У.Хүрэлсүх өөрийг нь хөнөөх гээд байна хэмээн мэдэгдлээ. Уучлаарай, од болох гээд Осоржамаатай өрсөлдөөд байна уу гэж бодогдлоо. Орчин цагийн албан  төрхийн бүрэн илэрхийлэл болсон зангиатай, нүдний шилтэй төлөөлөгчид нь ингэж мэдэгдсэнээс харахад өөрийг нь хөнөөх гээд байгаа гэдэгт үнэхээр "итгэж” байгаа аж. Гэтэл бусдын заналыг өөртөө татсан улстөрч нь бүс нутгийн хэмжээний бүр дэлхийн зиндааных байдаг. Тэр хүнээс зуу зуун сая сая хүний хувь заяа шалтгаалдаг тул амь насанд нь байнга заналхийлдэг. Хэрвээ Хүрэлсүхийн шүтдэг Путины амь насанд халдах гэлээ гэвэл бид төдийгүй дэлхий даяараа итгэнэ.  Харин энэ удаад ингэж "осоржамаадаад” өөрийгөө л онигоонд оруулахаас цаашгүй юм болжээ. Намын нөхдөө өөрсөд шигээ харах дүгнэх хэрэггүй юм. Нам нь хэдийгээр доройтож байгаа нь нэгнийхээ амиар эрх мэдэлд хүрэх гэсэн бодолтой хүн байхгүй. Энэ хэргийн эзнээр эчнээгээр "зарлагдаад” Ерөнхий сайдад тийм бодол зав ч байхгүй, зав ч алга.  Ж.Эрдэнэтбатыг хүч түрсэн хүчээр шийдэх гэсэн нударганы хэрэгт холбогдож байсныг сонсоогүй юм байна.

Харин ч намын нөхрөө уулзах нэрээр өрөөндөө дуудаад дараа нь хүлж зодоод тамласан хэрэгт холбогдож шуугиан тарьж байсан нь хэн билээ... Төрийн ордонд УИХ-ын гишүүнийг шанаадаад унагаж байсан нь бас хэн билээ ... Тэмцлийн арга хэлбэр нь эзнээ тодорхойлдог. Нударгаар шийдээд сурчихсан, нударганы "амтанд” орсон хүн тэрнээсээ тийм ч амархан салахгүй.  Өөрийг нь ч бас нударгалах гэж байна хэмээн хардаж сэрдэн элдэв сэнсааци дэгдээдэг. Иймэрхүү тавилттай жүжигт иргэд итгэдэг цаг өнгөрсөн. У.Хүрэлсүхийн аминд халдах гэсэн гэх шуугиан эцэстээ намаа л муухай харагдуулж байна. Муу дээрээ муухай, муухай дээр улцан боллоо. 60 тэрбумын хэрэг дээр бие биенээ хөнөөх гэдэг гэсэн хүсмээргүй хаяг хоч нэмэгдлээ. Эцэстээ МАН нь үзэл бодлын нэгдэл дээр суурилсан улстөрийн хүчин бус харин ч бие биенээ хороохоос ч сийхгүй болсон гэмт бүлэглэлүүдийн тур зуурын нэгдэл гэж харагдах хэмжээнд хүрчээ. Намаа ийм болгоод өөрийн гартаа оруулах гэсэн хүчин байгаа л юм байна ...

NUUTS.mn