Өвөрхангай аймагт "Баялаг бүтээгчдийг дэмжих холбоо”-ны нэрийг барьж иргэдээс мөнгө залилсан хэрэг гарч байсан. Тэгвэл зальт этгээдийг аймгийн Цагдаагийн газраас олж тогтоожээ. "Баялаг бүтээгчдийг дэмжих холбоо”-ны нэрийг барьж, төсөл хөтөлбөрт хамрагдахаар хүсэлт гаргасан иргэдээс Хархорин сумын харьяат С нь тоног төхөөрөмжийг импортлон оруулж ирэхэд гаалийн татварт төлөх мөнгө хэмээн 69 иргэнээс 26.3 сая төгрөгийг хууран мэхэлж авчээ. Тэрээр нялх хүүхэдтэй, эмэгтэй бөгөөд "Малчдыг дэмжих хөтөлбөр”-ийн хүрээнд шагнал олгоно, "Баялаг бүтээгчдийг дэмжих хөтөлбөр”-ийн хүрээнд хямдралтай тоног төхөөрөмж нийлүүлнэ гэсэн санал тавьж иргэдийг залилжээ. Цагдаагийн байгууллагаас  залилан мэхлэгчдээс сэрэмжлэхийг иргэдэд анхааруулж байна.

Эх сурвалж: www.polit.mn