Scandal.mn

Таны уруулан дээр хомхой долоосон байна уу? Тэгвэл 1 хоногийн дотор арилгах нууц аргуудаас

2018/10/24

Таны уруулан дээр хомхой долоосон байна уу? Тэгвэл 1 хоногийн дотор арилгах нууц аргуудаас

Author: Nomuun on 24-10-2018, 16:31

Бидний нэрлэж заншсанаар хомхой долоох, анагаахын хэллэгээр бол герпес нь хамгийн түгээмэл тархсан өвчнүүдийн нэг юм. Хөнгөн хэлбэрээр туслаа ч гэсэн таагүй байдаг. Уруулан дээр, уруулын ойр орчим гарсан яр таагүйгээс гадна маш муухай харагддаг. Бид та бүхэнд герпес вирусын халдварыг 1 өдрийн дотор эмчлэх ардын эмчилгээний 6 төрлийн аргыг танилцуулж байна. Герпесийн эсрэг ардын эмчилгээний жорууд

1. Сүү

Хөвөнг сүүгээр норгоод хомхой долоосон хэсэгтээ тавь. Сүү өөрөө хатахаас нааш юм идэж бас угааж болохгүй. 2-3 цаг тутамд давтан хийх ба орой гэхэд арилсан байх ёстой.

2. Устөрөгчийн хэт исэл буюу перекись

Хэрвээ уруулан дээр цэврүү үсэрсэн бол устөрөгчийн хэт ислээр арчаарай. 2-3 цаг тутамд перекисээр цэвэрлэвэл орой гэхэд л муухай хомхой арилсан байх болно.

3. Сармис

Герпес вирусын халдварын үед сармис тустай. Нэг хумс сармисыг нухаад бий болсон нухшаа өвчтэй хэсэгтээ түрхэнэ. Энэ нь гэрийн нөхцөлд хэрэгжүүлж болох арга хялбархан мөртлөө үр дүн сайтай арга шүү.

4. Гааны навчны эфирийн тос

Сармисаас ялгаатай нь гааны навчны эфирийн тос нь сайхан үнэртэй. Тиймээс олон хүнтэй газар явж байхдаа энэ тосыг түрхэхэд ямар ч асуудалгүй байх болно. Хэрэглэх арга нь өдөрт 3 удаа үрэвсэлтэй хэсэгт түрхэнэ.

5. Зуун наст

Хомхой долоосон үед зуун настын шүүс бас нэмэр болдог. 2 цаг тутамд өвчтэй хэсэгтээ зуун настын шүүсээ түрхэнэ. Эсвэл шинэхэн тасалсан навчаа дундуур нь зүсээд хомхой долоосон хэсэгтээ тавина.

6. Мөс

Энэ хэтэрхий энгийн арга юм шиг санагдаж байна уу? Гэвч үнэн хэрэгтээ герпесийн эхний шинж тэмдэг илрэхэд мөс тус болдог. Хомхой долоож байгаа юм шиг санагдаж эхлэнгүүт л шууд мөс тавь. Мөс хавдрыг арилгаж, өвчний явцыг удаашруулдаг. Ийнхүү бие организм халдвартай хурдан тэмцэх болно. Эдгээр аргуудыг хэрэглэснээр та дахин хомхой долоохоос айж санаа зовох зүйлгүй болно. Бид та бүхэнд хомхой долоосныг гэрийн нөхцөлд хэрхэн эмчилж болох аргуудыг танилцууллаа.

More 149 0

Category: Зөвлөгөө

Хамгийн сайн нууцлалтай, хэрэглэхэд аюулгүй 5 чат апп

2018/10/23

Хамгийн сайн нууцлалтай, хэрэглэхэд аюулгүй 5 чат апп

Author: Nomuun on 23-10-2018, 17:01

Гар утас бидний амьдралын салшгүй нэгэн хэсэг болж, харилцаа холбооны хамгийн чухал төхөөрөмжид тооцогдох болсон өнөө үед зайлшгүй яригдах ёстой асуудал бол аюулгүй байдал юм. Сүүлийн үед хувийн мэдээллийн аюулгүй байдал, хэрэглээний нууцын асуудал ойр ойрхон хөндөгдөх болсонтой холбогдуулан бид хамгийн аюулгүй бөгөөд нууцлал сайтай мессеж аппликэйшнүүдийг танилцуулж байна. Олон улсын экспертүүдээс өндөр үнэлгээ авч, хүлээн зөвшөөрөгдсөн эдгээр апп-уудыг ашиглах үедээ та хэн нэгэн таны бичсэнийг уншиж, илгээсэн файлыг хуулан, яриаг сонсохгүй байгаа гэдэгт итгэж болно.

ОХУ-ын хамгийн хүчтэй сошиал медиа VK-г үүсгэн байгуулсныхаа дараа "Орос Зукерберг” хэмээх хочийг авсан Павел Дуров энэ апп-ийг хөгжүүлэх болсон нь өөрөө их урт түүхтэй. Хэрэглэгчдийн датаны асуудлаар В.Путин ба дотоодын хууль хүчний байгууллагатай санал зөрөлдөж, түүнээсээ болон компаниасаа бараг "хөөгдөж”, эх орноосоо "зугтсан” тэрээр үүнээс сургамж аван хамгийн аюулгүй, нууцлал сайтай апп-ийг бий болгох зорилго тавин Телеграмыг бүтээсэн юм. Телеграмын гол давуу тал нь хэрэглэхэд хялбар, бас маш хурдан, стикер, филтерүүдийн сонголт өргөн. Мессежүүдээ өөрийгөө устгадгаар тохируулж болно. Мөн зөвхөн тухайн төхөөрөмжинд л зориулж бичиж байгаагаар тааруулж болдог. Өөр хүн эсвэл өөрөө ч өөр төхөөрөмжөөр мессежээ уншиж чадахгүй гэсэн үг. 200 хүртэлх гишүүнтэй групп үүсгэж болдог нь тэднийг баг, хамт олон ашиглахад тохиромжтой болгодог.

