая данг нь тааруулах гээд л төмрийн үйлчин бүсгүйд хийх зүйл их байлаа. Гагнасан бүтээлээ цэвэрлэж, ур ухаанаа уралдуулан, гагнаас бүр нь уран хийцтэй байх нь чухал учир, тог цахилгаанаа тааруулах, явдал суудлаа тохируулах, амьсгаагаа хуваарилахаас эхлээд дэг жаяг бүр нь үнэ цэнэтэй ажил.

Зогсолтгүй эргэлдэх тээрмийн хүрдийн хүчийг сааруулах эрх үйлдвэрийн ажилчдад байхгүй. Засварын үед тоног төхөөрөмжийг гагнахдаа гаргууд байх нь үйлдвэрлэлийн тасралтгүй үйл ажиллагааг хангахад хамгийн их нөлөөлнө. Сард том, жижиг нийлсэн 20- иод бүтээл гаргадаг гэхээр сүүлийн хоёр жилийн байдлаар 500-аад бүтээл төмрөөр уралжээ. Бутлуурын араа, шүд элэгдэл ихтэй байдаг тул, олон ч удаа гагнуур хийнэ. Бутлуурын араа шүдний дийлэнх нь буюу 90 хувь нь дороо л элэгдэн төмрийн үйлчин бүсгүйн гар дээр ирнэ. Бодлоо....Яавал бутлуурын араа шүдийг илүү удаан ажиллуулах вэ гэж...Үүний эцэст хардогс, элдогс материалыг туршиж үзэн гагнаас хийхээр шийдэж тухайн араандаа тэмдэг тавин явуулжээ. Гэтэл өнөөдрийг хүртэл тэмдэгтэй бутлуурын араа түүний гар дээр ирсэнгүй. Бутлуурын шүдний элэгдлийг багасгах, насжилтыг нь уртасгасан томоохон бүтээл болсон нь энэ. Энэ шийдлээс бутлуурын араа шүдний элэгдэл бүрэн буурсан гэж хэлж болно. Энэ бүтээлээрээ уралдаанд оролцож гуравдугаар байрыг ч эзэлжээ. Санхүүгийн хэмнэлт ихээр гарсан нь мэдээж.

Загвар зохион бүтээгч байхгүйгээр оёдол гарахгүйтэй адил гагнуурчид үгүй бол тоног төхөөрөмж үгүй юм. Олон жилийн нөр их туршлага, хичээнгүй хөдөлмөрийн үр шимээр өнөөдөр төмрөөр даашинз урлах дайны болжээ. Мэргэжилдээ мэргэшинэ гэдэг энэ л юм. Хүнийг хамт олон найз нөхөд нь төлөвшүүлэн хүмүүжүүлдэг болохоор нөхөрлөлөө дээдлэн хамгаас илүүд хүндэлнэ. Токорьчин, кранчин, оператор, гагнуурчин мэргэжилтэй эгч, дүү нийлсэн зургаан бүсгүйн нөхөрлөл олон жил үргэлжилжээ. Одоо ч хэвээр. Дутууг нь дүүргэж, алдаа оноог нь дэнслэн, ааш зангаа авсан бүсгүйчүүдийн нөхөрлөлөөс сурсан зүйл их гэдгийг төмрийн үйлчин бүсгүй мартахгүй. Энэ нөхөрлөлийг Эрдэнэт үйлдвэрт ажилд орсон үеэс л эхэлсэн болохоор өнөөх эршүүд зантай бүсгүйн "эмэгтэй” болсон түүх эхэлжээ. Ажилсаг, шартай, эршүүд зантай эгэл бүсгүй тэрээр ээж М.Цэвэгжав, аав Л.Сүрэнжаваас өвлөж авсан олон эрдмийн нэг нь төмрөөр сийлбэрлэн "наадах” эрдэм гэдгийг баталжээ. Ээжийнхээ, хоёргүй сэтгэлээр нэг л зангаар ажиллаарай гэх эрхэм сургаалийг үйл хөдлөл бүртээ мөрдлөг болгон гарын ураар хатуу төмрийг уяраасаар л байна. Эрдэнэт үйлдвэрийнхээ түүхт 40-н жилийн ойн баярыг угтаж томоохон бүтээл туурвихаар төмрийн оёдолчин бүсгүй эсгүүрийнхээ ажилд хэдийн оржээ. Их ажлын хажуугаар өрх гэрээ өөд нь татна, гал голомтоо дээдлэнэ. Нөхөр хүү хоёртойгоо амьдралыг цэцэглүүлэн өөрийн гараар урласан зуухаар өргөө гэрээ батжуулан галаан өрдөж сууна. Ганц хүүгээ өрх тусгайрлахад нь гал голомтоосоо таслан өөрийн урласан зуухаа өгнө өө гээд ярьж суух энгүүхэн агаад эрхэмсэг төмрийн оёдолчин бүсгүйдээ ажил үйлийн дөл өөдөө байхыг хүсье.

