Испанийн хөлбөмбөгийн "Реал” багийн довтлогч Криштиану Роналду тамирчны замналаа дуусгаад кинонд тоглож үзэхийг хүсдэг гэдгээ онцолжээ.
"Би Холливудын кинонд тоглохыг хүсдэг. Яг одоогоор бол ийм зорилго өмнөө тавиагүй байна. Гэхдээ надад иймэрхүү урилга ирж байсан шүү. Үүнийг миний өнөөгийн амьдралтай хослуулж болохгүй. Харин ирээдүйд бол тун сонирхолтой байж мэднэ. Гол дүрийг арай дийлэхгүй болов уу. Туслах дүрд ч олигтой тоглож чадахгүй биз. Олны хэсэгт гүйж байж болох юм. Би суралцах дуртай. Жүжиглэх урлагт сайн жүжигчдийн дотор орж байж л суралцах боломжтой. Би жаахан суралцвал боломжийн амжилт үзүүлж чадах байх шүү. Жүжигчний мэргэжил хөлбөмбөгчнийхөөс огт өөр. Ер нь бол би эрт, орой хэзээ нэгэн цагт кинонд тоглоно гэдэгтээ итгэлтэй байдаг. Багахан дүрүүдээс л эхэлнэ. Туршлага суугаад яахыг хэн мэдлээ” хэмээн Роналду ярив.
Сэтгэгдэл