Scandal.mn

Хятадууд Бургастайн боомтоор мах экспортлохыг түр зогсоожээ

2016/12/02

Хятадууд Бургастайн боомтоор мах экспортлохыг түр зогсоожээ

Author: tonshuul on 2-12-2016, 11:32

Өмнөд хөрш БНХАУ манай улсаас авах уул уурхайн бүтээгдэхүүний татвараа нэмэх шийдвэрийг арваннэгдүгээр сарын 22-ны өдөр гаргасан бөгөөд тус шийдвэр нь өчигдрөөс хүчин төгөлдөр мөрдөгдөж эхлэж байгаа талаар мэдээлсэн. Хэдийгээр тус шийдвэр нь Ганц мод боомтод хамааралтай ч, Монгол Улс жилд 20 сая тонн нүүрсийг БНХАУ-д экспортолж байгаагийн тэн хагас нь буюу 10 сая тонн нь тус боомтоор дамжин Хятад улс руу гардаг тул, татварын нэмэгдэл манай тухайд чамгүй алдагдал дагуулахаар байгаа.

Тэгвэл Хятад улс манай улсаас мах экспортоор авахаа түр зогсоожээ.Тодотгоход, манай улс энэ оны хоёрдугаар сараас эхлэн Бургастайн боомтоор БНХАУ руу мах экспортолж эхлээд байгаа юм.

Ер нь бол тэгш тоотой сар бүрд БНХАУ руу мах экспортолно гэж байсан ч малын өвчин гарч байгаатай холбоотойгоор Хятадын талаас түр зогсоосон гэх мэдээлэл байна. Махны экспорт тодорхой хугацаанд зогссон ба ойрын хугацаанд экспортод мах нийлүүлэх ажил хэвийн үргэлжилнэ гэх мэдээллийг албаныхан өгч байгаа аж. Сануулахад, өнгөрсөн онд өмнөд хөршөөс мэргэжлийн баг Монголд ирж ажиллаад, баруун таван аймаг болох Увс, Завхан, Хөвсгөл, Говь-Алтай, Баянхонгор аймгийн малыг шүлхий өвчингүй, эрүүл бүс хэмээн зарлаж, Бургастайн боомтоор экспорт хийхээр тохирч байдаг. Түүнчлэн Увс аймгийн "Мон Тува” ХХК өнгөрсөн хоёрдугаар сард эхний нийлүүлэлт болох 16 тонн мах экспортолсон мэдээ байгаа юм.

More 566 0

Category: Мэдээ мэдээлэл

Н.Алтанхуягийг хөрөнгөө нуун дарагдуулсан гэх үндэслэлээр шалгаж байна

2016/12/01

Н.Алтанхуягийг хөрөнгөө нуун дарагдуулсан гэх үндэслэлээр шалгаж байна

Author: tonshuul on 1-12-2016, 11:20

Ерөнхий сайд асан Н.Алтанхуягт АТГ-аас өчигдөр хэрэгт сэжигтнээр тооцон шалгах тухай зарлан дуудах хуудсыг хүргүүлж, тэрбээр мэдүүлэг өгөөд байна. Хуулийн байгууллага чухам ямар үндэслэлээр экс Ерөнхий сайдыг ийнхүү сэжигтнээр татан шалгах болсон талаарх мэдээлэл өнөөг хүртэл тодорхойгүй байсан юм.

Тэгвэл хуулийн байгууллагын баттай эх сурвалжаас авсан мэдээллээр Н.Алтанхуяг нь Шинэчлэлийн Засгийн газрын тэргүүнээр ажиллаж байх хугацаандаа зарим нэг томоохон үл хөдлөх хөрөнгөө ХОМ-доо мэдүүлэлгүй нуун дарагдуулсан нь өдгөө шалгагдах үндэслэл болсон гэнэ.

Тодруулбал, Н.Алтанхуяг Ерөнхий сайдаар ажиллаж байхдаа Эрүүгийн хуулийн ерөнхий ангийн 35 дугаар зүйлийн 35.1-ийг журамлан эрүүгийн хуулийн тусгай ангийн 263 дугаар зүйлийн 263.2, мөн хуулийн тусгай ангийн 270 дүгээр зүйлийн 270.2, Авлигын эсрэг хуулийн 10 дугаар зүйлийн 10.4-д заасныг зөрчсөн байж болзошгүй аж. Тодруулбал, Чингэлтэй дүүргийн нутаг дэвсгэр ХИД 1-ийн урд баригдсан 7 давхар шилэн барилгаа хөрөнгө орлогын мэдүүлэгтээ мэдүүлээгүй нуун дарагдуулсныг хуулийн байгууллага олж тогтоожээ. Мөн үндэслэлгүйгээр хөрөнгөжсөн, тендерийн хууль тогтоомж зөрчиж төрөл садандаа их хэмжээний төсвийн мөнгийг олгосон асуудалтай холбогдуулан буруутайд тооцон шалгаж байгаа юм байна.

