ВАШИНГТОН. /Space/. Америкийн “SpaceX” компани “Starlink” сүлжээний 46 хиймэл дагуулыг Флорида муж улсын Канавералын хошууны сансрын буудлаас пүрэв гарагт амжилттай хөөргөж, тойрог замд оруулжээ.
Хиймэл дагуулуудыг орон нутгийн цагаар 06:20 цагт “Falcon 9” зөөгч пуужингаар хөөргөсөн байна. Ийнхүү хөөргөсний дараа “SpaceX” компани “Starlink”-ийн хиймэл дагуулууд байршсан гэдгийг батлан мэдээлжээ.
“Starlink” нь дэлхийн өнцөг булан бүрд байгаа хэрэглэгчдийг өндөр хурдны өргөн зурвасын интернэтээр хангах зорилготой хиймэл дагуулын сүлжээ юм. Энэхүү сүлжээ нь одоогийн байдлаар 4000 орчим хиймэл дагуулаас бүрдэж байгаа бөгөөд цаашид энэ тоог 40 мянга давуулахаар төлөвлөж байгаа ажээ.
Э.Хулан
Эх сурвалж: "Монцамэ" агентлаг
Сэтгэгдэл