МАН-ын дэргэдэх залуучуудын байгууллагад "томчуудын хун тайж" нар байр сууриа бататгаж эхэллээ. Тодруулбал, өчигдөр /2021.08.18/ болсон НАМЗХ-ны Бага хурлын IV хуралдаанаар Б.Оргилыг Ерөнхий нарийн бичгийн даргаар, олонхын саналаар  томилсон байна. 

Мөн Удирдах зөвлөлийн гишүүдийг томилсон бөгөөд олны анхаарлыг ихээр татаж байгаа юм. Тухайлбал, экс Ерөнхийлөгч Н.Энхбаярын хүү Э.Батшугар, "Магнай трейд”-ийн Р.Ганзоригийн хүү Г.Дашням, "Анод” банкийг дампууруулсан гэгддэг Э.Гүр-Аранзын хүү Г.Төгөлдөр, "Эрдэнэт үйлдвэр"-ийн захирал Х.Бадамсүрэнгийн хүү Б.Бадрах нар байгаа юм.

НАМЗХ-г анхнаасаа "цүнх баригч"-дын дамжаа хэмээдэг байсан бол удахгүй албан тушаал өндөр, эрх мэдэлтэй, бизнесийн томчуудын хүүхдүүдийн цуглардаг газар болох нь ээ. 

Баячуудын эрх танхи хөвгүүд нь зугаацаж, танхайрч, тоглож гүйдэг нас нь өнгөрсөн учраас ийн улстөрд хөлөө лавхан дүрэх суурийг нь тавьж өгч байж ч болох л юм.