А.Бямбамаа

More 304 0

Category: Уул уурхай

Оффшорт нуугдсан 4,5 сая ам доллар хэнийх вэ

2017/09/28

Оффшорт нуугдсан 4,5 сая ам доллар хэнийх вэ

Author: saikhnaa on 28-09-2017, 14:21

Нэлээд хэдэн сарын өмнө оффшор бүсэд 17 орчим тэрбум ам доллар нуугдсан гэх дуулиан дэгдэж, улс төрчид ч энэ мөнгөний хэмжээг бодитой эсэхийг өөрсдөөсөө лавлацгааж байсан билээ. Монгол Улсын гадаадыг өрийг өлхөн төлж, цаана нь ард түмнийхээ амьжиргааг сайжруулахад хүрэлцэхүйц мөнгө үлдэж буйг "Ард түмний онц түр зөвлөл"-ийн Ерөнхий зохицуулагч С.Батчулуун нэгэнтээ хэлсэн байдаг. Хэдийгээр энэ мөнгөнийг хэн хаанаас, ямар арга замаар оффшорт нуусан талаар дорвитой гаргалаа гаргаж чадаагүй ч ямартай ч их хэмжээний мөнгө энэ бүсэд байгаа нь нэгэнт тодорхой болсон юм.

Тэгвэл оффшортой холбоотой дуулиан дахин дэгдэж эхлэх нь тэр. Тус бүсэд монголчуудын нуусан 4.5 сая ам.доллар байгаа тухай мэдээлэл цацагдаж эхэллээ. Ерөнхийлөгч Х.Баттулга энэ оны долдугаар сарын 24-ний өдөр улстөрчид, төрийн албан хаагчид, төрийн өндөр албан тушаалтнууд, тэдний хамаарал бүхий этгээдүүдэд оффшор дансан дахь мөнгөө 49 хоногийн дотор Монголдоо оруулж ирэхийг уриалсан. Энэ хугацаа энэ сарын 12-нд дууссан юм. Үүнээс хойш таг чиг байсан Ерөнхийлөгч Х.Баттулга саяхан сэтгүүлчидтэй уулзахдаа "…Энэ хугацаа өнгөрсөн. АТГ үүн дээр ажиллах ёстой” гэсэн. Харин АТГ "Дээрх бүсэд данстай 23 иргэнтэй холбоотой мөрдөн байцаалтын ажиллагаа явуулж байгаа. Дээрх хүмүүсийн нэрийг прокурорын зөвшөөрөлгүйгээр зарлах боломжгүй” хэмээн мэдэгдчихээд байгаа юм.

Тэгвэл оффшорт нуусан 4,5 сая ам доллар хэнийх вэ гэдэг асуулт өөрийн эрхгүй сонирхол татна. Дээр дурдсанчлан АТГ-ынхан Олон улсын эрэн сурвалжлах сэтгүүлчдийн байгууллагаас зарласан жагсаалтад нэр дурдагдсан Монголын 29 иргэнтэй холбоотой мэдээллийг шалгаж, төрийн болон нийтийн албанд ажиллаж буй хүн, тэдний хамаарал бүхий 23 хүнийг тогтоосон байдаг. Тэгвэл эдгээр 23 хүн төрөөс төрдөг тэрбумтны аргаар энэ мөнгийг оффшор бүсэд нуусан байж болох уу. Эсвэл үлдсэн зургаан эрхэмийн хөрөнгө үү.

Харамсалтай нь эдгээр иргэнтэй холбоотой үйлдлийг шалгаж буй бөгөөд санхүүгийн гүйлгээнийх нь талаарх мэдээллийг оффшор бүсээс нь өгөхгүй байгаа гэх мэдээлэл байна. Учир нь оффшор бол дэлхий дээр татвараас зайлсхийх хууль ёсны арга. Тэд ямар нэгэн хууль зөрчөөгүй тул мэдээллийг өгөх боломжгүй гэцгээж байгаа юм байх.

Гэхдээ АТГ-ынхны тогтоосон хэмээж буй 4.5 сая ам.доллар нь төрийн болон нийтийн албанд ажиллаж буй хүмүүстэй огт хамаагүй, гадаадын компаниудтай хамтран бизнес эрхэлж буй манай хувийн компанийн захирал, удирдах албан тушаалтнуудын оруулсан хөрөнгө гэх бас нэгэн ч мэдээлэл байна. Эдгээр мэдээллүүдийн үнэн, худлыг дэнслэх боломж одоогоор тун ховор ч АТГ оффшор дансанд байгаа мөнгөний сэжүүрээс атгаад авсан нь тодорхой бололтой.

Б.Өрнөх

http://www.24tsag.mn/content/155208.shtml

Эх сурвалж: 24tsag.mn

More 210 0

Category: Онцлох / Улс төр

Засгийн газар юунд яаралтай томилгоо хийв

2017/09/28

Засгийн газар юунд яаралтай томилгоо хийв

Author: saikhnaa on 28-09-2017, 13:27

Засгийн газрын өчигдрийн хуралдаанаар Боловсрол, соёл, шинжлэх ухаан, спортын яамны Төрийн нарийн бичгийн даргаар Ж.Болормааг томиллоо. Ж.Болормаа нь Боловсрол судлалын шинжлэх ухааны магистр зэрэгтэй, улсад 29 жил, үүнээс төрийн албанд 20 жил ажиллажээ.

Томилогдохоосоо өмнө Боловсролын магадлан итгэмжлэлийн үндэсний зөвлөлийн дэд даргаар ажиллаж байсан юм. Дараагийн Засгийн газар шинээр бүрдэх нь тодорхой, бүтэц биш бүрэлдэхүүнд нь өөрчлөлт хийнэ хэмээн МАН-ын ерөнхий нарийн бичгийн дарга Д.Амарбаясгалан мэдэгдсэн. Энэ нь хүмүүсийг өөрчилнө гэсэн санаа биз дээ. Тэгэхээр шинэ засаг бүрдэх хэдхэн хоногийн дотор үүрэг гүйцэтгэгч Ерөнхий сайд Ж.Эрдэнэбат юунд яаран томилгоо хийв.