Исламын улс бүлэглэлийнхэн энэ апп-ийг ашиглан хоорондоо харилцаж, өөрсдийн үзэл суртлаа түгээх хэрэгсэл болгож байсан гэдэг нь ил болсноор нэг талаар эерэг, нөгөө талаар сөрөг ПР болсон билээ.

SIGNAL

2014 онд анх гарсан Signal-ийг хувийн мэдээллийн аюулгүй байдлын асуудлыг дэлхий нийтийн анхаарлын төвд авчирсан Эдвард Сноуден өөрөө ашигладаг хэмээн санал болгожбайлаа. Энэ апп-ийг хөгжүүлэгч Whisper Systems 2011 онд Твиттерд зарагдсан ч 3 жилийн дараа Open Whisper Systems нэртэйгээр эргэн ирсэн. Дуудлага, бичсэн чатыг бүгдийг нь бүрэн шифрлэн нууцалдаг энэ апп-ийн эх код нь нээлттэй эх хэлбэрээр онлайн орчинд байрладаг учир өдөр тутам экспертүүд шалгаж, ажиллаж байдгаараа давуу талтай. Whatsapp хүртэл тэдний эх код дээр тулгуурлан өөрсдийн аюулгүй байдлын зарим асуудлаа шийдсэн гэдэг. Саяхан видео дуудлагаа хүртэл бүрэн нууцлалтайгаар шийдсэн гэдгээ зарласан тул хэрэглэгчдийн тоо нь эрс өсөж байгаа. Таны хэн нэгэнтэй хийж буй дуудлагыг дундаас нь чагнаж, бичиж байгаа гэдэгт эргэлзэхгүй байж болно гэж тэд амлаж байна.

Тэд өөрсдөдөө ямар ч мессеж, текст, зураг, дугаар гээд юу ч хадгалж авдаггүй. Утсаа back-up хийсэн ч Signal таны мессежийг хадгалж үлдээдэггүй.

WIRE

Сүүлийн үед хамгийн эрэлттэй байгаа Wire нь Skype-ийг үүсгэн байгуулагчдын нэг Я.Фрисийн дэмжлэгтэй хөгжүүлэгдэж байгаа гэдгээрээ олон нийтийн анхаарлын төвд байгаа. 10 жилийн өмнө харилцааны салбарт тэсрэлт хийж, аудио дуудлага хийх зан төлөвийг тэр чигт нь өөрчилж чадсан Skype дээр хийж чадаагүй зүйлсээ, ялангуяа нууцлалын асуудлыг тэр энд шийдсэн гэж хэлж байна. Бусад аппууд таныг гар утасны дугаараа оруулахыг, түүгээрээ өөрийгөө баталгаажуулахыг хүсдэг бол Wire зөвхөн username сонгохыг л санал болгоно. Утасны дугаараа оруулж байгаа нь өөрөө хувийн датагаа алдаж байгаа хэрэг гэж тэд үзсэн гэнэ. Бас заавал бүтэн нэр эсвэл жинхэнэ нэрээ оруулахыг ч албадахгүй. Сонгосон нэрээр ньта хүмүүсийг хайж, бүрэн нууцлалтай групп чатуудад урьж болно.

Сигналтай адил нээлттэй эх дээр тулгуурлан хөгжүүлэгдэж байгаа. Ямар ч текст, зураг, видеоны датаг хадгалж авдаггүй, бүрэн шифрлэгдсэн нууцлалтай. Мөн бүх үйлдлийн систем, утас, таблет лаптоп гээд төхөөрөмжүүд дээр хувирч ажилладаг гэдгээрээ онцлогтой. Маш энгийн, хэрэглэхэд хялбар, гэхдээ залуу хэрэглэгчид рүү чиглэсэн "күүл” дизайнтай.

DUST

Цуут тэрбумтан Марк Кубаны хөрөнгө оруулж, хамгийн идэвхтэйгээр ашигладаг Cyber Dust-ийг бичсэн мессежүүд нь хормын дотор устдаг гэдгээр нь Snapchat-тай зүйрлэж болно. Гэхдээ тэд өөрсдийгөө илүү аюулгүй, дата хадгалдаггүй гэж хэлдэг. Кубан шүүхийн танхимд хамтрагчидтайгаа харилцаж байсан мессежүүд нь өөрийнх нь эсрэг ашиглагдах үед л нууцлал бүхий харилцааны апп ямар хэрэгтэйг ойлгосон гэдгээ нэг бус удаа ярьсан гэдэг. Dust дээрх бүх мессежүүд 24 цагийн дараа ахиж сэргээх боломжгүйгээр устдаг ч та өөрөө хүсвэл тохиргоо хийн хугацааг нь наашлуулж болно.

