Бөхчүүд гутландаа “хадаас”-тай барилдах уу


Төв цэнгэлдэх хүрээлэн олон улсын стандартын шаардлагад нийцсэн хөл бөмбөгийн ногоон талбайг 1,2 тэрбум төгрөгөөр хийсэн билээ. Энэ нь бөхчүүд төдийгүй бөх сонирхогчдын таалалд нийцэхгүй байгаа юм.
Бөхчүүд гутландаа “хадаас”-тай барилдах уу
Учир нь энэ жилийн баяр, наадмын бөхийн барилдаанд барилдах бөхчүүд хиймэл зүлгэн дээр барилдахаар болж буй. Ингэхдээ халтирах, унаж бэртэх зэрэг асуудал үүсэх вий гэдгээс болгоомжилж байгаа аж. Түүнчлэн бөхчүүд мэхэнд биш халтирч унах магадлал өндөртэй байгаа тул монгол гутландаа хадаас хийж барилдах санааг ч дэвшүүлжээ. Харин албаны хүмүүс хиймэл зүлэг нь борооны усыг шингэж авах чадвартай, халтирахгүй гэдгийг хэлж байгаа юм. Учир мэдэх улсын цолтой зарим бөхчүүд ч Төв цэнгэлдэхийн хиймэл зүлгийг очиж үзээд боломжийн гэсэн дүн өгсөн аж. Ямартай ч наадам эхлэхэд хэдхэн хоног үлдсэн учир бөхчүүд маань бэлтгэлээсээ буугаад хадаасны эрэлд гарцгаах вий.

Эх сурвалж: www.dnn.mn

Сэтгэгдэл

АНХААРУУЛГА: Уншигчдын бичсэн сэтгэгдэлд www.Scandal.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.