Scandal.mn

“Цалингүй” Монгол

Author: zulaa on 2-04-2018, 22:22

Архи уудаг, ажил тасалдаг гээд монголчуудаа голон хятадууд ажиллуулж байхад, сэтгэлээсээ хийдэг, сайн ажилладаг гээд солонгосчууд тэднийг нутгаасаа явуулахгүй байна.

More 311 0

Category: Гол мэдээ / Нийгэм

Монгол хүний мөн чанар устаж байна уу даа

2018/04/02

Монгол хүний мөн чанар устаж байна уу даа

Author: zulaa on 2-04-2018, 22:10

Монгол хүний мөн чанар гэдэг зүйл даяаршихын хэрээр устаж байна. Өнөөдөр монгол хүн олон боловч тэр дунд хүн чанартай хүн ховорхон болжээ.

More 359 0

Category: Мэдээ мэдээлэл / Нийтлэл

Баабар: Төрд ойртуулж болохгүй хүмүүсийн жагсаалтыг гаргая

2018/04/02

Баабар: Төрд ойртуулж болохгүй хүмүүсийн жагсаалтыг гаргая

Author: saikhnaa on 2-04-2018, 18:32

ХЭРЭЭГ "ХЭРЭЭ” Л ГЭДГЭЭС, "БҮРГЭД” ГЭЖ ӨРГӨМЖИЛДӨГГҮЙ
(Монголын Эдийн засгийн форумд тавьсан илтгэл)

Монгол улсын ДНБ 2004 оноос 2012 оны хооронд яг 10 дахин буюу мянган хувь өсчээ. Ийм богино хугацаанд эдийн засаг нь ингэж огцом сэргэх явдал ерөөс хүний түүхэнд ховор тохиолдол. Энэ нь монголчууд гэнэт ажилсаг болсон хэрэг биш, ердөө л түүхий эдийн үнэ дэлхий даяар гэнэт өссөнтэй холбоотой. Чухам үүнийг дагаад олон жил гуйж гувшаад олдохгүй байсан гадаадын хөрөнгө оруулалт огцом нэмэгдсэн юм. 2009-2012 онд ГХО даруй тав дахин нэмэгдсэн байна. Энэ нь гол төлөв геологийн хайгуулийн ажиллагаа эрчимжиж, ОТ гэрээ зурагдан хөрөнгө орж ирснээс болсон. 2011 гэхэд ашиглалтад ороогүй, бүтээгдэхүүнээ экспортолж эхлээгүй ОТ-н бүтээн байгуулалтаас орж ирэх мөнгө дотоодод эргэлдэж буй нийт мөнгөний гуравны нэгийг эзэлж байв. Австралийн нүүрсийн ордууд усанд автсанаас болж нүүрсний үнэ бараг 10 дахин өссөн үед голдуу хувийн хэвшлүүд нүүрс экспорлосноос асар их валютийн урсгал буй болов. Энэ бүхний дүнд улсын валютийн нөөц болон улсын төсөв урьд хэзээ ч байгаагүй хурдаар өсөн тус болгондоо бараг дөрвөн тэрбум доллар хүрсэн юм. Харьцуулахад 2000 онд валютийн нөөц 53 сая доллар, улсын төсөв 280 сая доллароор батлагдаж байв. Хотын төсөв гэхэд 1990 онтой харьцуулахад 100 дахин буюу 10 мянган хувиар өсчээ.

Гэнэт буй болсон энэ их баялаг, энэ их бололцоог бид сайхан найр хийгээд шавхсан. Баяжих ч амархан юм, цаашдаа ингээд л нэг их хийж бүтээсэн юмгүй байхад л хөрөнгө урсаад, гадаадынхан юмаа барьж ирээд байх аятай боджээ. Бодоод зогссонгүй, бодож олсон юмандаа өөрөө үнэмшиж гадаадынхныг дарамтлаад, хөөгөөд байвал улам улам их юм тэвэрч ирэх юм байна гэж үзэх болов. Бүтээсэн баялагийнхаа унац, ашигт бус харин дайны олзонд дассан нүүдэлчин үндэстний сэтгэлгээ л дээ. "Тунгалаг Тамир” кинонд Улаан хувьсгалч Дорж гэгч хятад пүүсийн барааг тонож "Ялсан цэргийн сүр хүч гэж энэ. Угтаа бидний юм хуваагаад авцгаа” хэмээн дүрэмдэж гардаг даа. Үүлэн чөлөөний нар шиг олдох боломжоор бий болсон тэр их баялгийг капиталист Монголын төрийг барьж байсан улаан хувьсгалч Дорж нар яг л ингэж "ялсан цэргийн сүр хүч” болгон цацсан даа.

Одоо Монгол банкны албан нөөц 60%-иар, өөрийн нөөц 150%-иар буулаа. Улсын нөөц бүрэн шавхагдсан ба өнөөдөр тулсан төлөх өр, своп болон бусдын байршуулсан мөнгийг хасаад тооцохоор огт мөнгөгүйгээр барахгүй хасах 1,5 тэрбум доллар болчихоод байна. Өнгөрсөн онтой харьцуулахад экспорт гуравны нэгээр өссөн гэж гайхуулаад байгаа ч эндээс орж ирэх ёстой мөнгөний тэн хагас нь урьд зээлсэн өрөнд явчиж буй учир валютын урсгалд нэмэрлэж байгаа юм тун хомс. Уул уурхайн хөгжлийн амин судас болсон хайгуулыг хориглосон учир гадаадын хөрөнгө оруулалт үндсэндээ зогссон. Гадаад цэвэр актив зургаан ихнаяд төгрөгөөр буурлаа. Төгрөгийн ханш жилийн дотор гуравны нэгээр унасан учир иргэдийн төгрөгт найдах итгэл үгүй болж зах зээлд долларын хэрэгцээ урьд жилтэйгээ харьцуулахад 135% өсчээ.