More 465 0

Category: Гол мэдээ / Шар мэдээ

Хөгжлийн банкнаас санхүүжилт авсан компаниудын жагсаалт

2016/12/01

Хөгжлийн банкнаас санхүүжилт авсан компаниудын жагсаалт

Author: tonshuul on 1-12-2016, 11:11

Хөгжлийн банкны үйл ажиллагааг шалгах ажлын хэсгийг Засгийн газраас томилсон. Улмаар Хууль зүйн дэд сайд Б.Энхбаяраар ахлуулсан ажлын хэсэг шалгалтынхаа дүнг байнгын хороодоор хэлэлцүүлэх байсан ч АН-ын бүлэг уг асуудлаар тав хоногийн завсарлага авснаар завсарласан юм.

Тэгвэл олны анхаарлыг татсан Хөгжлийн банкнаас санхүүжилт авсан компаниудын нэрсийг өчигдөр Хууль зүйн дэд сайд Н.Энхбаяр зарлалаа.

Тэрбээр "Та бүхэнд хэлсэнчлэн Хөгжлийн Банкнаас санхүүжүүлсэн ЗЭЭЛ, САНХҮҮЖИЛТ-тэй холбогдсон жагсаалтыг нийтэллээ. Өөрсдөө цэгнэж, дүгнэх буйзаа..." гэж жиргэжээ.

Улсын төсвөөс эргэн төлөгдөх нөхцөлтэйгээр санхүүжүүлж буй төсөл, арга хэмжээ (Тайлбар: Үнийн дүн сая төгрөг, сая ам.доллараар илэрхийлэгдсэн болно)

