"РЦНК” буюу Оросын шинжлэх ухаан соёл мэдээллийн төв орчимд бас л барилга барих гэж буй аж. Тиймээс тэр орчмын 2.5 га талбайд орон сууц, спорт цогцолбор бариулахгүй. Харин ч Улаанбаатарчуудын хүсэн хүлээсэн ногоон байгууламж бүхий тохижилттой болгох нь зөв гэж байр сууриа иэлхийлж буй нэгэн бол УИХ-ын гишүүн Э.Бат-Амгалан.

Үнэндээ одоо Улаанбаатарт  тэр  дундаа хотын төвд орон сууц, спорт цогцолбор барина гэдэг  түгжрэлийг улам нэмэгдүүлж буй ажил. Ёстой тэнэг л биш бол  одоо нийслэлийн төвд барилга барих хүн бараг үгүй биз. Худалдан авагч нар ч гэсэн хотоос алс зайдуухан газарт байр орон сууц, хаустай болохыг чухалчилдаг болчхоод байгаа нь нууц биш.

Тиймээс ард иргэд УИХ-ын гишүүн Э.Бат-Амгаланг дэмжиж, "Үзэлцээрэй гишүүн ээ, Бид таны талд...” гэсэн үгс цахим орчинд  ч хөвөрч эхэллээ. Гэхдээ үүнд ногоон байгууламж, эко орчныг хүсч буй байгальд  хайртай хүн бүрийн оролцоо чухал  юм.