Валютын урсгал, Гадаадын хөрөнгө оруулалт дээд цэгтээ хүрч байсан 2012 онд ДНБ-ий өсөлт 17 хувиас дээш гарч байсан бол уруудсаар өнгөрсөн жил 6 хувь орчим гарсан. Энэ онд ДНБ-ий өсөлт гурван хувь гарна гэсэн нэлээд өөдрөг прогноз гаргаад байгаа ч мөнгөний болон төсвийн, популист арга хэмжээнүүдэд өөрчлөлт орохгүй бол хасах руу орох магадлал нэн өндөр. Нэг талаас бурханы хишиг гэлтэй түүхий эдийн үнэ огцом өссөн боломж эргээд олдох магадлал бага, нөгөө талаас нэгэнт хөөгөөд хавчаад гаргасан ГХО эргэж ирэх боломж мөдгүй учир эдийн засаг эргэж сэргэх хугацаа тун өөдрөгөөр бодоход ойрын таван жилдээ үгүй. 2017 онд урьд тавьсан өрүүдийн төлбөрийн эргэж төлөх хугацаа дээд цэгтээ хүрэх оргил үе юм. Энэ 2015 онтой харьцуулахад 2017 онд өр төлөх хэмжээ даруй зургаа дахин их байх юм. Мөнгө нь шавхагдсан уруудаж яваа эдийн засаг энэ ачааллыг даахгүй. Үүн дээр төлбөрийн чадвар сайтай байх үед тавьсан хувийн хэвшлийнхний өр олон тэрбум долларт хүрсэн, үүний хариуцлагыг ч ард нийтээр хүлээх болно. Татварын хэмжээ төгрөгөөр бодоход арав орчим хувиар буурч байгаа албан үзүүлэлт бий ч үүнийг хатуу валютад шилжүүлээд тооцохоор дор хаяж гуравны нэгээр хорогджээ. Үүний цаана хувийн хэвшлийн компаниудын орлого буурсан төдийгүй үй олноороо дампуурч буй дүр тодроно. 90 мянга гаруй компани бүртгэлтэй ч хагас нь татвар төлдөг, үлдсэн нь өөрийгөө аргалчихдаг гэсэн үг байх. Татвар төлдөг хагасын арван хувь нь нийт татварын 90 хувийг төлдөг, улс орноо тэжээж яваа тэд бараг толгой дараалан эргээд өөрийгөө даахгүй өрөнд баригдчихаад байгаа гээд бод доо. 10-25 тэрбум төгрөг татварт өгч төсөвт 151 тэрбум төгрөг нийлүүлдэг байсан 14 компани жилийн дотор 6 болон хорогджээ. 1-2 тэрбум төгрөг татварт өгдөг 34 компани 11 болон цөөрчээ. Нэгтгэн дүгнэхэд Монголын эдийн засаг хямралд орлоо гэхээсээ хэдэн жил сансарт нисч найрлаж байгаад эргээд хуучин байрандаа эгэн ирж буй эвдэрхий тэвштэй алтан загасны эмгэн шиг л юм даа. Гэвч яаж ч уруудаад түүхэндээ өлсөж үзээгүй монголын ард түмэн малыхаа буянаар турж үхэхгүй. Гэмтэй тал нь машины толь, кабель, хэрэглээний зэс, траншейний ширмэн таг хавтгайдаа хулгай хийдэг үе рүүгээ орох байх даа.

Энэ бүхний буруутан хэн бэ? Түймэр гарчихаар унтраахын оронд бүгдээрээ биенээсээ буруу хайх боллоо. ГХО-ыг хориглосон хуулийг 2012 оны V сард гардан санаачилж батлуулсан эзэн нь ядахнаа "Манай намын үед 17 % өсөлттэй байсныг танай нам 6% болголоо” гэж байн байн орилохгүй байвал зүгээрсан. Энэ бүхний буруутан бид бүгдээрээ мөн. Хэн нь ч хэнийгээ буруутгах аргагүй, сансрын найранд бүгдээрээ л оролцож цадахаараа идэж, даахаараа ууталсан. Үүнийгээ бид их багагүй бүгдээрээ эх орон, ард түмнээ бодсон сайхан санаа гэж тайлбарласан. Монголд ямар ч гэмт үйлдэл, тэрдундаа алан хядах ажиллагаа, тэрбайтугай хүн төрлөхтний эсрэг гэмт хэрэг хийсэн ч "дотроо эх орноо бодсон ариун сэдэлтэй байсан” гэдэг шалтгаанаар өршөөгддөг, сайшаалгадаг, үнэлэгддэг боллоо. Тэгэж ярьвал Гитлер ч төрлөх эх орноо цээжиндээ тээсээр 60 сая хүний аминд хүрсэн. Осама бэн Ладенийг эх орноо бодох ариун санаагүй хүн гэж бодож байна уу? Даяаршин ижилсэж буй өнөөгийн ертөнцөд бид гаж үйлдэл, увайгүй тэнэглэл, ёс журамгүй ааш, мунхаг араншин, ойлгомжгүй тогтолцоо, цагаандаа гарсан дээрэм, улаандаа гарсан луйвраараа алдаршиж ганцаардал руу явж байна. Дээрэмдэх ГХО дуусахаар улам бүр биенээ дээрэмдэх боллоо. АТГ богино хугацаанд 600 орчим эрүүгийн хэрэг үүсгэжээ гэж би хэд хоногийн өмнө бичсэнийг тэд эсэргүүцэж 600 биш, 864 гэсэн яс тоогоор заргалдах жишээтэй. Баялаг үйлдвэрлэн Монгол улсыг тэжээж байгаа компани хүмүүсийн нийт тоонд харьцуулахад аль нь ч байгаад ихэдээд л байна даа. Одоо АТГ-ээс гадагш гарах хөлийг нь хорьсон гадаадын 54, дотоодын 200 орчим иргэн байгаа. Гадны хэвлэлүүдэд "Хотел Монголиа” гэсэн нэршил гарах болсон нь хөрөнгө оруулагчдад хандаж байгаа Монголын араншинг илтгэж болгоомжлуулж байгаа юм. Аль ч орон төрөө бэхжүүлэхэд анхаардаг бол бид улам бүр төрөө самарч тоглох боллоо. Ганц жишээ хэлье. Эрүүл өвчтэйг нь ялгахад бэрх нэгэн засаг солигдоход ганц жилийн сайд болоод авлаа. Тамгаа хүлээн авахтай зэрэгцэн ганц өдрийн дотор яамныхаа 34 ажилтныг халсан нь тус яамны нийт ажиллагсадын бараг 40 хувь болсон байна. Аль ч төр төрийн аппаратан дээр тогтдог болохоос сайд нэрээр түр ирсэн аль нэг бүлэглэлийн дээрэмчин төлөөлөгч дээр тогтдог юм биш. Төрийг бүлэглэн дээрэмдэх тонох луйвардах ажиллагаа улс даяар хавтгайрлаа, хямран дордох тусам энэ нь улам гаарах болно. Фракц, бүлэглэл, ТББ, эх орончид, улстөрийн нам зэрэг нэр зүүсэн хожмын хариуцлага хүлээхгүй дээрэмчид луйварчид төрийн шийдвэр гаргах эрх мэдлийг атгаж түр хугацааны ашигийн төлөө Монголын төрийг золиослон улс орныг самарч дуусч байна. Улс орны амин чухал шийдвэрийг эцсийн бөлөгт хэн гаргаж байгаа, хэний шахалтаар хууль болон боловсорч байгааг эрх биш эрүүл саруул ухаантай нэг нь эргэцүүлж нэг хараасай билээ.

Өнөөгийн бизнесийн ертөнцийн томоохон хар ангал болсон сүрдүүлэгчид, ард түмний нэрээр дарамтлагчдын армийг манай бизнесийн ертөнцийнхэн өөрснөө л бүтээлцсэн. Тэд тэнгэрээс унаагүй, эрэг гуунаас ургаагүй. Тендерт шалгарсан нэгнээ хорлон унагааж төслийг нь булаах, бизнесийн өрсөлдөгчөө буулган авах, улс төрийн өрсөлдөгчөө гутаан унагах замаар өөрийн нэр хүндийг өсгөх ажлын хүрээнд бүтээсэн үр могойнууд чинь томроод аймаар аймаар "завр”-ууд, франканштайн болчихсон хэрэг. Хайгуулын лиценз булаалдахдаа бүтээсэн байгаль хамгаалах сэдэвтэй хөдөлгөөнүүд чинь өнөөдөр өөрөө ч хайгуул хийлгэх боломжгүй болгоод байгааг харж байгаа биздээ. Эсэргүүцлийн хөдөлгөөнүүдийн үйл ажиллагаа улам тансаг болж үнэтэй жип хөлөглөх нь энүүхэнд болсон, удахгүй нисдэг тэрэгтэй жагсан жижиг оврын цөмийн зэвсгээр сүрдүүлдэг болох байх. Тэгэхээр энэ тэжээсэн динозавраа өөрснөө л учрыг олж, угсарсан франканштайнаа өөрөө л задлан буулгахаас өөр замгүй. Замгүйгээр барахгүй гарцгүй, үргэлж өлсгөлөн тэр мангас маргааш чамайг өөрийг чинь залгина.

