ХЗДХ-ийн сайд Х.Нямбаатар Мета компанийн Ази, Хятад, Монгол Улсын олон нийтийн бодлого хариуцсан захирал Жорж Ченийг ажлаас нь түдгэлзүүлэх өргөдлийг энэ долоо хоногт илгээнэ хэмээн өнгөрөгч өдрүүдэд мэдээлж байсан.

Тэгвэл тэрбээр уг захидлаа өнөөдөр илгээсэн байна. Эл асуудлыг эргэн сануулахад тэрбээр Жорж Ченийг ажлаас нь түдгэлзүүлэх ёстой гэх хоёр шалтгаан байгаа гэдгийг дурдсан.

Тухайлбал, тусгаар улсын төрийг олон нийтийн мэдээллийн хэрэгслээр гүтгэсэн хийгээд улс орны дотоод асуудалд оролцохоор оролдож буй гэх шалтгаантайгаар өргөдөл өгнө хэмээж байв.