Мөн мессежээ устгавал зөвхөн өөрийн тань төхөөрөмжөөс гадна нөгөө хүний утсан дээрх мессеж ч давхар устдаг. Яг энэ нэмэлтийг хамгийн анх нэвтрүүлсэн чат апп бол Dust. Мөн нэг нэгээрээ харилцаж байгаа мессеж талбар дээр нэр гарч ирдэггүй тул нөгөө этгээд тань Screenshot хийж баримтжуулчих вий гэж айх хэрэггүй. Хийсэн ч танд тэр дор нь мэдэгдэнэ гэнэ шүү.

1 тэрбум гаруй хэрэглэгчтэй, дэлхийд хамгийн өргөн дэлгэр ашиглагдаж буй чат апп аюулгүй байх ёстой биз? Хэд хэдэн удаа дата алдсан, хакеруудын халдлагад өртсөн зэрэг сөрөг мэдээллүүдийн дараагаар тэд өмнө дурдсан Signal-ийн нээлттэй эх бүхий кодыг ашигланаюулгүй байдлын асуудлаа бүрэн шийдсэн хэмээж байгаа юм. 2017 оны 2-р сараас эхлэн хоёр шатлалт нууцлалыг хэрэгжүүлж эхэлсэн. Вэб апп-аа ашиглахын тулд заавал утсаа хэрэглэх хэрэгтэй, өөрийнхөө чат руу орохыг хүсвэл нууц үг нэмж бичих хэрэгтэй зэргээр нууцлалаа сайжруулахыг оролдсоор байгаа. Гэхдээ сүүлийн үед толгой компани Фэйсбүүктэй датагаа нэгтгэж, зар сурталчилгааны зорилгоор зарим датаг борлуулж байгаа гэдгээрээ шүүмжлэлд өртөх болсныг сануулъя.

More 256 0

Category: Зөвлөгөө

Амьсгалын замын цочмог халдварт өвчнөөс хэрхэн сэргийлэх вэ?

2018/10/23

Амьсгалын замын цочмог халдварт өвчнөөс хэрхэн сэргийлэх вэ?

Author: Nomuun on 23-10-2018, 14:39

Амьсгалын замын цочмог халдварт өвчин нь халуурах, толгой өвдөх, ханиалгах, хамраас нус гоожих, үе мөч болон булчингаар өвдөх буюу ерөнхий хордлогын шинж тэмдгээр илэрснээр өвчлөл, хүндрэл үүсгэдэг. Иймд уг өвчнөөс хэрхэн сэргийлэх талаар Нийслэлийн эрүүл мэндийн газраас гаргасан зөвлөмжийг хүргэж байна.

Өвчлөхөөс сэргийлэх хамгийн сайн хамгаалалт нь биеийн эсэргүүцэл, дархлааг сайн байлгах явдал юм. Тиймээс аминдэмээр баялаг, чанартай хоол хүнс болон жимс, жимсгэний шүүсийг тогтмол хэрэглэх, идэвхитэй дасгал хөдөлгөөн хийх, ажил амралтаа зөв зохицуулах, хангалттай амрах шаардлагатай.
Амьсгалын замын цочмог халдвар буюу томуу, томуу төст өвчнөөс сэргийлэх үндсэн гол арга бол томуугийн эсрэг сайн дурын дархлаажуулалтанд хамрагдах. Ялангуяа 2-15 хүртэлх насны хүүхэд, жирэмсэн эмэгтэйчүүд, өндөр настан, уушгины архаг суурь өвчтэй хүмүүс хамрагдвал илүү ач холбогдолтой.
Улирлын байдалд тохируулан хувцаслах, хүйтэн нөхцөлд малгай, ороолт, бээлий хэрэглэх, амны хаалт зүүх.
Гараа тогтмол савандаж сайн угаах.
Гэр, сургууль, цэцэрлэг, ажлын байрны өрөөнд 2 цаг тутамд цэвэр агаар оруулж, агаар сэлгэж байх, өдөрт 2-оос доошгүй удаа чийгтэй цэвэрлэгээ хийх.
Амьсгалын замын цочмог халдварын шинж тэмдэг илэрвэл харьяа Өрхийн эрүүл мэндийн төвд хандаж, эмчид үзүүлэх.
Өвчилсөн тохиолдолд гэртээ байж эмчийн зөвлөсөн эмчилгээ, дэглэмийг мөрдөх хэрэгтэй. Цэцэрлэг, сургуулийн багш, эмч нар болон эцэг, эхчүүд өвчтэй хүүхдийг аль болох гэрт нь тусгаарлан эмчлэх нь өвчний эдгэрэлтэнд сайнаар нөлөөлөхөөс гадна бусад хүүхдэд амьсгалын замын цочмог халдвар тархахаас сэргийлэх ач холбогдолтой.

More 330 0

Category: Зөвлөгөө

Бусдад төвөг удахгүй амьдрах тухай

2018/10/23

Бусдад төвөг удахгүй амьдрах тухай

Author: Nomuun on 23-10-2018, 14:26

Японд 10 гаруй жил амьдарсан монгол эмэгтэйн "бусдад төвөг удахгүй байх тухай" хэмээх нийтлэлийг хүргэж байна.