Таван жилийн дараа гэхэд эдийн засгаа эргэж сэргээж эхлэхийн тулд өнөөдрөөс суурийг нь тавих хэрэгтэй. Зүгээр л таван жилийн дараа эргээд болчихоно, нүүрс дахиад үнэд орно гэж хүлээвэл бид улам л дордоно. Юун түрүүн ард түмнээ гэгээрүүлж ухамсарлуулна гэдгээс ажлаа эхэлмээргүй байна, учир нь энэ нь урт хугацаа шаардсан түүхэн процесс. Иймээс энэ асуудлыг юун түрүүн баялаг үйлдвэрлэж энэ орныг тэжээж буй хувийн хэвшлийнхнээс эхлэх саналтай байна. Олон жилийн туршид улс орныг хорлож байгаа луйварчин дээрэмчид чухамдаа баялаг үйлдвэрлэгчдийн хөрөнгө мөнгөөр ингэж гаарч байгаа. Чухамдаа та нар санхүүжүүлээгүй бол, та нар мөнгийг нь төлөөгүй бол, та нар өдөөн хатгаагүй бол, та нар тухираагүй бол эд Монгол орныг маань сүйтгэх шийдвэр гаргагчид болохгүй байсан. Эмнэлэгийн хараанд байх ёстой хүмүүс, ертөнцийн тухай дундад зууны ойлголттой тонуулчид, бичиг үсэггүй дээрэмчид, сүүлдээ бүр алан хядагчид Монгол орны төр нийгэм улс төрийн шийдвэр гаргагчид болон өсөн дэвжсэн нь чухамдаа та нарын буруу. Та нар гэдэгт би юутай ч улсад бүртгэлтэй 90 гаруй мянган компани, хувийн хэвшилд ажиллаж буй хэдэн зуун мянган ажилтан ажилчид, төрийн үйлчилгээний салбарт ажиллаж буй 100 мянган шударга ажилтныг хэлж байна. Та нар гэдэгт би энэ орныг тэжээж байгаа татвар төлөгч иргэдийг хэлж байна. Та нар гэдэгт би төрийн шийдвэр, хууль, тогтоол, хүнд суртал, авилга, сүрдүүлгээс болж хохирсон, дампуурсан, ажил төрөлгүй болсон иргэдийг хэлж байна.

Юун түрүүн төрийн авилга, сүрдүүлэг, хүнд суртал болон хөгжлийн эсрэг хууль тогтоолоос болж дампуурсан, ажилгүй болсон, хохирсон иргэд болон компаниуд бүртгүүлцгээе. Чухам хэний санаачилсан, хэний дарамталж буй болгосон хууль тогтоомжоос болж яаж хохирсон, үүнээс болж хичнээн хэмжээний мөнгө алдсан, хичнээн боломжоо алдсан зэргээ тооцоцгооё. Үүнээ нэгтгэн Худалдаа үйлдвэрийн танхимд аваачиж өгье. ХҮТ нь ажил олгогчдын татвараар амьдардаг учир тэднийгээ өмгөөлж хамгаалж байх үүрэгтэй байгууллага. Гэтэл ингэж байхыг нь сүүлийн 25 жилд хэн ч олж хараагүй, сонсоо ч үгүй. Харин ч эрх баригчидтай нийлэн тэднийгээ гадуурхаж байсан олон тохиолдол бий. ХҮТ-ын шинэ дарга Лхагважав нь шудрага хүн. Түүнийг энэ ажлыг удирдан зохион байгуулж манай нийгмийг бөөс хуурснаас нь салгахад оройлон оролцоно гэдэгт найдаж байна.

Дээрэмчин луйварчдаас салах ажил тэднийг хөөн зайлуулснаар дуусахгүй. Тийм адгийн шаар, хувалзнууд төрдөг савыг цэвэрлэж, үр хөврөл бүрэлдсэн даруйд нь аборт хийхгүй бол үүдээр гарсан нь тооноор, тооноор буцаасан нь тотгоор орж ирээд дахин дахин төрнө. Тэдний үлдээж байгаа хамгийн жигшүүртэй хар мөр бол "ингэж болдог юм байна”, "ингэсэн нь хождог юм байна” гэсэн төөрөгдлийг шинэ үеийн гэнэн томоогүй залууст үлдээж буй явдал. Ийм төөрөгдөл нь хойч үеэ хорт хавдартай төрүүлж байгаагаас өөрцгүй аюул юм.

Ийм бүртгэл явуулсны үр дүнд бидэнд төрд ойртуулж болохгүй хүмүүсийн жагсаалт гараад ирнэ. Үүнийг хавтгайруулах, нүдэндээ эвгүй харагдсан болгоныг дарамтлах гэсэн увайгүй оролдлого зэргээс сэргийлэхийн тулд энэ ажиллагаа ил тод, сайн зохион байгуулалттай явагдах ёстой. Дээрэмчин луйварчдыг төрөөс холдуулах ажиллагаа мэдээж хойтонгийн сонгуулиар гараагаа авах юм. Чөлөөт ардчилсан Монгол улсад хүчирхийлэл хэрэглэлгүйгээр хэн ч өөрийн эсэргүүцлийг илэрхийлэх эрхтэй, тэр байтугай өнөөгийн хямралт үед бол тийм үүрэгтэй. Төрд ойртуулж болохгүй хүмүүсийн жагсаалтаа гаргаад сонгуулийн үеэр тэднийг сонгохгүй хөдөлгөөн өрнүүлнэ гэсэн үг. Үүнд асар их зардал орно, үүнийг манай ажил олгогчид, хувийн хэвшлийн компаниуд өлхөн даана. Өнөөдөр үүнд гаргасан мөнгө нь маргаашийн тайван амьдралын, хуулийн дотор чөлөөтэй амьсгалах бололцооны баталгаа болно. Бид сайн хүмүүсийн биш муу хүмүүсийн жагсаалт гарган тэдний өмнө төрийн хаалгыг ямар ч хүчирхийлэлгүйгээр тас хаана гэсэн үг. Үүнийг манай ард түмэн, тэрдундаа төрийн удирдлагад буй муу хүмүүсийг байнга шүүмжилж байдаг олон нийтийн мэдээллийн хэрэгслэлүүд дэмжинэ гэдэгт итгэж байна. Сайны хүч муугийн хүчээс үргэлж илүү байдаг, даанч зохион байгуулагдахдаа маруухан гэж суут Достоевский хэлсэн байдаг юм. Нийгмийн баялагийг бүтээж улс орноо тэжээж яваа сайн хүчин нь хувиа бодсон, шуналаа сайхан үгээр далдалсан цөөн тоотой муу хүчиндээ байнга дээрэлхүүлж хүчирхийлүүлж нурнайж явж болохгүй. Энэ бол юутай ч та бидний эх орон, энэ орны цаашдын ирээдүйд хүн болгон санаа тавих үүрэгтэй.