#	Эдийн засгийн салбар/Төсөл хөтөлбөрийн нэр			MNT	USD	Нийт (MNT)	Хүү	Хугацаа	Зээлдэгчийн нэр	Гүйцэтгэгч компани	Эргэн төлөгдөх огноо	Зээл олгосон огноо
1	Авто зам			939,275.4	205.0	1,236,680.1
	1	Орон нутгийн авто зам		669,518.8	146.7	878,887.4
		1	Мандалговь-Даланзадгад чиглэлийн авто зам барилга 43 км	21,500.0	-	21,500.0	6.125%	9.3	Сангийн яам	Ялгуусан ХХК	2022.11.04	7/26/13
		2	Мөрөн-Тариалан чиглэлийн авто зам барилга 32 км	17,120.0	-	17,120.0	6.125%	9.4	Сангийн яам	Хотгор зам ХХК	2022.11.04	6/19/13
		3	Мөрөн-Тариалан чиглэлийн авто зам барилга 25 км	13,123.8	-	13,123.8	6.125%	9.3	Сангийн яам	Их монгол барилга ХХК болон Хэрэм зам ХХК-ийн түншлэл	2022.11.04	8/5/13
		4	Мөрөн-Тариалан чиглэлийн авто зам барилга 29.3 км	16,468.3	-	16,468.3	6.125%	9.4	Сангийн яам	Пик Девелопмент ХХК	2022.11.04	6/27/13
		5	Өндөрхаан-Чойбалсан чиглэлийн авто зам барилга 30 км	15,473.3	-	15,473.3	6.125%	9.3	Сангийн яам	Насны зам ХХК	2022.11.04	7/17/13
		6	Өндөрхаан-Чойбалсан чиглэлийн авто зам барилга 27 км	13,886.2	-	13,886.2	6.125%	9.3	Сангийн яам	Хансуун зам ХХК	2022.11.04	7/10/13
		7	Өндөрхаан-Чойбалсан чиглэлийн авто зам барилга 27.75 км	14,707.5	-	14,707.5	6.125%	9.3	Сангийн яам	Гашууны гол ХХК	2022.11.04	8/6/13
		8	Өндөрхаан-Чойбалсан чиглэлийн авто зам барилга 10.65 км	5,751.0	-	5,751.0	6.125%	9.3	Сангийн яам	ЗЗБ ХХК, БСМ ХХК, Эвт уул ХХК болон Нейшнл девелопер ХХК-ийн түншлэл	2022.11.04	7/10/13
		9	Өндөрхаан-Чойбалсан чиглэлийн авто зам барилга 94 км	1,376.9	-	1,376.9	6.125%	9.3	Сангийн яам	Насны зам ХХК	2022.11.04	7/23/13
		10	Мандалговь-Даланзадгад чиглэлийн авто зам барилга 25 км	13,224.7	-	13,224.7	6.125%	9.3	Сангийн яам	Эсто ХХК	2022.11.04	7/10/13
		11	Мандалговь-Даланзадгад чиглэлийн авто зам барилга 25 км	13,237.5	-	13,237.5	6.125%	9.2	Сангийн яам	Мадимос групп ХХК	2022.11.04	8/23/13
		12	Халзанбүргэдэй-Солонготын даваа чиглэлийн авто зам барилга 100 км	23,177.2	-	23,177.2	6.125%	9.1	Сангийн яам	Монроуд ХХК	2022.11.04	10/8/13
		13	Улаангом-Хяргас нуур чиглэлийн авто зам барилга 15 км	6,885.3	-	6,885.3	6.125%	9.4	Сангийн яам	Шинжиан шинфа ХХК	2022.11.04	6/12/13
		14	Өндөрхаан-Чойбалсан чиглэлийн авто зам барилга 143 км	38,609.0	-	38,609.0	6.125%	9.3	Сангийн яам	Насны зам ХХК, Хансуун зам ХХК, Өвөр залаат ХХК, Бадрах ойл ХХК	2022.11.04	7/30/13
		15	Манхан-Дарви чиглэлийн авто зам барилга 100 км	21,503.8	-	21,503.8	6.125%	9.3	Сангийн яам	Алтайн зам ХХК	2022.11.04	8/1/13
		16	Арвайхээр-Баянхонгор чиглэлийн авто зам барилга 57 км	11,800.8	-	11,800.8	6.125%	9.2	Сангийн яам	Шин жиан бэйшин роуд энд бридж констракш ХХК	2022.11.04	9/4/13
		17	Арвайхээр-Баянхонгор чиглэлийн авто зам барилга 50 км	10,531.0	-	10,531.0	6.125%	9.4	Сангийн яам	Нейшнл девелопер ХХК	2022.11.04	6/13/13
		18	Улаангом-Хяргас нуур чиглэлийн авто зам барилга 85 км	29,756.2	-	29,756.2	6.125%	9.4	Сангийн яам	Шинжиан шинфа ХХК	2022.11.04	6/12/13
		19	Тариалан-Мөрөн чиглэлийн авто зам барилга 79 км	27,288.4	-	27,288.4	6.125%	9.4	Сангийн яам	Эйч Кэй Би ХХК	2022.11.04	6/24/13
		20	Тосонцэнгэл-Улиастай чиглэлийн авто зам барилга 67 км	6,101.6	-	6,101.6	6.125%	9.3	Сангийн яам	Насны зам ХХК	2022.11.04	7/26/13
		21	Өндөрхаан-Мөнххаан-Баруун Урт чиглэлийн авто зам барилга 132.6 км	31,440.3	-	31,440.3	6.125%	9.3	Сангийн яам	Арж капитал ХХК	2022.11.04	7/10/13
		22	Улаангом-Наранбүлаг чиглэлийн авто зам барилга 90 км	24,864.9	-	24,864.9	6.125%	9.3	Сангийн яам	Шинжиан шинфа ХХК	2022.11.04	8/6/13
		23	Цахир-Тосонцэнгэл чиглэлийн авто зам барилга 127.1 км	13,207.1	-	13,207.1	6.125%	9.3	Сангийн яам	Хурдны зам ХХК	2022.11.04	8/6/13
		24	Өндөрхаан-Мөнххаан-Баруун Урт чиглэлийн авто зам барилга 45.3 км	10,750.0	-	10,750.0	6.125%	9.3	Сангийн яам	Түм арвижих ХХК	2022.11.04	7/19/13
		25	Улаанбаатар-Мандалговь чиглэлийн авто зам барилга 104 км	34,396.5	-	34,396.5	6.125%	9.4	Сангийн яам	Монгол хурдны зам ХХК, Мотор сервис ХХК, Шинжиан жэнгун житуа ХХК болон Жэй Кэй Си ХХК-ийн түншлэл	2022.11.04	6/24/13
		26	Алтай-Баянхонгор чиглэлийн авто зам барилга 128 км	26,247.2	-	26,247.2	6.125%	9.3	Сангийн яам	Шинжиан шинфа ХХК	2022.11.04	7/10/13
		27	Мандалговь-Даланзадгад чиглэлийн авто зам барилга 163 км	33,424.1	-	33,424.1	6.125%	9.1	Сангийн яам	Шинжиан жэнгун житуа ХХК	2022.11.04	9/27/13
		28	Мандалговь-Даланзадгад чиглэлийн авто зам хяналт 83 км	1,928.9	-	1,928.9	6.125%	9.4	Сангийн яам	Эс Ар Пи инженер консалтинг Монголиа ХХК	2022.11.04	6/27/13
		29	Тосонцэнгэл-Улиастай чиглэлийн авто зам хяналт 67 км	1,758.2	-	1,758.2	6.125%	9.4	Сангийн яам	Гендай инженеринг ХХК	2022.11.04	6/17/13
		30	Улаанбаатар-Мандалговь чиглэлийн авто зам хяналт 104 км	2,295.3	-	2,295.3	6.125%	9.4	Сангийн яам	Эс Ар Пи инженер консалтинг Монголиа ХХК	2022.11.04	6/19/13
		31	Мөрөн-Тариалан чиглэлийн авто зам хяналт 32 км	512.6	-	512.6	6.125%	9.2	Сангийн яам	Ростов ХХК	2022.11.04	8/22/13
		32	Мөрөн-Тариалан чиглэлийн авто зам хяналт 25 км	393.7	-	393.7	6.125%	9.1	Сангийн яам	Эс Ай Эл ХХК	2022.11.04	9/17/13
		33	Мөрөн-Тариалан чиглэлийн авто зам хяналт 29.3 км	460.7	-	460.7	6.125%	9.2	Сангийн яам	Мөнхөд ашдын зам ХХК	2022.11.04	8/20/13
		34	Өндөрхаан-Чойбалсан чиглэлийн авто зам хяналт 95.4 км	2,251.5	-	2,251.5	6.125%	9.2	Сангийн яам	Ар Си Эс Си ХХК	2022.11.04	8/29/13
		35	Мандалговь-Даланзадгад чиглэлийн авто зам хяналт 25 км	396.8	-	396.8	6.125%	9.1	Сангийн яам	Ростов ХХК	2022.11.04	10/15/13
		36	Мандалговь-Даланзадгад чиглэлийн авто зам хяналт 25 км	347.9	-	347.9	6.125%	9.1	More 351 0 Category: Гол мэдээ / Нийтлэл