Энэ зураг Японы интернэт хэрэглэгчдийн дунд маш их маргааныг дэгдээгээд байгаа юм. Энэ сарын 21-ний өдөр болсон "Принцесс" буухиа гүйлтийн тэмцээний үеэр 19 настай тамирчин охин Рэй Иида хөлөө бэртээсний улмаас 300метр мөлхөж бариандаа орж дараагийн тамирчиндаа туузаа шилжүүлсэн байна. Хоёр өвдөг нь халцраад зулгарсан ч, цусаа дуслуулан мөлхөж байгаа багийнхаа тамирчныг хүлээж байхдаа дараагийн тамирчин нулимсаа арчиж байжээ.

Охины тухай "Үнэхээр шийртэй охин байна", "Сэтгэл хөдөллөө, бахархлаа", "Тамирчин хүн ийм л байдаг", "Багийнхандаа төвөг удахгүйн төлөө" гэсэн интернэт хэрэглэгчдийн бахадсан сэтгэгдэл дүүрэн байна. Мөн үүний хажуугаар "Зогсоох ёстой байсан", "Гүйлтийн тамирчин хүнд хамгийн чухал нь хөл байхад улам гэмтээж байгаа юм биш үү", "Нэгнийгээ зольж зорилгодоо хүрэх нь багийн спорт уу?", "Японы нийгэм ерөөсөө л ийм дарамттай, ажил дээр гарсан ч ийм л байдаг, тийм учраас амиа хорлолт их байдаг юм" гэсэн шүүмжлэлүүд түүнээс их.

Монголын нэг сайтад ч "БИД ИЙМ Л БАЙХ ХЭРЭГТЭЙ" гээд зургийг нь тавьж.

Мэдээж Япон орон гайхалтай. Суралцах, бахархах зүйл маш их орон. Ялангуяа бусдад төвөг удахгүй байх тал дээр бусад орнуудыг хол хаясан гэж боддог. Нэг жишээ л гэхэд бусдад төвөг удахгүйн тулд галт тэргэнд зогсохдоо цүнхээ урдаа үүрч, утсаар ярих байтугай чихэвчээрээ чанга дуу ч сонсохгүй, зам дээр явахдаа ч бусдад зай гаргахаар нэг талдаа (энэ тамирчин охин шиг) шахаж явна.

Ажлаасаа амралт чөлөө авах бол бусад багийнхандаа төвөг удахгүйн тулд сар хоёр сарын өмнөөс мэдэгдэж, долоогоос илүү хоног амрахгүй. Гэтэл Австралид галт тэргэнд хоёр хүний суудалд цүнх ачаагаа тавиад суучихсан, чанга дуугаар ярих хүн ч байна.

Японд олон жилд байхдаа яг л ижилхэн хүнд төвөг удахгүй юмсан гэсэндээ өөрийгөө золиослох сэтгэхүйтэй болсон гэдгээ би Австралид ирээд анзаарсан. Би тэгж боддог болсон байхад энэ охин тэр орчинд төрж өссөн учраас арга ч үгүй байхд. Гэхдээ энэ зураглал бол үнэхээр нүд халтирам... энэ бол төвөг удах, удахгүй биш хүний эрүүл мэнд, ирээдүй, ёс зүй, тэмцээний дүрэм журамтай холбоотой асуудал юм болов уу.

Энэ талаар дасгалжуулагч нь "Бид зөвлөлдөөд зогсоох тушаал гаргасан ч түүнийг дамжуулах үед цаг хугацааны зөрүү гараад хэдийнэ барианд ойртож очсон байсан" гэсэн тайлбар хийсэн байна.

Би Япон оронд маш их хайртай ч энэ бол тэгж их сайшаагаад, дуурайгаад байх зүйл биш, хөл гэмтэх үед нь л зогсоох ёстой байсан гэж санагдсанаа нуух юун. Бүх зүйл, хүнийг бодох сэтгэл, өөрийгөө бодох сэтгэл хэм хэмжээтэй байх ёстой юм байна гэдэг мессежийг авлаа. Та бүхэнд ямар санагдаж байна вэ?

More 156 0

Category: Зөвлөгөө

Амжилттай бизнесмэнүүд өглөөг хэрхэн угтдаг вэ

2018/10/23

Амжилттай бизнесмэнүүд өглөөг хэрхэн угтдаг вэ

Author: Nomuun on 23-10-2018, 13:56

Бүтээлч, ажилсаг хийгээд амжилтанд хүрсэн ихэнх хүн өглөөг зөв угтахын чухлыг сургасан байдаг. Харин тэд өөрсдөө өглөөг хэрхэн угтдаг юм бол?

Хинт Уатэр компанийн захирал Кара Голдин яаралтай цахим шуудангаа шалгадаг

Голдин үүрийн 05:30-д босоод цахим шуудангаа шалган тухайн өдөр ямар ажил хүлээж байгааг хардаг. Дараа нь нөхрийн хамт нохойгоо дагуулан ууланд авирдаг байна. Ууланд авирах ажлын бүтээмжтэй ямар ч холбоогүй мэт санагдавч Голдины хувьд үнэхээр чухал аж. "Ууланд авираагүй өдөр миний сэтгэл санаа тогтворгүй байдаг. Тэр цаг хугацааг ашиглан толгойгоо сэргээж, өөрийгөө төвлөрүүлнэ. Ингэснээр өдрийн турш ямар ч ачаалал ирсэн давж гарахад бэлэн болдог” гэж тэр ярьжээ.