Шинээр томилогдох нь тодорхой Ерөнхий сайд У.Хүрэлсүх өмнөх засагт ажиллаж байсан нэгч сайдыг улируулахгүйгээ мэдэгдсэн байна лээ. Тэгэхээр шинэ сайд нар өөрсдийн багаа бүрдүүлж ажиллах нь тодорхой ийм үед дээрх томилгоо гоомой зүйл болсон бус уу.

ЭХ СУРВАЛЖ: http://mminfo.mn

More 207 0

Category: Гол мэдээ / Улс төр

Эрүүгийн хэрэгтнүүдийг илрүүлэн баривчилжээ

2017/09/28

Эрүүгийн хэрэгтнүүдийг илрүүлэн баривчилжээ

Author: saikhnaa on 28-09-2017, 13:10

Өвөрхангай аймгийн хяналтын постод ажиллаж байсан Замын цагдаагийн албаны зохицуулагч, цагдаагийн ахлах дэслэгч Б.Бямбацэрэн эрэн сурвалжлагдаж байсан этгээдийг илрүүлжээ. Баянзүрх дүүрэг дэх Цагдаагийн 3 дугаар хэлтсээс эрэн сурвалжлагдаж байсан Ж-г "Приус-20” маркийн тээврийн хэрэгсэл жолоодон явж байхад нь саатуулан Өвөрхангай аймаг дахь Цагдаагийн газарт хүлээлгэн өгчээ.

Дундговь аймгийн хяналтын постод үүрэг гүйцэтгэж байсан эрүүгийн мөрдөгч, цагдаагийн ахлах дэслэгч Мягмаррагчаа, эргүүлийн цагдаа цагдаагийн дэд ахлагч Отгонбаатар, замын цагдаа дэд ахлагч Ёндонпэрэнлэй нар бусадтай бүлэглэн ирэн А-н биед хүнд гэмтэл учруулаад зугтсан эрүүгийн хэрэгт эрэн сурвалжлагдаж байсан Ч гэгчийг илрүүлэн баривчилсан байна.

More 225 0

Category: Мэдээ мэдээлэл

Вакцин хийлгээгүйгээс 36 хүн нас баржээ

2017/09/28

Вакцин хийлгээгүйгээс 36 хүн нас баржээ

Author: saikhnaa on 28-09-2017, 12:29

Галзуу өвчин нь вирусээр үүсдэг, төв мэдрэлийн тогтолцоог сонгомлоор гэмтээдэг, халдвар авсан тохиолдолд нас баралтаар төгсдөг, одоогоор бүрэн эмчлэгдээгүй халдварт өвчин. Манай улсад 1972 онд амьтнаас хүнд халдварласан ийм тохиолдол анх бүртгэгдсэн. Үүнээс хойш энэ төрлийн өвчнөөр 36 хүн өвчилж, нас бараад байна. Амьтнаас хүнд халдварладаг буюу зоонозын галзуу нь мэдрэлийн галзуугаас олон зүйлээрээ ялгаатай. Мэдрэлийн галзуу нь хүний сэтгэцэд өөрчлөлт ордог бол зоонозын галзуу нь хүний эд, эсэнд нөлөөлж булчин зэргийг сулруулж ажиллагаагүй болгодог.

Өвчний гол үүсгэгч нь нохой. Өөрөөр хэлбэл, нохойд хазуулсан тохиолдолд энэ өвчнөөр өвчлөх өндөр магадлалтай. Хүн галзуугийн халдвар авсан тохиолдлын 99 хувь нь нохойноос халдварласан байдаг гэнэ. Гудамж талбайн хаагуур ч зоргоор гүйлдэх золбин нохдод дарлуулсан нийслэлд амьдарч буй иргэдэд энэ нь илүү хурцадмал асуудал. Энэ жил л гэхэд нийслэлд 82 мянга орчим золбин нохой, муурыг устгах төлөвлөгөөтэй байгаа аж. Ийм тохиолдолд золбин нохдыг устгахыг хүлээлгүй халдвар авахаас өөрсдөө сэргийлэх шаардлага тулгарч байна. Нохойд хазуулсан тохиолдолд яаралтай эмчид хандаж вакцин хийлгүүлснээр бид энэ өвчнөөс урьдчилан сэргийлэх бүрэн боломжтой. Галзуугаар нас барсан 36 хүн галзуугийн эсрэг вакцин хийлгээгүй, оройтож эмнэлэгт хандсан зэргээс үүдэн нас барсан юм. Хариуцлагагүй, хэнэггүй байдлаас үүдсэн энэ харамсалтай байдлыг иргэд мэддэг ч өнгөрсөн жилийн хувьд иргэд нохойд хазуулах "эрхгүй” байсан. Учир нь, өнгөрсөн жил галзуу өвчинтэй тэмцэх өдрийг улс даяар галзуугийн вакцингүй угтаж байв. Уг нь иргэд газлуугийн вакциныг харьцангуй идэвхтэй хийлгэдэг гэж хэлж болно. Тухайлбал, хохойд хазуулсан хүний 95 хувь нь галзуугаас хамгаалах вакциныг хийлгэжээ. Харин энэ жил "Газлуугийн эсрэг вакцин ирсэн” гэж Зоонозын өвчин судлалын үндэсний төвийн мэргэжилтэн хэлж байна.

