Нийслэлийн Ерөнхий боловсролын 14-р сургуулийн багш сурагчдаа толгой дараалан зодож, хэл амаар доромжилсон асуудлаар сурагчдын эцэг эхчүүдээс мэдээлэл ирүүлж байна. Тодруулбал, тус сургуулийн биологийн хичээлийн багш Г долоодугаар ангийн сурагчдыг "гэрийн даалгавар хийгээгүй” гэдэг шалтгаанаар зодож, алгадаж, дэвтрийг нь урж, "сургуулиас зайлаарай” гэгчлэн доромжилсон гэдгийг хүүхдүүд эцэг эхчүүддээ хэлжээ.

Энэ асуудлаар эцэг эхчүүд ярилцан, өнөөдөр сургуулийн захиргаанд мэдэгдэхээр болсон байна. Харин хүүхдүүдийн тухайд айдастай, уг асуудлыг эцэг эхчүүддээ бүрэн ярихгүй байгаа аж.

Боловсрол, шинжлэх ухааны сайд Л.Энх-Амгалан энэ хичээлийн жилийг "сургуулийн орчин дахь ялгаварлал, дээрэлхэлт, багшийн ёсзүйн гажуудлыг үгүй хийх" жил болгон зарлаад байгаа ч яг хөрсөн дээр багш сурагчаа зоддог, хэл амаар доромжилдог, хүүхдүүд нэгнийгээ дээрэлхэж гадуурхдаг байдал байсаар л байна. 

Цахиур.мн