1. "Snooze” цэсийг ашиглах
Та өглөө сэрүүлэг дугарч эхэлмэгц "Snooze” цэсийг сонгож, сэрүүлгээ 10 минутаар хойшлуулдаг уу. Хүн шөнийн нойрноосоо сэрчихээд эргээд 10 минут унтахад чанартай нойр авдаггүй. Энэ нь хүнийг өдрийн туршид ядрааж, дараа шөнийн нойронд ч нөлөөлдөг болохыг эрдэмтэд тогтоожээ.
2. Нарны гэрэл харахгүй байх
Тавтай сайхан нойрсохын тулд хийх эхний алхам бол өглөө сэрэнгүүтээ нарны гэрэл харах. Энэ талаар хийсэн хэд хэдэн судалгаанаас үзэхэд өглөө сэрээд гэрэл харснаар хоногийн хэмнэлийг дахин эхлүүлж гэрэлд сэрэх, харанхуйд унтах дохио тархинд ирдэг ажээ.
3. Ухаалаг гар утас хэт их ашиглах
Унтахаас өмнө ухаалаг гар утас их харахад нойргүйддэгийг бүх судалгаа нотолсон. Төхөөрөмжөөс ялгарах цэнхэр туяа мелатонин гэгч нойрсуулах бодисын ялгаралд нөлөөлдөг. Харин сүүлийн үеийн судалгаанууд зөвхөн унтахаас өмнө бус, өдрийн туршид ухаалаг утас оролдсон байдал шөнийн нойронд нөлөөлдгийг тогтоожээ.
4. Хоёроос олон аяга хийжүүлсэн ундаа уух
Сан Францискогийн их сургуулиас 19 мянга орчим насанд хүрэгчид хийсэн судалгаагаар шөнө тав ба түүнээс бага цаг унтдаг хүмүүс бусдаас 21 хувиар илүү чихэрлэг, каффейнтэй ундаа уудаг болох нь тогтоогдсон аж.
5. Тамхи татах
Нойргүйтэл бол тамхи татсанаас үүдэлтэй урт хугацааны хорт нөлөө. Тамхи татдаг хүмүүсийн шөнө нойргүйтэх магадлал бусдаас дөрөв дахин их байдаг аж. Тодруулбал, хүний биеийн цагт нөлөөлж, нэг тамхи тутамд 1.2 минутын нойроо алддаг байна.
6. Буйдан дээр их цаг өнгөрөөх
Дасгал хөдөлгөөн хүний биеийн хувьд хэзээ ч дуусашгүй бэлэг гэсэн үг. Тухайлбал, жингээ хянах, сэтгэл санааг сэргээх, яс, булчинг чийрэгжүүлэх, зүрх судасны өвчнөөр өвчлөх эрсдлийг бууруулах, чихрийн шижин, таргалалт, зарим төрлийн хорт хавдраас урьдчилсан сэргийлдэг. Түүнчлэн тогтмол дасгал хөдөлгөөн хийдэг хүн хүүхэд шиг бөх унтаж чаддагийг эрдэмтэд нотолжээ. Харин өдөрт 10-аас олон цаг суудаг хүмүүс нойргүйдэх магадлалтай байдаг аж.
7.Орыг хоолны, ажлын ширээ болгон ашиглах
Та алдын чинээ байранд амьдарч байсан ч ор бол ширээ биш гэдгийг санаарай. Ор бас буйдан ч биш, орыг зөвхөн унтах зориулалтаар л ашиглах нь зүйтэйг мэргэжилтнүүд хэллээ. Нохой хонхны дуунаар шууд л хаалга руу гүйдэг шиг хүн дэрэн дээр толгой тавиад л унтах ёстой гэсэн дохио хүлээж авах ёстой гэнэ.
Сэтгэгдэл