Одоо эргээд эх орон, төр, нийгэм, эдийн засгаа хар даа. Найман зууны тэртээх овог аймгуудын алалдаан арай боловсронгуй түвшинд гарч нам бүлэг хоорондын тулаан, гадаад дипломтой жамухуудын урвалт, булган дах нэхсэн тоорилуудын явдал л байгаа биз дээ. Олсноо дор нь хэрэглэж барах нь нүүдэлчний араншин. Учир нь ачаа бараагаа үргэлж хөнгөлөн, байгаагаа хэрэглэж дуусгах нь байгалаас тэдэнд тулгасан нөхцөл. Монголын улс төр, нийгэм эдийн засгийн тогтоцын бүхий л гажиг бидний нүүдэлчнээрээ үлдсэн сэтгэлгээнээс эхтэй. Бид XXI зуундаа зангиатай хоньчин, жийнстэй үхэрчин, баантигтай ямаачин, лүй вьютонтой тарвагачин, орон сууцтай бадарчин байгаа учраас хүний түүхийн шинэ эринд бүтээн босгож, хөгжиж чадахгүй байна. Дундад зууныхан шиг энэхүү манай шинж нь эд баялагт хандах үрэлгэн түйвээнч байдал, үндэстнийхээ нийтлэг эрх ашигт зохицох чадваргүй араншин, өөр санаа бодлыг тэсвэрлэн хүлцэх чадваргүй омогтой зан, муу юмыг дальдрахгүй хийдэг атлаа зөв алхам хийхээс хулчийдэг бэртэгчин чанар дээр тод харагдана. Нүүдэлчид юмыг нэг удаа аргалаад өнгөрөөх сэтгэхүйтэй байхад суурин иргэд юмыг нэгмөсөн шийдээд шийдээд явчихдаг хандлагаараа ялгардаг.

Нэмж хэлэхэд, дээр дурьдсан энэ дээрэмчин авирыг популизм, популист гэхчлэнгийн гадаад нэрээр нэрлэхгүй байхыг гуйж байна. Популист гэдэг бол ард түмэн эх орноо бодсон алдартай сайн хүнийг нэрлэдэг гээд ойлгочихсон, бүр хөөрчихсөн тунхаглаад явна, цаадуул чинь. Хэрээг "хэрээ” л гэдэг болохоос өргөмжлилж байгаа нь гэж "бүргэд” гэдэггүй биз дээ.

2015.04.02
Төрийн ордон.

More 316 0

Category: Гол мэдээ / Улс төр

ЕСҮС ХЭЗЭЭ Ч БАЙГААГҮЙ ГЭЖ БАТАЛЖЭЭ

2018/04/02

ЕСҮС ХЭЗЭЭ Ч БАЙГААГҮЙ ГЭЖ БАТАЛЖЭЭ

Author: saikhnaa on 2-04-2018, 17:11

Хүн төрөлхтөнд хамгийн их түгсэн, нөлөө бүхий хоёр шашины нэг нь Христийн шашин юм (нөгөө нь Исламын шашин). Христийн шашин МЭ I зуунд өнөөгийн Израйлын нутагт үүсчээ. Түүхчид энэ шашныг үндэслэгч Есүс нь МЭ I зууны эхээр амьдарч байсан түүхэн бодит хүн гэж үздэг бөгөөд уг шашны номлол нь Есүсийн өмнө, хойно бичигдсэн Библи сударт үндэслэсэн байна.

Гэвч, энэ сарын 1-нд Их Британийн "Dailymail” сонинд Христийн шашныг үндэслэгч Есүс нь түүхэнд огт байгаагүй гэдгийг баталсан нэгэн шинэ номын талаар мэдээлэв. Саяхан хэвлэгдсэн "Дөлгөөн мессиа үгүй: Христийн шашны худал хуурмаг, хууль, өв” (No meek messiah: Christianity’s lies, laws and legacy) хэмээх номонд МЭ I зууны эхээр Есүс гэдэг хүн амьдарч байгаагүй гэдгийг баталжээ. Номын зохиогч Михайл Полкович эртний 126 түүхэн эх сурвалжыг судалж үзээд, тэдгээрт Есүс Христийн тухай дурдсан мэдээ байхгүй байгааг олж мэдсэн бөгөөд Есүс бол хожуу үед зохиогдсон цэвэр домгийн дүр гэж үзсэн байна. Полковичийн үзэж буйгаар, хэрэв Есүс бодитоор оршиж байсан бол тэдгээр сурвалжид түүнийг дурдах ёстой юм.

Бидний мэдэхээр, Есүс нь Ромын эзэнт гүрний үед МЭӨ 7-оос МЭ 30 оны орчим амьдарч байсан еврей хүн билээ. Харин, Полкович энэ үед Есүс амьдарч байсан гэх түүхэн баримт олоогүй гэдгээ хэлсэн байна. Тэрээр Есүс амьдарч байсан гэж үздэг үеийн болон түүнээс хойшхи 300 жилийн хугацаанд бичигдсэн 126 эх бичвэрийг судалж үзээд, Есүс амьдарч байсан гэх бодит баримт олоогүй ажээ. Тэрээр Ромын эзэн гүрний үеийн түүхч Иосиф Флавийн бичсэн нэг номонд Есүсийн тухай ганц удаа дурдсаныг олсон боловч, үүнийг хожим нэмж бичсэн зүйл гэж өгүүлсэн юм.

Михайл Полкович өөрийн түүхэн судалгаанд үндэслэн Есүс бол хожуу үеийн Христийн шашин дэлгэрүүлэгчдийн түгээсэн домгийн цэвэр зохиомол дүр, "тэр хэзээ ч байгаагүй” гэж баталсан нь ихээхэн шуугиан дэгдээгээд байна. Мэдээж, түүний судалгаа Христийн шашинтнуудын зүгээс эсэргүүцэлтэй тулгарчээ.

Эх сурвалж: www.gashuun.mn

More 570 0

Category: Сонин хачин

Хотын дарга С.Батболд Хятад түншүүддээ 42 сая долларын гүүрэн замын ажил өгөхөөр улайр ч байна

2018/04/02

Хотын дарга С.Батболд Хятад түншүүддээ 42 сая долларын гүүрэн замын ажил өгөхөөр улайр ч байна

Author: saikhnaa on 2-04-2018, 16:41

Нийслэл хотын түгжрэлийг бууруулна, үүний тулд Замын цагдаагийн уулзвар дээр давхар гүүрэн зам барина, гүүрийг 47 сая ам.доллараар хийнэ гэсэн хотын даргын бодлого асар их шүүмжлэл дагуулж байна.

1-р хувилбар зам хаахгүй, өртөг нь 4 сая доллар. Дотоодын ажил гүйцэтгэгчид хийх боломжтой.

2-р Замын цагдаагийн авто замыг 1.6 жил зам хаана, дугаарын хязгаарлалт хийнэ, өртөг нь 42 сая доллар…МАН-ын хотын дарга С.Батболдын Хятад түншүүд хийнэ гэсэн

Энэ асуудал нэлээн хурцаар тавигдаж байгаа. ЕТГДарга З.Энхболд

цахим хуудасаараа мэдээлээд авсан.

Мөн цахим хэрэглэгч БАТКА энэ шийдвэрээ ийм болговол БРАВО БАТБОЛД болох гээд байна гэдэг саналаач бас хэлсэн нь цахим орон зайд энэ санал нэлээн өндөрөө авч трэнд болсон юм.