Түрээсийн орон сууцны талбайн хэмжээ 70м2 хүртэл байхаар өөрчиллөө

2016/12/01

Түрээсийн орон сууцны талбайн хэмжээ 70м2 хүртэл байхаар өөрчиллөө

Author: tonshuul on 1-12-2016, 10:49

"Түрээсийн орон сууц” хөтөлбөрийн хүрээнд 50 м2 талбайтай орон сууцыг төрийн өмчийн орон сууцны санд шилжүүлж байсныг 70 м2 хүртэл хэмээн өөрчлөхөөр Засгийн газрын хуралдаанаас шийдвэрлэлээ.

Ипотекийн урьдчилгаа 30 хувийг бэлнээр төлж, банкны зээлийн шалгуур хангах иргэдийн тоо багасч байгаагаас "Төрийн орон сууцны корпораци” төрийн өмчит үйлдвэрийн газрын захиалгаар орон нутагт барьсан 70 м2 хүртэл талбайтай орон сууцнууд борлогдохгүй байна. Иймээс эдгээр орон сууцыг түрээсийн орон сууцны санд шилжүүлэх хүсэлтээ аймгийн Засаг дарга нар Засгийн газарт ирүүлж байсан юм.

Үүнийг үндэслэн "Төрийн орон сууцны корпораци” төрийн өмчит үйлдвэрийн газрын захиалгаар Улаанбаатар хот болон Дархан-Уул, Сэлэнгэ, Ховд, Увс, Хэнтий зэрэг орон нутагт баригдсан 70 м2 хүртэл талбайтай 360 айлын орон сууцыг төрийн өмчийн түрээсийн орон сууцны санд шилжүүллээ.

Дээрх 360 айлын орон сууцны барилгыг барихад зарцуулсан зээлийн төлбөрт шаардагдах 30 тэрбум 286 сая төгрөгийг хянаж тодотгон улсын төсөвт үе шаттай тусгаж байхыг холбогдох сайд нарт даалгав. Зээлийн төлбөрөө бүрэн төлж барагдуулах хүртэлх хугацаанд зээлийн хүүгийн төлбөрийг төрийн өмчийн түрээсийн орон сууцны санд шилжүүлэн 360 айлын орон сууцны түрээсийн төлбөрөөс бүрдүүлэхээр боллоо.

Одоогоор 1000 гаруй өрхийг төрийн өмчийн түрээсийн орон сууцанд хамруулах боломжтой байгаа нь хүсэлт гаргасан иргэдийн 37 орчим хувь юм.

More 604 0

Category: Мэдээ мэдээлэл

Х.Бадамсүрэн “Эрдэнэт үйлдвэр” ХХК-ийн Ерөнхий захирлын тамгаа гардан авлаа

2016/12/01

Х.Бадамсүрэн “Эрдэнэт үйлдвэр” ХХК-ийн Ерөнхий захирлын тамгаа гардан авлаа

Author: tonshuul on 1-12-2016, 10:42

Сүүлийн дөрвөн жилд "Эрдэнэт үйлдвэр” ХХК-ийн Ерөнхий захирлын албыг хашсан Ц.Даваацэрэн тус компанийн ТУЗ-ийн 2016 оны 11-р сарын 23-ы өдрийн 23-р дугаар тогтоолоор үүрэгт ажлаасаа чөлөөлөгдлөө. Тэрээр "Эрдэнэт үйлдвэр” ХХК-ийн Ерөнхий захирлаар томилогдож буй Х.Бадамсүрэнд тамга тэмдгээ гардуулан өгсөн юм.

Ц.Даваацэрэн хэлэхдээ "Өнгөрсөн гурван жил 10 сарын хугацаанд Монгол Улсын тэргүүлэх үйлдвэрийн шилдэг менежерүүд, ажилтнуудтай хамтарч ажилласандаа баяртай байна. Үйлдвэрийн нэр хүндийг олон улс, хамтран ажилладаг компаниудын өмнө унагасан менежментийн алдаа миний хариуцаж байсан баг, хамт олны үед гараагүй гэдгийг бахархалтай хэлнэ. Бид энэ үйлдвэрийн авлагыг 66.6 хувиар бууруулсан. Цаашид энэ чиглэлээр тодорхой бодлого баримталж ажиллах шаардлагатай” гэсэн юм.

