Дэлхийн элсний спортын анхдугаар наадам Катар улсын Доха хотноо энэ сарын 11-16-нд болж өндөрлөлөө. Тус наадамд Монгол Улсаа төлөөлөн 3х3 сагсан бөмбөгийн эрэгтэй, эмэгтэй багууд оролцож, Монголын эрэгтэй баг хүрэл медаль хүртэв.
ХЭСГИЙН ТОГЛОЛТЫН ДҮН
3х3 эмэгтэй баг:
МОНГОЛ 10:11 МАДАГАСКАР
МОНГОЛ 10:21 БРАЗИЛ
МОНГОЛ 5:21 НИДЕРЛАНД
3х3 эрэгтэй баг :
МОНГОЛ 22:10 ЙОРДАН
МОНГОЛ 21:12 НАМИБИ
МОНГОЛ 15:17 УКРАИН
Хэсгийн тоглолтуудаас Монголын эмэгтэй баг шалгарч чадаагүй бол эрэгтэй баг хоёр хожил, нэг хожигдолтой хэсгээсээ шалгарч, хасагдах шатны тоглолтод БНХАУ-ын багтай оноолт таарч 21:17 онооны харьцаатай ялалт байгуулж, хагас шигшээ тоглолтод ОХУ-ын багт 8:21 онооны харьцаатай хожигдов.
Хүрэл медалийн төлөө, хэсгийн тоглолтод хожигдсон Украины багтай дахин оноолт таарч 20:16 онооны харьцаатай ялалт байгуулж, Монголын 3х3 сагсан бөмбөгийн эрэгтэй U23 насны шигшээ баг хүрэл медалийн эзэн боллоо.
Үндэсний шуудан
Сэтгэгдэл