Саятан Жон Паул Дижориа хаана ч сэрсэн өглөө бүрийг адил угтдаг

"Гэртээ эсвэл зочид буудалд хаана ч хоносон бай сэрээд эхний таван минутыг тайван орондоо хэвтэж өнгөрүүлдэг. Ингэж хэвтэхдээ тэр цаг үеэ мэдэрч, өөрт байгаа бүхэнд талархдаг” гэж тэрээр ярьжээ. Дараа нь тэмдэглэлээ харж, туслахтайгаа холбогдсноор түүний ажлын өдөр эхэлдэг байна. Харин тэр цахим шуудан ашигладаггүй. Энэ тухайгаа "Тиймээ, би хуучинсаг арга барилтай байх. Гэхдээ цахим шуудангийн шаардлагагүйгээр бүх зүйл маань болоод байдаг юм. Магадгүй анхаарах шаардлагатай илүү чухал зүйлүүдэд цаг зарцуулах боломж олгодог” гэжээ.

Бирчбокс компанийн тэргүүлэгч Брэд Ланде өглөө бүр таван зүйл хийдэг

Ланде өмнө нь өглөөд тийм ч их ач холбогдол өгдөггүй байв. Бизнес, гэрлэлт, эрүүл мэндийн байдал гэх мэт хэд хэдэн шалтгаанаар амьдралын хэв маяг нь өөрчлөгдөхөд тэрээр өглөөг зөв угтах нь хамгийн чухал болохыг ойлгожээ.

Одоо тэр өглөө босоод доорх таван зүйлийг заавал хийдэг гэнэ. Үүнд:

Лимонтой халуун ус уух
Бясалгал хийх
Иог хийх
Нүүрэндээ тос түрхэх
Өглөөний зууш идэх
"Энэ бүгдийн дараа би эрч хүчтэй, сэргэг болдог” гэж Ланде тайлбарлажээ

Сэтгүүлч, хөрөнгө оруулагч, санхүүгийн тоймч Кэвин Олири сэрмэгцээ олон улсын ханшийн мэдээлэл авдаг байна

Тэрээр Ази, Европын үнэт цаасны ханшийг мэдэхийн тулд 05:45 цагт сэрдэг. "Сайн хөрөнгө оруулагч өглөө санаа амар унтаж болохгүй. Хэрэв унтаж байх хооронд дэлхийн нөгөө тивийн орнуудад ямар нэг зүйл болвол бүх юм өөрчлөгдөж болно” гэж эрт сэрдэг учраа тайлбарлажээ. Харин дараа нь 45 минутын турш бизнесийн суваг үзэж мэдээлэл авдаг гэлээ.

Синнабоны захирал Кэйт Коул өглөөг 200 мл цэвэр усаар эхлүүлдэг

Кэйт гэртээ эсвэл ажилдаа явах замд хаана ч байсан өглөө бүр 200 мл ус уудаг. Тэрээр Африк руу хүмүүнлэгийн ажлаар явж ирснээсээ хойш ийм зуршилтай болжээ. "Бидэнд уух цэвэр ус байгаа нь үнэхээр азтай хэрэг. Ийм азтай төрсөндөө би өдөр бүр талархдаг” гэж тэр хэлж байж. Уснаас гадна дасгал, өглөөний ундыг алгасдаггүй. Мөн хүмүүстэй уулзаж, ярилцах, тэднээс суралцах нь ямар ч өглөөг утга учиртай болгодог гэж тэр үздэг байна.

Бизнес эрхлэгч, хөрөнгө оруулагч Гари Вайнерчук өглөөг угтах гурван алхам

Юуны өмнө тэрээр бизнесийн сонин сэтгүүлээс шинэ мэдээ уншдаг. Дараа нь өглөөний жиргээгээ хийж мянга мянган дагагчидтайгаа холбогддог. Өглөө бүр хийдэг бас нэг онцлог зүйл нь ажил руугаа явах замдаа ээж, аав, эгч гэх мэт хамгийн сүүлд ярьж байсан хүн рүүгээ залгадаг зуршилтай гэнэ.

More 139 0

Category: Зөвлөгөө

Хүүхдээ номонд дуртай есөн алхам

2018/10/23

Хүүхдээ номонд дуртай есөн алхам

Author: Nomuun on 23-10-2018, 13:42

Хүүхдээ номонд дуртай болгох аргаас "www.wikihow.com” сайт нийтэлжээ.

Алхам №1

Та эхлээд хүүхэддээ чанга дуугаар өөрийнх нь насанд тохирсон номыг уншиж өгч байгаарай. Энэ бол хамгийн чухал алхам бөгөөд хүүхэд тань номыг хайрладаг болоход таны хүчин чармайлт ихээхэн чухал.

Алхам №2

Номонд дүрслэгдэх амьтдыг өөрийнхөө биеийн илэрхийллээр үзүүлж, хүүхдийнхээ анхаарлыг татах.

Алхам №3

Олон төрлийн зурагтай ном таны хүүхдийн анхаарлыг татна. Тиймээс номын сонголтоо хийхдээ сайтар анхаарах хэрэгтэй.

Алхам №4

Номоо уншиж байхдаа хүүхдийнхээ анхаарлыг татах зүйлсийг хэлж өгөх.

Алхам №5

Номоо уншиж өгснийхөө дараа та хүүхдээсээ ойлгосон эсэхийг нь асууж сураарай.