Дэлхийн галзуу өвчнийг хянах холбооны санаачлагаар 2007 оны есдүгээр сарын 28-наас эхлэн энэ өдрийг тэмдэглэж байгаа. Энэ өдөр галзуу өвчнөөс сэрэмжлүүлэх, хариу арга хэмжээ, хяналт, сэргийлэлтийн талаарх үйл ажиллагааг 135 оронд зохион байгуулдаг бөгөөд "галзуу өвчнөөс 100 хувь урьдчилан сэргийлэх боломжтой” гэдгийг дэлхийн олон мянган хүнд хүргэдэг. 2030 он гэхэд хүний галзуу өвчнийг бүрэн устгах уриан дор улс орнууд энэхүү өвчинтэй тэмцэх өөрсдийн үйл ажиллагааг сайжруулж байгаа.

Сонирхуулахад, галзуугийн вирүс 120 хэмээс доош хэмийн хүйтэнд удаан хугацаагаар амьдрах чадвартай бөгөөд мал амьтны сэг, зэмд 5-90 хоног, нэг метрийн гүнд булсан мал, амьтны сэгний тархинд таван долоо хоногийн турш хоруу чанараа хадгалдаг аж. Харин гадаад орчинд болон өндөр хэмд тэсвэргүй гэнэ. Энэ вирүс зэрлэг амьтдын дунд тархсан байдаг бөгөөд манай улсын хэмжээнд 21 аймгийн 286 сум, Улаанбаатар хотын долоон дүүрэгт мал, амьтны өвчлөл бүртгэгдээд байна. Энэ нь уг өвчний эрсдэлгүй газар манай улсад байхгүй гэдгийг харуулдаг. Галзуугаар өвчилдөг эсвэл вирус тээдэг зүйлд хамаарах амьтны дайралтад өртөж, хазуулах, уруулах, ноцуулах, самардуулах, шүлсдүүлэх, тухайн амьтан өвчтэй, зан төлөвийн өөрчлөлт илэрсэн бол, тэдгээрийн шүлсээр бохирлогдсон эд зүйлсэд хүрэх, галзуугийн сэжигтэй болон галзуугаар үхсэн малын арьс шир өвчих, мах эвдэх, түүхий эд бэлтгэх, тээвэрлэх явцад арьс салстын бүрэн бүтэн байдал алдагдаж, гэмтсэн, шарх авсан хүнийг галзуугийн халдварт өртөх өндөр эрсдэлтэй гэж үздэг юм байна.

Хэрэв дээрх тохиолдол илэрсэн бол нэн даруй савантай усаар шархыг 10-15 минут сайтар хөөсрүүлэн угаах, яаралтай эмнэлэгт хандаж, вакцин хийлгүүлэх шаардлагатай. Эмчийн зааврын дагуу вакцины тунг үргэлжлүүлнэ гэж мэргэжилтэн зөвлөж байна.

Р.Дулам

More 330 0

Category: Мэдээ мэдээлэл

Гамшгийн эрсдэлийг бууруулах Японы туршлагаас хуваалцав

2017/09/28

Гамшгийн эрсдэлийг бууруулах Японы туршлагаас хуваалцав

Author: saikhnaa on 28-09-2017, 12:18

Онцгой байдлын ерөнхий газар, Азийн хөгжлийн банктай хамтран зохион байгуулж буй Ядуурлыг бууруулах Япон сангийн санхүүжилтээр "Зуд болон ой, хээрийн түймэртэй тэмцэх олон нийтийн чадавхийг бэхжүүлэх” төслийн хүрээнд "Олон нийтийн оролцоотой гамшгийн эрсдэлийн удирдлага” сургагч багш бэлтгэх сургалт дөрөвдэх өдрөө үргэлжилж байна.

Сургалтыг төслийн олон улсын зөвлөх доктор Иан Фернис Вайлдерспин удирдан явуулж байна. Сургалтанд төв, орон нутгийн Онцгой байдлын газрын сургалт, сурталчилгаа, урьдчилан сэргийлэх асуудал хариуцсан мэргэжилтнүүд хамрагдаж байгаа юм.

Энэхүү сургалтаар бэлтгэгдсэн сургагч багш нар тухайн орон нутагт олон нийтийн оролцоотой гамшгийн эрсдэлийг бууруулах сургалтыг зохион байгуулж, гамшгийн эрсдэлийг үнэлэх, болзошгүй гамшгийн аюул, хохирлыг бууруулах үйл ажиллагааг төлөвлөх, хэрэгжүүлэх, уур амьсгалын өөрчлөлтөд дасан зохицох чадавхийг бэхжүүлэх, олон нийтийн оролцоо, идэвх, санаачлагыг дэмжих үйл ажиллагааг хэрэгжүүлэх юм.

Сургалтын хүрээнд ОБЕГ-ын бүтцийн нэгжүүдээс сургалтад оролцогчдод зориулан мэдээлэл хийж байгаа. Өчигдөр Гамшгийн эрсдэлийн удирдлагын газрын дарга, дэд хурандаа Д.Баасансүрэн "Гамшгаас хамгаалах тухай хуулийн шинэчилсэн найруулга, гамшгийн эрсдэлийн удирдлага, зохион байгуулалт” зэрэг сэдвээр хичээл заалаа.

