Гамшгаас хамгаалах бүх нийтийн бэлэн байдлын үед маршрутын бус / хулгайн, шороон замаар/ УБ-ДЗ-руу нэвтэрч ирсэн 7 автомашинтай 33 иргэнийг / том хүн, хүүхэд/ саатуулан шалгаж байна.

Цогт-Овоо постыг тойрон маршрутын бус замаар Даланзадгад суманд 4-р сарын 19-ний өдөр орж ирсэн эдгээр тээврийн хэрэгслийг эргүүл хяналтынхан илрүүлж, зугтах оролдлого хийсэн жолооч цагдаагийн автомашиныг мөргөх зөрчил гаргасан байна. Зөвшөөрөлгүй зорчин ирсэн 33 иргэн харьяаллын бус бөгөөд Цагаан хадны чиглэлд зорчиж байгаа гэж мэдээллээ. 7 тээврийн хэрэгслийг журмын хашаанд саатуулж, 33 иргэдийг "Дэлгэрэх” буудалд тусгаарлан аймгийн ЭМГ-аас шинжилгээнд хамруулахаар ажиллаж байна.

Өмнөговь аймгийн Засаг даргын захирамжийг хангуулан Цагдаагийн газраас Коронавируст халдвар /ковид-19/-н цар тахлаас урьдчилан сэргийлэх хариу арга хэмжээний хүрээнд аймгийн хэмжээнд "Хаалт-Хяналт" арга хэмжээг авч хэрэгжүүлж байна.

ХУЛГАЙН ТЭЭВРЭЭС БОЛГООМЖИЛ