Кино болон ном зохиолд нэг төрлийн этгээд амьтад болох цус сорогчдын тухай түгээмэл гардаг билээ. Амилсан үхдэл ч гэж нэрлэдэг тэдний тухай бодит түүх болоод ам дамжсан домог яриа ч их бий. Бидэнд тодорхой хэмжээний төсөөлөл бий болгосон тэр олон таамаглал болоод уран зөгнөл нь чухам хэр зэрэг үнэний ортой бол? Энэ тухай бодит баримт дээр үндэслэсэн зарим тайлбарыг хүргэж байна.

Цус сорогчид хүний цусаар хооллодог
Ихэнх хүн цус сорогчдыг голоо зогоохын тулд хүн алж, юу ч хийхээс буцахгүй гэж ойлгодог. Гэхдээ бодит байдал дээр тэд амь зуухын тулд ихэнхдээ амьтны цусаар хооллодог бөгөөд заримдаа өөр амтыг тэсвэрлэшгүйгээр хүссэн үедээ л хүн рүү дайрдаг байна.

Цус сорогчид үхэшгүй мөнх 
Цус сорогчид хэдийгээр олон зуун жилийн турш амьдардаг ч мөнх амьдардаг эсэх нь тодорхойгүй. Ер нь цус сорогч болно гэдэг адислал биш хараал учраас "үхэшгүй мөнх” гэсэн үг ч тохиромжгүй бөгөөд харин "мөнхийн гэсгээл” хүртсэн хүмүүс гэх нь зохилтой аж.

Цус сорогчид нарны гэрэлд түлэгддэг 
Нарны хурц гэрэл тэдний биеийг түлэх мэт өвтгөдөг учраас цус сорогчид өдрийн цагийг ихэвчлэн хүйтэн сэрүүн газар унтаж өнгөрүүлдэг.
Цус сорогчид нисэх, дүрээ хувиргах зэрэг ер бусын чадвартай 
Цус сорогчийн ер бусын хүч чадлыг "Disciplines” гэж нэрлэдэг бөгөөд тэд дээрхээс гадна олон төрлийн чадвартай байх боломжтой аж.

Цус сорогчид бэлгийн ажил хийж болдог 
Цус сорогчид бэлгийн ажил хийх боломжтой бөгөөд бүр таашаал авах ч тохиолдол байдаг аж.

Цус сорогчид толь болон камерт харагддаггүй 
Цус сорогчдыг шөнийн эффекттэй камераар бичсэн баримтууд байдаг. Тэднийг харанхуйд ийнхүү баримтжуулахад илүү хялбар байдаг аж. Харин дуу хоолойг нь ямар ч дуу хураагуураар төвөггүй бичиж авч болдог байна.

Цус сорогчдыг загалмай болон шашны зан үйлээр устгаж болно 
Хэдийгээр бодитой баримт байхгүй ч зарим нэг шашны үйл цус сорогчдын эсрэг нөлөө үзүүлсэн тохиолдол бий.
Цус сорогчдыг сармис, урсгал ус үргээдэг 
Энэ ойлголт бол зүгээр л эртний түүх домгуудаас улбаатай баталгаагүй зүйл юм.

Цус сорогчдод хазуулсан хүн цус сорогч болж хувирдаг 
Цус сорогчид хазуулсан хүн тэр дороо цус сорогч болж хувирдаггүй. Харин хүнийг цус сорогч болгохын тулд ухамсартай зан үйл хийж байж хувиргах боломжтой ажээ. Энэ үйл явцыг "Embrace” гэж нэрлэдэг.
Цус сорогчдыг модон гадсаар устгах боломжтой 
Цус сорогчийг модон гадсаар зоосноор устаж үгүй болдоггүй. Харин түр зуур хөшингө байдалд ордог ажээ.

Цус сорогчдод сэтгэл хөдлөл гэж байхгүй 
Цус сорогчдод хэдийгээр сэтгэл зүрхний гүн гүнзгий мэдрэмж байхгүй боловч зан авир гэж бий. Тэд яг одоо болж буй үйл явдалд сэтгэл зүйн хариу үйлдэл үзүүлдэг. Тухайлбал уур хилэн, айдас түгшүүр зэргийг нэрлэж болох юм.

www.ugluu.mn