Алхам №6

Тогтсон цагтаа ном уншиж өгөх

Алхам №7

Хүүхдээ залхаах хэрэггүй.

Алхам №8

Дуу чимээ багатай газар ном уншиж өгөх.

Алхам №9

Хэрвээ таны хүүхэд ном унших сонирхолгүй байгаа бол хүүхдээ хүчлэх хэрэггүй. Хүчлэх нь хүүхдийг номонд дургүй болгох гол үндэс болдог.

More 172 0

Category: Зөвлөгөө

Хүүхдэд гар хүрэх нь зөв үү?

2018/10/20

Хүүхдэд гар хүрэх нь зөв үү?

Author: Nomuun on 20-10-2018, 14:46

100% дээд боловсролтой 2~5 насны хүүхэдтэй 124 эцэг эхээс "Та хүүхдэдээ гар хүрдэг үү” гэсэн асуулгыг хийж үзэхэд тэдний 72% нь ТИЙМ ээ заримдаа, 28% нь ҮГҮЙ гэсэн хариултыг өгсөн байна.

Бид ээж аавдаа зодуулж л өссөн буруудсан юм алга, Монгол хүнд алганы амт хэрэгтэй гэх.. Гэтэл анхаараарай ээж аавуудаа. Таны өссөн орчин, идэж ууж байсан хүнс, үзэж хардаг байсан нэвтрүүлэг, найз нөхдийн холбоо гээд бүгд тэс ондоогоор хувьсан өөрчлөгдөж байна. Үүнийгээ дагаад хүүхдийн сэтгэлзүй, аливааг хүлээж авах хандлага асар өөр болсонг л ойлго.

Хүүхэд бурууг хийсэн үед яагаад буруу болохыг нь тайлбарла, хүүхэд санаатай бурууг хийдэггүй. Та түргэн авираар гар хүрснээр хүүхэд та хоёрын хоорондох итгэлцлийг үгүй хийдэг. Хүүхдэд "Хайртай хайртай гэдэг байж зодож байна, худлаа байх нь!, хайртай хүмүүстээ гар хүрч болдог байх нь, өөрөөсөө дүү болон дорд хүмүүсийг зодож байж аргандаа оруулдаг байх нь” гэсэн ойлголт л хамгийн түрүүнд буудаг. Сэтгэлд нь хоногшин үлддэг.

Хүүхдийг байнга зодож шийтгэх нь тэдний өөртөө итгэх итгэлийг үгүй хийдэг. Сул дорой, олон нийтийн дунд өөрийгөө илэрхийлэх чадвар сул болдог.

Хүүхэд заль мэх зохион хэлэх, хулгай хийх, дүүгээ, найзуудаа дээрэлхэх, цохих, өөрөөсөө сул дорой нэгнийг өдөж хоргоож зодох муу авиртай болж энэ бүх муу зүйлийг хийж байгаадаа гэмшихээ ч больдог.

Хүүхэд зөвхөн томчууд өөрийг нь зодож шийтгэх вий гэж айсан үедээ л үгэнд ордог, бусад үед дураараа авирладаг сөрөг хандлагатай болдог

Хүүхдүүд дийлэнхдээ шинийг эрэлхийлж судалж танин мэдэхүйн ертөнцөөр аялах үедээ БҮТЭЛГҮЙТЭЖ буруу зүйл хийлээ гэж аав ээждээ загнуулж, шийтгүүлэхэд хүрдэг. (Ханан дээр эрээчих, 00 цаас хөвөх, гал тогоо сүйтгэх гэх мэт) Зарим үед таны анхааралыг татах гэсэндээ, хайрыг хүссэндээ элдвийг санаалчилдаг нь бас л БҮТЭЛГҮЙТЭЛд хүргэдэг.

Бага насандаа гэр бүлдээ алганы амт үзэж өссөн хүүхэд насанд хүрээд нөхрийн, эхнэрийн, бусдын хүчирхийлэлд хэт хүлээцтэй, энэ нь байх ёстой зүйл би л тэсэх ёстой хэмээн хүлээж авдаг болох хандлагатайгаараа ХАМГИЙН ХОХИРОЛТОЙ ЮМ.

Хүүхдэд том дуугарч, цохиж, зодох нь тэдний БУРУУ ҮЙЛДЭЛ-ийг тухайн үедээ зогсоож болох цаг зуурын л арга юм. Гэхдээ тэдэнд яагаад зөв, яагаад буруу болохыг нь учирлаж, тайлбарлаж, ярьж ойлгуулах нь хүүхдийн урмыг хугалж итгэлийг мохоохгүй, ирээдүйг нь СҮҮДЭРлүүлэхгүй хамгийн зөв алхам шүү.

Бид дийлэнхдээ өөрсдөө стресс ихтэй үедээ хүүхдэдээ гар хүрчихээд байгаагаа анзаараарай.

Г. Төмөрзаяа (БНСУ-ын Чонбук Улсын их сургуулийн Боловсролын Ухааны Магистр, Сэтгэл Судлалын докторант)

More 183 0

Category: Зөвлөгөө

Бөөрний өвчин үүсэх таван шалтгаан

2018/10/20

Бөөрний өвчин үүсэх таван шалтгаан

Author: Nomuun on 20-10-2018, 14:44

Бөөр өвчилнө гэдэг нь өөрийнх нь хатуу физиологитой их уялдаатай. Бөөр хүний биед олон үүрэг гүйцэтгэдэг. Гаднаас хоол хүнсээр дамжин хүний биед орсон ямар нэгэн хортой бодисыг устай холиод шээсээр хөөн гаргадаг. Бөөрний үйл ажиллагаа зогсдоггүй.