Замын цагдаагийн уулзварт уг гүүрээ барихын тулд 1.6 жил зам хаана гэх. Үүний сацуу урагшаа 8 түр гарц нээх тухай ч ярьж байна.

Энэ бүхэн төмөр замаас урагшаа буюу Богд уулын амууд, Туул голын хөндийгөөр хууль бусаар баригдсан орон сууц, хаусуудад амьдардаг хүмүүст л чиглэсэн.

Тэднийг хотын төв рүү саадгүй, түжрэлгүй орж ирэхэд зориулагдсан бодлого гэдэг нь илт. Түүний энэхүү бодлогыг НИТХ-ын гишүүд түүн дундаа МАН-ынх нь генсек хүртэл эсэргүүцэж байгаагаа илэрхийлсэн билээ.

Үнэндээ нийслэлийн 1.3 сая иргэд, оршин суугчдын хувьд 32-ын тойргоос хойших бодлого, тэндэхийн утаа, тоос, хөрсний бохирдлыг шийдэх нь амин чухал асуудал.

Манай хотын дарга нар Нийслэлийн төр захиргааг Яармаг руу нүүлгэхээр шийдвэрлэснийг ч хотын ихэнх иргэд ойлгохгүй байгаа. Наад зах нь хотын захиргаа нүүж очих газарт очиж бичиг баримт бүрдүүлж, ажил хөөцөлдөхийн тулд очиход хэтэрхий холоос эхлээд асуудал бий.

Уг нь С.Батболдын өмнөх хотын дарга Э.Бат-Үүл нийслэлийн захиргааг Баянхошуу руу нүүлгэх шийдвэр гарган шав тавьж байсан билээ. Энэ нь хамгийн их бохирдол, утаа ихтэй бүсийн иргэдийн хувьд гэрэл гэгээтэй мэдээлэл байсан.

Харин урагш агаар сайтай гэгдэх дэлхийн хамгийн эртний Дархан цаазат Богд хан уул, хотынхны усны эх үүсвэр Хатан Туулын эрэг хөвөөнийхөн рүү чиглэсэн хотын одоогийн бодлого ийнхүү шүүмжлэл дагуулахаас аргагүй бас нэгэн сэдэв болоод байна.

Мөн "Аз жаргалтай гэр бүл” хөшөө босгохоос өөр нийслэлийнхээ иргэдийнхээ төлөө нүдэнд харагдаж, гарт баригдах ажил хийгээгүй мөртлөө хятадуудыг дэмжиж тэдэнд хөрөнгө оруулалт хийж байгаа нь иргэдийн ундуйцалыг ихээхэн хүргэж байна. Засгийн газрын удирдлага хүртэл түүнийг удаа дараалан загнаж явсан. Нийслэлийн сонгуульд хуруугаа ч хөдөлгөөгүй нийслэлийн дарга болж олон ахан дүүсээ албан тушаалтай болгосон байгаа нь журмын нөхдийн дургүйцлийг бүр ихээр дэвэргэж байгаа.С.Батболдыг 2020 оны сонгуульд Нийслэлийн МАН–ыг ялагдуулах ажлыг хийгээд яваа гэж нам дотор шуум тарсан сурагтай сонгууль дөхөөд оффшор авилгын асуудал илэрч эхлэх бий дээ.

С.Болд

http://www.tusgaar.mn/49292

More 321 0

Category: Гол мэдээ / Шар мэдээ

МИАТ-ын томилгоо тойрсон бужигнаан

2018/04/02

МИАТ-ын томилгоо тойрсон бужигнаан

Author: saikhnaa on 2-04-2018, 16:00

Салбарын сайд Ж.Бат-Эрдэнэ МИАТ нэртэй төрийн саалийн үнээг хувьчлана гэж албан ёсны байр сууриа илэрхийллээ. Салбар яамны сайдын энэхүү албан мэдэгдлийг МИАТ-ынхан Засгийн газрын байр суурь гэж хүлээн авч бужигнаж эхэлжээ. Ж.Бат-Эрдэнэ сайд МИАТ-ын хувьчлалын асуудлыг хөндөхдөө 676 ажилтан, 160-аад ажилтан гэрээгээр ажиллуулдаг МИАТ гэдэг айлын зардлыг танана, санхүүгийн сахилга баттай байлгана гэсэн нь тус компанийн 1000 орчим ажилчдыг хоногийнхоо хоол, сарынхаа талхнаас салчихвий гэсэн айдаст автуулаад байна.

Олон Засгийн нүүр үзэж тэр хэрээрээ халаа сэлгээ, улстөржилтийн бай болон сонгуулийн дөрвөн жилд ажлын байраа хадгалж үлдэх тэмцэлд өртдөг МИАТ гэдэг айлд шинэ сайдын хатуухан халаа сэлгээ үргэлжлэх нь. "Хатуухан” гэж онцолсон учир нь шинэ сайд "Миний халаасанд МИАТ-ын шинэ даргын нэр бэлэн байгаа. МИАТ-ын даргын томилгоонд Засгийн газрын тэргүүн оролцохгүй гэж найдаж байгаа” гэж саяхны өдөр тутмын сонинд өгсөн ярилцлагадаа онцолсон нь У.Хүрэлсүхийн танхимд Ерөнхий сайддаа "салаавч” өгч чадах хоншоортой сайд стратегийн чухал ач холбогдолтой яамны сайдын зөөлөн сэнтийд тухалсныг харуулсан.

Эх сурвалжийн мэдээлж байгаагаар Ж.Бат-Эрдэнэ сайд МИАТ-ын даргаар сангийн төрийн нарийн бичгийн даргаар ажиллаж байсан Д.Баттөр гэдэг нөхрийг зүтгүүлж байгаа бөгөөд Н.Алтанхуягийн танхимд багтаж явсан тэрээр Ч.Улааныг МАХН-д байхад туслахаар нь ажиллаж байжээ. Олон намд нүүртэй экс төрийн нарийн бичгийн даргын шинэ томилгоо У.Хүрэлсүхийн ширээн дээр гацаад байна. Зарчим, шударга ёсны төлөө хатуу тэмцдэг Засгийн газрын тэргүүн салбарын сайдын саналаар МИАТ-ын даргын томилгоог хийх нь зарчмын байр сууринаасаа ухарсан хэрэг болох учраас ийнхүү гацаанд орсон бололтой. Засаг солигдох бүрт хөндөгддөг МИАТ-ын хувьчлалыг У.Хүрэлсүхийн танхим зориглон хийх эсэхийг цаг хугацаа харуулах бөгөөд МИАТ нэртэй төрийн саалийн үнээг хувьчлах ажил МИАТ-ын шинэ даргын халаа сэлгээний араас хүчээ аван өрнөх нь нэгэнт тодорхой болоод байна. Салбарын сайдын МИАТ-ын хувьчлалтай холбоотой байр суурийг хүргэх зорилгоор ярилцлагыг товчлон хүргэе.

Ж.БАТ-ЭРДЭНЭ: "МИАТ”-ИЙН ЗАХИРЛЫГ СОЛИХОД МИНЬ ЕРӨНХИЙ САЙД НӨЛӨӨЛӨХГҮЙ

УИХ-ын гишүүн, Зам тээврийн хөгжлийн сайд Ж.Бат-Эрдэнэтэй ярилцлаа.

-Цалингийн талаар өмнө нь нэлээд дуулиантайгаар мэдээлж байсан. Та энэ талаар ямар арга хэмжээ авах вэ?