"Эрдэнэт үйлдвэр” ХХК-ийн Ерөнхий захирлаар шинээр томилогдсон Х.Бадамсүрэн хэлсэн үгэндээ "Эрдэнэт үйлдвэрийн 49 хувь нь Монголын хувийн компанид шилжсэн. Өмчлөлийн хувьд өөрчлөгдсөн шилжилтийн гэж хэлж болохоор цаг үед энэ хариуцлагатай албыг хүлээж авч байна. Ийм хариуцлагатай, эгзэгтэй цаг үед надад итгэл хүлээлгэж буй Монголын төр, үйлдвэрийн хувьцаа эзэмшигчид та бүхэнд талархаж байна. Та бүхний итгэл найдварыг биелүүлж ажиллахаа илэрхийлье” гэлээ.

More 581 0

Category: Гол мэдээ /

Доллар даллах найдвар

2016/12/01

Доллар даллах найдвар

Author: tonshuul on 1-12-2016, 10:34

Эргэлзээ төрүүлж буй өмнөд хөршийн зээл, итгэл нэмсэн "Стэнд бай”, Эдийн засгийг тогтворжуулах хөтөлбөр… Үнэндээ энэ бүгд доллар даллах ганц зорилготой.

Манайд аж үйлдвэр сэргэж, өртөг шингэсэн үйлдвэрлэл тэлж буй нь үнэн. Гэвч унаж буй эдийн засгийг сэвхийтэл босгоход энэ салбарын хүч дутах нь сүүлийн хоёр жилд ажиглагдаж байна. Бидэнд уул уурхайгаас өөр сонголт үлдсэнгүй. Хүссэн, хүсээгүй уул уурхайг л түшиж Монголын эдийн засаг босох нь. Ялангуяа, хайгуул богино хугацаанд хөрөнгө оруулалт татах хамгийн боломжит бөгөөд найдвартай арга гэж эдийн засагчид дүгнэж байгаа юм.

Уг нь бодлого тодорхойлогчид үүнийг хэдийнэ мэдсэн. Тиймээс л таван жил зогсоосон хайгуулын тусгай зөвшөөрлийг өнгөрсөн оноос олгож эхэлсэн юм. Хууль, эрх зүйн хүрээнд үүнээс ч өмнө шинэчилсэн байдаг. Түүхий эдийн үнэ уруудаж, уул уурхайн орлого хумигдаж эхэлсэн тэр үе. 2014 оны долдугаар сарын 1-нд УИХ-аар Ашигт малтмалын тухай хуульд нэмэлт өөрчлөлт оруулав. Төд удалгүй хэдхэн хоногийн дараа 28-ны Засгийн газрын хуралдаанаар хайгуулын тусгай зөвшөөрөл олгох талбайг солбицлоор тогтоосон юм. Ингэж геологи, хайгуулын салбараар дамжуулан хөрөнгө оруулалт татах, эрдэс баялгийн нөөцөө нэмэгдүүлэх зорилгыг Засгийн газар тээж байлаа.

Ам.доллар дуудах "хөзрөө” Засгийн газар өнөөг хүртэл дэлгэсэнгүй

2015 оны нэгдүгээр сард Ашигт малтмалын газраас тусгай зөвшөөрөл олгож эхэлсэн. Үүний үр дүнд өнгөрсөн оны эцэс гэхэд хайгуулын тусгай зөвшөөрлийн тоо хоёр дахин нэмэгдсэн байна. 2015 онд хайгуулын 2235 тусгай зөвшөөрөл авах хүсэлт иржээ. Үүний 45 хувьд нь зөвшөөрөл олгосныг Ашигт малтмал, газрын тосны газраас мэдээлэв. Энэ нь нийт 13.9 сая га талбайг хамарч буй аж. Ингэснээр энэ оны аравдугаар сарын байдлаар улсын хэмжээд ашиглалт болон хайгуулын нийт 3700 гаруй тусгай зөвшөөрөл байна. Үүний дийлэнх буюу 2140-ийг хайгуул, 1560-ыг ашиглалтын зориулалтаар олгожээ.

Энэ хэрээр хайгуулыг чиглэх мөнгөн урсгал ч эрчимжсэн. Өнгөрсөн онд тусгай зөвшөөрөл эзэмшигчид хайгуулын ажилд нийт 104 тэрбум төгрөг зарцуулсныг албаныхан мэдээлэв. Энэ нь 2013, 2014 оноос өссөн дүн. Хайгуулын "цонх” ийн нээгдсэнээр хувийн хэвшлийн оролцоо идэвхижсэн. Хөрөнгө оруулагчдын итгэл ч сэргэсэн гэдгийг салбарынхан хэлдэг. Гэвч энэ идэвхжил удсангүй. Жил гаруйн дараа тусгай зөвшөөрөл олголт түр зогслоо. Засгийн газраас дахин сэргээнэ гэж мэдэгдсэн ч өнөөг хүртэл олгож эхлээгүй л байна.

