Нийслэлийн Баянзүрх дүүргийн нутаг дэвсгэр дэх Баянмонгол хороололд цагдаагийн хурандаа нар хоорондоо зодолдож, нэгнээ гэмтээсэн хэрэг 12-13-нд шилжих шөнө гарсан. Хэрэг гардаг шөнө ЦЕГ-ын Дотоод хяналт шалгалтын хэлтсийн хурандаа н.Ариунбат, Нийслэлийн цагдаагийн газрын Хэв журмын хэлтсийн дэд хурандаа н.Отгонжаргал нар хувийн таарамжгүй харилцаанаас согтуурсан үедээ зодолдож, нэгнээ гэмтээсэн юм. Хэргийг Баянзүрх дүүргийн Цагдаагийн нэгдүгээр хэлтэст шалгаж байгаа бөгөөд энэ талаар ЦЕГ-ын дарга, хурандаа С.Баатаржав “Зодоон хийсэн хурандаа нарт хариуцлага тооцно. Өнөөдөр тушаалыг нь гаргана. Ажлаас нь чөлөөлнө” гэж мэдээллээ.