-Би ямар ч байсан эхний ээлжид 'МИАТ' ТӨХК-ийн захирлыг солих гэж байна. Энэ томилгоонд битгий улстөржиж хандаарай. Надад ямар нэгэн шахалт битгий үзүүлээч гэдгийг энэ ярилцлагаараа дамжуулаад хэлчихье.

-Жишээ нь Ерөнхий сайдтай зөвшилцөхгүйгээр, байр суурийг нь сонсохгүйгээр өөрийнхөөрөө томилгоо хийж чадна гэдэгтээ итгэлтэй байна уу?

-Би чадна гэж бодож байна. Нөгөөтээгүүр энэ бол '60 тэрбумын албан тушаалын наймаа байдаг' гэдэг гүтгэлгийг няцаах, бодит байдлаар харуулах том боломж гэдгийг хаана хаанаа мэдэрч байгаа болов уу гэж бодож байна.

-Ийм гүтгэлгийг няцаах таны сонголт бас сонирхол татаж байна. 'МИАТ' ТӨХК-ийн даргаар мэргэжлийн хүн томилох уу эсвэл сайн менежер томилох уу гэдэгт ч өрөөсгөл хандаж болохгүйг өнгөрсөн хугацаанд харлаа шүү дээ?

-Надад товлосон хүн бий. Нуух шаардлагагүй. Сонголтын хувьд яг тантай санал нэг байна. Нэгдүгээрт, мэргэжлийн байх нь зөв, хоёрдугаарт, зөв сэтгэлтэй, зөв сэтгэхүйтэй байх ёстой. Энэ олон зардлыг танахад надтай гар, сэтгэл нийлж, зоригтой ажиллах хүн хэрэгтэй байна.

-Улстөрчтэй ярьж байна гэж үзэж шулуухан асууя. Таны ярианаас 'МИАТ'ТӨХК-ийн одоогийн удирдлага улстөржиж ажиллаад байна гэж ойлгогдлоо. Зөв үү?

-Та өөрөө мэдэж байгаа шүү дээ. Одоогийн удирдлага улстөржиж байна. 'МИАТ'-ын удирдлага солигдох сургаар бие биеэ хэвлэлээр бичилцээд зөндөө л юм боллоо шүү дээ.

-Ерөнхий сайдыг томилгоонд оролцохгүй гэдэгт яагаад ийм итгэлтэй байгаа юм бэ?

-Яагаад гэвэл Ерөнхий сайд өөрөө энэ салбарт шинэчлэл хийх, тансаглал, үрэлгэн байдлыг хязгаарлах, тал тохой татах, албан тушаалын "шахаа” гэгчтэй тэмцэх хүсэлтэй байгаа учраас дэмжинэ үү гэхээс санал зөрөх шалтгаангүй. Тиймээс надад өөрийнхөөрөө ажиллах боломж олгож "МИАТ”-ийн захирлыг солиход минь нөлөөлөхгүй гэдэгт итгэлтэй байна.

-Ч.Сайханбилэгийн Засгийн газрын үед 'МИАТ' ТӨХК-аас их хэмжээний мөнгийг нэр бүхий банкууд руу, хэн нэгэн сайдын тушаалаар шилжүүлсэн явдал удаа дараа гарч байсан. Ийм хэмжээний алдаа завхрал давтагдсан байдал танд мэдэгдсэн тохиолдол бий юү?

-Би зориуд тус компанийн санхүүг шалгаж мэдсэн зүйл одоогоор үгүй. ТӨБЗГ-аас шалгалт хийж эхэлсэн. Шалгалт дуусч байгаа, дүн мэдээг ТӨБЗГ танилцуулах байх. Яамнаас гол анхаарахасуудал нь аюулгүй ажиллагаа, зөв менежментээр явж байгаа эсэх тухай болоод байна.

-Ярилцсанд баярлалаа.

Эх сурвалж: Төр.мн

More 385 0

Category: Гол мэдээ / Нийгэм

Тоймч Б.Дашзэвэг шоронгоос шүлэг илгээжээ

2018/04/02

Тоймч Б.Дашзэвэг шоронгоос шүлэг илгээжээ

Author: saikhnaa on 2-04-2018, 15:21

Олон улсын тоймч Б.Дашзэвэгт Чингэлтэй дүүргийн Эрүүгийн хэргийн анхан шатны шүүх хурлаар насанд хүрээгүй хүн хүчиндэхээр завдсан хэргээр есөн жилийн хорих ял оноосон. Түүнд Эрүүгийн хуулийн ерөнхий ангийн 2.8 дугаар зүйлийн 1 дэх хэсэгт заасныг журамлан Эрүүгийн хуулийн тусгай ангийн 12.1 дүгээр зүйлийн 4 дэх хэсэгт зааснаар 9 жилийн хорих ял оноож, жирийн дэглэмтэй хорих ангид эдлүүлэхээр шүүхээс тогтоосон. Хүчин хийсэн хүнийг нь бариад хорихгүй байж хүчих хийхийг завдсан түүнийг маш хурдан бариад аавын хаалга татуулчихсан. Тэрээр төрсөн дүүгээрээ дамжуулан яруу найрагч Р.Эмүжинд шүлэг бичсэн захидлаа хүргүүлжээ. Р.Эмүжингийн хувьд түүнийг алдаж онох үед нүүр, номоороо дамжуулан сэтгэцийн өвчтэй, үүнээс болоод ийм хэрэг хийсэн байж магадгүй хэмээн бичиж байсан юм. Тэрбээр захидалдаа ийнхүү хаягалжээ.

Хүүхдүүддээ…

Өнгөрсөн хойно минь

Өөнтөглөж муучлах хүн

Өдрийн од мэт цөөн шүү, хүү минь

Аав чинь арчаагүй хүн байсан гэж

Адлаж хэлэх хүн олдохгүй ээ, охин үр минь

Магтаалын минь үргэлжлэл

Магад та нар шүү

Сэтгэл зүрхний минь үргэлжлэл

Сэмэрч үлдсэн үрс минь шүү.

Төрсөн нутагтаа үлдээх шүлэг…

Хашхирахад хад чулуу нь

Дуу хоолойг минь шингээж үлдсэн

Өндөр өндөр уулсын орой

Өөрийг минь өлгийдсөн нутаг…

Булууны минь яс

Бурхан буудайд ивээс болно

Тоймчийн овооны чулуунд

Тойгны минь яс өнгө нэмнэ…

Ээж хайрхан энэхэн хүүгээ санаад

Нэгэнтээ өндөлзөнө

Төгрөг нуур нулимс болж

Нэгэнтээ мэлтэрнэ

Тосонгийн тал цээжээ агшаан

Нэгэнтээ санаа алдана…. Б.Дашзэвэг гэжээ.

Эх сурвалж Шуурхай.мн

More 327 0

Category: Гол мэдээ / Хүмүүс

Хүчирхийллийн эсрэг дуу төрлөө

2018/04/02

Хүчирхийллийн эсрэг дуу төрлөө

Author: saikhnaa on 2-04-2018, 14:47

Нийгэм даяар сэтгэл сэрдхийлгэм хүүхдийг хүчирхийлэх хэргүүд шил шилээ даран гарсаар байна. Үүний эсрэг манай урлаг, соёлынхон дуу хоолойгоо нэгтгэж байна. Дуучин A Cool, Ice Top хамтлаг нар хамтран хүүхдийн хүчирхийллийн эсрэг "Бүүвэй, Бүү ай" хэмээх уран бүтээлээ гаргасныг та бүхэнд толилуулая. Энхрий бяцхан үрс минь Бүү ай, Бүү ай...