Төгрөгийн ханш үнэгүйдсэн. Ам.доллар Монголын эдийн засагт агаар, ус мэт хэрэгтэй байгаа нь маргашгүй үнэн. Гэвч доллар дуудах "хөзрөө” Засгийн газар өнөөг хүртэл ашигласангүй. Тэгвэл эдийн засгийг хямралаас гаргахаа амалсан Засгийн газар эмхлэгдэн байгуулагдаад хэдэн сарыг үдэж байгаа билээ. Ам асууж, хариулт нэхэх л асуудал.

Өнгөрсөн есдүгээр сард болсон Монголд хөрөнгө оруулагчдын "Discover Mongolia” чуулганаар хайгуулын тусгай зөвшөөрлийг оролцогчид хөндсөн. Энэ үеэр Уул уурхай, хүнд үйлдвэрийн сайд Ц.Дашдорж хайгуулын тусгай зөвшөөрөл олголтыг нээлттэй болгохоо амалсан юм. Мөн энэ үеэр хайгуулын тусгай зөвшөөрөл олголтоос үүдсэн зарим асуудлыг хэлэлцсэн.

Тухайлбал, тусгай зөвшөөрлийг Ашигт малтмал, газрын тосны газар олгодог. Зөвшөөрөл авсан компани хайгуулын ажлаа эхлүүлэхтэй зэрэгцээд орон нутгийн засаг захиргаа, иргэдтэй зөрчил маргаан үүсдэг. Үүнээс үүдэн хайгуулын ажил удаашрах, компани алдагдал хүлээх эрсдэл тулгардаг. Цаашлаад гадаадын хөрөнгө оруулагчдад сөрөг "мессеж” болдгийг учирлав. Салбарын сайдын зүгээс энэ асуудлыг цэгцлэхээ мэдэгдсэн юм. Гэвч одоогоор ажил хэрэг болоогүй л байна. Энэ талаар албаны хүнээс тайлбар авахаар оролдсон ч нэмэлт мэдээлэл өгсөнгүй.

Ашигт малтмал, газрын тосны газраас мэдээлснээр ирэх сараас хайгуулын тусгай зөвшөөрөл олгох талбайг зарлах юм. Ингэхдээ сонгон шалгаруулалтын журмаар явуулахаар төлөвлөжээ. Харин ирэх оны эхний улиралд өргөдлөөр олгох хайгуулын тусгай зөвшөөрлийн талбайг зарлана. Манай улс нийт нутаг дэвсгэрийн 19.8 хувь буюу 31 сая га талбайд тусгай зөвшөөрөл олгохоор төлөвлөөд байгаа. Ийнхүү ирэх сараас тусгай зөвшөөрөл олголт сэргэх нь. Гэвч зөвшөөрөл авсны дараа гардаг үл ойлголцол, зөрчлийг одоогоор огт засаагүй байна.

2015 оны эцэс гэхэд хайгуулын тусгай зөвшөөрлийн тоо хоёр дахин нэмэгдсэн байна.
Өнгөрсөн онд тусгай зөвшөөрөл эзэмшигчид хайгуулын ажилд нийт 104 тэрбум төгрөг зарцуулжээ.
Ирэх сараас хайгуулын тусгай зөвшөөрөл олгох талбайг зарлана.

Хайгуулын ажил эрчимжсэнээр богино хугацаанд хөрөнгө оруулагчдын итгэлийг сэргээж, валютын урсгал нэмэгдүүлдгийг эдийн засагчид онцолдог. Үүгээр зогсохгүй уул уурхайн баталгаат нөөцийг өсгөдөг давуу талтай. Түүнчлэн ханшийн хямрал, хаяанд ирсэн өрийн дарамтыг хазаарлахад хайгуулын салбар онцгой чухал үүрэгтэй болох нь үүнээс харагдана. Хайгуулын салбар нь богино хугацаанд эдийн засгийг сэргээнэ. Хайгуулын ажил амжилт олж, ашиглалт эхэлсэн тохиолдолд дунд болоод урт хугацаанд Монгол Улсын эдийн засгийг үлэмж хэмжээгээр дэмжих боломжтой.

Г.Байгал

ЗАСГИЙН ГАЗРЫН МЭДЭЭ

More 515 0

Category: Уул уурхай

ЯДУУРЛЫГ БУУРУУЛАХ ТӨСӨЛ БУЮУ СҮЛЖЭЭНИЙ ЛУЙВАР

2016/12/01

ЯДУУРЛЫГ БУУРУУЛАХ ТӨСӨЛ БУЮУ СҮЛЖЭЭНИЙ ЛУЙВАР

Author: tonshuul on 1-12-2016, 10:23

Зуд болохоор нохой зоолдог гэдэг үг байдаг даа. Түүнтэй адил улс орон жаахан хямраад, иргэдийн гар дээр бэлэн мөнгө бага сага хомсдоод эхлэхээр л янз бүрийн сүлжээний бизнес цэцэглэж эхлэх юм. Сүүлийн үед цахим ертөнцийг ашиглаж бизнес хийж байгаа сүлжээчид борооны дараах мөөг шиг л олширч байна. Хонгконгийн 520 ам.долларын төсөл. Казахстаны ядуурлыг бууруулах GTIME, "Алтан өндөг”, "Баяндалай” энэ тэр гээд л сүлжээний бизнесүүд үргэлжилнэ.