Хүн ямар нэгэн хоол идэхдээ түүний дагаварт биедээ ямар нэгэн хор оруулж байдаг. Түүнийг нь бөөр хөөн гаргадаг гэж ойлгож болно. Тиймээс бөөрний үйл ажиллагаа зогсвол хүний биеийн бүх эрхтэн хордоно. Нэг үгээр хэлбэл бөөрний үйл ажиллагаа суларвал ходоод, зүрх гээд бүх эрхтэн өвчилж эхэлдэг. Мөн их эмзэг эрхтэн болохоор өөрөө өвчилдөг. Ингээд бөөрөнд хамгийн халтай таван зүйлийг дурьдаж байна.

1. Чихэр, Элсэн чихэр мөн элсэн чихэр ихээр агуулагдсан бүтээгдэхүүн хэтрүүлэн хэрэглэх

2. Бүх төрлийн давс хэтрүүлэн хэрэглэх

3. Шээсээ удаан барих

4. Витаминлаг хоол хүнс хангалттгүй идэх (ногоо, жимс жимсгэнэ)

5. Ус болон шингэн зүйл сайн уухгүй байх, дутагдах

More 165 0

Category: Зөвлөгөө

Лимонтой ус биеэс хорт бодисыг гадагшлуулдаг

2018/10/19

Лимонтой ус биеэс хорт бодисыг гадагшлуулдаг

Author: Nomuun on 19-10-2018, 17:37

-Лимонтой усны ач тус-

Биеийг цэвэршүүлнэ

Ходоодны үйл ажиллагааг дэмжиж элгийг цэвэршүүлэхээс эхлээд элдэв бактерийг устгах, цаашлаад ходоод, хоол боловсруулах эрхтний элдэв эмгэгт өртөх эрсдлийг бууруулж биед хурсан хорт бодисыг гадагшлуухах сайн талтай.

Цусыг цэвэршүүлж, цусны даралтыг тогтворжуулна

Лимон нь калигаар нэн баялаг тул зүрх судасны өвчтэй хүмүүс хэрэглэхэд нэн тохиромжтой ба толгой эргэх, дотор муухай оргихыг багасгаж цусны даралтыг тогтворжуулах ба стрессийг багасгаж амраах үйлчилгээтэй гэнэ.

Амны хөндийг эрүүл байлгана

Лимонтой усыг мөн амны хөндийн эрүүл ахуйд сайн нөлөөтэй гэж үзэх нь бий. Буйлнаас цус шүүрэх зэрэг буйлны үрэвсэл элдэв эмгэгийн үед лимонтой ус, лимоны хальс, лимоны шүүсээр массажлах, амаа зайлах нь буйлны үрэвсэлт өвчинг намдааж, амны эвгүй үнэрийг дардаг гэнэ.

Жингээ хасахад тустай

Өглөө өлөн элгэн дээрээ лимонтой ус уух нь дээр дурьдсанчлан элгийг цэвэршүүлээд зогсохгүй жингээ хасахад тустай ажээ. Түүнчлэн лимоны шүүсийг бүлээн устай хольж зөгийн бал нэмж уух нь мөн л эрүүл мэндэд, жингээ хурдан хасахад эерэг нөлөөтэй юм байна.

Ургийн өсөлт, хөгжилд эерэг нөлөөтэй

Жирэмсэн эмэгтэйн ургийн ясны бэхжилтэд сайнаар нөлөөлөхийн зэрэгцээ тархины өсөлт хөгжилт болон мэдрэлийн эсүүдэд эерэг нөлөөтэй гэнэ. Нэг ширхэг лимонд агуулагдах кали нь 48.3%, кальци 29.9%, фосфор 11.1% ба магни 4.4% буюу хамгийн өндөр агууламжтай тул байнга хэрэглэж заншвал зохих амин дэмүүдийн нэг юм.

Таны гоо сайханд олон талын ач холбогдолтой

Лимон бол байгалийн гаралтай хүний биед нэн хэрэгцээт амин дэмүүдийг агуулсан гайхалтай жимс бөгөөд лимонтой усыг тогтмол ууснаар арьсны үхэжсэн эд эс сэргэж, яр шархлаа анихаас гадна С амин дэмийн агууламжаар баялаг тул үрчлээтэхээс сэргийлж, хар батга, хөгшрөлтийн эсрэг тэмцэх сонгодог бүтээгдэхүүн ажээ. Түүнчлэн сэвх толбыг бүдэгрүүлж, үснийхээ өнгийг өөрчилж мөн сэргээхэд хэрэглэдэг байна.

More 264 0

Category: Зөвлөгөө

Хуурайшиж, хагтсан үсээ хэрхэн аврах вэ

2018/10/19

Хуурайшиж, хагтсан үсээ хэрхэн аврах вэ

Author: Nomuun on 19-10-2018, 17:24

Гэрийн нөхцөлд хуурайшиж хагтаад байгаа үсээ арчлах арга болон хэрхэн хагнаас салах вэ?

Үс ягаад хагтаж хуурайшиж эхэлдэг вэ?