More 358 0

Category: Урлаг

БҮГДЭЭС НЬ АСУУХ ХЭРЭГГҮЙ ЗҮЙЛ Ч ГЭЖ БИЙ

2018/04/02

БҮГДЭЭС НЬ АСУУХ ХЭРЭГГҮЙ ЗҮЙЛ Ч ГЭЖ БИЙ

Author: saikhnaa on 2-04-2018, 14:29

Цаазын ялыг сэргээх асуудлаар иргэдээс санал асууна гэнэ. Иргэдийн бараг 80 хувь нь сэргээе гэх болно. Ойрын зайндаа тэр нь зөв, шударга, үнэн харагдаад байгаа нь тэр. Бас кайфтай. Зарим асуудлаар бүгдээс нь саналыг нь асуух хэрэг байдаггүй юм.
-
Жишээ нь, Япон, Солонгос иргэдээс Америктай түншлэх эсэх асуудлаар саналыг нь асуувал аягүй бол үгүй гэх хариулт 51 хувь болно. Гэвч эрүүл ухаан, мэдлэг гэж зүйлд ач холбогдол өгдөг газарт тийм тэнэг зүйлээр бүгдээс нь саналыг нь авна гэж өвчигнөдөггүй юм шиг байгаа юм.
-
Саналыг нь асуучихвал 51 хувь нь үгүй гээд хэлчихлээ гээд хөрөнгө оруулалт, ноу-хаугаар нь улсаа сэргээж, үгүй гэгчдийн цалинг ч багадаа 1 мянган долларт хүргэсэн тэр амжилтаасаа ухрах болдог юм. Газарт унасан ганц ширхэг будааг булаалдаж заамдалцахдаа хүрэх болно гэдгээ тэр газрын арай илүү эрүүл ухаантай цөөнх мэдээд байх шиг байгаа юм.
-
ҮХ гэгчийг өөрчлөх эсэхийг бас бүгдээс нь асууна гэж өвчигнөөд байгаа ч бас яг энүүн шиг тэнэглэл. ҮХ гэгчийг өөрчлөхгүй гээд байгаа хүмүүс бол өнгөрсөн жилүүдэд тэр хогны буянаар хамгийн их хожлыг авсан тэр хэсэг бүлэг л байх болно. Нийтэд нь бол тэр ҮХ гэгчээс хожил бараг очоогүй. Энүүнд элдэв өнгийн шантаажчин сүрдүүлэгч нар ч багтана.
-
Өнөөдөр нэг баярт үйл явдал болж.
-
Киноний орчуулагчдын үгээр бол хараал идсэн хар өгзөгт Баярцогтыг нь баривчилж. Манай үнэнч шударгын туйлуудын ганц бах нь ханаж байгаа гэдэгт би эргэлзэхгүй байна. Тэр мэдээний доорх комментуудыг харахад инээдтэй. Одоо Дубайн гэрээний Сайханбалагийг, С. Баярыг, Зоригт өөр хэн хэнийг ч гэнэ вэ баривчил гэчихэж. Хэнийг баривчлахыг, хэнийг гэм буруутайг комментчид мэддэг болчихвол шударга ёс гэж зүйл энэ улсыг бүр тойроод арилж өгнө.
-
Хар масс, комментчидын захиалгаар хүн баривчлаад байх юм бол хаосын байдал үүснэ. Эхнэрийг нь тэврэхийн тулд нөхрийг нь эсэргүү гэж ольж матаад шар хаданд буудуулчихдаг тэр үе сэргэх болно.
-
Тэднийг авилга авсан байж болохыг үгүйсгэхгүй, тэднийг олигтой улс биш гэдгийг ч би үгүйсгээгүй. Гэсэн хэдий ч баривчлах эсэхээ тэр хууль, шүүх нь өөрсдөө л шийдэг. Комментоор шийдэх хэрэггүй л гэж бодоод байна.
-
Бас зарим нэг нийт олондоо тустай зүйлийг бүгдээс нь асууж шийдэх ч хэрэг байхгүй. Тэгээд байх юм бол ухаан бодол гэж зүйлийн хэрэг үгүй болно.
-
Би хэлээд байдаг даа, хошногоны цагаан махыг яаж тайрахыг бүгдээс нь асуудаггүй биз дээ гэж. Юм бүрт эрэмбэ гэж бий, тэрэндээ таарсан тухай тухайн салбарын мэдлэгийн орчин ч гэж бий.
-
2018-04-02

Badam Purev

https://www.facebook.com/photo.php?fbid=1800898386628115&set=a.562355700482396.1073741828.100001239146172&type=3&theater

More 399 0

Category: Гол мэдээ / Нийгэм

С.БАЯРЫН УУГАН ОХИН Б.НАНДИН АНУ-ЫН ИРГЭНШИЛТЭЙ БОЛЖЭЭ

2018/04/02

С.БАЯРЫН УУГАН ОХИН Б.НАНДИН АНУ-ЫН ИРГЭНШИЛТЭЙ БОЛЖЭЭ

Author: saikhnaa on 2-04-2018, 14:22

Оюутолгойн гэрээг байгуулж, алдаа эндэгдлийг амь нас, толгойгоороо хариуцна хэмээн хэлж байсан Ерөнхий сайд асан С.Баярын ууган охин Б.Нандингийн талаархи мэдээлэл тун хомс. Түүнийг АНУ-ын иргэншилтэй гэх зүйл л тодорхой байдаг. Тэгвэл дэлхийд данслагдсан томоохон ордын гэрээ хийгдсэний дараа түүний аав С.Баярын бие гэнэтхэн чилээрхэж, албаа өгсний дараагаар дуулиан дэгдэж, оффшор бүсэд данстай, АНУ-д долоон хаус, сая доллар угаасан гэх асуудал өрнөсөн. Энэ цагаас Б.Нандингийн нэр дуулдсанаар бага сага мэдээллүүд хөвөрсөн билээ. Б.Нандинтай холбоотой баримтуудыг та бүхэндээ хүргэж байна.

Баримт 1.Монгол Улсын Ерөнхий сайд асан С.Баярын ууган охин Б.Нандин 1977 онд мэндэлжээ. Тэрбээр С.Баярт аав гэж дуудуулах эрх олгосон хүн.

Баримт 2. Б.Нандин нь Монгол Улсад төрөөгүй бөгөөд алсын АНУ-ын Нью-Йорк хотод мэндэлж, өссөн нэгэн.

Баримт 3. Тус улсад төрж, өссөн тэрбээр иргэншил нь ч Монгол Улсад харьяалалгүй аж. Өөрөөр хэлбэл, хөрст дэлхийд хүн болж ирсэн цагаасаа хойш 18 жилийн дараа АНУ-ын харьяалалтай болжээ.

Баримт 4. Түүний нөхөр нь, АНУ-д Феррари машин борлуулдаг нэгэн гэж эх сурвалжийн мэдээлэл байдаг.

Баримт 5. С.Баярын охины талаар өмнө нь нэг их ярьдаггүй байсан. Гэтэл Ерөнхий сайд асан хүн Оюутолгойн гэрээг байгуулснаас хойш сайн аавынхаа буянаар хэвлэлийн од болж хувирсан юм.