Мөн ОБЕГ-аас Жайка олон улсын байгууллагаас Япон улсад зохион байгуулсан сургалтад оролцогчид "Гамшгийн эрсдэлийг бууруулах Япон улсын туршлага” сэдвээр сургалт зохион байгуулсан.

ОБЕГ-ын Захиргааны удирдлагын газрын ахлах мэргэжилтэн, хурандаа С.Амгалан "Япон Улсын гамшгийн менежментийн тухай”, ОНХТ-ийн дарга, дэд хурандаа Б.Дуламсүрэн "Гамшгаас хамгаалах үйл ажиллагаан дах хэвлэл мэдээллийн үүрэг оролцоо”, Бодлого зохицуулалт, хамтын ажиллагааны газрын мэргэжилтэн дэд хурандаа Б.Баянмөнх "Bokomi сайн дурын байгууллагын үйл ажиллагаа”, Гамшгийн эрсдэлийн удирдлагын газрын ахлах мэргэжилтэн, хошууч Д.Базаррагчаа "Япон улсын гамшгаас хамгаалах бодлого, Ханшин Аважигийн газар хөдлөлтөөс авсан сургамж”, Бодлого зохицуулалт, хамтын ажиллагааны газрын мэргэжилтэн дэслэгч О.Цэнд-Аюуш "Япон Улсын гамшгаас хамгаалах боловсрол” сэдвээр хичээл зааж гамшгийн эрсдэлийг бууруулахад олон нийтийн мэдлэгийг дээшлүүлэх чиглэлээр олон улсын туршлагаас хуваалцсан юм гэж Онцгой байдлын ерөнхий газраас мэдээллээ.

More 255 0

Category: Мэдээ мэдээлэл

Эрх ашгийн солбилцолд гасалж буй газар шороо

2017/09/28

Эрх ашгийн солбилцолд гасалж буй газар шороо

Author: saikhnaa on 28-09-2017, 11:46

Нэлээн сүрчин гарчиг өгчихлөө. Гэвч ийм л дүгнэлтийг уул уурхайд өгөх бодит дүр зураг бий болоод байгааг дор хөндөх байна.

.... Заамарт аварга том байшин шиг эксковаторууд, сэгсрэгдэн оргилох ус, аюул дагуулсан том том нүхнүүд, амьсгал боогдуулам шороо тоос, энэ бүхний дунд хөөцөлдөн тоглох хүүхдүүд түүнийг угтсан нь сэтгэл өвдөм байсан гэдгийг Жон Х.Нокс зураглан өгүүлсэн юм. Малчид бэлчээргүйдэн идээшиж дассан нутгаасаа шахагдаж, байна. Тэд хэчнээн эсэргүүцээд ч дуу хоолой нь эрх баригчдад хүрдэггүй юм байна ....гэж манайд зочилсон НҮБ-ын шинжээч хэлжээ. Чухам үнэн энэ л дээ.

Харин гадаадын шинжээчийн харж мэдээгүй бүр нарийн ажиллагаа уул уурхай дээр яаж явагддаг вэ. Алт ер нь уул уурхайн томхон лицензний ард хэрэгтээ хэн байдаг вэ. Хариулт нь бараг тодорхой, хэдхэн улстөрчид л байгаа. Энд тосон Заамрыг дахин замруулж байгаа нэг жишээг товч буулган харья.

2017 оны хавар Заамар сумын ИТХ, сум багын Засаг дарга нарт Төв аймгийн Газрын харилцаа, Барилга хот байгуулалтын газраас нэгэн тоот довтолгон иржээ.

Утга нь, АМГТ-ны газраас ... холбогдох хуулиудын заалт, Засгийн газрын 2017 оны 37 –р тогтоолыг тус тус үндэслэн дараах солбилцлолуудыг холбосон шулуун шугамаар хязгаарлагдсан 5628,5 га газарт хайгуулын тусгай зөвшөөрөл олгох саналыг дэмжих, эс дэмжих талаарх саналаа яаралтай ирүүлнэ үү... Мөн татгалзсан санал ирүүлсэн тохиолдолд хуулийн үндэслэлийг сайтар судалж тодорхой гарган, зөвшөөрөл гаргасан талбайтай давхардаж байгаа иргэн ААН-ийн судалгааг хамарган ирүүлж байхыг мэдэгдэж байна. Хуулийн хугацаатай болохыг анхаарна уу... гэжээ.

Алт ба олз ашиг, өөр хоорондын эрх ашгийн нэгдэл, албан тушаалын наймааны солбилцол нь Заамар сумыг дахин онилж төв эхлэлийн цэгээ Өвөр намганы хэвлий дээр хатгажээ. Үүнд тээг босгож чадах ганц боломж нь хуулийн хүрээнд сумын ИТХ нутгийн өөрөө удирдах ёсны байгууллага байж таарна.

Ингээд 2017 оны 3 дугаар сарын 15-ны өдөр Заамар сумын ИТХ аас маш доторхой үндэслэлүүдээр АМГТГ-ын Өвөрнамганд алтны хайгуулын лиценз өгөх саналд татгалзах саналтай тогтоолыг гаргажээ.

