Хөдөлмөрийн хөлсний доод хэмжээг ирэх оны нэгдүгээр сарын 1-нээс 320 мянган төгрөг болгон нэмэгдүүлэх шийдвэр гаргасантай холбоотойгоор торгуулийн хэмжээ ч нэмэгдэх нь. Замын хөдөлгөөний аюулгүй байдлын тухай хуульд дүрэм зөрчсөн жолооч нарыг хөдөлмөрийн хөлсний доод хэмжээ болон түүнтэй тэнцэх хэмжээний хувьтай тэнцэх төгрөгөөр торгох торгуулийн хэмжээг тогтоож өгсөн байдаг. Тодруулбал, хөдөлмөрийн хөлсний доод хэмжээ ихсэх тусам торгуулийн мөнгөн дүн нэмэгдэх юм.

Согтуугаар тээврийн хэрэгсэл жолоодсон, эсхүл ундаа, мансууруулах бодис, сэтгэцэд нөлөөлөх эм, бэлдмэл хэрэглэсэн эсэхийг зохих журмын дагуу шалгуулахаас зайлсхийсэн этгээд тээврийн хэрэгсэл жолоодсон бол хөдөлмөрийн хөлсний доод хэмжээг хоёр дахин нэмэгдүүлсэнтэй тэнцэх буюу 640 мянган төгрөгөөр торгож, жолоодох эрхийг зургаан сараас хоёр жил хүртэл хугацаагаар хасна. Түүнчлэн согтууруулах ундаа, мансууруулах бодис, сэтгэцэд нөлөөлөх эм, бэлдмэл хэрэглэсэн этгээдэд тээврийн хэрэгслийн жолоог шилжүүлсэн бол хөдөлмөрийн хөлсний доод хэмжээний тавин хувь буюу 16 мянган төгрөгөөр торгоно гэж заажээ.