Монгол Улсаас охид бүсгүйчүүдийг Малайз Улсын Куала Лумпур хотын нэр бүхий зочид буудал, массажны газруудад аваачин бэлгийн мөлжлөгт оруулж гэмт хэрэг үйлдэж байсныг илрүүлжээ. Тодруулбал, сэжигтнүүд хохирогчдын тийзийг Малайз улсаас захиалан Улаанбаатар-Куала-Лумпур хот хүртэлх зардлыг гаргадаг байжээ. Улмаар электрон тасалбарыг Монгол дахь зуучлагч этгээдээр дамжуулан өгдөг болохыг Эрүүгийн цагдаагийн газрын Зохион байгуулалттай гэмт хэрэгтэй тэмцэх хэлтэс илрүүлсэн байна.

12 эмэгтэйг өндөр цалинтай ажилд оруулах нэрээр Малайз Улс руу хил давуулан худалдаалж, зуучлалын хөлсөнд нь 500,000-2,000,000 орчим төгрөгийн урамшуулал авдаг байсан байж болзошгүйг цагдаагийн байгууллага тогтоосон байна.

Түүнчлэн өнгөрсөн оны гуравдугаар сараас хойш гурван удаагийн тээвэрлэлтээр 12 эмэгтэйг өндөр цалинтай ажилд оруулах нэрээр Малайз Улс руу хил давуулан худалдаалж, зуучлалын хөлсөнд нь 500,000-2,000,000 орчим төгрөгийн урамшуулал авдаг байсан байж болзошгүйг цагдаагийн байгууллага тогтоосон байна.

1983-1996 онд төрсөн 12 хохирогчийг тогтоож гэмт хэрэг үйлдэгчдийг Малайз Улс руу буцах үед нь баривчлан эрүүгийн хэрэг үүсгэн Эрүүгийн цагдаагийн газрын зохион байгуулалттай гэмт хэрэгтэй тэмцэх хэлтэст шалгаж байна.