... Тус сум нь 5594 хүн амтай, 281207 гектар газар нутагтайгаас 12597 гай талбай газар тариалангийн зориулалттай. Алт-1 хөтөлбөр хэрэгжиж эхэлснээс хойш 1978,01 гад хайгуулын 20 лиценз, 22816,03 гад ашиглалтын 81 лиценз олгож, нийт 140 гаруй тонн алт олборлосон. Гэхдээ энэ нь сумын хөгжилд нөлөөлдөггүй, иргэдийн эрүүл мэнд байгал орчиндд сөрөг нөлөөтэй, нутаг бэлчээр сулдсан, 20 гаруй гол горхи булаг шанд усны эх ширгэсэн зэрэг үндэслэлүүдийг дурьдаж нийт 26 гишүүний 100 хувийн саналаар Төмстэй багийн Түмэнгийн дөрөлж, Өвөрнамганы нутагт хайгуулын тусгай зөвшөөрөл олгох Ашигт малтмалын газраас ирүүлсэн саналыг татгалзаж буйгаа мэдэгдэж, тогтоол баталж хүргүүлжээ.

Яригдаж буй талбайд яагаад ч тусгай зөвшөөрөл олгох боломжгүй нэг хаалт байж . Түмэнгийн дөрөлж болон Өвөр намганы газар нутгийг 2015 онд ИТХ-ын шийдвэрээр бэлчээр нутаг хамгаалах, мал ахуйг дэмжих ганц зорилгоор ашиглахаар аймгийн тусгай хэрэгцээ, хамгаалалтад авсан байж.

Хуулийн дагуу бол энэхүү алт онилсон ажиллагаа ингээд зогсох ба үгүй дээ гацаанд орно. Гэвч том томилгооны өр ширтэй гарч ирсэн дарга нарын улайрал ийм "жижигхээн”тогтоолд зогсдогүй.

Аймаг сум орны удирдлага ИТХ-ийн тогтоолд "үгүй” гэж мэдэгдсэнээс хойш хэсэг хугацаанд Өвөрнамганы алттай талбай талбай түр анхаарлаас гарсан мэт харагдана.. Гэвч нэгэнт дарга нарын тохироо, эрх ашгийн солбилцол нэгдсэн бол нутаг орны төлөөллийг няц дардаг арга барилаар үйл явдал цааш өрнөсөн байна.

Заамар сумын ИТХ өөрийн нутагт нэмж хайгуулын тусгай зөвшөөрлөөр алт ухуулах боломжгүй санал илгээснээс хойш ердөө гуравхан сарын дараа Ашигт малтмал газрын тосны газраас Заамар сумын Өвөрнамганы 1548.08 а талбайд хайгуулын тусгай зөвшөөрөл эрхлэх ХҮ-020880 тоот тусгай зөвшөөрлийг "Эрдэнэсийн эрэг” гэх компанид 2017 оны 07 сарын 27- ний өдөр олгочихсон байжээ.

Товчдоо нэгтгэж харвал АМГТ-ны Газрын эрх мэдэлтнүүд Заамар суманд үлдсэн үүцтэй газрын алтыг хэн нэгэнд хадганд боож өгөх өр шир үүдсэн бололтой. Үүнийгээ АЛТ-2 хөтөлбөрөөр халхлан эртнээс бэлдсэн байна. Ингэж харах хэд хэдэн үндэслэл байна. Сумын ИТХ аас шийдвэр арган сэндийлж сийчүүлэхгүй үлдээхэр шийдэн сумын тусгай хэрэгцээ хамгаалалтад авч үлдсэн /2015 онд / Түмэнгийн дөрөлж, Өвөр намганы гэсэн 15000 га талбайг яагаад ийн хүч хэрэглэн авч тусгай зөвшөөрөл олгох болов. Хэн үүнд нөлөөлсөн бэ. Хайгуулын лицензийн эсэргүүцэн тэмцэж буй талынхны хардаж байгаа баримтаар 2017 оны 1 сард Амйгийн ИТХ –ын тогтоолоор үүсгэн байгуулагдсан "Төв Эрдэнэс” ОНӨҮГ –ын 66 хувийг одоогийн лиценз эзэмшигч "Эрдэнэсийн эрэг” компани ямар замаар авчихсан юм бэ. Энэ бүхэн яавч орон нутгийн эрх ашиг, иргэдийг дэмжих тухайд хийгдээгүй нь тодорхой.

Орон нутгийн эрх бүхий байгууллага ИТХ, нутгийн ард иргэд татгалзсан санал ирүүлсэн байтал Ашигт малтмал Газрын тосны газар "Эрдэнэсийн эрэг” компанид хайгуулын тусгай зөвшөөрөл хүч түрэн олгосон харагдаж байна. 2015 онд орон нутгийн тусгай хэрэгцээ хамгаалалтад авсан талбай эрх мэдэлтнүүдийн хуйвалдааны шинжтэй үйлдлээр ийм амархан хүнд техникийн аманд тавигдаж ухуулахад бэлэн болчихоод байна. Үүнд ердөө 3 сарыг л зориулсан байна.

Ингэж хуйвалдааны маягаар бэлчээр нутгийг нь луйвардаж, нууцаар лиценз болгосныг мэдсэн орон нутгийн удирдлага, иргэний байгууллагууд эсэргүүцэн жагсаал хийж, АМГТГ -ын шийдвэрийг цуцлах хүртэл тэмцэнэ гэдгээ илэрхийлсэн байгаа. Тэд энэхүү луйврын талаар УИХ-ын Өргөдлийн байнгын хороо, АМГТГ –т хандсан боловч одоо болтол ямар нэг хариу тайлбар авч чадаагүй мухардаад байгаа юм.

