Энэтхэгт 42 настай Мария Фернандес гэгч жирэмсэн эмэгтэй нэг дор 37 минутад өөрөөрөө 11 ихэр хүүхэд төрүүлсэн бөгөөд энэ нь Гиннесийн номонд оржээ…

Феодор Василиев /1707-1782 он/ гэдэг Оросын тариачин эр хүний анхаарал татахгүй ч түүний эхнэр Валентина Василиев хамгийн олон хүүхэд төрүүлсэн эмэгтэйн амжилт тогтоожээ. Тэрбээр нийтдээ 69 хүүхэд төрүүлсэн байна.

 1725-1765 оны хооронд тэрбээр 16 удаа хоёр ихэр, долоон удаа гурван ихэр, дөрвөн удаа дөрвөн ихэр хүүхэд төрүүлж, нийтдээ 27 удаа амаржсан байна. Валентинагийн 69 хүүхэд эсэн мэнд бойжсон гэнэ. Түүний нөхөр нь жирийн нэгэн тариачин эр байжээ.

Орчин үеийн амжилтын эзнээр Чилийн Сан Антонио хотын Леонтина Албина гэдэг эмэгтэй шалгарчээ. Одоо 70 нас хүрч буй энэ эмэгтэй  55 хүүхэд төрүүлэн Гиннесийн дээд амжилтын номонд нэрээ бичүүлж байжээ.

Ихэр хүүхэд төрүүлээгүй хамгийн олон хүүхэдтэй эмэгтэй бол румын гаралтай Ливиа Лонсе юм. Тэрбээр 2008 онд 18 дахь хүүхдээ төрүүлжээ.

Хятадын Гуандун мужийн нэгэн гэр бүлийн хос найман ихэр хүүхдийн эцэг, эх болжээ. 

Кенни болон Бобби Маккоги нар нэг дор долоон хүүхдийн эцэг эх болсон азтай хүмүүс. Тэд 1997 онд гурван охин, дөрвөн хүү нийт долоон ихэр хүүхэдтэй болжээ.

Ингээд Кенни бие давхар болсныхоо дараа эмчид үзүүлтэл долоон ихэр хүүхэд тээж байгааг нь хэлжээ.

Харин одоо 18 нас хүрсэн ихрүүд эгчийнхээ хуримын ёслолд бэлдэж байна.

ЭХ СУРВАЛЖ: ZONE.MN

С.Батзаяа