Францын шигшээ багийн тамирчин Килиан Мбаппе ДАШТ-ий Аргентинтай хийсэн хасагдах шатны тоглолтын од нь байлаа. Тэрбээр энэ тоглолтод дубль хийж, нэг торгуулийн цохилтын эрхийг багтаа авчирсан билээ. Түүний талаархи сонирхолтой 24 баримтыг хүргэж байна.

БАРИМТ 1. Францын шигшээ баг ДАШТ-нд 1998 онд алтан медаль хүртэж байхад Килиан Мбаппе мэндлээгүй байжээ. Тэрбээр, 1998 оны арванхоёрдугаар сарын 20-ны өдөр Францын нийслэл Парист төрсөн.

БАРИМТ 2. Эцэг Вилфриж нь Камерун гаралтай, хөлбөмбөгийн дасгалжуулагч бол ээж Фэйза нь Алжир гаралтай. Фэйза гар бөмбөгийн тамирчин ажээ.

БАРИМТ 3. Биеийн өндөр 1.78 метр.

БАРИМТ 4. "Монако”-гоос зээлээр явж одоо "ПСЖ” тоглож байгаа.

БАРИМТ 5. "ПСЖ”-д одоогоор зээлээр тоглож байгаа Килиан Мбаппег Английн ПЛ-гийн "Манчестер Юнайтед”, "Манчестер Сити” багууд авахаар өрсөлдөж байгаа.

БАРИМТ 6. Клубтээ 29 дугаартай тоглодог бол шигшээ багтаа 10 дугаартай тоглодог.

БАРИМТ 7. Португалын шигшээ багийн тоглгогч Криштиан Роналдуг шүтдэг.

БАРИМТ 8. 1958 онд Пеле 17 нас найман сартайдаа ДАШТ-д Шведийн хаалганд дубль хийж байжээ. Түүнээс хойш 20 нас хүрээгүй хөлбөмбөгч ДАШТ-ий нэг тоглолтод дубль хийсэн удаагүй. Тэгвэл Францын 19 нас 6 сартай Килиан Мбаппе Аргентины хаалганд дубль хийлээ.

БАРИМТ 9. Зинедин Зидан эзэн хааны "Реал Мадрид”-д тоглох санал тавьж байсан ч аав нь зөвшөөрөөгүй ажээ.

БАРИМТ 10. Түүний тамирчны карьер Францын алдарт хөлбөмбөгч Терри Анритэй тун төстэй. Гоолын баяраа хүртэл Анритэй тун адил байдлаар хийдэг.

БАРИМТ 11. Францын шигшээ багтаа 2014 оноос тоглож эхэлсэн бөгөөд U-17, U19 насны ангилалд тоглож байжээ.

БАРИМТ 12. ДАШТ-д Персийн эсрэг гоол хийсэн. Ингэснээр Францын шигшээ багийн ДАШТ-ий түүхэнд хамгийн залуудаа эсрэг багийн хаалганд гоол хийсэн тамирчин болжээ.

БАРИМТ 13. "ПСЖ” улирлын эцэст 180 сая еврогоор үнэлэгдэж, хамгийн үнэтэй өсвөр насны тамирчин болсон. Улмаар багийнхаа Неймарын дараахь хоёр дахь үнэтэй тоглогч болсон.

БАРИМТ 14. Одоогоор шигшээ багийнхаа төлөө дөрвөн тоглолтод орж байгаа бөгөөд гурван гоол, нэг гоолын дамжуулалт хийсэн. Нийт 266 минутыг өөрийн орныхоо төлөө талбайд өнгөрүүлээд байна.

БАРИМТ 15. ДАШТ-ий түүхэнд 20 нас хүрээгүй байхдаа, нэг тоглолтод хоёр гоол хийсэн дөрвөн тоглогч байсан бол Килиан Мбаппе тав дахь тоглогч болж байна. Тэрбээр 19 нас 193 хоногтой байхдаа энэ амжилтыг хамтран эзэмшиж байна.

БАРИМТ 16. Монако клубт 16 насдаа тоглосон нь энэ багт тоглосон хамгийн залуу тоглогч болжээ.

БАРИМТ 17. 2016 оны гуравдугаар сарын 6-ны өдөр "Монако” багтай гурван жилийн гэрээ хийж мэргэжлийн тамирчны анхны гэрээгээ үзэглэж байжээ.

БАРИМТ 18. 2016 оны хоёрдугаар сарын 20-нд "Мапибер” клубын эсрэг анхны гоолоо оруулсан. Тэрбээр 17 настайдаа 62 хоногтойдоо гоолдож, эсрэг багийнхаа хаалганд гоол оруулсан "Монако”-гийн хамгийн залуу тамирчин болжээ.

БАРИМТ 19. 2018 оны тавдугаар сарын 17-нд Килиан Мбаппе 2018 оны ДАШТ-д Францын шигшээ багт дуудагдсан.

БАРИМТ 20. Спортын хувцас, тоног төхөөрөмж нийлүүлэгч Nike компанитай хамтран ажилладаг. 2017 онд 18 настайдаа өөрийн нэрийн хөлбөмбөгийн гутлыг гаргасан байна.

БАРИМТ 21. Энэ ДАШТ-аас авах бүх орлогоо буяны үйлст зориулах аж. Түүний нэг тоглолтын цалин 20.000 евро юм.

БАРИМТ 22. Килиан Мбаппе эх орныхоо төлөө тоглохдоо мөнгө авдаг байх ёсгүй гэж үздэг.

БАРИМТ 23. 2017 оны наймдугаар сарын 31-нд "ПСЖ”, "Монако”-гоос Килиан Мбаппег авах гэрээнд  гарын үсэг зурах тухай мэдэгджээ.

БАРИМТ 24. ДАШТ-нд Аргентины хаалганд дубль хийж, мөн пенальти авчирсан. Энэ тоглолтын дараа тэрбээр, "ДАШТ-д дэлхийн шилдгүүд цугладаг гэж би өмнө нь ч хэлж байсан. Тэгэхээр ДАШТ-д өөрийгөө харуулах шиг сайхан зүйл үгүй. 1998 онд буюу Францын шигшээ дэлхийн аварга болсон жил төрсөн минь ямар нэгэн бэлэг тэмдэг, учир шалтгаантай юм шиг санагддаг уу гэж үү? Хөгжилтэй л юм. Гэхдээ төрсөн он сар өдөр бус харин тэмцээнд ялалт байгуулах илүү чухал шүү дээ” хэмээн өгүүлжээ.

А.БОЛД