Тэр дундаа Казахстаны ядуурлыг бууруулах GTime төсөл нэлээд газар авч эхэллээ. Бүр тусдаа хаалттай групптэй, тэндээ 110 гаруй мянган гишүүнтэй болчихсон. Өнөөдүүл нь дор бүрнээ хүн ухуулаад л, шинэ жилээс өмнө 8000 ам.долларын цалин авах уу ч гэж байх шиг. Өнөөхийг хүмуүс сонирхож байгаа гэж жигтэйхэн. 272 мянган төгрөгөөр элсч, найман хүн нэг баг болоод, дараа нь хоёр сая 292 мянган төгрөг авна ч гэж байх шиг. Тэр нь вип хөтөлбөр гэж байгаа. Энэ мэтээр хамгийн ихдээ хоёр сая 176 мянган төгрөг оруулаад дараа нь 18 сая 336 мянган төгрөг авна гэж байгаа юм. Ёстой сайхан сонсогдож байгаа биз.

Мэдээж дотроо тодорхой дүрэм журам гэж байгаа байх. Гэхдээ л эцсийн дүндээ энэ чинь сүлжээ. Сүлжээний бизнес прамид тогтолцоотой байдаг. Хамгийн гол нь энэ төслийг луйвар гэдгийг ЦЕГ-аас анхааруулчихаад байгаа. Гэтэл манайхан хашрахгүй, нэгдэж орсоор байна.

Бүр төрийн том байгууллагууд хүртэл бөөнөөрөө элсч орсон мэдээ хүртэл байна. Дарга нь пирамидын дээр суугаад, ажилчдаа дороо элсүүлсэн юм байх аа. Хэрвээ үнэхээр ашиг олдог бол дарга нар нь л хэдэн төгрөг олж авах байх. Харин прамидын сууринд байгаа хүмүүс бол 100, 200 мянган төгрөгөө өгөөд л алдана. Мөнгөө эргүүлж авах боломж байхгүй. Цалин авна гэвэл хүн элсүүлэх шаардлагатай. Чадахгүй бол тэгээд л хохироод дуусч байгаа юм.

Мэдээж сүлжээний бизнест өөрөө сайн дураараа орсон учраас луйвар гэж үзэхгүй. Манайд уг нь сүлжээний бизнесийг хориглосон хууль журам байдаг юм билээ. Гэвч хэрэгжиж байгаа юм алга. Хэрэгжүүлэхээр ажиллах газар ч байхгүй. Үүнийг нь луйварчид мэддэг учраас янз бүрийн аргаар шинэ сүлжээ эхлүүлсээр, хүмүүсийн мөнгийг хуурч авсаар л байгаа байх.

Мэдээж сүлжээний бизнесийг эхлүүлсэн хэдэн нөхдүүд багагүй мөнгө олж байгаа болов уу. Тэгвэл шинээр элсэгчид бол юу ч олж долоохгүй шүү дээ. Тэгээд ядаж байхад бэлэн мөнгөө оруулна. Бусад сүлжээ шиг ядаж бүтээгдэхүүн аваад үлдэнэ гэсэн юм байхгүй шүү дээ. Тийм болохоор бүр ч их хохироод байгаа юм. Одоо бүр сүүлдээ төрийн байгууллагынхан хүртэл даргынхаа араас элсч байна. Энэ бүхнийг холбогдох газрууд нь анхаармаар байгаа юм. Тэр төрийн байгууллагынх нь нэрийг биччихээр манай тэгээгүй, нэр төрд халдлаа, шүүхэд өгнө энэ тэр гэнэ л дээ. Угаас тэгж дайрдаг болсон хойно. Гэхдээ хамгийн эмгэнэлтэй нь сүлжээнд бүр төрийн байгууллагатайгаа уусч эхэллээ шүү дээ.

Тиймээс л энэ элдэв сүлжээний луйвраас бүгд сэрэмжилж, анхаармаар байна. Холбогдох хуулийн байгууллагууд хүртэл яаралтай арга хэмжээ авч, ард иргэдээ сэрэмжлүүлээч ээ. Одоо бүр сүүлдээ математикийн хэдэн багш нийлээд сүлжээний бизнес бий болгож байна гэнэ, цаана чинь. Бэлэн мөнгөтэй болоод, амархан баяжих гэсэн хүмүүсийн гэнэн хүсэл дээр дөрөөлөх аргаа олчихсон байхгүй юу.

Монголын мэдээ
Н.Пунцагболд

More 679 0

Category: Гол мэдээ / Нийтлэл

ТӨСВИЙН МӨНГӨӨР БАЯР ТЭМДЭГЛЭХГҮЙ

2016/12/01

ТӨСВИЙН МӨНГӨӨР БАЯР ТЭМДЭГЛЭХГҮЙ

Author: tonshuul on 1-12-2016, 10:13

Засгийн газрын ээлжит хуралдаан өчигдөр болсон. Энэ үеэр Ерөнхий сайд Ж.Эрдэнэбат нэгэн үүрэг даалгаврыг төрийн байгууллагуудад өгсөн байна. Тодруулбал эдийн засгийн хүндрэлтэй байгаа учир татвар төлөгчдийн мөнгө, улсын төсвийн хөрөнгөөр аливаа баяр ёслол тэмдэглэхгүй байхыг төсвийн ерөнхийлөн захирагч нарт Монгол Улсын Ерөнхий сайдаас үүрэг болгожээ.

