Японы нийслэлд ирэх зун болох олимпын медалийн загварыг өчигдөр олон нийтэд танилцууллаа. Медалийн загварыг япон уран бүтээлч Зюнъити Каваниси гаргасан ба 85 мм-ийн диаметртэй, 12.1 мм-ийн зузаантай юм. Харин жин нь ойролцоогоор 550 гр аж. Медалийн нүүрэн талд Эртний Грекийн ялалтын бурхны дүрийг, ар талд нь Токио 2020 олимпын албан ёсны бэлгэдлийг дүрсэлжээ. Медалийн бас нэгэн онцлог нь бүх металлыг хаягдал цахилгаан бараа, гар утас зэргээс ялган авчээ. Япон даяар өрнөсөн хаягдал цуглуулах аянд 79 мянган тонн цахилгаан бараа, 6 сая гар утас цугларсан байна. Эдгээрээс 32 кг алт, 3.5 тонн мөнгө, 2.2 тонн хүрэл "олборложээ".

Эх сурвалж: eagle.mn