Боловсрол соёл шинжлэх ухааны сайд асан Лу.Гантөмөрийн охин Г.Ганзаяа сүүлийн үед олны анхаарлыг ихэд татах болсон. Гудамжны бүжигчин хэмээн нэрлэгддэг Төөгөөтэй хайр сэтгэлийн холбоотой болсон тэрээр Нью-Йорк хот дахь шинэхэн байраа танилцуулжээ. Хотын төв хэсэгт байрлах тус байрандаа бүжигчин Төөгөөтэй хамтран амьдрахаар зэхээд буй тэрээр Нью-Йоркд хоёр жилийн хугацаатай байхаар төлөвлөөд буй аж. Тэрээр хувийн орлогоо 100 хувь инстаграм хуудаснаас бүрдүүлдэг бөгөөд 66,7 мянган дагагчтай. Инстаграм болон Юүтүүб хуудаснаа тун ч идэвхтэй байдаг тэрээр "Make up artist", "Fashion blogger", "Nail artist" бөгөөд охид бүсгүйчүүдэд хандсан зөвлөгөө, мэдээлэл хүргэдэг байна. Тун удахгүй хосууд хамтарсан влогоо гаргахаар зэхээд буй бөгөөд бүжгийн ертөнцөд ч мөн хамтран хүч үзэх сонирхолтой байгаа гэнэ лээ. Нью-Йорк хотод байр түрээслэх үнэ нэг сарын 2500 ам.доллараас эхэлдэг бөгөөд байр худалдаж авахад дунджаар 669,700 доллар зарцуулдаг ажээ.