Баримт 6. Өөрөөр хэлбэл, Оюутолгойн гэрээ байгуулагдан, С.Баярын бие гэнэт чилээрхэн, гадаадад эмчилгээ хийлгэж эхэлсэн тэр л цагаас элдэв асуудал өрнөсөн түүхтэй.

Баримт 7. "Panama Papers” оффшор дансны мэдээллийг задалсан нь саяхан. Монголтой холбоотой 40 гаруй хүний мэдээллийг харж болох. Үүн дотор С.Баярын охидуудын нэр байгаа нь харагддаг.

Баримт 8. Маш ойлгомжтой хэлбэл, АНУ-д хамаарах хоёр Монгол хүний нэр гарч ирсэн нь Баяр овогтой Нандин, Бадамханд нар. Тэд "Gold Wellen INC”-д хувьцаа эзэмшдэг бөгөөд тус компани нь Британийн Виржини аралд бүртгэлтэй юм байна.

Баримт 9. Ийнхүү Б.Нандин аавын далбаан дор, түүний хийсэн зүйлийн гол бай болж хувирсан түүхтэй. Мэдээж нэг үхрийн эвэр доргивол мянган үхрийнх доргино гэсэн монгол зүйрлэл бий. Эцгийн хийсэн үйлийн үр түүнд ирсэн нь энэ.

Баримт 10. Голомт гэх автортайгаар нийтлэгдсэн мэдээлэлд Б.Нандинг аав болох С.Баярын мөнгийг угаадаг нэгэн хэмээсэн байдаг. Үүнийг үгүйсгэсэн, худлаа гэх зүйл одоогоор байхгүй. Яагаад ч юм хариу цохилт хийгээгүй өдийг хүрсэн.

Баримт 11. Мэдээлснийг товчхон авч үзвэл "С.Баяр авилгаар авсан байрнуудаа бүгдийг нь АНУ-ын иргэн Б.Нандингаар дамжуулан худалдаж авсан байдаг юм. Ийм маягаар худалдах борлуулах зарчмаар мөнгө угаадаг байж болзошгүй” хэмээн дурджээ.

Баримт 12. УИХ-ын гишүүн Б.Пүрэвдорж оффшорт данстай нэр бүхий 10 гаруй хүнийг шалгах чиглэлийг Засгийн газарт өгөх УИХ-ын тогтоолын төслийг санаачлан өргөн мэдүүлсэн. Түүнд С.Баярын гурван охины нэр орсон байдаг. Тодруулбал, С.Баярын том охин Б.Нандин, дунд охин Б.Бадамханд, бага охин Б.Хонгор нарынх нь оффшор бүс дэх дансанд байгаа мөнгө "Эрдэнэт үйлдвэр” ХХК болон УБТЗ-аас баталгаа гаргасан 140 сая ам.доллартай холбогдож болзошгүй. Оффшор бүсэд Б.Нандин хоёр, Б.Бадамханд дөрөв, Б.Хонгор нэг данстай гэх мэдээлэл цахим ертөнцөд бий.

Баримт 13. Оюутолгойн гэрээнээс ихээхэн хэмжээний авлига авсан гэж С.Баярыг харддаг. Авлигын мөнгөө алсын АНУ-д эргэлдүүлж, хуучин, шинэ эхнэр, охидоо эрхлүүлсэн гэх зүйл ч ам дамжин яригдсаар байгаа.

Баримт 14. Олон нийтийн анхааралд өртдөггүй С.Баярын гэр бүл, охид ийнхүү хар муугаар олны танил болсон. Үүнд Оюутолгойн гэрээг толгойгоороо хариуцна хэмээн ам өчиг өгсөн С.Баяр гуай буруутай.

Баримт 15. Үндсэндээ америкт долоон хаустай гэж баримт дэлгэгдсэн. Гэхдээ үүнээс гадна өөр зүйл ч байх боломжтой хэмээн тухайн үед УИХ-ын гишүүн асан Г.Уянга мэдээллэж байсан билээ.

Баримт 16. Хаусны талаархи мэдээлэлд "С.Баярын анхны эхнэр О.Гэрэлтуяа, анхны эхнэрээс төрсөн охин Б.Нандин, Б.Хонгор, Б.Бадамханд, удаах эхнэр Э.Сувд нарын нэр дээр АНУ-ын хэд хэдэн хотод дээд зэрэглэлийн, өндөр үнэ бүхий хувийн орон сууц худалдан авсан. Дээрх байшингуудын нийт өртөг нь 11 сая ам.доллар буюу одоогийн ханшаар 21 тэрбум төгрөг” хэмээн дурдаж байсан юм.

Баримт 17. Харин одоогийн мөнгөн дүнд шилжүүлбэл худалч хүний үгээр бол хоёр дахин өртөгтэй болж таарна.

Баримт 18. Ямартай ч аавынхаа буянаар чамгүй их хэмжээний хөрөнгө, хаустай болсон тухай хардлага одоо ч явдаг. Гэхдээ бодит байдал дээр хөрөнгө бэл бэнчингийн талаархи асуудал огт яригддаггүй.

Баримт 19. Б.Нандингийн хувьд АНУ-д боловсрол эзэмшсэн, хүмүүжсэн учир өндөр дээд хэмжээний боловсролтой нь ойлгомжтой. Энэ талаархи мэдээлэл ч тун хомс. Зөвхөн түүнийг америк иргэншилтэй, сурч хүмүүжсэн гэхээс өөр зүйл огт байхгүй.

Баримт 20. Дэлхийд гайхагдах томоохон ордын асуудлаар чамгүй олон жил маргаж байгаа ч өнөө хэр нь нэг тийш болоогүй яваа. С.Баярын охидын оффшор дансны тухай лавлах, байцаах боломжгүй. Учир нь, АНУ-ын иргэншилтэй.

Баримт 21. Магадгүй энэ хэргээр байцаалт авах хүсэлт гаргавал АНУ-ын тал зөвшөөрөхгүй нь тодорхой. Яагаад гэвэл иргэнийхээ эрх ашгийг хэзээд хамгаалдаг улс.

Баримт 22. С.Баярын гэх тодотголтой асуудлыг АТГ, цагдаагийнхан шалгасан ч үр дүнд хүрээгүй. Зөвхөн охидоороо дамжуулан сая доллар угаасан гэх хий хоосон хардлага л дагуулсан хэвээр байгаа. Б.Нандингийн нэр дээр байх хаус оффшор ямар замаар хэрхэн очсон нь ч бүрхэг.

Баримт 23. Уг хэрэг эцэслэн шийдэгдэх ганцхан боломж байгаа. Тэр нь, Б.Нандин болон дүү нараас мэдүүлэг авах, шалгах. Гэвч энэ нь хэзээ ч бүтэхгүй мөрөөдөл.

Баримт 24. Эцэст нь хэлэхэд, С.Баяр монголын ард түмэнд маш том өртэй, гай тарьсан хүнээр цоллогдсон. Тэгвэл түүний балаг охидынх нь нэр хүндийг ч сэвтээлээ. Магадгүй оффшор, Оюутолгой, хаусны асуудлууд мөнхөд охидынх нь нэртэй холбогдож, харлуулсан хэвээр байх нь.

Эх сурвалж: Foxnews.mn

Линк: http://foxnews.mn/4592.html

More 413 0

Category: Онцлох / Шар мэдээ