Завхан аймгийн Алдархаан сумын ирвэс нутагладаг газруудад камер суурилуулаад хоёр гаруй болж байна. Есдүгээр сард камерт 30 гаруй дүрс зураг хадгалагдсаныг судалгааны баг авчээ. Эдгээр гэрэл зураг болон дүрс бичлэг нь ирвэс судлах, тэдний тоо толгойг тоолох, хамгаалахад тус болох судалгааны чухал баримтууд юм. Камеруудыг Ирвэс хамгаалах сан, АНУ-ын ирвэс судлалын төвтэй хамтран суурилуулж ажиглалт судалгаа, мониторингийн ажлыг хийж байгаа юм.

Алдархаан сумын Худаг Улаан, Улаан хайрхан, Хөх ам зэрэг газарт 11 автомат камер байдаг ба энэ жилийн судалгаагаар Алдархаан суманд 56 тооны ирвэс бий хэмээн аймгийн БОАЖГ-аас мэдээлсэн байна.