Букингемын ордонд засвар хийх шаардлагатай болжээ. Энэ шалтгаанаар Их Британийн Хатан хаан II Елизавета түүнийг орхих хэрэгтэй болно. Гэхдээ ийм зүйл 2025 онд болох гэнэ шүү. Ордны засварын ажил аль өнгөрсөн жил эхэлсэн бөгөөд 2027 он хүртэл үргэлжлэх төлөвтэй байна. 

Засварчид өдгөө 92 настай Хатан хааны тав тухыг аль болох алдагдуулахыг хичээн ажиллаж байгаа аж. Хатан хаан долоон жилийн дараа ордноо орхих хэрэгтэй гэх мэдээг тун тайван хүлээж авчээ. Урсгал засварыг Хатан хааны эр нөхөр, Эдинбургийн ханхүү Филипп удирдаж байгаа аж. 

Мэргэжилтнүүд ордны сантехник болон цахилгааны утсыг бүрэн шинэчлэх юм. Эдгээрийг 1920-иод оноос хойш солиогүй гэнэ. Одоогоор цахилгааны гурван километр урт утсыг сольжээ. Ордны зүүн жигүүрийг засварлах ажил ид өрнөж байна. Тэнд Хатан хааны гэр бүлийн гишүүд гарч ирдэг алдарт тагт байдаг билээ. 

Засвар хийгдэх үеэр урлагийн олон мянган ховор үзмэрүүдийг найдвартай хадгалах газрыг хайх нь тодорхой. Эдгээрийн дотор уран зургууд, ховор шаазан хэрэглэл, алт мөнгөн эдлэлүүд, эртний тавилга, цаг зэрэг багтана.