Үсээ өдөр бүр угаах нь үсэнд өөрт хэрэгтэй тослогоо алдахад хүргэж ингэснээр үс хуурайшиж эхэлдэг. Хуурайшаад ирэхээрээ тослогтож хагтаж эхэлнэ. Мөн үсний гүн тэжээл дутагдаад ирэхээр хагтаж хуурайшдаг. 7 хоногт нэг удаа тогтмол гэрийн аргаар маск хийх эсвэл зориулалтын тос түрхэж байх хэрэгтэй. Мөн цусны эргэлтээ сайжруулан үсээ том самаар самнаж байх нь ч тус болдог. Хэт их халуун индүү сэнс хэрэглэх нь бас үсийг хуурайшуулж байдаг тул халуунаас хамгаалах (spray) цацагч цацаж өгөх нь чухал.

Зөвлөгөө:

Ангижруулагчаа хуйхандаа биш зөвхөн чихнээс доорх хэсэгтээ л түрхэж зөөлрүүлэх хэрэгтэй учир нь ангижруулагч нь зөвхөн гэмтэлтэй үзүүр хэсэгт л хэрэглэх зориулалттай байдаг.

Хэрвээ үсээ угаасны дараа арзайгаад хатчихдаг бол 100% битгий ангижруулагчаа зайлаарай. Ингэж бага зэргийг үлдээх нь үс хатахдаа хуурайшаад арзайхаас хамгаална.

Үсний самаа ойр ойр гүн цэвэрлэж байх нь бас их чухал шүү. Ингэхдээ уксус ашиглаж бохирдолыг 100% арилгаарай.

Ингээд гэрийн нөхцөлд хаг болон хуурайшилтаас салах хэд хэдэн арга хуваалцъя!

1) Олив тосыг ашиглах арга!

Хуурайшиж хагтаад байгаа үедээ олив тосыг халааж байгаад хуйхандаа массаж хийгээд сайтар түрхэж өгнө. Ингээд малгай эсвэл алчуураар боогоод унтана, маргааш нь сайтар угаагаарай. Хэд хэдэн удаа угааж тослогийг бүрэн арилгаад ангижруулагч ашиглаарай!

Ингэж удаан хугацаанд байлгаснаар үс гүндээ хүртэл тэжээл аваад хагтах нь мэдэгдэхүйц арилах болно.

2) Коконат тосыг ашиглах арга!

Коконат тос мөн адил үсэнд маш сайн тэжээл өгч ургуулж өгдгөөр нь хүмүүс мэднэ байх. Эхлээд 3-5 том халбага коконат тосыг хуурайшсан хуйхандаа түрхээд тэр чигт нь 1 цаг байлгаад угаагаарай. Бас нэгэн давуу тал нь маш олон шампунь өөртөө коконат тос агуулсан байдаг ба үсэнд маш сайн тэжээл өгч байдаг байна.

3) Зөгийн бал ашиглах арга!

Гарын дор байдаг бас нэгэн зүйлээр загтанаж хуурайшаад байгаа хуйхаа тордоорой! Тэр тусмаа загтанаж байгаа бол энэхүү аргыг ашиглаарай. Зөгийн балыг уснаас гарч ирээд чийгтэй үсэндээ тэр тусмаа хуйхандаа сайтар түрхэж массаж хийж өгөөрэй. 2-3 цаг болоод угаагаарай. Ингэх нь зөгийн бал хатаж хуурайшсан хуйханд гүн чийгшил өгч загтанахаас ч хүртэл хамгаалах шидтэй байгаа! Өнжөөд нэг удаа энэхүү аргыг ашиглан хагнаасаа бүр мөсөн салаарай.

4) Нимбэг болон сармис ашиглах арга!

Энэхүү аргыг нэг газар нь л мэдэгдэхүйц хуурайшаад хуйх нь хуулараад байгаа хүмүүс ашиглаарай.

Хагас лимон болон 2-3 хумс нухшилсан сармисаа холиод зуурмаг болгоод яг хэрэгтэй гэсэн газраа түрхээд 20-30 мин болоод угаагаарай. Сармис нь элдэв нян үржихээс хамгаалдаг бол лимон нь хуурайшсан арьсыг тэр чигт нь салгаж гуужуулж хуулж өгдөг байгаа. (Загтанаж хорсох болно хэрвээ хүсвэл хугацаанаас өмнө угаагаарай)

Хүсвэл 2-3 халбага лимоны шүүсийг бага зэрэг усанд хийгээд хуйхаа шавшиж бас болно. Усанд ороод гарахдаа шавшиж өгөөд хатаана.

5) Хүнсний сода ашиглах арга!

Эхлээд хэрэглэх үед үс бага зэрэг хуурайшиж мэднэ. Гэхдээ хэсэг хугацааны дараа үс зөөлрөөд гялалзаад ирдэг байгаа, мөн хагнаасаа ч салчихна. Усанд орохдоо 2 хоолны халбага сода бага зэрэг устай холиод өтгөн зуурмаг болгоорой. Ингээд үүнийгээ хуйхандаа түрхээд сайтар массаж хийж өгөөрэй (2-3 мин). Бүлээн усаар эсвэл шампунь ашиглан угаагаарай.

6) Хэрэглэж байгаа шампуниа солих. Магадгүй таарахгүй шампунь хэрэглээд үс тань хагтаад байж мэдэх юм.

Эх сурвалж http://www.info.mn

More 209 0

Category: Зөвлөгөө