Илт хууль зөрчсөн бараг дээрмийн гэж болохоор ийм ажиллагааг эрх бүхий албан тушаалтнууд тухайлбал АШГТГазрынхан яаж ийм зоригтой хийгээд байна. Ард нь хэн байна. Ямар хамгаалалтад найдаад ийм аархалтай байна гэдэг бол сэндийчүүлсэн газар нутгийг минь хараад өрөвдөн гасалж байгаа гадаадын шинжээчийн үгэн дээр нэмж ярих бидний асуудал.

Эх сурвалж: Shuud.mn

Пүрэвжавын Баярхүү / тоймч/

More 288 0

Category: Гол мэдээ / Уул уурхай

У.ХҮРЭЛСҮХИЙГ УГТАЖ БАЙГАА СОРИЛТУУД

2017/09/28

У.ХҮРЭЛСҮХИЙГ УГТАЖ БАЙГАА СОРИЛТУУД

Author: munkhbat on 28-09-2017, 11:00

Өчигдөр (2017.09.25) МАН-ын Ерөнхий нарийн бичгийн дарга Д.Амарбаясгалан хэвлэлийн хурал хийж саяхан болж өнгөрсөн тус намын Бага хурлын тухай болон Ерөнхий сайдад нэр дэвшиж байгаа У.Хүрэлсүхийн талаар мэдээлэл өгөв. Тэрбээр "Монгол Улсын Ерөнхий сайдад гурван нэр дэвшигч орж ирсэн. Ерөнхий сайдад нэр дэвшсэн У.Хүрэлсүх Бага хурлынхаа гишүүдийн өмнө өөрийн мөрийн хөтөлбөрөө дэвшүүлж, зорилтоо танилцуулсан.

Ерөнхийд нь хэлэхэд У.Хүрэлсүх 2016 оны УИХ-ын сонгуульд дэвшүүлсэн мөрийн хөтөлбөрийг хэрэгжүүлэхэд анхаарч ажиллана. Монголын нийгэмд үгүйлэгдээд байгаа шударга ёс, хариуцлагын тогтолцоог хангаж ажиллахаа мэдэгдсэн. Бүх төвшинд хариуцлага тогтож байж, улс төрийн нам, төрийн байгууллагадаа итгэх итгэлийг бий болгож ажиллана гэдгээ илэрхийлсэн” гэж мэдэгдсэн юм.

Үүнээс гадна Ерөнхий сайдад нэр дэвшигчийн нэрийг Ерөнхийлөгчид өргөн мэдүүлнэ. Ерөнхийлөгч хуулийн дагуу тав хоногийн хугацаанд хариугаа өгөөд, эргээд УИХ-ын Төрийн байгуулалтын байнгын хороонд асуудлаа гурав хоногийн дотор оруулаад, ингээд УИХ-ын чуулганд оруулж хэлэлцүүлнэ” хэмээв. Ерөнхий сайдын нэр Ерөнхийлөгч дээр үнэхээр гацсангүй. Х.Баттулга асуудлыг тав хоног чилийтэл хүлээлгэж зовоосон ч үгүй. Ердөө тавхан цагийн дараа "Шинэ Ерөнхий сайдын асуудлыг яаралтай хэлэлцэн шийдвэрлэх”-ийг УИХ-д даалгав.

У.Хүрэлсүхийн "он тоолол” эхэлж, тэр чухам хэн бэ гэдгээ олон нийтэд харуулна

У.Хүрэлсүхийн өмнө ногоон гэрэл анивчиж байна. УИХ-ын намрын чуулганы нээлт болох хэдхэн хоногийн хугацааг эс тооцвол тэр Ерөнхий сайдын сэнтийд суучихаж байгаа нь энэ. Ингээд У.Хүрэлсүхийн "он тоолол” эхэлж, тэр чухам хэн бэ. Нийгэмд өөрийгөө сөргөөр харуулсан "Топор” уу, аль эсвэл үнэхээр МАН-ыг өөрчлөх кандидат уу гэдгийг монголчууд харах болно.

МАН-ын Ерөнхий нарийн бичгийн дарга Д.Амарбаясгалангийн хэлснээр бол Ерөнхий сайдад нэр дэвшигч У.Хүрэлсүх МАН-ын Бага хурал дээр өөрийн мөрийн хөтөлбөр, цаашдын зорилгоо танилцуулсан байна. У.Хүрэлсүх 2016 оны УИХ-ын сонгуульд өрсөлдөхдөө дэвшүүлсэн одоо Засгийн газрын хэрэгжүүлж байгаа мөрийн хөтөлбөрийг хэрэгжүүлэх гэнэ. Засгийн газрын үйл ажиллагааны төлөвлөгөө, бичиг баримт бэлэн байгаа учраас бодлогын энэ бичиг баримтыг ажил хэрэг болгоход илүү анхаарлаа хандуулж ажиллана гэж шинэ Ерөнхий сайд хэлжээ. Одоогоор түүнд өөрийн гэсэн ямар нэгэн цоо шинэ санал санаачилга байхгүй байгаа бололтой.