More 396 0

Category: Эдийн засаг

ОХУ ИХ ХЭМЖЭЭНИЙ УРГАЦ УРААСАН НЬ ЭРЭЛТЭЭС ДАВААД БАЙНА

2016/11/30

ОХУ ИХ ХЭМЖЭЭНИЙ УРГАЦ УРААСАН НЬ ЭРЭЛТЭЭС ДАВААД БАЙНА

Author: tonshuul on 30-11-2016, 11:08

ОХУ энэ жил улаан буудайн их хэмжээний ургац авсан нь тус улсын экспортод хүндээр тусч магадгүй байна. Улаан буудайн нийлүүлэлтээрээ дэлхийд тэргүүлэгч тус улс сүүлийн жилүүдэд байгаагүй их хэмжээний ургац хураасан бөгөөд энэ нь эрэлтээс давсан үзүүлэлт болоод байгаа юм. Үүнээс гадна Австрали болон Аргентины улаан буудайн тариалалт сүүлийн таван жилийн дээд түвшинд хүрч өснө гэж АНУ-ын Хөдөө аж ахуйн департментаас мэдэгдлээ.

Хэрвээ эдгээр улс Египет, Бангладеш зэрэг ОХУ-ын улаан буудайн үндсэн хэрэглэгчдэд хөнгөлөлттэй үнэ санал болговол нөхцөл байдал улам хүндэрнэ гэж ОХУ-ын "GTCS Trading DMCC" компанийн удирдлага онцолсон байна. Аргентин улс өнгөрсөн жилийнхээс 27 хувиар илүү буюу 14.4 сая тонн улаан буудай, харин Австрали улс өнгөрсөн оныхоос 16 хувиар илүү 28.3 сая тонн ургац хураан авна гэж АНУ-ын Хөдөө аж ахуйн департментаас мэдээлжээ. Аргентин улс улаан буудайн экспортоороо тавдугаарт, Австрали улс наймдугаарт бичигддэг байна. Дээрх хоёр улс ирэх нэгдүгээр сард улаан буудайн ургацаа бүрэн хурааж дуусах юм байна.

Б.Ариунболд

Холбоо барих: ariunbold.b@bloombergtvmongolia.com

minjma.g@bloombergtvmongolia.com

More 463 0

Category: Дэлхий дахинд

“KINCORA COPPER” БАЯН ТАЛ ТАЛБАЙД “ОЮУ ТОЛГОЙ”-ТОЙ ТӨСТЭЙ ОРД БАЙГАА ГЭСЭН ТААМГАА БАТАЛГААЖУУЛАВ

2016/11/30

“KINCORA COPPER” БАЯН ТАЛ ТАЛБАЙД “ОЮУ ТОЛГОЙ”-ТОЙ ТӨСТЭЙ ОРД БАЙГАА ГЭСЭН ТААМГАА БАТАЛГААЖУУЛАВ

Author: tonshuul on 30-11-2016, 11:01

Торонтогийн Хөрөнгийн биржид бүртгэлтэй "Kincora Copper” компани "Оюу Толгой”-той төстэй өндөр агууламж бүхий зэс, алтны нөөц Баян тал талбайд байгаа гэсэн таамгаа баталгаажуулаад байна. Ингэснээр энэхүү орд нь энэ бүслүүр дэх I зэрэглэлийн шинэ орд болох магадлалтай болж байгаа гэдгийг "Kincora Copper” компани хөрөнгө оруулагчдад хандан гаргасан танилцуулгадаа дахин онцолсон байна.

"Kincora Copper”-ийн хувьд саяхан "High Power Exploration”-тай хийсэн хэлцлийнхээ дүнд Монгол дахь охин компаниудаа нэгтгэсэн байна. Ингэснээр Баян тал талбайн ордын хайгуулыг хийж байгаа аж. Мөн энэхүү хэлцлийн дүнд тус компани нийт 12 тусгай зөвшөөрөл эзэмших боломжтой болж байна.

Үүнээс гадна Торонтогийн Хөрөнгийн биржид бүртгэлтэй "Prophecy Development” компани мөнгө, зэсийн "Pulacayo" ордоо Швейцарьт төвтэй "Transamine” компанид худалдахаар зорьж байгаагаа мэдээлэв. Энэхүү орд нь олборлолт хийх эцсийн шатандаа ороод байгаа бөгөөд "Prophecy Development” компани Монголд Улаан Овоо эрчим хүчний нүүрсний уурхайн тусгай зөвшөөрлийг эзэмшиж байгаа юм.

Т.Элиса

Холбоо барих: elisa.t@bloombergtvmongolia.com

minjma.g@bloombergtvmongolia.com

More 492 1

Category: Мэдээ мэдээлэл