ХӨСҮТ-ийн захирал Т.Билэгтсайхан "Манай улсын хэмжээнд 23 шинэ тохиолдлыг бүртгэгдлээ. Энэ нь өмнөх долоо хоногтой харьцуулахад 60 хувь буурсан үзүүлэлт юм. Өнөөдрийн байдлаар 11 хүн эмнэлэгт хэвтэн эмчлүүлж, 16 хүн хяналтад байгаа. 16 хүний 15-аас нь BQ1.2 хувилбар, нэг сорьцоос BA5.2 хувилбар оношлогдсон.

Хил нээсэнтэй холбоотойгоор манай төв боомтоор ирж буй гаднын болон дотоодын иргэдэд хувилбарын тандалтыг түүвэрлэн хийж байгаа. Өнөөдрийн байдлаар эерэг тохиолдол гараагүй. Мөн эмнэлгийн ор болон эмийн хангамжийн асуудалд анхаарч ажиллаж байна." гэв. Мөн ирэх Даваа гарагт ЕБС-ийн хичээл эхлэх тул ханиад томуунаас сэргийлэн амны хаалтаа зүүж хэвшихийг эмч, мэргэжилтнүүд зөвлөлөө.