Гэхдээ тэр "Өнөөдөр Монголын нийгэмд үгүйлэгдэж байгаа шударга ёс, хариуцлагын талаар илүү анхаарч ажиллана” хэмээн хэлсэн байгаа. Нийгмийн хүлээлт болсон хариуцлага, шударга ёсны тухай асуудлыг хөндсөн У.Хүрэлсүхийн үг олон нийтэд таалагдах нь гарцаагүй. Гэхдээ тэр хариуцлага, шударга ёсны тухай хөндсөн анхны бас сүүлийн ч Ерөнхий сайд биш байх болно. Бүгд л энэ үгийг улиг болтол давтаж, хариуцлагатай, шударга байж чадаагүйнхээ төлөөсийг олон нийтийн шүүмжлэл болон рейтингийн уналтаараа төлж байсан.

Шударга, хариуцлагатай байхын тулд У.Хүрэлсүх юу хийх ёстой вэ?

Шударга, хариуцлагатай байхын тулд У.Хүрэлсүх юу хийх ёстой юм бэ?. Нийтэд таалагдсан үгнийхээ хариуг тэр Засгийн газрыг огцруулах санал гаргасан УИХ-ын гишүүдийн бичигт заасан үндэслэлүүдийг засаж төлөх ёстой болно. Хамгийн эхний асуудал тэр танхимаа яаж бүрдүүлэх гэж байна вэ?

Бүтэн жил нэг танхимд тохой нийлүүлэн сууж шийдвэр гаргасан экс сайд нараа багтаах уу. Нийгмийн олонх нь залхсан давхар дээлтэй сайд нарыг дахиад төрүүлэх үү, үгүй юу. АН-ын дарга С.Эрдэнийн хэлсэнчлэн хамтарсан Засгийн үед ердөө нөгөө намаас томилогдсон сайдаа хянах үүрэгтэй байсан дэд сайдын албан тушаалыг хэвээр үлдээх үү. Эдгээр асуудлыг У.Хүрэлсүх хэрхэн шийдэхээс хамаарч түүний нэр хүнд өсөх эсэх нь тодорхойлогдож эхлэх биз ээ.

Дараагийн асуудал нь өөрийнхөө Шадар сайдаар ажиллаж байсан, өөрт нь халаагаа өгч байгаа Засгийн газрын бүтэц бүрэлдэхүүний 51 хувь нь МАН-ын шахаа байсан гэсэн шүүмжлэлийг цэвэрлэх явдал. Энэ цэвэрлэгээг шинэ Ерөнхий сайд яаж хийх вэ. Шахааны хүмүүс бүгдээрээ МАН-ын гишүүд, УИХ-ын гишүүдийн "дайвар”-ууд. Ийм тохиолдолд хариуцлага тооцно, шударга байна гэж уриалсан Ерөнхий сайдаас ямар ухаан гарах вэ. Энэ асуултын хариу маш сонирхолтой хүлээлтийг бий болгож байна.

Шахалтаас тэр хэрхэн мултарч чадах бол?

Боловсрол, эрүүл мэнд гэсэн нийгмийн хоёр том салбарын бухимдал шинэ Ерөнхий сайдыг тосон хүлээж байгаа. Эмч нарын тавьж буй шаардлагын дагуу тэдний цалинг 50 хувиар нэмнэ гэвэл улсын төсвөөс нэмж 155 тэрбум төгрөг гаргах шаардлагатай. Харин цалингаа 1.6 саяд хүргэнэ хэмээн бухимдаж байгаа багш нарыг цалинг нэмнэ ээ гэвэл улсын төсвөөс багадаа 450-500 тэрбум төгрөг гаргах шаардлагатай байгаа. Ядруухан байгаа эдийн засагт одоохондоо ийм боломж хараахан бүрдээгүй. Ийм шахалтаас тэр хэрхэн мултарч чадах бол. Засгийн газрыг нь тосон угтаж байгаа энэ асуудлыг тэр хэрхэн шийдэх гэж байна вэ?

У.Хүрэлсүх намын Бага хурал дээр мөрийн хөтөлбөрөө танилцуулахдаа өмнөх Засгийн газрын бүтцэд өөрчлөлт оруулахгүй. Хатуу өвөл болох учраас сандал ширээний хэрүүл хийгээд яамыг 2-3 хуваахаа болъё. Өмнө нь боловсруулсан Засгийн газрын бүтэц, хөтөлбөрийг бариад боловсон хүчин дээрээ шинэчлэл хийх бодлого барина гэсэн байна билээ. Бас дэд сайдтай байх асуудлыг намын Удирдах зөвлөл дээр шийднэ гэсэн байгаа.

2018 оны эхээр төлөх бондын 660 сая ам.долларын эргэн төлөлтийн тухайд Сангийн яамны боловсруулсан 2-3 хувилбарын талаар ярьсан гэх ойлголтыг өчигдөр Д.Амарбаясгалан өгсөн. Багш, эмч нарын цалингийн нэмэгдлийн тухайд ч энэ хүлээлтийг төрийн албан хаагчдыг нэмэгдэл, 2018 оны төсөвтэйгээ уялдуулна гэсэн хараахан халаагаа өгөөгүй байгаа Засгийн газрын хувилбарыг барьж байгаа бололтой юм. Эндээс одоохондоо шинэ юм харагдахгүй байгаа. Ирэх өдрүүдэд илүү ухаалаг санаа төрөх байх хэмээн найдах л үлдэж.

Д.ОТГОНЖАРГАЛ

UPDOWN.MN

More 281 0

Category: Онцлох / Нийтлэл